去滾

营业中

休息中

真係好鍾意打邊爐！今晚就兩個人一齊去試一試一間餐廳❤️❤️好鍾意依間餐廳嘅裝修，好配合主題，入到去就即刻好有氣氛👍🏼👍🏼👍🏼好欣賞依啲咁有心嘅餐廳！我哋今晚叫咗二人套餐❤️❤️❤️原個椰子雞湯（半隻）❤️❤️店員會即開椰子，然後到啲椰青水落個煲，真係唔好講笑，啖湯好清甜！平視我都唔會飲嘅，都要整番兩碗飲一飲去先❤️❤️❤️❤️原隻貴妃蚌兩隻，新鮮！配合湯底帶出去嘅清甜👍🏼👍🏼👍🏼手剁牛肉餃，手打蝦丸❤️❤️食到舔舔脷❤️❤️👍🏼😊😊蔬菜拼盤，唐生菜芥蘭苗，仲有我最愛嘅冰菜❤️👍🏼👍🏼👍🏼👍🏼最後仲有個甜品脆麻花！好好食！

I’ve been here with a large group of friends for the first time during the winter time. However, I didn’t get to their their coconut 🌴 chicken hotpot soup broth last time. As the weather gets colder, we decided to come again (this time just two of us) and we ordered their signature set for two people. the chicken arrived in full size (cut) and also a full size of coconut was in front of us. Staff quickly pour all chicken inside the pot and also the coconut water with real coconut pieces. then ou

今日去了銅鑼灣行街！朋友帶了我去食一間好有特別的火鍋店"去滾"一入餐廳有種80年代的晚總會風格加中國風格！餐牌的名字都好特別！嫩滑台灣妹～鴨血......🤣🤣😂😂🤣🤣我們點了芫茜皮蛋滑豆腐湯海鮮拼盤海蝦、帶子、蜆、貴妃蚌蔬菜拼盤粟米、炸芋頭、唐生菜魚皮餃，飛魚子蟹柳小食酥炸龍蝦丸總結環境，風格好特別，地方舒服！氣氛好輕鬆！價錢有點貴！但材料好新鮮！味道～不錯！湯底好濃郁！不過咸了一點！

如果要講有香港特色嘅打邊爐餐廳，呢一間一定係其中一間必食嘅餐廳！呢度嘅餐牌同裝潢只有香港人先睇得明！冇喺香港住返10幾廿年，都唔會明！呢度嘅服務真係一流！啲侍應除咗會幫你主動隔油同落菜之外，佢哋都好有禮貌。呢度我哋嗌左個椰子雞煲，直情成個椰子嘅水同肉都掉晒落去個雞煲入邊，勁鮮甜！而去啲雞肉都好嫩滑，好多都去晒骨！就算碌咗落去啲湯好耐，都仲係咁滑脫脫！之後梗係唔少得我哋嘅牛！睇到啲花紋都見到佢嘅脂肪同肉嘅比例好平均，而且份量都好多！而我哋都好重本咁嗌左兩隻貴妃蚌，有成隻手掌咁大，食落去都好鮮甜。啲丸類我哋冇嗌好多，因為都飽飽地。但係個人覺得佢哋嘅丸類，一啲都唔馬虎！如果食唔飽嘅，都可以試吓嗌！呢個蛋散真係好值得試吓，佢揸得一啲都唔油之外，而且啲蜜糖嘅份量啱啱好，唔會過甜！

🥗一班朋友約食飯，話呢間打邊爐好盞鬼，好過癮， 一於嚟試下先。餐廳的裝修好有懷舊feel，餐牌仲好棧鬼，花好多心思去設計，每一個菜式的名字，都用盡諧音，同"滾"好友關係。 仲有埋個肚兜，認真玩嘢。🐮叫咗幾款唔同的牛肉，用日本刺身的擺設方式，牛肉放在冰面上，keep住個溫度， 可以慢慢食，唔會溶曬啲血水出嚟 。最值得一讚係"硼砂腩"，肥瘦適中 ，又鬆化又入味。🌙這裏的環境一流，除了好有氣氛之外，仲有個好大的戶外空間， 佈置得好浪漫 好靚，望到成個銅鑼灣維港景，仲望埋對面尖沙咀東海傍景，飲酒吹水一流。🍻

