名門私房菜

营业中

休息中

同一班朋友嚟到灣仔食飯慶祝生日。首先叫左個杏汁燉白肺湯，湯料豐富，杏仁味道濃郁，豬肺一啲都唔腥味，同友人差唔多食晒啲湯渣。荔芋乳鴿酥上的XO 醬自家制，食得出XO醬有雞肝，很特別。另外再叫左煲仔飯，很多料，有很多臘腸滑雞，煲仔飯一定要配上飯焦，飯粒粒粒分明。冰鎮鮑魚- 鮑魚很爽口順德煎鯪魚球 - 上菜時以為是一條魚，咬落口原來是鯪魚肉，肉質鮮甜，賣相滿分，誠意之作。蒸魚腸-粗材細作，平時蒸蛋就見得多，但係混合魚腸魚卵就好少見，有少少腥味但係配上魚卵，更有口感。家鄉梅菜炒菜心- 菜心超級鮮甜最後由大良鮮奶凍及南北杏蛋白杏仁茶作總結。

聽講呢間野好難book ， 適逢屋企人生日，就試下打電話黎book, 因為疫情關系, 竟然有位。 六點九左右來到 餐廳只有幾枱客， 坐得很闊落。首先來了個杏汁白肺燉花膠， 上咗渣先。豬肺勁甜， 白果大隻又綿。湯分完上台， 杏汁好甜，花膠好足。再來有個冰鎮鮑魚， 大大隻， 配個小辣的漿，夠爽口。荔芋乳鴿酥加自家製XO 漿， 要預訂， 秋天芋頭綿， 外面又香又酥又脆，乳鴿肉好香。臘味滑雞煲仔飯， 一開就香味四溢。 飯勁綿， 臘肉同臘腸嘅味吸晒。順德煎釀鯪魚， 有驚喜， 去咗骨，佢外皮脆， 入面是鯪魚肉，又滑又有口感。再來個魚腸蒸蛋，蛋戊面加魚卵， 再加上油炸鬼， ，有芫荽陳皮的味道， 味道有層次，十分豐富。最後個傳統家鄉梅菜炒菜心，甜甜的，好新鮮。 大良鮮奶凍， 杏仁茶加蛋白， 好滑，店主話係用南北杏新鮮即磨加冰糖， 難怪特別甜同潤。同父母聚餐，呢間中式私房菜不錯。

約咗朋友去灣仔 Shopping，之後一齊食晏。朋友話帶我去吃私房菜，餐廳位於灣仔道 83 號 2 樓。之前幫襯過樓下間日本料理，竟然無為意樓上有間私房菜館，真大懵。聽朋友講，餐廳開業已有十數年，主打正宗順德私房菜，午市有商務套餐、特價粉麵飯、時令招牌燉品及多款超值套餐等供應。入面地方都幾大，環境寬敞舒適，裝潢簡約雅致，同朋友嚟聚餐、傾密偈，絕對是理想之選。先細心研究一下點菜紙，原來真係有好多款唔同嘅套餐供應，款款都咁吸引，同朋友商量後，最後揀咗兩款套餐。每個都會配明火靚湯、白飯或白粥、青菜及甜品，分量十足。是日靚湯為粟米肉鬆魚肚羹，粟米羹味道很清香，魚肚滑爽黏稠，加上粒粒粟米和肉碎，令口感更豐富。而朋友就讚個湯羹質感煮到啱啱好，唔會太稀或太杰。兩款主菜接著送上，先試下碟順德煎釀鯪魚 ($128)，成品賣相跟一條完整的鯪魚無異。魚皮金黃脆身，魚肉彈牙甘香，魚鮮味相當突出，入口啖啖肉又無骨，配上惹味的芡汁，令人吃得津津有味，絕對適合愛吃魚但又怕骾骨嘅人士享用。青豆角黑毛豬午餐肉炒蛋  ($148)  味道亦唔錯，午餐肉選用了黑毛豬肉來炮製，肉質香濃，食落一絲絲，味道不太鹹且有肉味，口感十

