名門私房菜

营业中

休息中

無需等位，因為朋友已訂座！我們一行四大一小孩，order了應該全場最貴嘅套餐，$1988/位(兩位起)嘅鮑參翅餐，另紅酒两支加招牌菜煎(讓)鯪魚,連加一，埋單$1萬1千蚊！餐包括：兩頭鮑魚，咸！魚翅都ok,不過，不及澳門陶陶居。海蔘裡面的蝦膠無味！蝦沙律，醬太油！班片炒西蘭花，班片有雪藏味！椰汁燕窩，有椰香但無味，燕窩亦唔滑！唉！浪費上等食材！唯一似樣嘅係煎魚，做左基本嘅！我去消費2000蚊一個餐，都係想試下你們私房菜嘅㕑藝，點知，極失望。因為浪費了鮑蔘翅燕窩！

Farewell 同事所以係度BOOK左食LUNCH一人一個餸~1.三色蒸水蛋~有皮蛋咸蛋&雞蛋~蛋好滑,3種蛋又夾2.咕嚕肉酸酸甜甜,但又不太肥~3.豆付~我的至愛,有6份~超好味~豆付滑又冇渣,加分4.滑蛋蝦仁蝦多過蛋真係超多蝦味道普普通通我覺得蛋多D好D...5.蕃茄豬肉多汁,豬肉大大塊蕃茄甜甜地,幾開胃6.清湯腩煲湯真係好清,但都夠味都幾鐘意~7.芥菜煲正,熱辣辣又爽口8.什菌有好多種菌,我都唔知係咩,不過都幾好味,9.魚香茄子超濃味,正不過最後先上,食唔晒...每位包湯,飯,菜,甜品$88 冇茶介冇加一真係太太抵小小建議碟上份量少D煲上份量多D,而且熱辣辣~

我姊姊在網上團購BOOK好8人餐，連加一盛惠＄1200。我們準時星期日晚6點到，被安排到角落大桌，已知到對正男廁並有點怪味。馬上去完男廁就知真係好臭並要求換位，因為我們早，並對開兩張根本冇人，但三個火記都話吾可以換，就說了類似我地早人地遲的東西，根本冇誠意，，後來話因為未開空調，好，算。然後不須點餸，齐人後很快送來以下餸菜：1）蟲草花炖雞 ﹣ 正如其名，OK味道。2）一口鮑魚 ﹣ 就係比5蚊銀大少少的鮑魚放在豆付上，問題不大，味道OK。3）鬼馬咕LO肉 ﹣ 看似大碟，但實際上混上不少跟肉塊同等大小的油炸鬼！豬肉件件都是100﹪肥豬高而吾係豬肉。受騙一小例。4）豉油王煎大虾 ﹣ 冇味！5）大良炸鮮奶 ﹣ 是道菜確實係全晚最好食，更比很多其他順德菜館造得好。但只有食指大小，一人一件。6）污漕雞 ﹣ 味道奇怪，不易接受，並非常油利，但最大問題是他們差不多給我們上了一道雞骨，我懷疑腿及胸等是被慣性收起。受騙一大例。7）杞子浸時蔬 ﹣ 是白菜仔，OK，好難出錯。8）NOR米飯 ﹣ 味道還可，但最大問題係米全是普通白米，沒有應有的口感。受騙另一大例。9）杏仁茶 ﹣ 味道夠濃，有旦白，不錯。可能今時

九月上旬‧有雨面對一大窩熱騰騰的芋頭炆五花腩，你需要的只是一碗（甚至兩碗！）白飯。而正確對待五花腩的方法就是挑一件半肥也帶點瘦肉的（其實件件也是），趁熱也趁其掛滿醬汁時一口吃下。那股油脂在口中爆發時的甘香，是小口小口吃不能嚐的美味。是的，我其實不宜多吃五花腩，但為確保飯局是在高質素，唯有捨身成仁，吃了兩件…