限聚令稍為放鬆下，朋友約我嚟銅鑼灣打邊爐，佢話呢度裝修好有特色，環境同氣氛都唔錯，去到餐廳，感覺環境有少少懷舊感，餐單設計及內容有少少舊黃報紙的feel，設計有心思。點了餐未有野食上枱前，朋友話帶我去一個靚景影相位，原來佢哋有個戶外區比客人食煙（邊爐區），出去發現原來景觀十分開揚，看到對面尖沙咀及維港景色，今晚天氣好，坐喺度欣賞維港真係十分寫意。今日揀咗鴛鴦湯底，沙嗲湯同芫荽皮蛋湯，佢哋嘅湯底入邊有好多材料，唔係剩係得湯水，所以越煮亦都會越入味。打完邊爐後將所有湯料都食清光。A5野崎牛肩肉、牛脷芯、黑毛豬肉、至尊天九牛腩頭，樣樣都有水準，好嫩好滑。最正係至尊寶崩沙腩，肥瘦均勻，無根好淋，食落感受都肉在口內溶化，牛肉味又濃。飛魚籽雪魚柳亦有特色，本來以為係普通蟹柳，原來中間藏有飛魚籽，滾的時間不需要太耐，如果唔係啲魚子有機會消失晒。

因為有朋友生日所以揀左去滾打邊爐慶祝生日叫咗個原個椰子雞湯、至尊天九牛腩頭、原隻貴妃蚌、牛肉餃、手打蝦丸、蔬菜拼盤同埋椰香脆麻花。真係要講一講個椰子雞湯，我哋一開始就試咗啖湯先，一飲落口好好味，唔係平時邊爐啲味精嘅死咸味！個湯底有雞肉煲完嘅鮮味同埋清甜嘅椰子味，我哋都忍唔住飲左碗湯先至開始打邊爐，最出色係食到尾嗰時個湯仲係好清😂而佢個至尊天九牛腩頭好正😂食落口好軟，冇筋冇渣，加埋個湯煮完啱啱好最後作為甜品嘅椰香脆麻花真係好好食，應該係啱啱炸起上枱的，因為食落口仲感受到啲溫度。脆麻花炸得啱啱好，脆得呢唔會太油搞到食到成口油，再加埋蜜糖同椰絲嘅甜味，襯得啱啱好👍🏻

識飲識食嘅老友記今晚又有好介紹，  帶咗我去銅鑼灣金朝陽中心 27樓嘅《去滾》。入到去， 視覺非常有驚喜。 還未入夜，裏面嘅霓虹招牌燈已相當搶眼， 主題應該係 6 ，70年代嘅夜店～ 另一邊係酒吧， 飲嘢＋火鍋＋夜店＋去滾～ 暫時忘記吓日頭又煩又鎖碎嘅公事啦～揀咗個正氣又滋補嘅湯底 「 原隻椰子雞鍋（半隻）」$268倒入椰子水後， 湯底清甜無比， 椰子和雞湯味不相伯仲，一連舀了兩碗， 越飲越上癮！ 雞件肉質唔算好嫩滑， 幸好唔鞋仲幾有彈性， 欣賞雞皮煙韌爽口唔肥膩， 唔會煲到爛曬～ 好食過雞肉！湯底還有椰青肉，馬蹄，竹笙， 足料豐富！ 原粒馬蹄要人手去皮， 手工嘢！👍有需要可以去混醬區， 各款調味料齊備！至尊天狗牛腩頭$368極為刁鑽部位， 唔係容易見到嘅食材， 當然價位 也高人一等。 唔好期望係入口即溶的和牛質素 或口感。 相反， 牛肉片有一定嘅厚度 ，入口一定要咀嚼， 越嚼越有牛味， 加上邊位嘅牛脂來点化學作用， 滿口肉香， 回味無窮！蔬菜籃平時多數都係油麥菜皇帝菜之類。這裏竟然有豆苗，芥蘭苗！😍👍貴妃蚌（$58每隻）好新鮮， 肉質鮮甜彈牙， 清洗得乾淨，冇沙。😋👍牛肉餃， 蝦丸強

呢間火鍋店無論裝修同menu 都好創新，同傳統既火鍋店唔同，之前經過已經想試吓。首先我地叫咗個金甲脆魚皮。呢個魚皮小吃好惹味，沾滿左鹹蛋上去，令到佢個味道更加香濃，我建議就咁食好過落去火鍋到，因為佢仲有啲微辣，做開胃小食就最好。之後到小食，蝦膠釀油炸鬼，呢款好特別。油炸鬼釀蝦膠，口感豐富，配埋甜酸醬好開胃。湯底方面，選咗鴛鴦湯底（芫茜皮蛋滑豆腐湯+海鮮麻辣湯）。皮蛋或豆腐湯底好清甜，豆腐超滑，而海鮮麻辣湯底好夠麻，海鮮配料有蜆肉同大蝦，好足料。另外，叫咗A5野崎牛肩肉同新鮮牛脷芯。切到好薄，放落兩邊湯底都好入味，仲要係高質嘅食材，一熟即食做到入口即溶。最後支竹羊腩煲食到我哋停唔到口。羊腩炆到好軟熟同鬆化！汁做到好入味，入面有支竹、馬蹄，增加食嘅時間口感，好滿足。係平常嘅火鍋點變奏出不平常嘅食物配搭。加上創新裝修同鋪名。喜歡打邊爐嘅人絕對值得一試。