兩口子星期日無野做就去銅記血拼下，但血拼之前都要先醫好個肚，先有力行同買嘢！假日又好人，想搵間私房菜靜靜地食個飯，一於去食下依間啦！侍應服務超好，一黎到就問我地飲咩茶，同介紹有咩食，我哋叫咗菊花茶，唔係度度有菊花茶飲，所以我一定會叫開一壺。冰鎮鮑魚－鮑魚大隻不在話下，加上預先浸酒精心炮製過，就咁食一啖都好鮮味，加上秘隻汁更惹味，我食到有加芥辣係汁入面，其他就有待發掘啦燒洋蔥汁脆豬扒－洋蔥吸收哂啲汁，淨食洋蔥都可以餸到好多碗飯，食洋蔥嘅甜味，但一啲都唔辣，豬扒雖然被汁蓋滿，但依然食到豬扒外脆，肉汁多薑蔥魚頭腩煲－順德菜我至愛，魚頭油泡過，非常脆，再同薑蔥一齊煮，一黎就聞到香氣四溢，下次要帶埋老爹一齊試吓是日甜品綠豆沙－近排一直想食中式甜水，一直無機會，今日竟然係送，但品質好，綠豆起沙但又有啲原粒綠豆有咬口

想搵個舒適嘅環境同朋友傾住計食飯，又要就我嘅放工時間，所以嚟咗這間私房菜。雖然是私房菜，但入門口量體溫，搓手液樣樣做齊，更難得是枱面還有盒裝紙巾，方便顧客。見好多人推介他的鮑魚，所以我們都必試。冰鎮鮑魚大大隻，很鮮嫩彈牙，因為是調味後才冰鎮，所以很入味。店員也推介他的芥末醬料，和這個冰鎮鮑魚很夾。既然慢慢坐，所以叫了這個鹽焗奄仔蟹。一揭開很多蟹膏，可能鹽焗的關係，吃起來更覺得蟹肉鮮甜。最後叫咗個臘腸雞菇煲仔飯，用料十足。整個煲仔飯都鋪滿了高質素的臘肉潤腸臘腸臘腸雞肉及冬菇，而且一打開蓋臘腸散發的香味，這個煲仔飯性價比實在太高了。完美晚餐當然少不了甜品。

今日難得放假，於是來個港島遊，去完灣仔藍屋後，便找間中菜館吃個午飯，早已聽過名門私房菜是灣仔OL的至愛，我喜歡中菜，加上是私房菜，更加期待。順德煎釀鯪魚侍應哥哥推介這味餸，表示是順德菜必吃的，當然要點！價錢只是百多元 ，試得過！完全是心機菜呢，最喜歡是鯪魚肉內有陳皮、芫茜、蝦米蓉和臘肉粒粒吊味，有口感，而且味道有層次。然後再將魚肉釀入魚身，再煎炸，所以咬下時脆卜卜，再咬又軟綿綿，正。秘製改良菓香雞由於是推介菜，我們又試了這味雞，炸雞上淋上芒果、奇異果和橙香蜜，酸酸甜甜，有水果粒粒，超Fresh ! 很開胃！❤️❤️蕃薯糖水這個午餐套餐真是超值，有湯、菜和白飯外：）還有糖水送，今天是蕃薯糖水呢！番薯和糖水融為一體，糖水充滿番薯甜香味和薑味， 醒神！看到蛋白杏仁茶和蝦子柚皮也很美味，下次也想來試！

今天到港島區處理事務，平時很少到港島區，在朋友帶領下來到名門私房菜，他說平時返工間中都會與同事來這𥚃午膳。疫情雖然稍為穩定，但餐廳都做足防疫措施，不但放置防疫用品供食客使用，入餐廳前職員亦會為食客量體溫，我更發現餐廳最近已噴塗光觸媒，令我更加安心。職員有禮而且細心介紹，推介了數款順德美食，例如順德煎釀鯪魚和蝦子扣柚皮等等，最後我們㨂了名門秘制陳皮腩、秘制改良菓香雞和哈哈哈芥蘭煲。午市套餐還包了湯、清菜、白飯和甜品。今天的湯是粉葛鯪魚湯，一看就知是十分足料的老火靚湯，喝下去既濃郁又香甜，絕對絕對不會是味精湯！連粉葛都煲得非常粉軟，所以湯料我都一件不留！名門秘制陳皮腩，看上去卜卜脆的感覺，吃下去外面脆，裡面軟腍，原來餐廳是用五花腩，而且陳皮味極濃，每一啖肉連肥膏都有香濃陳皮味，一問之下原來師傅用了老陳皮、酸陳皮和九製陳皮醃制，所以味道豐富，會有酸、甜和甘的層次。秘制改良菓香雞，有少許似鹽酥雞的感覺，但加了奇異果、芒果和橙蜜所烹調的醬汁，開胃得來亦中和了炸雞的油膩感，醬汁亦不會太酸，連男友人都能夠接受。哈哈哈芥蘭煲，未上到桌已經聞到陣陣香味，因為它用了蝦、蝦乾和蝦醬去煮芥蘭，所以芥蘭好入味。

