去滾

营业中

休息中

銅鑼灣嘅金朝陽中心可以遠眺維多利亞海港，一直都係我喜愛嘅用餐地點。 室外位置有陣陣天然涼風，特別寫意。 今日有少少微雨，我哋就坐室內，同樣舒適。 室內有好多霓虹燈牌，播放住耳熟能詳嘅粵語歌曲，倍添氣氛。最特色係呢樣，開頭以為係餐牌，估唔到係肚兜款圍裙，男仕用特別攪笑！小食【酥炸龍蝦球】新鮮炸起，熱辣辣。湯底【芫茜皮蛋滑豆腐湯】都算多料，有大量芫茜。海鮮拼盤有五款海鮮，擺盤精美。 象拔蚌仔、海蝦、元貝、花甲、貴妃蚌，款款都新鮮。 唔駛煮好耐，食落肉質鮮甜彈牙。魚皮餃不過不失； 飛魚子蟹柳大大條有驚喜，入面仲有粒粒魚子，脆卜卜。蔬菜一定要叫，拼盤有炸芋頭、唐生菜、粟米，多纖維，均衡飲食。

一去到餐廳周圍睇下，好靚嘅景，好正嘅裝修，有大房有細房，每一間房嘅裝修都吾同👍靚👍是日晚餐🥣原個椰子雞湯至尊天九牛腩頭原隻貴妃蚌牛肉餃手打蝦丸蔬菜拼盤椰香脆麻花本來我想食辣，但店員推介椰子雞湯，朋友又話好想試，店員睇住我地食，叫我地飲多幾碗湯先打邊爐，椰青水好甜真心好飲，飲左3碗☺️好在侍應企係度睇住教我地點烚👍第一次食至尊天九牛腩頭，係牛頭肉黎，好新鮮好有牛味👍另外牛肉餃我都係平時吾會叫，都侍應建議，裡面包住好似牛丸又好似牛肉球，淨係知好彈牙😬最中意打邊爐有雜菜，有時想食幾款又食吾哂，今晚仲有豆苗🥰我地只叫左5款配料，開頭仲以為唔夠，仲諗住叫嘢食，點知未食完已經飽咗😂最後黎個椰香脆麻花，食左第一件，好脆好香椰味，甜得黎又吾膩，最後又食哂成碟，好味嘅野好難抵擋👍整體都好味，店員又好，環境又好，以有影相位，下次要再去💯👍以下5分為滿分😋好味程度: 😋😋😋😋 😋💞回頭度: 💕💕💕 💕 💕📝服務: 📝📝📝📝 📝🌉環境: 🌉🌉🌉🌉🌉

上網成日見到呢間餐廳好似好多人去打卡咁啱今晚朋友想打邊爐就過嚟試吓.一入到黎已經見到一大幅霓虹燈牆餐廳入面有多個打卡位每人會有一條圍裙好似古代嘅肚兜😂😂好得意呢度全部都係播啲90後嘅流行曲坐低喺度啲童年回憶返晒黎🥰.我哋今日點左二人餐海鮮拼盤擺得好靚入面有不同嘅貝殼類同埋鮮蝦所有海鮮都好新鮮 貝殼類清洗得十分乾淨.我哋點左芫荽皮蛋湯底入面仲有豆腐等等材料 湯底尚算濃郁 我飲咗幾啖先開始打邊爐.蔬菜分別有唐山菜芋頭同粟米另外仲有蟹柳同埋魚皮餃小食方面就有炸龍蝦丸龍蝦丸配上芥茉醬 別有一番滋味蟹柳好出色 入面有飛魚籽👍🏻👍🏻👍🏻.二人餐對於我哋來講份量唔係太夠另外再點左牛肉餃子同牛肉兩樣嘢都係水準之上.如果下次想打邊爐又想去啲得意啲嘅餐廳不妨可以一試呢間

