去滾

营业中

休息中

唔滾唔知身體好，全城去滾！反叛時期朋友一齊食飯。去滾好貼切！先穿肚兜圍裙，sexy男女保護做足喔！哈哈，清潔整潔一流！酥炸龍蝦球望個樣以為係沙律醬，點知食落先知係芥辣沙律醬即刻辣度入鼻！外酥內彈牙，好好既開頭菜。湯底係蕃茄豬骨薯仔湯，本身有諗過要芫茜皮蛋或者鴨血湯。不過朋友想食皮蛋又唔想太熱氣，最後就叫咗住家湯底！粟米同蕃茄極多，仲有大大嚿豬骨，比較少見！因為平時豬骨湯底得個名，都冇豬骨係入邊。俾個大大嘅讚佢！粟米爽甜，粟米粒大大粒。但食個湯底都已經食咗好多蔬菜落肚，女士健康餐haha！蔬菜拼盤有三款菜豆苗超正！蕃茄湯底甜到極多，大肉茄！三款菜中至愛！雖然豆苗望落去好大棵，食落嫩口！油麥菜係二選，油麥菜嘅味道蓋過咗蕃茄味。生菜就爽軟最入味，加埋大大蕃茄肉，一d都唔太酸，甜酸度滿意開胃！忘記咗仲有薯仔嘅存在，可以先唔好食薯仔同粟米住等佢再入味！海中蝦彈牙，蝦頭有肉多汁。花甲小鮮甜，個殼拎嚟飲湯！元貝厚度滿分，要計好時，為一一樣滾老左d！貴妃蚌超好食，大大粒一粒沙都無！鮮甜爆分，滾完都乜縮水喎！象拔蚌大大肉，貝殼類正正子，有咬口！飛魚子鱈蟹柳快滾快熟，唔係既話會解體！魚子卜卜，都幾易入味。

首先環境闊落適合一大班朋友吹水聊天，通風系統尚算正常唔會太重油煙。環境時尚適合打卡。豉油醬汁自己喺出邊陪答有多種配料最為推介要數到佢哋嘅胡麻醬配上肉類一起食用非常配合蕃茄薯仔湯底味道豐富酸酸甜甜十分開胃，而且湯底非常十足，蕃茄薯仔份量非常多。令一個沙嗲湯底味道濃郁，而且有豬皮亦非常可口。兩者湯底非常濃郁，即使唔需要點醬油都可令到食材充滿湯底嘅味道。 開胃菜蝦卷新鮮炸起，外脆內軟，配上芥辣沙律醬，非常開胃，而且大大碟，非常實惠。手打牛肉餃味道鮮甜，而且大大粒，皮薄餡靚，係外邊係絕對食唔到，非常推介！豬肉丸同飛魚子蟹柳都係真材實料，而沙律蟹柳包喺外面都食唔到，可以一試。冰豆腐吸晒湯底嘅所有精華。雖然外表平平無奇，但一咬落去嘅時候湯汁爆出黎，非常驚喜！ 蔬菜拼盤份量都好大碟，木耳爽脆，芋頭鬆軟，非常過癮。 肉類拼盤上枱時，眾人都已哇哇然。外表非常美麗，肥牛雪花分布均勻，令人垂涎。拼盤當中有不同部位嘅牛肉，例如：牛舌、牛肩脊、肥牛、牛筋同牛腩。每一口牛都非常口真材實料，牛味濃郁，只要輕輕焯幾下，便可食用，每一口都非常鮮甜，令人難忘。

其實呢一間餐廳我都唔係第一次去食但係因為佢嘅配料同埋湯底有好多唔同嘅選擇所以令到我想去品嚐晒佢唔同嘅湯底同埋配料之前我哋係食海鮮嘅今次我哋就試吓佢嘅港式湯底即係蕃茄豬骨薯仔湯拼秘製沙嗲湯底呢兩個湯底都幾惹味所以我都冇另外再加好多調味而且我亦都叫咗肉類拼盤同埋蔬菜拼盤個肉類拼盤嚟到超級宏偉有好多唔同嘅部位 我最鍾意嘅就係牛舌除此之外我哋仲叫咗好多港式嘅配料我非常之欣賞佢哋嘅餃子 我覺得佢哋個皮好薄而且好彈牙 而且啲丸同埋蟹柳嘅質素都好好 唔係普通街市嘅貨色而今次我亦都試咗我第一次嘅炸芋頭估唔到係咁好食 同個湯底超級夾而且我哋仲叫咗個小食試吓個蝦卷都好出色㗎