環境：乾淨企理。防疫：進入大門，服務員立即為我們量體溫，便安排我們位置，過程快捷。服務：侍應很友善，常面露笑容，親切的介紹菜的特色！我們選了鐵觀音，（用茶袋盛着茶葉，既清潔乾淨又便於清理茶壺）水滾茶靚，茶香四溢！服務員先端上黃瓜湯，外貌雖平凡，但真的湯甜美味，相信是真材實料所致，聽服務員說湯是不加味精的！繼續送上的是金錢蓮藕餅（伴著喼汁）和大良炸鮮奶。金錢蓮藕餅：蓮藕是我喜愛的蔬菜之一，從前吃的是蓮藕剁碎和豬肉碎煎成肉塊，而這是蓮藕切成薄片中間釀著肉碎，蓮藕片脆口，若再加上喼汁調味，又另有一番風味，口感不錯，不會太鹹，味道適中，美味！大良炸鮮奶 ：炸得很乾身，內裏的鮮奶椰香撲鼻丶皮薄而脆，不膩之選！青菜爽脆，新鮮美味（沒加上醬油的啊！）順德煎釀鯪魚：是這裏的招牌菜，肉質美味彈牙，聽服務生講條魚需用3條魚肉剁碎而成，是一道考功夫的菜色，若在家弄就要用一整天時間功夫，而且自己釀就不一定好味，所以這條功夫菜值得一試。蝦子扣柚皮：是我童年的回憶，柚皮軟身，像是入口溶化，面層放上蝦籽，更加名貴，所以碟上一件不留！💰價錢：因為功夫菜，價錢合理！

灣仔這間私房菜旺中帶靜，容易到達更坐得很舒服。顧客需先量度體溫才能進店。餐牌的選擇非常多，食物水準高且帶有驚喜。冰鎮鮑魚燒汁醬：鮑魚彈牙酒味適中，相信不喝酒的朋友也能接受，旁邊的燒汁醬更能令鮑魚鮮味提升，但我還是較喜愛吃原味。鹽焗奄仔蟹：這個煮法較少見，但卻加多了種海鮮香味，外身鹽焗香口美味，內裡充滿蟹膏，絕對是最佳食用時節。臘味滑雞煲仔飯：入秋時令地道菜式，臘肉、潤腸及臘腸瘦得很，相信店舖採用了較靚的食材，再加入雞件及冬菇，份量實在太大了。荔芋乳鴿酥蠻特別，像特大版芋角酥，外殼非常鬆脆而內裡餡料爆滿，再配入自家製XO醬，口感複雜多重享受。

今日嚟到灣仔呢邊～搵到呢間私房菜😆幾特別，就上嚟試吓🤣私房菜以中式酒樓作主調～中午時間有唔同嘅午市套餐提供～呢度出名順德菜同埋廣東菜👍🏻一個套餐大概一百幾蚊，有唔同小菜選擇，每個套餐仲會有明火靚湯，白飯，青菜同埋甜品☺️感覺幾正😍而且性價比幾高🥰冬瓜煲瘦肉湯好大舊冬瓜，而且幾霖～冬瓜嘅清甜味🥰仲有好濃郁嘅瘦肉味😋係一碗住家靚湯👍🏻適合夏季清熱消暑💕鮑汁扣鵝掌($128)一個煲有四隻鵝掌，底面鋪住生菜～鵝掌好入味😋而且夠霖～鮑汁味好濃郁👍🏻好大隻鵝掌😆肉質幾嫩滑🥰生菜幾新鮮爽口💕 XO醬蝦乾肉鬆啫啫西蘭花煲($148)好香濃嘅XO醬味🥰少少辣，不過可以接受到～好惹味😋送飯一流👍🏻成個煲有好多西蘭花😆西蘭花好新鮮，同樣咁爽口～灼油麥菜好新鮮嘅油麥菜☺️仲食到菜嘅鮮甜😋調味較得幾好👍🏻金錢蓮藕餅外層嘅炸粉包住內層嘅蓮藕餅～外層脆卜卜😆內層蓮藕餅幾香口😋夾住肉餅～係順德特色菜👍🏻食落好滋味💕大良炸鮮奶外層係金黃色，內層有香濃嘅牛奶啫喱狀🥰食得出牛奶好鮮甜😋外脆內軟☺️好值得一試👍🏻番薯糖水是日甜品係番薯糖水～好足料嘅黃番薯😍幾香甜入味😋係傳統嘅番薯糖水感覺💕名門私房菜嘅服務態度超級好👍🏻職員會不停幫