有時單憑菜系的風格味道，已略知當地的風土民情，以順德為例，這有名的漁米之鄉，雖然不屬沿海區域，所吃的河鮮還是以新鮮為上，配合優質米糧，明顯已知道屬山清水秀之地，加上烹調風格粗中有細，於物產富庶之餘，亦顯示民間有所閒情鑽研廚藝。近日與順德菜也有點緣份，繼月中家父的壽宴之後，同時間亦參與了食友所辦的私房飯局，依時到達指定的地埗，原來是位於灣仔道的一幢商廈，上到二樓之後，知道是以會所形式經營，所謂外出靠朋友，借著會員食友相助，個人才有機會得以大飽口福及眼界。提起私房菜，記得約十年之前，本港曾興起一股熱潮，始於一眾烹飪個體戶，每晚供應筵席數圍，扣除食材及燈油火蠟之後，亦可賺得穩定利潤，打後跟風者絡驛不絕，後經多年汰弱溜強之後，這聲勢已是不復當年，總算留下一批倖存者。以這裡為例，午市亦會供應自選套餐，總算開拓多一條商機。合共十二道的出品的菜單，內裡包括飛禽走畜、游魚水產、以及各式農家土產，大多數都能代表到順德菜的精粹，只是個人還是有點挑剔，於內裡找不到飯後甜品這項目，總覺若有所失。當晚的頭炮，就由一盅老火湯開始，其實參與多頓飯局之下，自家舌頭已不知不覺被「寵壞」，因為喝到的多屬濃味下火之物，今次

是夜有幸,來到24/9將有大型飯局的名門試菜,謝謝飯局主理人,讓我們偷步一嘗這店,而這夜吃的會否出現在飯局相信就要留待到時才分曉了!事前其實沒有來過這個地方用膳,不過聞說是一哥的其中一名徒弟所開的!在此也令我對這頓晚飯有所期待!因為工作關係我8時多才到,故到達時這頓飯的前菜涼拌海蜇已經上桌!基本上咬下去海蜇是做得很爽口的,加上調味不算太重,本來是做的不錯,奇怪的是一碟涼拌前菜吃下去不冷的,這樣子準備冷盤好像有點令人失望呢!吃過前菜就送上一碟湯料,基本上是一大碟排得好美觀的湯料!有豬橫利,豬粉腸以及葛等!隨即再有一個小沙煲的老火湯,湯的火路十足,沒有下味精,雖然主理人公子著我們吃的都要淺嘗(因為我們3個人要吃過8-10人份),但這味湯,飲完一碗我再追加了碗呢!煎釀三色4季豆也是一道很花功夫的菜式,三色就是鯪魚膠,蝦膠和墨魚膠3種,其中墨魚膠做得很有彈性, 鯪魚膠的魚味也夠重,蝦膠也同樣做得美味,不過最得我心是墨魚膠!這個加上獻汁是道好下飯的菜,不過,少一點獻汁或是分開另上應該會更好!順德焗魚腸砵是這個晚上的一個驚喜!星期2吃過灣仔兜記的焗魚腸後,這個晚上的焗魚腸有個很大的對比!第一,這裡

黎緊今個月尾將會有名門既飯局，有幸獲食友邀請黎呢度試菜名門位於灣仔，已有超過10年既歷史，路線係主打偏貴價既樓上私房菜雖然沒有一個很亮麗既門面，但一打開𨋢門就見到一個字體寫得剛勁有力，很有氣勢既招牌店內裝修佈置都很優雅，是晚被安排坐係房中既一張小圓檯既其中一席位上每次同友人出去用膳總係做發板既一角，同飲食專家吃飯，就乖乖坐係座位中等吃好了，亦挺有神秘感的，也不錯呢海蜇冷盤: 這是一道開胃菜, 海蜇比一般酒家做既要爽身, 也是一道不錯的涼拌小菜, 但奇怪的是食的時候海蜇是室溫的, 而不是清涼的, 令這道菜式稍為失色。店員捧黎一碟有很多食材很豐富既菜式，有大腸，豬橫脷，豬腳，只論食物既排列已非常講究後黎店員捧黎一個小黑色砂鍋才恍然大悟剛才既一碟只係湯渣而,湯明顯是沒有加味精, 香濃撲鼻, 十分足料, 很鮮甜, 不知不覺間喝了兩碗。順德焗魚腸, 魚腸即叫即做, 看來漲卜卜。溫馨提示: 喜愛拍照的人要趁食物上碟後馬上拍照, 否則便沒那麼好看。魚腸脆皮, 是這裡的招牌菜之一, 欣賞中間既部份, 做得很濕潤, 即使焗了後, 內裡的蛋也能保持嫩滑, 魚腸洗得很乾淨, 毫無腥味, 但稍嫌芫茜的份量比較

炒肚尖，肚尖作斜切，很薄很爽，除酸菜味外還有著濃郁豆豉香，火候與原材料皆有驚喜，薑片切成薄片，香而不辛，燈籠椒清脆利落，雖然個人比較喜歡國金李師傅將肚尖切粒，如鴿鬆般的手工版作法，但以$64／半分來說，家常版的炒肚尖，處理認真也吃得滿意。