銅鑼灣的Midtown樓上其實有很多不錯的餐廳^^前幾日與朋友一齊在附近行街shopping後~就來到這裡選擇食什麽了不知為何~天氣雖然熱但又挺享受涼著冷氣打邊爐^^所以就來到這裡打邊爐餐廳的環境令我覺得好舒服~~^^由於其中一面是大玻璃窗 ，外面的大廈透過不同折射到的夜燈光彩照射進來。 再加上 天花板上的霓虹燈飾， 更突顯得出港味故事的風格又未來感呀~~最後樣樣都叫D才是打邊爐的樂趣：牛腩片，丸，海鮮，蔬菜，最後再加個小甜點自助式配料設備足夠想要甜酸辣咸都滿足到~而且這裡很貼心哦~還準備了肚兜防止湯不小心飛到身上~原個椰子配雞半隻的湯底比其他地方的椰子煲較用心 由於湯底採用新鮮開的椰子與豬骨溶合為湯底~很清甜，加入豬骨湯令到湯底濃郁增添鮮味！職員提醒我們，雞肉不用滾太久，剛剛熟就可以吃了，才會食到雞肉的嫩哦！至尊天九牛腩頭打邊爐哪會少得牛肉呢？牛腩片比普通肥牛不會油膩，女士們可以不怕增肥之選^^P.S. :>個人口味覺得麻醬配牛肉真的很match！原隻貴妃蚌 滾後加蒜茸碎 在裡面一齊食就最perfect丸類非常精致，都是人手製作的，會比較新鮮手剁牛肉餃 裏面的餡很嫩滑，沾一點

登龍街食肆眾多，今次跟朋友「去滾」，銅鑼灣這間火鍋店玩卓頭，店名「去滾」，入到餐廳仲盞鬼枱面放了一條肚兜圍裙，每人都著上，不論男女老幼都著上，頓然成為戲服，配上裝飾的霓虹光管，即時去左片場。醬料是自助的，可隨意自己混醬，四人套餐 (HK$1480）點了四人套餐，包括小吃，鴛鴦湯鍋、肉類拼盤、蔬菜拼盤、什錦拼盤和冰豆腐。小食是野崎手握蝦卷先來一個小吃，有啲似潮州蝦棗，蝦卷切得好薄片，皮外香脆，肉質彈牙，可點芥末沙律醬，鴛鴦湯底湯底選了秘製沙爹湯和蕃茄豬骨薯仔湯。一滾起，急不及待飲個蕃茄湯底先，好濃的蕃茄味，酸味味，好開胃，材料仲有粟米、一大嚿豬骨和薯仔，還有很多蕃茄蓉。而沙爹湯底，估唔到都有餸，有豬皮同蘿蔔，蔬菜拼盤先食菜同菇類打下底先，拼盤內有粟米、鮮菇、唐生菜和黑木耳。冰豆腐同一般的不同，呢隻較淋身，豆味好香，蜂巢般的質感，索入了湯味。什錦拼盤什錦拼盤有飛魚子鳕蟹柳、手剁牛肉餃、沙拉海鮮包和豬肉丸。豬肉丸好鮮甜，肉味濃郁，好彈牙。最特別是蟹柳，雖然一條好幼的蟹棒，但裡面釀了飛魚子，有點像沙律蟹籽。而牛肉餃，饀料好結實在，有啲山竹牛肉的香味。另外海鮮包，原來係包芯爆醬丸。肉類拼盤上枱非

今日同同事收左工之後 就決定要去食餐好嘅 同事提議去銅鑼灣Midtown打邊爐 去到先知叫’’去滾’‘😹個名超搞笑 一入到去 就見到閃閃亮亮嘅霓虹燈 環境同一般打邊爐嘅餐廳好唔同 我地二人被安排坐sofa 感覺好舒服 醬料就係我地隔離 可以自由自己調配***我地揀左椰子雞湯湯底 真心要俾100個讚呢個湯底 員工好好咁幫我地倒哂成個椰子嘅椰子水同雞落個鍋到 椰子味非常濃重 成個湯底好清甜 我地每人忍唔住飲左幾碗🌝***另外要讚嘅係至尊天九牛腩頭 牛味濃郁 食得岀唔係平時放題普通嘅牛肉 油脂分佈平均 之後仲食左貴妃蚌 好新鮮幾乾淨唔 食落冇沙 個人幾中意個手打蝦丸 夠彈牙 食埋個蔬菜拼盤真係好飽 最後食埋個椰香脆麻花作為甜品