天氣踏入秋季，又是尋找美食的好時候，今晚約了三數知己來到灣仔的「名門私房菜」，由於疫情關係，每個食客都要量度體溫，令食客吃得開心又放心。一般私房菜館都是小本經營，地方相當狹窄，但此店地方寛濶，環境舒適寧靜，確是聚舊閒談，享受美食的好地方。今晚老闆親自推介順德盤菜，並即時講解盤菜的製作過程。豐富的材料一層層疊進大盤之中，最易吸收餚汁的材料通常放在下面，一層一層吃下去，汁液交融，味道香濃馥郁，令人感覺漸入佳景之快。合家歡喜版盤菜有十八種不同的食材：第一層包括西蘭花、椒鹽大蝦、瑤柱、髪菜、鮮魷、櫻花鯪魚球、滿地金錢（蓮藕餅）、南乳扣腩肉。第二層有豉油雞、五香芋頭、花菇、蠔豉、豬脷、鮑汁扣鵝掌、柚皮。最底一層堆滿支竹、蘿蔔和豬皮。每層食材的製作與擺盤都非常認真，一絲不苟，尤以下列的菜餚最為出色：樱花鯪魚球 - 此店的鯪魚肉是自家製，絶非從街市買回來，所以特別新鮮彈牙，加了樱花蝦，更令鯪魚球生色不少。鮑汁扣鵝掌 - 扣的精粹在於慢煮慢焗，鵝掌這東西，煮它很花耐性；要它入味，絕不能於鍋裏長煮，扣個半鐘，關火再焗它一個鐘，由於鵝掌無味，師傅將它加入鮑汁泡製，吃來感覺鮮甜黏軟滑口。蘿蔔、豬皮和支竹由於

政府剛剛宣報疫情舒緩，將堂食放寬至四人；大家都急不及待地尋找美食與家人共慶中秋。阿女提議食私房菜，貪其食物質數有保證和人流唔多清靜些。今次選了一間位於灣仔商廈樓上，以順德菜聞名。食肆沒有奢華佈置，簡簡單單好有家的感覺。職員禮貌地招待我們坐下並細心介紹他們的名菜。閑談中得知廚師因疫情影響作出相應對策，特別精心炮製『合家歡喜版四人盤菜』$988和『 特級豪華版四人盤菜』$1888 真是豐儉由人，而我地就揀選了合家歡版。盤菜包含十八種材料，真係包羅萬有樣樣齊；而份量足夠我們四人。有椒鹽大蝦、 櫻花蝦炸鯪魚球、 滿地金錢( 家鄉煎釀蓮藕餅)、 瓦撐豉油雞、 鮑汁生扣柚皮、 五香芋頭、 南乳扣腩肉、 鮮魷、 發菜、 蠔豉、 大利(豬脷)、 瑤柱、花菇、 鮑汁扣 鵝掌、枝竹、蘿蔔、豬皮和西蘭花等等。服務員細心地送上上湯和南乳汁可讓客人隨意調教味道。雖然我們選擇了這欵盤菜沒冇什麼鮑魚、海參、花膠等，但食材精心挑選，新鮮味美；製造過程一D都唔簡單，正好考驗廚師的功架。而我最喜愛的有以豬肉和鯪魚肉釀蓮藕，爽口清甜得來釀料好有口感甘香。 櫻花蝦炸鯪魚球煙韌彈牙。椒鹽大蝦很大隻，肉質鮮甜。 鮑汁柚皮是傳統的

