名門私房菜

营业中

休息中

經常路過這條人流大的橫街都注意到這樓上食店的廣告牌，今天下午和太座终於找上樓。簡單而整齊的堂座，剛坐下例湯(花生眉豆雞腳)已經奉上，極有家中媽媽㷛湯的味道，實而不華。大良炸鮮奶作小食，外脆内軟，奶味十足。😋必食順德煎釀鯪魚是考工夫的手工菜，這廚房水平很好，魚肉煎得軟脆適度，芡汁濃淡中和，我的首選。👍👍蜜餞欖角骨甜口而帶欖角香味甚為討好。😋😋太座意尤未盡再試了欖角陳皮牛肉餅，牛肉好有陳皮甘味亦加了馬蹄更見爽口。👍👍附送的上湯浸青菜清甜可口每棵都是幼嫩菜薳，厨師應加分👏👏。蛋白杏仁茶杏仁味足蛋白軟滑手工抵讚。👍👍

家鄉小炒吃得多，街頭巷尾都有餐廳吃得到！ 明天放假 與老婆阿女到的這間主打家鄉菜的「名門私房菜」叫點小菜一家人慢慢品嚐，放輕鬆一下～ 這裡經典的家鄉小菜落足傳统功夫做！一點也不馬夫！真是吃過便知龍與鳳！ 地方又好坐！不少 矜貴套餐～足料老火燉湯杏汁燉白肺湯好鮮甜滋補潤喉！名門陳皮豬肋骨肉質非常鬆化，是因為处理功夫做到足所至！ 味道更出色，陳皮甘香，肉有似話梅味道但又沒有酸味甘甘甜的！釀金鑽黃金蝦爽口蝦肉很新鮮鹹蛋黄混和麥片香脆可口！蝦干魚肚大芥菜煲湯汁有蝦干的鮮甜，魚肚吸收了十分好味！大芥菜甘甘的味道中和了油膩感，口感很舒服！污糟鷄這個菜我在家鄉順德必吃的，家鄉條件好有走地新鮮鷄，好吃是當然的事！而今晚这個菜， 我覺得也不遑多讓！鷄肉嫩滑，調味和蒸的火候剛剛好，大頭菜，紅棗作配料，有荷香，主菜配料發揮都恰如其份融匯成一味好菜式！很享受的晚餐！欣賞師父廚藝精湛，對傳统功夫的堅持精神！稱得上真正的順德家鄉菜代表！

今晚，兩口子很想找間餐廳撑撑枱脚~ 曾聽朋友提過一間位於灣仔道"名門私房菜"主打家鄉菜式的非常了得！ 一於慕名找了上門……我們習慣早吃晚飯，晚上六時到達趁食客未到，參觀一下餐廳環境…… 雖然裝修有點舊，但燈光明亮整潔， 從牆身顏色 和一幅清雅的牡丹花掛畫還散發着昔日的高尚氣質，感覺很舒服。聽說以前不少高官，明星都愛來光顧……翻開看不盡的菜單~實在太多菜式，有商務，皇牌，招牌，尊貴，經典，人氣……等等。套餐組合，不少名貴菜式和馳名家鄉小菜，燉湯，老火湯也不少選擇。豐儉由人！真不簡單的''名門私房菜"！杏汁燉白肺湯 $ 98呈奶白色的湯水鮮甜濃郁，充滿杏香，用料足火候夠！釀鑽黃金蝦 $88 /件造型非常吸引！大大隻的蝦身扭成球型，面層鋪滿金黃色的咸蛋黃和麥皮，又香又脆蝦肉爽口彈牙！口感特別豐富！與一般的黃金蝦做法大不同！順德污糟鷄 $ 278/半隻半隻份量非常多，菜名叫污糟鷄可能有黑椒一點點黑色吧？！用了銅盆盛載，很有特色！味道調得相當好，配料簡單得來吃到鷄肉的鮮甜，餸白飯很滋味！看~肉質非常嫩滑！吃得飽飽的！想再點菜也吃不下了！唯有留待下次再來品嚐其他菜式~最後……餐廳送上~

