古今二 (觀塘工業中心)

营业中

休息中

之前食過銅鑼灣嘅古今分店，覺得啲卷物真係好正好好食。今次去開觀塘，知道觀塘都有古今二分店，就毫不猶豫咁買佢嘅外賣返屋企dinner啦。龍捲風沙律 $68呢個之前喺銅鑼灣都試過架啦，嗰陣覺得啲菜、蟹子、蟹柳、中華沙律同脆片撈埋嘅combination好正，食完都念念不忘，所以今次就再食啦。蜘蛛 $85呢個都係上次有試過，又係覺得好好食嘅。佢有五件卷物，咬落去有炸軟殼蟹、青瓜、牛油果、蟹子同蟹柳，真係覺得呢個組合對我黎講最吸引，所以食完又食。金龍卷 $88呢個之前都想試，但嗰陣太飽無試到。今次終於有機會食啦。呢個金龍卷係壽司飯包住炸蝦同埋芝士，飯上面就鋪上三文魚。其實我真係好鍾意食中間有芝士嘅卷嗎，可能因為我好鍾意食芝士掛。呢個卷物嘅三文魚、白飯、炸蝦同芝士配合得相當好，好食。煙花 $95呢個卷物係壽司飯包住辣味三文魚，上面鋪上辣味吞拿魚茸同埋脆片。望落真係好有睇煙花嘅感覺，所以呢個名真係改得幾好。呢個有八件㗎，都夠食。炸明太子雞翼 $38有兩隻雞翼連埋雞翼尖嘅。雞翼已經去埋骨架啦，食落好方便。有啲明太子喺雞翼入面，少少辣辣地，又好香，好食。炸芝士年糕 $20有兩粒，咬落煙韌好食。之前喺銅

成日食壽司連鎖店，不如試下呢間！最有名係壽司卷物，非常創新，會配搭吾同材料，更用上日本直送新鮮食材，價格親民☺️☺️☺️龍捲風沙律🥗 ($68)啲蟹柳絲打造到好似颱風咁，改名改得好。仲有生菜、蟹籽，加上特別醬汁(吾會又係麻醬🥲)，又比平時喺日本餐廳食到嘅前菜份量大好多！金龍卷🐲($88)必叫之選！好喜歡淡淡的芝士，加上炸蝦肉質都好爽口，外皮仲保持脆卜卜。薄薄嘅三文魚🍣提升鮮味，更鋪到好似一條龍一樣！煙花🎆($95)至愛呢款！辣味三文魚X吞拿魚蓉！不會太辣，好惹味。幼細香滑，軟綿綿的口感加上脂香😜富士山🗻($88)食到多重口感！除咗牛油果🥑吾太食得出，蟹柳、鰻魚都鮮甜。佢用大量嘅蟹柳同埋脆片堆積如山，非常壯觀！卷物壽司全部整到細細件，但又砌到好宏偉，方便進食，又可以影相𠱓like，誠意推介🥰👍🏻除咗壽司，我都試咗啲小食。網燒牛舌($48)用薄切形式，口感爽脆，清除曬舌苔，食得放心！醬汁似柚子鹽，好香，同牛舌好夾👍🏻黑豚荔枝卷串燒($38)如果荔枝肉再大粒啲就更好☺️黑豚不會有豬臊味，燒得香口，1分鐘已經清曬🤣😂🤣😂

蟹柳沙律💲48份量超多，比出面既量起碼多足一倍，絕對超值之選，作前菜一流！芝麻雞翼💲20炸得香脆，雞油香保留到喺皮內，新鮮滾熱辣，小心第一啖雞油燙親😂日式章魚小丸子💲40非常出色，外脆內軟，醬汁岩岩好富士山💲88底既飯卷係鰻魚小卷，上面鋪滿大量蛋黃醬蟹柳，鋪成一座山，十足十富士山外表❤️金龍卷💲98三文魚面包住吉列炸蝦小卷，開頭驚炸蝦會搶左三文魚油香，食落原來非常夾蜘蛛💲85大大件軟殼蟹新鮮炸出，仲保留到少少軟殼蟹汁，配翻青瓜一咸一鮮，食到想叫多條😂