一向喜歡「去滾」的我，無滾不歡，所以一於今曰帶埋男朋友一齊去滾，男又滾，女又滾，真係滾到神仙都企唔穩，🤣🤣🤣原個椰子🥥雞🐔鍋——椰子🥥香甜的湯底.我如果無記錯，我唸我飲咗起碼有七八碗，或且可能唔只😅😅😅😅😅⋯⋯真係超甜，竹笙，雞，馬蹄和........等等👏👏雞🐔肉的嫩滑，唸反起都留口水......😋原隻新鮮象拔丰———清甜又新鮮，完全唔須要點任何醬汁，爽滑鮮嫩，吃出新鮮的味道⋯⋯手打蝦丸——🦐蝦滑晶凝通透，爽口彈牙😋牛肉餃子——手剎牛肉餡料，皮薄餡靚，薄薄的皮包住新鮮挅制而成的🐂牛肉做餡料，食出牛肉的鮮味😋至尊天九牛腩頭——平日食牛腩都是炆製，呢到用靚靚牛腩薄薄切成，滾水輕輕拖一拖，滋味鮮嫩再Encore⋯⋯蔬菜🥒🥬———又新鮮又清甜👏👏飯後甜品點小得榔香脆麻花———唔係椰菜花🥦🥦⋯⋯🤣————————食多多都無有怕脆卜卜、洒上椰絲。食落又香口😋環境超靚，室內室外，景色優美，裝修別緻，服務認真，各個員工有禮貌，一路食一路開心笑住食。越滾越開心，越夜越去滾，男女老幼一齊走去滾，滾完唔使比人叫你滾🤣🤣🤣🤣🤣唔滾唔知身體好⋯⋯男人去滾—女人唔緊女人唔狠—男人唔腍登龍街上走—-何需去青樓⋯⋯

好耐冇打邊爐，就同朋友去左銅鑼灣一間懷舊既火鍋店到食晚飯，呢間餐廳啲裝修同埋野食既名到設計到好盞鬼，又播埋啲廣東k歌，都幾有feel。圍裙設計到好似肚兜咁。我地點個二人火鍋套餐，湯底係原個椰子雞湯，湯底又鮮味又有香濃既椰子味，就咁飲都勁好飲，加埋啲料就更perfect!火鍋料方面，有勁吸引既至尊天九牛腩頭，啲牛肉擺盤擺得好靚，牛肉好新鮮，滾兩滾就食得，肉味香濃。仲有好正既原隻貴妃蚌。其他火鍋料都好正！甜品係煎堆，都幾特別。

今晚去滾？哈哈。。其實係去烚烚下🔥食店個名叫「去滾」。好盞鬼。🤣🤣我地一行四人。嗌咗個肉肉Set😍頭盤先黎個炸蝦卷。熱辣辣夠彈牙。湯底係鴛鴦鍋。🤤蕃茄豬骨薯仔湯底+秘製沙嗲湯為食妹👧🏻比較鍾意蕃茄湯。酸酸甜甜夠香濃。大愛❤️肉肉Set 主要係牛肉+豬肉。基本上我地唔知咩肉搭咩肉。只係不停食食食。🥟丸類每人一件。牛肉餃子🥟有驚喜。牛味甚濃。😱蔬菜🥬拼盤係基本。芋頭咬落都幾粉。冰豆腐索曬d 汁好鬼正🤪米睇d食物一人一件。食落其實都夠飽。😆