適逢朋友生日，就相約一起試試這間順德私房菜－名門，還好訂位時問了那些菜要預定，原來好幾種功序繁複的菜都要預定。預定了杏汁燉白肺湯，是我最愛的滋補潤肺燉湯之選，入口幼滑，杏仁味濃郁，完全沒有豬肺的腥味。飲完湯，先食個冷盤-冰鎮鮑魚。大大隻鮑魚經過醃製，入口爽彈鮮味，蘸少許特製芥末醬油已經完全吊出鮑魚的味道。黃金蝦多士，原本以為是普通蝦多士加上鹹蛋黃，一上桌見到足足成吋厚的蝦膠，上面鋪上黃金色的鹹蛋黃，賣相精美，令我胃口大開，是邪惡的代表作。一口咬下去，蝦膠外脆內軟又滑，內裏還有一隻鮮蝦，驚喜! 再配上鹹蛋的味道，剛剛好! 順德名菜-煎釀鯪魚，這個菜是順德菜的經典，一定要訂！雖然鯪魚價錢不如海鮮斑魚之類高，但經過順德師傅的巧手，以驚人的刀工和手工來起肉拆骨，充份體現出順德菜「粗菜精做」的精神。跟我食過的煎釀鯪魚不同，沒有很重是陳皮味，臘肉也不多，但就多了鯪魚的鮮味，皮香肉滑，值得一試。砵酒汁洋蔥煎雞扒，砵酒和雞扒這個配搭第一次試，出奇地夾。洋蔥煮得剛剛好，唔會有生澀味，又唔太軟，雞扒肉嫩滑，不錯。每次見到啫啫菜煲，我都一定會點，熱辣辣，夠鑊氣。今次試試麵醬啫啫唐生菜煲，果然唔會失望，唐生菜

肺炎未爆發之前間唔時都會同朋友報名美食團，我哋最常去嘅係順德同東莞，因為真係好多又平又好食嘅美食仲有唔少出色嘅私房菜！同事介紹話灣仔呢間名門私房菜嘅順德美菜好出色，即刻約好姊妹一齊試下！杏汁燉白肺湯：因為豬肺清洗步驟好繁複，所以好少會喺屋煲！餐廳將豬肺處理得好好，完全無騷臭味！杏汁香濃幼滑，好適合而家涼涼地嘅天氣飲，入口感覺好滋潤！名門秘製陳皮骨：一字排帶有少少肥膏，外層炸到香脆肉質嫩滑又帶油香！每啖都食到淡淡嘅陳皮清香，陳皮嘅甘甜令到肉排減少油膩感😋順德煎釀鯪魚：餐廳將魚肉同魚骨起出淨係留低魚頭、魚皮同魚尾，再將剁碎咗同調咗味嘅魚肉釀番入魚身，絕對考功夫！魚皮煎到香脆，魚肉嫩滑又有鮮味！比起我喺順德食過嘅更加出色👍🏻鑲鑽黃金蝦：蝦肉勁大隻成隻手板咁大，而且蝦頭仲有好多蝦膏！外層有滿滿嘅鹹蛋黃碎同麥皮，好惹味好邪惡呀😍XO醬蝦乾肉鬆啫啫西蘭花煲：原煲上枱熱辣辣，XO醬同蝦乾有鮮味，西蘭花青綠爽脆，惹味又帶少少微辣，送飯一流！

星期六的午餐，朋友在灣仔工作，約我到名門私房菜, 有試過食私房菜, 但午餐都係第一次。朋友工作關係, 放工嘅時間已經過了繁忙時段, 所以一上到去, 食客已經不太多, 但我反而覺得這環境正好讓我和朋友可以細嚼, 詳談。午餐以套餐為主:是日例湯, 自選主菜($118/$148/$168), 炒青菜, 甜品因為有d餓，所以先叫了一個涼伴海蜇青瓜，爽、脆，係我最喜歡的前菜😍😍先講是日老火湯，係好耐冇飲嘅粉葛豬骨赤小豆湯，個湯上枱時仲以為係紅豆沙，好真材實料，而且飲得出完全冇落味精，有在家中飲湯的味道😂😂我哋分別點了，北菇魚肚蒸滑雞，嘩！係一大碟滿滿北菇、魚肚同雞！樣樣食材都好入味，其實就咁一碟餸都可以餸到兩碗飯架😅😅跟住就梗係叫個順德煎釀鯪魚，順德名菜喎👍🏻係心機菜，鯪魚原條上，外脆脆，內裏全部都係鯪魚肉，重點係⋯⋯冇骨，可以大啖大啖食！邊食邊傾計都唔怕👏🏻👏🏻最後仲送埋個足料腐竹白果薏米糖水，即使食到好飽都要食，廚師絕不馬虎！抵讚！未食過的就要去試吓！因為試過的，都一定會再去😋😋