被朋友ig 的霓虹裝潢所吸引，要來試試。lift 門一開，已經見到這句本土味十足的經典金句！除了金句處處，坐位舒適闊落，牆上畫像、給客人用的圍巾、menu名稱，全部都心思滿滿。跟一般邊爐店不同，這裡不停熱播本土金曲，Sammi/Eason/Joey.... 回憶番晒黎！野食方面， 點了大海無量二人海鮮餐，0岩晒有選擇困難症的我～湯底是豆腐皮蛋湯，材料有豆腐、皮蛋、淮山、芫茜。充滿豆味、芫茜香氣，女友飲了多碗大讚冇味精又好飲～酥炸龍蝦球可以即食，外皮夠脆口。蟹柳裡面藏有飛魚子，比一般的好吃。海蝦有4隻，新鮮彈牙！元貝、貴妃蚌，味道鮮甜。本人最鐘意食象拔蚌BB～花甲冇沙，算大隻。所有海鮮都十分新鮮，湯底經過海鮮洗禮，多了份鮮味。另外點了薏米水，睇圖片都見到很多冬瓜、薏米～不得不提湯底很足料，吃到最後還有大量淮山、皮蛋！

琴晚一家人去左銅鑼灣既去滾打邊爐，第一次依間餐廳而地方系銅鑼灣，食物質素當然有所期待～環境方面，地方好大；而且好多懷舊既特色放於餐廳中；例如：圍裙設計好似肚兜。野崎手握蝦卷：未打邊爐先食個熱食吧！由於一家人好中意食蝦卷，所以特登ORDER。卷中既蝦帶鮮味，口感為軟口；而外面吾會乾，再配合沙律醬食，味道好夾！湯底(蕃茄豬骨薯仔，秘製沙嗲)：蕃茄豬骨薯仔適合中意開胃既朋友，味道酸酸甜甜，吾會覺得好油膩，當中有吾少薯仔可食用；而秘製沙嗲適合中意濃味又惹味既朋友，內有豬皮；豬皮吸入湯底顯得更加入味，而咸度剛好。肉類拼盤：第一次見肉拼盤大過個湯底，真的好震撼，用黎打卡一流。當中包有A5野崎牛肩肉，至尊天九牛腩頭，至尊寶崩沙腩，新鮮牛脷芯，黑毛豬豚肉，實在好足料！A5野崎牛肩肉好大塊，牛脂也是最多，所以焯後既牛肩肉滲出既油份同肉汁會多，口感滑口，充滿牛香味。至尊天九牛腩頭是最討好我的，牛腩頭口感極為林，肉汁既牛中滲出，但完全吾漏，真的好吃！至尊寶崩沙腩是一條條的，口感林。新鮮牛脷芯size適中，建議焯既時間吾好甘耐，否則會將牛脷芯變得難以咀嚼；口感爽口，帶少少牛香味。黑毛豬豚肉焯後吾會好細塊，口感

限聚令放寬, 終於可以約朋友出黎飯聚打邊爐, 今晚一於豪少少, 去左銅鑼灣登龍街金朝陽中心2期既一間高級火鍋店--去滾。餐廳內燈光昏暗, 牆壁跟天花都有香港特色霓虹燈, 係一間高檔打卡火鍋店。多款混醬配料選擇有唔少特色湯底, 今日人多, 最後都係揀左鴛鴦湯底, 比較滿足到大家口味【鴛鴦湯底】HK$258自選揀左:番茄豬骨薯仔湯底+秘製沙爹湯兩款湯底都很足料, 番茄豬骨薯仔湯底有大量薯仔同埋好林既番茄, 湯底味道清甜微酸, 好開胃秘製沙爹湯有大量好爽又入味既豬皮, 沙爹湯底味道濃郁食肉獸既我地, Order左好幾款肉, 包括有A5野崎牛肩肉、至尊天九牛腩頭、至尊實崩沙腩、牛脷芯、黑毛豬豚肉每款肉色澤嫩紅新鮮, 以冰墊底keep新鮮度 牛脷芯薄切, 稍為烚幾秒食得, 幾有趙口至尊實崩沙腩: 肉質好林, 特別索左個湯底精華, 而且很有肉香, 唔錯!最有驚喜同埋推介係粉嫩A5野崎牛肩肉, 牛脂豐富, 肉質超嫩, 淡淡牛味, 勁正!!  另外仲order左牛肉餃、飛魚子鱈蟹柳、沙拉海鮮包、豬肉丸牛肉餃皮薄餡靚, 鮮甜牛肉, 肉汁豐富飛魚子鱈蟹柳鮮甜好林沙拉海鮮包, 入面有流心既沙律, 甜甜地;