Menu好豐富，點左日式燒牛肉定食，牛肉稍稍過熟，但風味濃郁，味道方面唔錯，個飯有𡁻口，係我鍾意嘅口感，沙律泡芙不過不失。重點左富士山、火山、青龍卷同煙花，外表已經勁吸引，係打卡之選，味道亦相當唔錯，富士山有蟹柳、牛油果、鰻魚同脆脆，咬落去層次好豐富飯亦片爽口醬汁非常足夠，濃郁得來有牛油果中和，食多幾件都唔會太跩，火山大致上同富士山差唔多只係食材上面呢有唔同，一樣有爽口嘅感覺，來自青瓜嘅爽脆，而上面嘅蟹柳亦夾雜左帶子，所以口感上面會有啲啲唔同，二煙花上面嘅吞拿魚呢啲醬嘅量啱啱好，唔會冚左吞拿魚嘅味，口感亦都相當順滑，而當中青龍卷最得我心，因為佢嘅外層係牛油果，一入口已經比牛油果嘅清新籠罩着，飯包住嘅係鰻魚，軟腍而且有鰻魚嘅香氣，有雙重順滑嘅口感，而且非常之清新。整體來講短襪嘅表現都非常出色，餐廳環境亦都唔錯，地方雖然唔大，但座位都幾闊落，啱晒一班人食飯！

古今二呢到啲壽司卷出名有創意，除咗個靚靚外表之外個名都好正，有機會想試下叫午夜牛郎。最近成日食日本嘢，但係我仲未變日本妹。今次係外賣，我又叫店員俾我係鋪頭影相，臉皮厚少少就可以。富士山 Fuji Mountain $88有牛油果、蟹柳絲、鰻魚、脆片，有好多蟹柳絲好似一座山咁。老母：味道非常合拍，鰻魚味道香溢四射，好突出。金龍卷 Golden Dragon Roll $88有芝士、炸蝦、三文魚。老母：鮮味嘅三文魚配上濃濃嘅芝士，更加突顯到三文魚嘅鮮味，別有一番風味。啲蝦放咗一陣都仲脆。蜘蛛 Spider Roll $85有炸軟殼蟹、青瓜、牛油果。老豆：牛油果加埋啲青瓜好爽口、甘脆，令到味道冇咁單調，啲軟殼蟹炸得好脆。龍卷風沙律 Crazy Salad $68有蟹子、蔬菜、中華沙律、蟹柳、脆片。細佬：好紅好綠。（串）老母：新鮮爽口，仲有我最鍾意嘅中華海草。日式章魚小丸子 Takoyaki $40係有章魚嘅小丸子，食落有少少日式。妹：圓轆轆好得意，味道比較粉但章魚好索。配上經典嘅木魚絲同紫菜，好有日本風。網燒牛舌 Beef Tongue $48有牛舌，啲牛舌有啲網紋。佢哋嘅醬汁酸酸地， 幾

觀塘工廈有間幾出名嘅日本餐廳，見之前電視同media都有報道過，雖然晚市禁堂食，但都無阻我今日專程黎買外賣。日式麻醬豆腐沙律，豆腐豆味濃，沙律份量唔少。網燒牛舌同黑豚荔枝卷串燒，好香口，牛舌厚身，juicy。豚肉包住荔枝卷，甜甜地可以解下油膩感。超級龍捲風，用上芝士、青瓜、炸蝦、鰻魚同脆片，食材都幾豐富，包埋一齊食芝士同炸蝦味道好出。煙花，用上辣味三文魚、辣味吞拿魚同脆片，吞拿魚蓉新鮮惹味。午夜牛郎，有牛油果、芝士、三文魚，配搭幾新穎，食落又幾夾！

今日同同事去完觀塘做嘢 於事黎到工業中心入面嘅呢間日本餐廳 古今二 度食午餐餐廳入面嘅裝飾好有日本嘅感覺 枱櫈闊落坐得幾舒服日本溫室南瓜沙律 日本溫室南瓜香甜 質感軟糯 入口即溶叫咗幾款唔同嘅卷物 都係餐廳嘅招牌菜 相撲力士 新鮮芒果加上幾款唔同嘅醬汁 包住吉列炸蝦 口感清新 食多幾件都唔會覺得漏忘不了你 上面有三款唔同嘅刺身 入面包住蟹柳同埋忌廉芝士 口感豐富 蜘蛛 炸軟殼蟹牛油果同青瓜 鮮味濃郁蔥牛卷 濃濃嘅日式醬油包裹住肥牛同香蔥 成個感覺一啲都唔油膩 香口惹味日式炒烏冬 份量超大兩個人都食唔曬 入面仲有 雜菜 雜菌 同鳴門卷