相約友人食餐好，於時提議去吃私房菜，經朋友介紹就來到這一家。杏汁白肺湯工序繁複既湯，一定唔會自己煲，侍應仲放左碟豉油，方便我點食埋湯入而既肺周瘦肉。成個湯完全見到係白色，唔會飲到腥怪味，代表豬肺洗得乾淨。飲到濃濃的杏汁，啖啖清香，滋補養顏。陳皮豬肋骨一吃落去，好香，好重陳皮香味，啖啖香氣。肉好林，一咬就咬得開，帶帶一點點酸甜味，唔會感覺太油膩。順德煎鯪魚唔鐘意食魚有骨，這個餸菜完全適合我，啖啖肉，肉有起膠結實既口感，手工菜式。鑲鑽黃金蝦估唔到隻蝦成隻手掌咁大隻，炸到又香又脆，蝦頭又有蝦膏，蝦肉爽口彈牙。啫啫蝦乾肉碎西蘭花好有鑊氣感覺， xo醬及蝦乾為餸菜層添香氣層次。蕃薯糖水糖水唔會好甜，剛剛好，懷舊感十足。

朋友住灣仔，佢推介名門私房菜，今晚就同佢一試。冰鎮鮑魚鮑魚水潤有光澤，肉質彈牙，鮑魚本身經過醃製，使鮮味更突出。如果想濃味點，可配餐廳自家調製嘅芥末燒汁醬，芥末味並不是很濃，不吃辣的朋友也可試試，味道亦有驚喜。醬爆黃金蝦多士流沙蛋黃鋪滿了蝦多士上，蝦🦐餅被炸至金黃，內藏原隻彈牙鮮蝦，滿滿蛋黃香，食落帶鹹香，整體亦不會過鹹。配上酸酸甜甜的醬汁，非常醒胃亦去膩。焗魚腸這道菜式坊間比較少有，熱辣辣新鮮焗起，有芫荽，雞蛋，麵粉漿，魚腸味道帶甘，蛋香撲鼻。陳皮肋骨有六大件，肋骨上鋪滿陳皮調味料，再經過油炸，火候剛好，亦能保持肉汁，不會太乾身，食落肉質爽脆，可以一試。麵醬啫啫唐生菜端上的時候還發出啫啫聲，生菜新鮮爽脆，配上惹味的麵醬，調味剛好又不會太鹹。薑汁番薯糖水番薯糖水很足料，番薯🍠煮至林身入味，糖水薑味濃郁，為這餐畫上圓滿句號。服務員親切，亦會主動收碟，值得一讚。

整體格調都舒適乾淨，台與台之間有足夠空間，安靜環境十分適合閒聊或商談～冰鎮鮑魚（燒汁芥末醬）招牌頭盤鮑魚，質感清爽厚肉，長時間浸了醬汁所以無比入味～蘸上特制芥末醬汁簡直神來之筆～醬爆黃金蝦多士蝦肉超彈牙，上面有黃金蛋黃，配上甜酸特制醬汁，吃得超滋味～焗魚腸好久無吃過了，現在已經很難找到這款菜式，魚腸跟蛋的質感相似，味道互相配合，熱騰騰滋滋聲很吸引～陳皮骨連骨的肉特別爽口彈牙，很入味，沒有過乾仍然很有肉汁啫啫生菜煲生菜爽脆，啫啫煲煮法很美味～蕃薯糖水蕃薯夠腍甜，薑味很重，出色！