去滾- 潮食型格火鍋店一打開升降機門，五光十色的霓虹燈照亮著，牆上有不同的人像圖畫，想必是和「去滾」二字相呼應，但當然今天的主角是另有其人，就是火鍋，看着店舖的桌子、椅子、餐碗，有着濃厚港式的味道，再配上型格新潮的裝潢，令人煥然一新的感覺。原個椰子雞湯原個椰子，把清甜的椰子水加入湯底，湯底有馬蹄、竹笙等清爽的材料，本身湯頭已經非常清甜，再加入半隻滑雞，雞肉的精華再滲到湯中，令湯味道更鮮甜和豐富，而且雞件嫩滑。至尊天九牛腩頭吸晴的擺盤，把牛腩排成一朵鮮花的形狀，而這款牛腩一聽名字就知道不惹少，厚切的牛腩頭，當中雪花紋理極緻，牛味濃厚，油脂豐盈。原隻貴妃蚌超大隻的貴妃蚌，新鮮鮮甜，口感爽滑。牛肉餃皮薄餡料滿滿的牛肉餃，牛肉餡料札實，口感有層次。手打蝦丸大大粒的手打蝦丸，當中應該有八成以上都是蝦肉，超爽口彈牙。蔬菜拼盤有新鮮的冰菜、娃娃菜和唐生菜。椰香脆麻花熱騰騰即叫即炸的脆麻花，香脆鬆化，加入蜜糖和椰絲，很滿足的甜品作結尾。

一直都有留意呢間火鍋店, 皆因佢既名字十分特別. 自從有朋友去完對其讚不絕口後, 完全激起左我去個度 “去滾”既意欲.果然完全沒有失望. 首先, 餐廳既裝修已經充滿驚喜. 店內掛上標誌著香港特色既霓虹燈牌裝飾配上攪笑既字句, 加上播放廣東經典金曲, 令整個環境都浸滿濃郁既老香港情懷. 服務員一邊帶我地到座位時, 我見到有幾個大約可容納20多人既大房間, 裡面既裝修擺設亦都好有特色. 以中國穿旗袍既女性為材既壁畫完全令我目不暇給.到左我地既座位, 簡直令我有驚喜. 我地被安排坐露天位置, 之前完全冇期望過會望到維港美景, 而且有一棵大大的櫻花豎立係中間位置, 十分搶眼. 而且整個露天位置既座位寬敞, 成個環境亦十分舒服.另外我最欣賞係佢別出心裁既MENU, 整個設計圍繞香港舊時代既報紙風格. MENU 上既食物選擇比一般火鍋店多而有特色. 最後我點左椰子雞湯湯底, 貴妃蚌, 牛肉餃, 手打蝦丸, 蔬菜拼盤, 最後不少得主角雪花肥牛. 首先要一讚個椰子雞湯湯底, 用料十足, 除左用原個椰子既椰子水混入到湯底外,另外仲加有切條椰子、馬碲、竹笙等配料, 誠意十足. 整個湯底都有極香濃既椰子味.

近排疫情冇咁嚴重，等左幾個月終於第一次去打邊爐，今次就去咗呢間比較新潮嘅火鍋店，店內裝修非常之特別用咗好多紅房燈，感覺好似去咗舊香港，另外仲會播好多懷舊歌曲，好有feel。湯底方面我哋就揀咗原個椰子雞湯，雞湯非常之濃郁，另外倒完成個椰子之後就會，刮埋所有椰子肉落去，非常之足料，不得不提嘅係當個雞煮完之後個湯更加提升鮮味唔小心飲咗三碗，另外個雞肉都幾嫩滑下，淨係個湯底已經飽咗一半。肉類方面我哋叫咗至尊天九牛腩頭，肥瘦適中，不過係偏向瘦，油脂味冇咁重，鍾意食冇咁油膩嘅牛肉可以叫原隻貴妃蚌非常之新鮮 放落鍋之後一陣間就熟咗幾鮮甜另外都叫咗兩款丸類牛肉餃手打蝦丸蔬菜拼盤椰子雞湯再煮埋啲生菜皇帝菜，勁好食熟晒啲湯汁另外成餐最有驚喜嘅係椰香脆麻花，炸到脆脆地，有啲似蛋散，不過個口感似薄餅乾，掂埋啲蜜糖黎食一流