立春即將來臨，意味著冬天的離去在冬天的尾聲再吃多一次火鍋廣東話「去滾」，就是老公出去偷吃的意思 特色本土關於「去滾」的廣東話字句霓虹光管貫穿整間餐廳，成為全店的主題尤其是梳化背後的圖案，相當可愛搞笑 少不了調味料的部分， 12款調味料自行搭配 都是些基本的調味料，蒜片、蒜蓉、芫茜、蔥辣椒等 醬方面則有豉油、醋、沙茶醬和芝麻醬 還有酒櫃，打邊爐時或打邊爐後亦可以飲一杯金甲脆魚皮就是鹹蛋黃炸魚皮，即點即炸可以見到鹹蛋黃佈滿在魚皮上，魚皮厚薄適中蛋黃的甘香令人欲罷不能，邪惡的前菜鬼佬中出 (蝦膠釀油炸鬼)蝦膠口感很彈牙， 油炸鬼很香脆 沾上少許辣椒醬， 又是一道很難停口的小食 鴛鴦湯底 (芫荽皮蛋滑豆腐+海鮮麻辣湯) 芫茜湯有驚喜， 其實本人頗抗拒芫荽味 但湯內芫茜味溫和，竟然一口氣飲料兩碗 麻辣湯面可見有不少辣椒，有幾隻大蝦 辣度是中辣，香味十足A5野崎牛肩肉本人怕牛的羶味，沒有在吃，牛的部分交由友人形容「油脂分布平均，入口香而不膩，比想像中更軟嫩」新鮮牛脷芯是第一次看見薄切的牛脷 ，友人說道牛羶味幾乎沒有本人放在麻辣湯內滾一滾再試，的確是 因為是薄切，燙的時間短，肉質可以保持嫩鮮蝦雲吞鮮

一直都想試呢間「去滾」，裝潢極具舊香港特色，用上80 年代霓虹招牌裝飾，字句玩味十足，打卡一流。另設尊貴VIP客房同戶外露台，主打新鮮食材，取自本港供應商~餐牌採用舊時夜報格式，7/80 年代見到應該好有親切感~卡位寬敞舒適好闊落。附贈圍裙，岩哂粗魯既我，食個時就唔怕整污糟衫~原個椰子雞湯 HK$268/半隻店員會即場開原個椰子，將新鮮椰子水倒落火鍋湯底，之後加入雞件，最後再刮出椰子肉加入。滾起後就聞到極香濃既椰子雞味，湯底鮮美清甜，椰味馥郁撲鼻，我同好友忍唔住連飲左2碗!未淥配料之前原汁原味真係好正~新鮮雞件肉嫩味鮮，雞味香濃，肉質爽彈，口感十足。湯底仲有切條椰子、馬碲、竹笙等配料添~至尊天九牛腩頭 HK$378牛中極品既牛腩頭牛味濃郁， 碌十秒左右就食得~紮實爽口、軟韌有致，鮮嫩帶勁，口感層次豐富。原隻貴妃蚌 HK$58/隻新鮮貴妃蚌味道鮮甜，口感鮮嫩帶嚼勁。手剁牛肉餃 HK$58/4隻餃子皮薄口感順滑，牛肉餡料調味出色，爽滑多汁。手打蝦丸 HK$68/4粒新鮮手打蝦丸鮮甜爽滑有嚼勁。百花齊放蔬菜拼盤 HK$88蔬菜爽脆新鮮，配椰子雞湯更鮮美。椰香脆麻花 HK$48口感甜脆，椰香濃

疫情開始第二波, 黎緊都要乖乖返屋企食飯~~最近好友生日, 唔想佢咁慘, 所以同佢黎左呢間高質素, 環境好, 衛生程度高既餐廳打邊爐!!2個人食, 好過一大班人!!一黎到, 環境靚, 好時尚, 呢度仲播我地熟悉既歌!!我地先叫個芫茜皮蛋豆腐湯，湯底好清，入面料足，皮蛋多，豆腐滑～D 菜未黎前, 見左熟食先, 有龍蝦丸，炸到金黃，食落圓渾彈牙。之後黎個海鮮拼盤，岩哂壽星女，佢最中意食海鮮！入面有海蝦、象拔蚌、元貝、貴妃蚌同花甲～海蝦爽口彈牙，貴妃蚌，象拔蚌肉厚而鮮甜，好鮮，元貝大大粒，好有份量花甲海水味濃，一D 沙/雜質也都冇~~另外, 亦叫左蟹柳， 魚皮餃等～食完海鮮拼盤之後，就點左魚皮餃，帶有魚肉咸香味；而棒狀蟹柳肉食落口感唔錯～～最後點都叫D 菜食, 健健康康!!OVERALL 食物質素唔差, 而且環境舒服, 疫情後會帶屋企人食!!