午市套餐菜式選擇多。菜式沒有加味精，可以食到真實味道，健康美味。點了幾款著名順德菜式，味道很不錯。午餐套餐選擇多。除了主菜外，還包了湯，飯，青菜，甜品。先飲碗足料老火湯。 點了一開胃小食，皮蛋酸薑。酸薑自家醃製，脆身帶甜味。配流心皮蛋。 加了一份大良炸鮮奶。炸到金黃色，外脆內軟。奶炒到半凝固，奶香醇厚，白雪雪軟綿。要襯熱食。 順德煎釀鯪魚。著名順德菜，好考師傅功夫。鯪魚漲卜卜，用料足。煎香外皮，鯪魚肉釀滿整條魚，做出不同口感層次。鯪魚肉沒有骨，每件都啖啖魚肉，味道鮮美。 砵酒洋蔥煎雞扒。上菜香味十足，味濃而不鹹，美味非常。酒香，雞扒件滑嫩。能炒出洋蔥甜味，伴飯一流。甜品轉了生磨蛋白杏仁茶。每口都是濃濃的杏仁茶味。用料足，很滋潤。

每年生日都是吃西餐慶祝，今年破例一下回歸原點，吃傳統家鄉菜，而這家灣仔的順德私房菜館故然是不二之選，從推陳出新的菜式就可看得出店家的匠心。鰂魚片煎蛋白第一道菜看似簡約卻絕不簡單，大廚將多骨的鰂魚極花工夫地起肉，加上大量蔥花帶來的爽脆口感和細滑的蛋白，淡淡的魚香隨著每一下咀嚼除除滲出，逗留口腔良久不散。家鄉蝦醬炸雞（半隻）同樣考究的一道，師傅貼心地將雞件去骨，再以自家調配的蝦醬醃製，簿簿一層的炸漿與雞皮融為一體，而適度的火路控制亦使肉汁完好封存，每一口啖啖肉，嫩滑Juicy，送飯佳品。順德焗魚腸（例）又是地地道道的順德菜，魚腸去掉黃衣和脂肪後，以醋醃去腥，再加上油條、雞蛋、欖角、芫荽而成，做法繁複，非常考心機，還是交由師傅來吧。吃起來甘香滋味，魚腸的油潤香甜與細滑的焗蛋相當搭調。名門蝦乾瑤柱蠔仔泡飯足料的湯頭加上個頭十足的蠔仔，配上方魚、肉碎、蝦乾、唐芹等配料，帶來豐富多變的口感。鮮嫩滑溜的蠔仔一如既往的沒帶半點腥味，而煞足時間的湯頭鮮甜濃郁，多種食材的精華滲進軟熟而顆粒分明的米飯，柔軟綿滑的質感帶來極致的味覺享受。大良鮮奶凍最後是自家製的奶凍，滑溜得近乎入口即化，細嚼之下卻綿密細膩，質

唔好以為我唔食中餐，其實我都鍾意食中餐㗎。只不過好少特登出去食，但今日去咗灣仔依家食中餐就覺得好懷舊同埋啲嘢食超級高質，所以就介紹俾大家。叫咗舖頭推介嘅陳皮豬肋骨同埋蝦子柚皮，仲叫咗炸鮮奶同埋炸蓮藕餅。陳皮豬肋骨超香陳皮味，而且葉得好入味，豬肋骨又好林，豬肉味配埋陳皮味簡直係超級夾呀，應該係一味係出面大家好少可以食到嘅傳統中菜。蝦子柚皮同樣，蝦子油皮又係買少見少，唔係有錢就有得食。依家處理柚皮處理得極好，本身處理有皮嘅工序繁複，已經唔多人識做，但係依間嘅蝦子汁配埋油皮用黎撈飯就好正。炸鮮奶鮮奶嘅味好香，當甜品食一流，而且炸皮好脆，一啲都唔油膩。炸蓮藕餅佢係兩塊蓮藕夾埋啲肉炸出嚟嘅，亦都係比較少人咁樣做，同樣都係炸得一啲都唔油膩，仲好香添。最後想介紹埋蛋白杏仁茶，其實本身已經好飽，但見到加少少錢又有得食，所以就叫咗一碗試吓啦。食落去好香杏仁味，而且食到蛋白碎，糖水又唔會太甜，大家一定要嚟食下依間傳統中菜。