朋友岩岩返到香港, 大家好耐冇見面, 決定一齊相約去滾!!唔好誤會呀, 我地係去一間叫做 既火鍋店打邊爐咋餐廳既裝修玩味十足, 頭頂既slogan絕對需要係度打下卡而且餐廳位於27樓高層, 坐近窗邊既位置景觀都幾靚, 店內既座位都好舒適外邊都係自助調味既區域, 比客人自己搞搞佢我地叫左好地道同比較下火既湯底, 就係莞茜皮蛋豆腐湯裡面個料好足, 有好多莞茜, 皮蛋用既係溏心皮蛋, 仲有好滑既豆腐個湯底味道都幾濃, 唔會淡到水咁海鮮拼盤既海鮮真係好新鮮, 夠哂鮮甜, 而且洗得好乾淨食都食得放心D炸龍蝦丸配埋wasabi沙律醬都唔錯整體食物味道都okay, service都幾好

政府放寛限聚令後，我先放心約朋友出街打邊爐，今日我地去左一直想去既去滾。裝潢巧妙地將傳統元素同現代感融合一起，牆身掛上一大幅油畫，油畫中顯示古代女子婀娜多姿既一面，天花亦有玩味十足既霓虹燈設計。餐紙模仿以前報紙求職既版面，一定引起香港人既共嗚。火鍋店一定有自助醬料區，去滾都唔例外，醬料選擇唔多，不過有齊我平時落既醬料，另外自助醬料區特別整潔，醬汁唔會整到周圍都係。開餐之前當然要著返件餐廳提供既圍裙先，以免整污糟件恤衫，你睇我朋友著得幾性感😳- 椒鹽豆腐顏色比其他餐廳炸得更金黃，炸粉好薄，外層脆卜卜，內層豆腐仍然嫩滑，椒鹽味十足。- 原隻龍蝦花甲海鮮湯🦞我一開始以為只係湯底，點知上左一大盤海鮮😋，包括龍蝦、海蝦、花甲、鮑魚片等等。職員先將所有海鮮倒落鍋內，下一秒就見到熊熊火焰🔥，最後倒埋海鮮濃湯。湯底充滿香濃龍蝦味，令人停唔到口，飲完一碗又一碗。海鮮亦非常新鮮，其實以龍蝦最為深刻，啖啖肉兼肉質鮮甜。另外蔬菜浸得越耐越入味。另外仲叫咗幾款打邊爐嘅材料，包括濟州黑豚腩肉、即日手切陀地靚肥牛、手剁牛肉餃同響鈴。牛肉餃餡料十足，值得一試。肥牛同黑豚腩肉質素亦中上。最開心莫過於當叫職員加湯，職員會

唔係男人先鍾意「滾」［打邊爐］我同個閨蜜都好鍾意架，但我地女人就鍾意d心思野，今次揾左呢間係銅鑼灣 「去滾」火鍋店。 除了名字潮爆，食店由裝潢到菜單，都同滾 字好密切關係 有時食飯食環境都係一種樂趣環境特別其一，其二係食店有二人歺 「大海無量」，中左我地女仔鍾意海鮮（唔肥） 價錢又ok。醬料自助係店鋪中間，同時可以欣賞下店舖裝修特式，四句大大押韻字句二人餐包括有：湯底：元茜皮蛋滑豆腐湯湯底是奶色清香型，好足料。有淡淡的香菜味，皮蛋要煮久一點再吃會比較有味道，而且鍋底會愈煮愈濃，再喝更好😋淮山超入味😋前菜 炸物：酥炸龍蝦球 - 唔錯飛魚子蟹柳，魚皮餃，海洋拼盤，蔬菜拼盤主打海鮮，新鮮優質，海蝦還在跳。魚皮餃唔錯 皮實唔散 煙靱有彈性👍🏻分量適當，我哋可以留肚飲下啤酒吹下水。真正港式打邊爐👍🏻

一去到間餐廳已經比佢個門面吸引左，忍唔住影返幾張相打卡呀😍😍入到餐廳佢都係一樣裝修得咁靚，好有香港味！肉類拼盤雖然份量唔算多，但已經有齊大部份既肉啦，啱晒啲乜都想試少少既人！啲肉全部啲紋理都好靚，一睇就知係高級肉，食落都仲係好有牛味！豆腐用黎索湯汁就一流，但要注意唔好放咁耐！手工丸拼盤好正，豬肉丸好彈牙，雲吞又平薄餡靚，但我最鍾意都係蟹柳入面係有飛魚子架！如果同我一樣唔想等啲野食煮熟可以叫呢個沙拉海鮮包，真係估唔到佢點個芥茉醬會咁夾咁好食！口渴就嗌左個竹蔗馬碲水，好好味好清甜！