根據Dr Chiu 抗疫解碼日常生活，例如 #打邊爐 或在家中使用蒸氣熨斗，雖然有煙霧產生，但是不會產生氣溶膠的,只不過大家都圍在同一個大爐前, 容易造成飛沫傳播。 ~~所以呢~火鍋一直是大家的最愛, 只要做好個人衛生, 不要自己嚇自己, 加油!!!!~~ 搞鬼創意火鍋店 #去滾 在疫市之下發揮正能量, 一人一鍋, 當然入門口前，左手邊有洗手間,而且會提供hand gel 同幫大家探熱,做足防疫措施令食客「安心滾」!! ~~大鍋 ~龍蝦湯底 💗放心全程專人為你處理，除了新鮮龍蝦外，還配上大量海蝦、洋等熬煮多個小時，每人先嚐一碗龍蝦湯底，再會用湯底滾手打的生麵。一人一鍋 ~ 莞茜湯/沙嗲etc.在真材實料的湯底下，每口也嚐到食材的鮮味。All these little measures you may find it normal in Home Kong. I can assure you never find this level of care other than Hong Kong. so proud of #HomeKong esp. public health-care

最近想吃火鍋也一定要選乾淨、有保證的。Midtown上面的去滾裝修新潮有心思，一進門口又聽到懷舊廣東歌，真有味道！桌子大、座位相隔甚遠，使用公筷特別衛生。大海無量（兩位用） $298/位懶得單點，眼看二人餐也挺合口味的。吃海鮮比較清淡，湯底點了芫莤皮蛋滑豆腐湯（$128）。我喜歡開始火鍋之前來一碗湯，真材實料，香濃好味。海鮮拼盤有游水海蝦、生猛元貝、貴妃蚌、象拔蚌BB及花甲。當時我最喜歡貴妃蚌及象拔蚌BB，新鮮爽脆，好好吃！第一次吃上飛魚子鱈蟹柳，蟹柳入面有飛魚子，挺特別。魚皮餃、粟米、炸芋頭、唐生菜都不錯。另外還有酥炸龍蝦球兩粒，正合我心意！價錢可能稍高但環境、食材等出色，有時候需要對自己好一點的！臨走看到9點半後入座$27就可以任飲啤酒，划算呀！

今日同朋友去咗銅鑼灣食晚飯經過midtown登龍街見到一個大約招牌去滾正好今晚想去打邊爐一於上去試試裝修好似唔係好靚梳化又坐得舒服。由於我哋係兩個人去食所以呢就揀咗個二人套餐咁我哋其實一個套餐係海鮮而家個套餐係欲癮肉宴， 另一個叫大海無量大海無量係海鮮有新鮮嘅海鮮生猛嘅元貝貴妃蚌象拔蚌bb花甲飛魚子黑鱈魚柳魚皮餃粟米炸芋頭唐生菜同埋前食酥炸龍蝦球。首先個湯底係芫茜皮蛋豆腐湯以為好清呀點知你都係絕對有驚喜好香啲顏色係奶白色嘅原來發覺裏面有好多淮山豆腐超滑好好味芫茜又清甜，超級驚喜，大推介。總括嚟講呢間去滾值得食，因為食咗好新鮮嘅海鮮。又新鮮又大隻驚喜萬分，湯底又正。食完之後都冇油你會感覺好健康。