晚餐堂食上限變回4人後，當然立刻要約朋友出來聚首一堂，吃個痛快。脆炸素鵝一坐下來，歎完靚茶後，便立即吃個前菜，這道脆炸素鵝賣相吸引，炸至金黃色的脆皮非常香口。鰂魚片煎蛋白這道菜的做法可算是十分複雜，鰂魚片全部都要慢慢起骨，而且還要把蛋黃去掉，令它的質感香滑，魚肉與蛋白混合煎香後，味道層次豐富，香口鮮甜。鮑汁扣鵝掌，蝦子生扣柚皮有吃開潮州菜的朋友想必也一定嚐過蝦子柚皮，口感軟綿綿但味道卻出奇地香濃，鮑汁味道調得適中，不會太濃或太淡。家鄉蝦醬炸雞（半隻）這碟炸雞不得了，遠遠已經飄來陣陣香氣，金黃色的炸雞一咬開竟然是濃郁的蝦醬味，令炸雞的層次更上一層樓。名門蝦乾瑤柱蠔仔泡飯這道菜更加是吃過後讚不絕口，用料上乘之餘，湯底亦很濃郁芳香，芫茜蝦乾瑤柱及蠔仔帶出鮮甜湯底味，泡飯的軟硬度亦恰到好處。

要說吃私房菜，名門一定是首先會想起的餐廳，其落足心思去煮的每一道菜都令人回味無窮。今晚趁晚市堂食重開後便約了朋友一起到名門再吃晚餐，一嚐餐廳的創新美味菜式。皮蛋酸薑開胃菜之一，是餐廳自家浸的酸薑，清脆爽甜，不太辣，皮蛋滑溜香濃，味道很配搭。鰂魚片煎蛋白這道菜背後的故事很動人，是老闆的爺爺專為不懂挑魚⻣的奶奶設計的，將鰂魚的魚⻣全部挑走，留下魚肉，再和芫茜，蛋白等撈在一起煎成餅狀，軟熟香滑，容易入口，魚香味濃郁，令人吃不停口。順德焗魚腸一端上檯已經香氣撲鼻，焗得香脆可口，蛋漿細膩香甜，芫茜的份量也頗多，魚腸一點也不腥，香濃美味，口感層次豐富，是很考廚師功夫的一道菜。名門蝦乾瑤柱蠔仔泡飯即叫即煮，湯底清甜無比，面鋪满乾瑤柱絲，用料名貴豐富，蠔仔飽满鮮甜，十分嫩滑，泡飯粒粒分明，香甜煙韌，芫茜的香味令鮮味更加突出。XO醬啫啫蝦乾肉碎西蘭花即叫即炒，熱辣辣，惹味香濃，帶有點點微辣，肉碎和蝦乾咸香美味，西蘭花爽脆清甜，炒得很入味。蝦子生扣柚皮 加鮑汁扣鵝掌新年的應節菜式之一，柚皮厚身嫩滑，已經炆得很鬆軟，細密軟綿，入口即溶，鮑汁惹味香濃。鵝掌有豐富的⻣膠原，軟稔彈牙，入味而不油膩。

皮蛋酸薑 皮蛋超香滑，原來個酸薑一啲都唔辣又唔酸㗎喎！杏汁白肺湯有好多白肺湯渣，杏仁味濃，好入味！冰鎮鮑魚夠大隻，口感軟腍，我覺得已經夠入味，就算唔點甜酸芥末汁都已經好OK麥皮黃金蝦唔係普通嘅黃金蝦，喺外層再加好多麥皮，食落唔會好油，脆脆嘅麥皮比健康麥皮更滋味，第一次咁鍾意食麥皮！連蝦頭入面都有好多膏煎金蠔外層加咗蜜糖煎至金黃色，好靚！蠔下面就放咗金絲蜜糖嘅蓮藕，脆脆甜甜豉油雞肉質滑溜同埋好有玫瑰露酒味，一定要叫碗飯嚟撈汁，唔好浪費！！！菜煲加咗麵醬及蒜頭爆香嘅一大煲菜，口感好爽脆，加埋麵醬及蒜頭一齊食，超級惹味！蛋白杏仁茶湯丸配桂花糕本身就咁食蛋白杏仁茶，不過既然係年宵，所以一定要加返兩粒湯丸先正確；桂花糕清甜而且桂花量夠多，非常滿足