去滾「Smoking Affairs」位於銅鑼灣登龍街嘅金朝陽中心二期Midtown 27樓，接近頂樓位置，餐廳內有特大落地玻璃，十分開揚，而且樓底夠曬高，有氣派之餘，更係感覺十分寬敞舒適。二人海鮮套餐分別有酥炸龍蝦丸、游水海蝦、生猛元貝、象拔蚌BB、花甲、飛魚子雪蟹柳、魚皮餃、粟米、炸芋頭、唐生菜，每人只有一至兩件。莞茜皮蛋滑豆腐湯：湯底幾足料，皮蛋份量唔少，奶白色魚湯都幾清甜。游水海蝦、生猛元貝、象拔蚌BB、花甲：海鮮拼盤整體新鮮，海蝦鮮甜及爽口彈牙；而元貝都幾幼嫩。飛魚籽雪蟹柳、魚皮餃，都係一般打邊爐常見嘅配料。炸龍蝦丸幾酥香。粟米、炸芋頭、唐生菜：打邊爐先食蔬菜比較健康，而且魚湯湯底無咁膩。

一入到嚟感覺好得意同埋裝修得好靚，好岩一班朋友係到食飯吹水。額外加錢既調味區應有盡有，冇可能唔加!我地叫左椰子雞湯，真係即時係我地面前開椰青落湯底再加半隻雞，勁新鮮而且足料! 飲左兩啖湯，鮮甜而且好夠味!之後叫左蝦滑，牛肉餃，帶子同埋雜菜籃，每款都係好新鮮整起，特別係牛肉餃＆蝦滑，超新鮮而味道岩岩好，用嚟打邊爐一流！菜籃竟然有埋冰菜，絕對唔馬虎!到左主菜至尊天九牛腩頭，完全冇得挑剔，牛肉味濃而唔韌，淥幾下就食得!好高質，一定係必叫菜式。

今晚我跟同事去滾！吓！咁大膽！非也，只係去呢間叫做「去滾」嘅食肆打邊爐，佢嘅裝修同餐牌都好有心思，一開lift門就見到「唔滾唔知身體好」，夠頂癮啦掛！裏面嘅裝修都好多好搞笑㗎！仲送埋肚兜添！（其實係圍裙囉！ ）食物方便，佢有幾個套餐，有每位$238至到$338不等，另外都可以散叫，今晚由同事發板，我主力負責食。打邊爐湯底梗係緊要啦，我哋要咗個鴛鴦鍋，一邊係蕃茄薯仔湯，蕃茄味好濃郁，仲有好多薯仔蕃茄配料喺裏面，另外一邊係沙嗲鍋，都有啲豬皮之類，沙嗲味可以再濃啲。食物方面，我哋都食咗好多嘢，特別鍾意嘅例如有牛肩肉，好有咬口，另外黑毛豬都好好味，佢有啲肥膏喺當中，所以入口好嫩滑，唔似食緊豬。另外飛魚子蟹柳中間有餡的，幾特別。手剁牛肉餃亦都係未食過，好似水餃嘅皮包住山竹牛肉咁嘅牛肉，都幾得意。沙拉海鮮包和豬肉丸都好味，爽口彈牙。

自從疫情過後，真係好耐冇試過打邊爐。呢間去滾已經係我Openrice 個list裏一段時間，今日同幾個朋友打邊爐，由於疫情好像好返少少，終於都忍唔住，幾個朋友出嚟聚下，喺盛記同去滾之間選擇，太多人喺香港返工，所以我哋都選擇咗去滾。去滾又係喺登龍街midtown 入面，呢個地點可以話係非常方便，巴士地鐵都適合，地點方便，自然可以坐得耐啲食得多啲。朋友介紹我呢度有一個唔錯嘅打邊爐菜式，去過的朋友叫我一定要試嗰個花甲海鮮湯。其實呢度嘅湯都好吸引，花膠雞同椰子雞都好似好正，基本上每台都係叫呢幾個湯。去滾又係以特別嘅湯底而出名，所以雖然價錢稍為貴但係都值得試。一係唔食，一食就是最貴最正，所以我最後都係叫咗龍蝦湯。原隻龍蝦花甲海鮮湯真係好得，當然係震撼。上枱時有一盤海鮮，然後係你面前煮你呢個海鮮鍋，加上牛油香，之後再加龍蝦湯，飲一口，那個甜度，叫你難忘。今晚唔係太多愛菜之人，叫了一個蔬菜拼盤同埋八秒卜卜脆響鈴就夠。即日手切陀地靚肥牛，好好食。講真，真係滾得好高興，仲要唔算好貴，值得多去！

It's been a short while since I've had hot pot and A Smoking Affair not only has one of coolest sounding names for any restaurants, but the interior decoration also gives off cool vibes. We arrived pretty early, at about six o'clock, and therefore we didn't have to wait to be seated. Although I would definitely recommend getting a reservation prior to arrival. So to keep things easy and simple, we ordered the hot pot set ($1480/4-person) that was just right for our small company.Shrimp RollWe ha