觀塘工業區都有日本美食！由於六點後冇得堂食，最近都係食外賣自取！一放工就好想食日本嘢！openrice 落單好方便！就買返去同屋企人一齊食！卷物盛E$328玉子壽司，鰻魚壽司，火炙左口魚壽司！有三個卷物！火山（蟹柳，帶子 牛油果，青瓜）青龍卷（鰻魚，蟹柳，牛油果）蜘蛛（炸軟殼蟹，青瓜，牛油果）件件壽司都好有份量，又新鮮！其實夠4-5個人食！蟹柳沙律$20蟹柳沙律入邊仲有啲帶子碎！淡淡都食到鮮甜爽口！日式豬肉串$48肥瘦均勻係日本高級豬肉味！雞翼串燒$48串燒雞翼唔會燒得太乾，啖啖肉！性價比非常高嘅餐廳外賣自取仲有九折！抵食！#觀塘美食#日本菜#性價比高#抵食#卷物

好耐以前食過呢間喺觀塘頗有名氣嘅「古今二 」，疫情底下想食多次，唯有要外賣。.先點咗幾款招牌嘅卷物 —— 金龍卷、東京爆趣、彩虹卷 。.醋飯酸甜好開胃，配上魚生、蟹柳、青瓜、牛油果，各款配搭有創意又好味。.當中以內藏香脆炸蝦嘅金龍卷最美味。彩虹卷色彩繽紛，好吸引食慾。.再點兩款熱食，包括芝麻雞翼、黑豚荔枝卷串燒。芝麻雞翼香脆又唔燶，調味仲好好。.佢哋嘅日本溫室南瓜沙律都唔錯，清新得來又溫和，口感又香滑，鍾意食蛋黃醬嘅人一定會encore。.餐廳名稱：古今二 觀塘觀塘道436-446號官塘工業中心4期1樓B室

古今二🍽-創意卷物🍣係古今二既主打美食大家都不妨試下😋仲要佢一盤咁拼到好靚😍食都食得開心D🤣1️⃣金龍卷(芝士/炸蝦/三文魚) $88雖然係外賣但佢入面個炸蝦🍤仲係脆既加左唔小分🤣配埋三文魚其實冇得輸👍2️⃣富士山(牛油果/蟹柳/鰻魚/脆片) $88鐘意食牛油果🥑既朋友就要試喇👏🏽一開頭以為鰻魚配牛油果會怪但其實原來都夾🤣加埋脆片口感又昇華左😌3️⃣煙花(辣味三文魚/辣味呑拿魚/脆片) $95小編對辣味三文魚情有獨鍾平時成日叫辣味三文魚軍艦🤣-龍捲風沙律 $68沙律有大量蟹柳😍平時食個d蟹籽沙律通常青瓜係主角既10倍😂呢度個沙律係好足料食完都飽左一半😂-日式章魚小丸子 $40/6粒小丸子都唔錯唔係平時係街邊食個d咁普通🤣佢係跟足大阪個款去整搞到小編好掛住大阪既小丸子☹️-芝麻雞翼$35雞翼都係正常放題個D亦係新鮮炸起所以一定好食🤣-🌟評分:🏅🏅🏅🏅

今日係平安夜前夕，同老婆好好二人世界慶祝下，唔洗辛苦佢煮飯，3款卷物兩款炸物一個沙律，已經非常超級飽, 呢間好抵食幾鐘意古今二，一黎野食好食，而且卷物、沙律、串燒等食物款式多！鰻魚卷好正，上面仲鋪滿沙律醬蟹柳絲，超好食天婦羅蝦炸蝦卷超足料，長長蝦尾，食得滿足炸蠔同炸魷魚就算外賣都唔會變到好難食，依然有返一定水準!南瓜沙律又係另一驚喜之作，南瓜好甜而且軟綿粉糯，味道同質感都一流！食完炸物食返啲蔬菜平衡返，幾推薦呢個南瓜沙律🥗