有一排冇去名門食飯,聽聞佢地新出左個盤菜,一直都想搵個機會試下。除夕夜唔想出去同人逼，於是即刻約埋班friend去試下因為一早book定，所以有間房，真係名副其實既私房棻~~~~ hehe~冇叫到我既favorite--- 陳皮骨&南乳焗蠔，因為個盤菜好似好大份，費事食唔晒浪費啦~首先黎過炸蓮藕餅，兩大片蓮藕夾住Ｄ豬肉，外脆內軟，正!!!　之後有個炸鯪魚，雖然本人對鯪魚冇咩興趣，不過當加埋個盤菜汁之後就即刻夾多舊落個碗度終於到主角出場喇!!! 大大個盤菜上枱，有蝦有鵝掌有花膠有蠔豉有菇有雞有肉.....多到list唔晒呀~~~ Ｄ花膠，蠔豉同菇食得出唔係普通料，特別一讚既係個蘿蔔同芋頭炆到好入味，雖然唔係Ｄ咩貴價野，不過只要新鮮，加埋個醬汁，都可以做得出色 最後叫左碗蛋白杏仁茶，真係要比十個讚佢，又香又滑，我媽咪之前都煮過比我食不過就煮得好稀，試過好多次都唔成功真係好想問下呢度個大廚究竟點樣煮到咁好食。唯一美中不足既係個桂花糕比較硬身，有待改進，我自己就鍾意加埋龍眼肉既桂花糕，清甜得黎又滋補雖然價錢唔大眾化，但係得閒豪下一兩次，換來回味無窮既美食都值得既

名門私房菜個名比人以為食物水準高，招呼好，係個高級食府，甚知.......團購以 $158 一位8 道菜，我們一行4人，當時晚上大約 8 點，店內一層有倆間房，一個 4 台大廳，環境清雅，好舒服。星期５竟然只得３台團購客，得一間房有客，冷清清，咁就估到咩事啦！當日外面好凍，只得大約 8-9 度，但室內就好焗，應該只有開空氣無開冷氣，我地一面食一面出汗，唯有叫個待應開冷氣，有個女待應就立刻去開，我就跟朋友講（都話無開冷氣架啦），我只係隨便講下，個女待應就好唔高興面黑咁駁我咀話（唔係唔開，只係怕人話凍o者)，呀？以咁既食府，咁既時世，用咁既太態度？　我都廢事彩佢。滋補牛肝茵虫草花燉雞湯，味濃香，跟上所有湯渣，唔錯。好既開頭作為第一道菜，唸住其他既都會好好味......鮑汁柚皮扣鵝掌，柚皮太淋，好難食；鵝掌唔錯，味道普通。砵酒焗原隻美國桶蠔，味過濃，太鹹，菜汁太杰，蠔完全無味所有菜都分好一人一碟，當待應放上一碟菜，我就問，是否４人食，佢就話（係呀，每人倆條），嘩！菜好貴呀，每人只得倆條......講出來好核突o者，重好意思大聲話比人聽　鮮蝦荷葉飯，我搵唔到蝦，只有有味飯，重係淡味果隻，而且無

灣仔真係有好多食肆，私房菜更加特別多，要數其中比較出名的，名門都可算是一份子，老闆是阿一的徒弟。不過可以肯定的是鮑魚正是這裡的招牌菜，但係平常午餐又點會可能叫鮑魚做餸呢，所以都係叫番懷舊的順德菜合我們意。 平日午市自選套餐係一個好抵食的套餐，沒有加一，已有老火靚湯、自選小菜、時蔬、白飯及糖水，一個人食都絕對飽肚。今日同一大班同事去食，大家都各自從四十多款菜式中揀選自己喜歡的食物，加加埋埋都有十二味菜，十分開心。 然而每次到來，有幾款是指定菜式，以名門秘制骨為首選。可謂秘制骨，即是陳皮骨，未放入口，已可聞到陳皮的清香，咬落肉質十分嫩滑多汁，外層鬆脆，食後有股甘味在口內迴旋，真的十分滋味。另一道招牌菜必定是順德焗魚腸或者雞蛋煎魚腸，無論何種煮法，皆非常美味。這味的重點是絕不能腥，魚腸及魚潤也清洗的十分乾淨，果然一點腥味也沒有。兩者之中，焗魚腸有脆口的表層，很香口。但煎魚腸也有它的優點，沒有那麼熱氣，而且有點像煎蠔餅般，兩者味道差不多，但口感上卻有極大差異。 蒸豬肉餅大家就食得多，但蒸牛肉餅則不是隨處可食。這味欖角陳皮蒸牛肉餅，在中醫角度內是有食療作用，補血補氣之用，而在我們眼裡則是一味非常