#去滾 🍲上星期同好耐冇見嘅朋友仔食飯，大家都好耐冇打過邊爐😆邊爐癮勁大🙈即上網搵下附近有邊間特別嘢試下😁見呢間叫去滾，好自然就滾左上去🤣一出𨋢門就見到{唔滾唔知身體好}真係好句好句😆我哋四個人叫咗個餐又散叫咗啲，湯底就揀咗原隻龍蝦花甲海鮮湯，套餐仲包左椒鹽豆腐、首設本地靚肥牛、澳洲黑豚豬頸肉、8秒卜卜脆響鈴、火雞姐搞唔餃、蔬菜拼盤、唔係呢度最特別嘅係佢有臘腸冬菇畫雞煲仔飯😋店員會喺你面前用牛油起鑊之後加入配料吵吵吵然後再加入龍蝦湯，呢個過程已經鄉道你好想即刻開動🤤呢度啲小食都好吸引啲名又改得好盞鬼😆好似鬼佬中出咁 原來係蝦膠釀油炸鬼🤣菜灼鹽搞唔餃 係菜肉餃🤣搞笑得嚟又好食呢度仲會不停播住啲K歌，令你會好自然跟住唱🤣所以如果鍾意唱K嘅你可以考慮吓book呢度嘅房一邊食一邊唱😉同埋食煙嘅朋友仔可以行出去佢嘅露台位置，睇住夜景咁煲煙吹水，爽啊😆

好耐冇同朋友出街打邊爐，今日終於忍唔住，同幾個朋友黎到呢間火鍋店打邊爐。呢間火鍋店有大廳位置，也有VIP房和室外位置。餐牌上食物名字搞鬼得意，而且也有多款選擇。原隻龍蝦花甲海鮮鍋，這個鍋店員會先在我們面前把海鮮跟牛油炒一炒，然後再點火再炒，火很大，完全要相機食先，炒完後再下龍蝦湯。海鮮包括有龍蝦、蟹、蝦、花甲，材料十足。湯底味道濃郁，好有龍蝦的鮮味。即日手切本地靚肥牛，牛肉油脂分佈平均，牛肉味濃，肉質鬆軟。椒鹽豆腐，豆腐外脆內軟，非常嫩滑。椒鹽份量都幾多，令豆腐帶有少少辣味，能刺激味蕾。百花齊放蔬菜拼盤，這個拼盤有幾款蔬菜，包括豆苗、娃娃菜、生菜，由於鮮甜濃味，蔬菜吸收了湯的味道，十分鮮味。鮮雞子，雞子非常大粒，份量都幾多，食落夠新鮮。臘腸冬菇滑雞煲仔飯，打邊爐再食埋煲仔飯真係第一次。煲仔飯有不少飯焦，十分香口。臘腸和雞件份量都幾多，雞肉嫩滑，估唔到這裡都食到好食的煲仔飯。整體食物味道不錯又新鮮，而且不停播著90年代的歌，膾炙人口，令人不禁一邊食一邊唱，一定會再來。

由新年到而家多數都係屋企辦公，搞到個打邊爐癮又起，約咗幾個朋友去銅鑼灣打邊爐其中吸引我嘅就係呢個靚景，好似城市中嘅綠洲一樣望住啲高樓大廈喺度打邊爐係正嘅！但係好可惜嗰日有少少雨，結果返咗餐廳入邊，入邊餐廳嘅裝修都非常特別有格調叫咗個肉類拼盤，擺上一架船上邊，再加上乾冰效果，好夢幻，首先講咗有A5野崎牛肩肉，崩沙腩等等，睇個樣已經流晒口水，雪花分布非常均勻，係高質嘅！只要稍微係火鍋拖一拖就食得，入口即溶崩沙腩每啖都啖啖肉，食落有口感另外其他丸類都唔錯，特別值得介紹係佢哋嘅豬肉丸，好彈牙食落有肉汁，仲有個冰豆腐，完全吸收晒個湯嘅精華，必叫！