位於工廈內，一出地鐵站行幾分鐘就到，好方便! 呢間店最出名係卷物，款式選擇多，配搭同造型都有心思，值得一試! #東京爆脆 $88中間係炸過既蟹柳，再包一層吞拿魚，入口脆卜卜。#煙花 $95名字好有詩意，由辣味三文魚同辣味吞拿魚混合組成，但食落唔係好辣，口感軟綿綿，唔多筋。面頭灑滿脆片，食落似碎左既薯片，又綿又脆，口感豐富。#龍捲風沙律 $68份量十足，幾抵食! 面頭有絲絲蟹柳、中華沙律同蟹子，底下係生菜。沙律落左超多蛋黃醬，好滿足!#自家玉子燒 $48擺碟好靚!食落有蛋味，配以沙律醬，入口嫩滑。#豚肉泡菜鍋 $78岩晒冬天食，熱辣辣超暖身! 豚肉爽口，泡菜味道偏酸，但律白吸晒湯汁 食落清甜。

又係我美食博士孝敬母親大人嘅時候， 嚟到人氣主打日式料理創意手卷嘅餐廳， 叫咗個二人外賣返屋企。日本溫室南瓜沙律 $55蜘蛛 $80煙花 $95富士山 $88炸魷魚鬚 $68炸明太子雞翼兩隻 $38蜘蛛、煙花、富士山喺同一個大碟度，如圖所見中間大大個就係富士山，佢壽司卷有好多蟹柳同鰻魚。至於蜘蛛除咗有蟹柳，仲有軟殼蟹，幾香脆。煙花有一粒粒碎嘅辣味吞拿魚同脆片喺上面，卷內就有三文魚，博士我食落就覺得啲辣味係幾輕微係BB班。老實講就咁睇三種壽司卷未必諗到嗰三個名，所以我覺得改名嗰個人創意力同想像力都幾高。其實我自己最鍾意食係個沙律，佢呢種南瓜香甜得幾好食，而且食落去有新鮮嘅感覺。至於兩個炸物都OK有水準嘅。📍古今二 - 官塘工業中心4期1樓B室

Bookmark左古今二好耐，終於有機會試到佢既創意卷物😊 望住menu上面好有霸氣既卷物名，真係完全估唔到係咩黎，好有神祕感😎煙三文魚沙律 $75依個前菜勝在醬汁好出色，酸酸甜甜，好開胃👍 煙三文魚都好新鮮，肉質鮮嫩!!金龍卷 $88芝士、炸蝦、三文魚金龍原來係指炸蝦🍤 卷物中間係脆卜卜既炸蝦，上面仲鋪左三文魚同芝士，味道超夾👍富士山 $88牛油果、蟹柳、鰻魚、脆片依個富士山應該叫蟹柳山😂 海量既蟹柳下面就係牛油果、鰻魚卷😋 真心三樣都係我至愛，完美組合😎煙花 $95辣味三文魚、辣味吞拿魚、脆片雖然係寫住辣味，但不太辣的，大家可以放心😉 鋪係面既係吞拿魚蓉，三文魚就係卷物中間，兩樣都好新鮮😋黑豚荔枝卷串燒 $38依個季節都有又甜又大粒既荔枝🤩 仲要用黑豚肉包住，一咬落去香甜既荔枝汁爆出黎!! 依個串燒真心高質👍鰻魚炒飯 $105日本珍珠米咁煙韌，粒粒米都炒得好乾身好飽滿，依個炒飯點可能唔好食先😋 如果鰻魚既份量多點就完美啦🤩

今次又去到觀塘工廈搵食。觀塘工廈真係有好多好野食。龍卷風沙律。沙律菜好新鮮爽口。有好多蟹柳絲。下面仲收埋左中華沙律。味道出奇地夾。仲加左蟹籽同薯卡碎增加口感。鹽燒活鰻。網燒牛舌。活鰻好厚肉。食落好爽口彈牙。皮燒得好脆口。睇得出燒功一流。牛舌係薄燒。質感綿軟。辣妹。炸蝦芝士卷上面仲放左辣味吞拿魚。個炸蝦超脆口。連條尾個殼都食得。材料配搭上互相補足味道和諧。蟹膏帶子炒飯。炒飯香口食到微微蟹膏香味。仲見到好多帶子粒。估唔到日式店都可以炒到咁有鑊氣。