喺灣仔返左咁耐工都未聽過依間私房菜；日日行過佢棟大廈都唔知入面有野食，真係失禮。上網調查先知原來名門個大廚胡師傅係阿一個徒弟（原來大廈門口真係有個印有胡師傅個樣既易拉架做宣傳架）；嘩，咁有來頭，唔洗問收費唔方平得去邊啦，好彩今次有人請。平時私房菜既地方好細，不過名門都算大，大廳放左五六張中型散枱都唔覺逼，入面重有間坐倒十四人既房。室內裝修雖然有少少老土，但總算光猛整潔。可能主人家係VIP啦，我地七個人已經可以坐房（唔知有冇最低消費呢？），而且當晚好多人招呼我地，不過唯一都係斟酒速度唔夠快。落單嗰位哥哥仔好落力地介紹不同既招牌菜，解釋佢地煮法好為食客健康著想，所以盡量少用油。而每道餸黎既時候，佢都會詳盡地講解下，以及聽取大家有咩意見，態度非常認真。總括黎講食物質素都幾參差，所以有讚有彈，而家等我續一報告下先：　薑蔥煎焗魚雲煲：第一讚，熱辣辣；第二讚，乾身唔油膩；第三讚，皮脆香口，送酒一流！　椒鹽田雞腿：雖然炸得好脆好乾身，但係因為粉太厚，唔係好食倒瘦小既田雞腿，就算椒鹽味道幾好都冇用，“口徒”功夫。我相信如果少四分三既粉會好正囉。　順德焗魚腸（$98）：招牌菜之一；上緊枱既時候重聽倒吱吱

朋友話這間私房菜好有水準, 所以趁聖誕同屋企人試下, 我哋一行六人, book咗位, 去到唔洗等(其實成晚都末試過滿座,都喺得三至四位圍), 我哋點咗一湯五餸,個白肺杏汁湯好好味,絕對無味精,但喺個玻璃蝦球份量太少,而且無咩特色,一般餐廳都吃到, 個海參鵝掌同埋個魚腩煲都好好味,雞同菜一般.伙紀服務OK,但埋單成$1700,以所吃啲餸來講,真喺貴咗d.

有朋友之前推介依間係灣仔既私房菜, 終於去左試下。我地一行9人,book 左間房,個度環境都幾ok, D service 又好。講下d野食先:前菜係溏心的皮蛋酸瓜, 超正,好醒胃,我本身唔係好食酸野,但係都覺得好味。冬瓜盅 - 水準之作, 飲唔到味精~~陳皮骨
 - 依個係心水推介, 唔酸, 又炸都脆, 肉又嫩, 必食呀!!西蘭花炒班球
 - 都唔錯蝦子扣柚皮
 - 我第一次食依個餸, 覺得個質感幾得意~煎焗雞
 - 煎得好香, D 肉都仲好juicy~~焗魚腸
 - 我好怕腥味, 如果唔係朋友想食本來都冇諗住叫, 點知依度整得一D 腥味都冇, 好彩有叫到咋~~南乳焗桶蠔
 - 另一心水推介, 夠惹味, 超正!!!腿茸蛋白浸時蔬
 - ok~名門炒飯 -good!!會再去食過~~~

曾聽聞這間私房菜出色但未嘗過, 食後的感覺是一間普通做順德菜的食肆, 菜式不算太特別和懷舊。 訂位後入座, 枱與枱之間不算太迫, 預先訂了銀杏豬肺湯、焗魚腸和名門炒飯, 另加荷葉蒸雞(半隻)、三椒炒蝦球和上湯芥菜。相比尖咀x好酒家, 覺得x好的銀杏豬肺湯稍勝一籌。 名門的湯也有銀杏味, 豬肺卻淡而無味, 不及x好的湯清香, 入口杏味依然濃郁。 焗魚腸、名門炒飯和半隻荷葉蒸雞水準不錯, 荷葉蒸雞味道一流, 而炒飯乾身不油和料十足。 焗魚腸好似過了火, 太燶了, 也加了很多芫茜。 向來不吃芫茜, 唯有選一些較少芫茜的魚腸來吃。不知是否名門要用芫茜去腥呢? 奇怪其他酒樓並沒有加芫茜。三椒炒蝦球一般, 最不好是上湯芥菜, 芥菜煮得未夠時間, 那些上湯根本沒味道, 似白開水。總之, 名門的上湯芥菜比小店做得還要差。整體水準是一半一半, 價錢就不便宜, 埋單要$12xx。 食過後未必會再來, 相信坊間有很多做順德菜的食肆也很出色。