疫情還未完全退卻，到私隱度較高的私房菜用膳最好不過主打順德菜的名門位於灣仔道一商業大廈的二樓，電梯門一打開便見到清晰的招牌餐廳環境寬敞，每桌保持一定的距離，防疫意識甚高午市套餐均配明火靚湯！粉葛鯪魚湯味道鮮美，有助清熱袪濕袪骨火沙嗲粉絲海蝦煲微辣，粉絲乾身爽口入咪粉絲吸收了沙嗲醬的惹味及蝦的鮮甜，用來送飯一流紅酒牛筋腩煲味道醇香，牛腩煮至將入口融化，紅酒汁盡是牛肉和蔬菜的美味，又一佐飯佳品套餐還附送清菜，吃了兩道濃味煲仔菜，可清一清油膩臨走前還可享用飯後甜品，紫米露每一口都嚼到煙煙韌韌的黑糯米，口感十足

疫情困擾下，加上限聚令，與朋友的聯繫少了很多，難得近日疫情稍為收斂，限聚令又稍為放寬，今晚約了三位好友，來到灣仔道一間私房菜館「名門私房菜」，一嚐剛推出的順德盤菜。此店地方寬敞，枱與枱有相當隔離，我們預先訂了新推出的合家歡喜版的四人盤菜。看似粗粗的盆菜實質烹飪方法十分考究，分別要經過煎、炸、燒、煮、燜、鹵後，再層層裝盆而成。今次吃的順德盤菜，材料多達十八種，由雞、蝦、魷魚、蠔豉、鵝掌、腩肉、支竹、蘿蔔、花菇、髮菜、瑤柱、柚皮、豬皮、豬脷、西蘭花、芋頭、蓮藕餅和鯪魚球。我們由盤菜的頂層食吃：櫻花蝦鯪魚球 - 此菜式在順德小菜中，穩守一席，今次吃到的加入了櫻花蝦，魚肉新鮮味濃，入口香脆彈牙。家鄉煎釀蓮藕餅 - 懷舊風味， 入口香脆不油膩。南乳扣腩肉 - 平時很少吃，怕肥膩，今次吃的肥而不膩，南乳的香滲透入腩肉，入口相當腍滑。鮑汁生扣柚皮 - 好明顯是功夫菜，柚皮本身無味，師傅用鮑汁將柚皮昇華至美味軟腍的佳餚，功夫了得。椒鹽大蝦 - 蝦大隻新鮮彈牙，椒鹽入十分冶味。其餘食材都是經過精挑細選，最後還附送南瓜西米露作為甜品，盡享一頓美味的順德盤菜。

疫情下再加上四人限聚令，好耐都冇出去食餐好。好想同屋企人中秋節食盆菜高興吓，奈何盆菜通常最少六人至十二人份量！適逢有朋友介紹灣仔有間私房菜推出四人合家歡盆菜，於是就急不及待訂嚟提早同家人慶祝中秋。 選擇私房菜係因為人流唔會多，而且我哋選擇早段食晚飯，所以食得安心之餘又可以品嘗到盆菜給我們久違了的滿足感。名門 是一間正宗順德私房菜，自2003年起已有17年嘅歷史，地方裝修簡單清雅而且枱與枱之間相當闊落，感覺好自在。合家歡喜版四人盆菜有多達18款特色食材，當中包括 椒鹽大蝦、鮑汁生扣抽皮、滿地金錢（家鄉煎釀蓮藕餅）、櫻花蝦鯪魚球、鮑汁扣鵝掌、瓦撑豉油雞、，蘿蔔、豬皮、枝竹、蠔豉、花菇、瑤柱、髮菜、大利、西籣花、五香芋頭、鮮魷、南乳扣腩肉。如果想食得豪啲，可以選擇特級豪華版，一樣有18種食材，但以原隻鮑魚（4隻）和順德煎釀鯪魚（1條） 代替了樱花蝦鯪魚球和鮮魷。如果再想豪啲更可選擇名門尊貴版，就則以原隻鮑魚 / 原件花膠 / 原條遼參（任選兩款各4件）和順德煎釀鯪魚（1條）代之，當然也會是尊貴價。我們選擇了合家歡喜四人版盆菜。盆菜相當有睇頭，椒鹽大蝦勁大隻，爽口兼彈牙；櫻花蝦鯪魚球嘅味道比一