博多拉麵別天神 (已結業)

以前每次去日本, 差不多天天都會去食拉麵。幸好這幾年不少日本拉麵在港開店, 能一解我對日本拉麵的思念。每次晚上經過博多拉麵別天神, 都有條長長人龍。今日下午茶時間經過, 無咩人, 立即衝入去試一試。 店舖地方不大, 裝潢及收費方式都令人感覺都有點日本拉麵小店的味道。 豚骨湯麵 豚骨湯頭香濃, 配菜有木耳絲,幼身拉麵爽彈,兩片豚肉嫩滑,SIZE大片也厚身。必定要跟套餐點, 因為套餐會送多2隻半邊溏心蛋,我最愛溏心蛋充滿蛋香, 食拉麵點少得佢。蝦味噌豚骨湯麵湯底中除了有香濃的豚骨湯外, 還加入了大量櫻花蝦乾, 因此多了一份櫻花蝦的鹹香鮮味, 跟套餐點也會送多2隻半邊溏心蛋。以上兩款拉麵勻可以套餐價配餃子四隻或小龍蝦蟹子沙律。小食之一的餃子,皮薄餡靚滿滿韮菜,煎得很香脆。小龍蝦蟹子沙律一般拉麵店比較少見這款沙律, 初初看似普通,食落都有點驚喜。小龍蝦肉質爽口彈牙，加埋香脆的紫菜同吃,相當開胃半夜三更打文, 此時此刻諗返起呢碗拉麵, 我又想再去食了。

成日夜晚坐車經過都見到排隊，今日放假下午去試一試~入面座位比較小，地方比較細，不過坐得都舒服既~一坐底睇下，原來只有豚骨湯麵同蝦味噌豚骨湯麵，小食都兩款，餃子，小龍蝦蟹子沙律！咁我比較鍾意多d口感，所以點左蝦味噌豚骨湯麵同餃子~麵上面中間有d櫻花蝦份量都幾多，第一啖我會先試下湯先，湯底有好濃既蝦味，跟住就食麵，個麵剛剛好，不會太淋，最怕淋麵~塊豚肉都幾大塊，都算厚，不過得兩塊……之後餃子好快到，不過我覺得一般~整體份量一定要叫套餐先飽不過可能湯底太濃，食完之後都幾口喝

誤打誤撞行街入左依間別天神拉麵，入之前都睇左openrice先入（怕有伏😂），但係一d失望都冇，超抵吃 ，好味！今時今日出面食個拉麵動輒都80，90蚊（都未必食得飽🙄），依間先只係75蚊，仲要大大碗，食得飽你！我地叫左一個豚骨拉麵同套餐。溫泉蛋勁香蛋味，甜甜的，好味。飲左一啖湯 好香豬骨味 好濃味，佢地聲稱係冇落味精同奶，勁正，飲晒成碗湯都得呀。仲有任吃七味芽菜（不過都係覺得豚王既芽菜正d)，仲有蒜泥，又係勁香既，鐘意蒜味既你唔可以錯過呀！整體，我自己好鐘意吃豚王，而依間別多神我覺得可以同豚王有得揮，以後又多個拉麵選擇吃啦，正！😋 最溫馨係佢有凍水提供任你飲，仲比埋tempo紙巾任你用👍🏻，咁既服務邊度搵呀！？

餐牌非常簡單，只有四樣野揀：豚骨湯麵、蝦味噌豚骨湯麵、餃子和小龍蝦蟹子沙律友人之前兩款湯麵都食過，推介我食豚骨湯麵。我喜歡軟麵，落單時特別要求超軟麵。先喝幾口湯，是濃郁的豬骨湯底全隻流心蛋開邊，連蛋白部分都係軟軟的。叉燒有兩大片，半肥瘦的，都係有厚度的，所以食落有口感又帶點肥肉的油脂香。幼麵煮成軟身，正合我口味。煎餃子是韮菜饀，但肉質略為實左啲，味道尚可。友人點的小龍蝦蟹子沙律我地每人叫一個套餐，跟餐餃子只有4隻。散點餃子就會有6隻。

今日行過銅鑼灣，諗住喺sogo附近搵嘢食，喺世貿中心附近，見到一間充滿日式風情嘅拉麵店，店記面積雖然細，但有日本拉麵店嘅設計，於是入去試下。 店內餐牌好簡單，主要係買兩款拉麵，而我叫咗個蝦味噌豚骨湯麵套餐，套餐最後揀咗配餃子。 等咗大約五分鐘左右，拉麵師傅將會面龍和遞上，我再將碗拉麵擺喺張枱上面。碗拉麵好大碗，上邊有五六種配料，有粟米，有蔥，有味真蝦，有紫菜，有溏心蛋同埋有豚肉。豚肉有兩大塊，肉質比較實 同好有豚肉味。而碗麵除左有豚骨湯嘅香味，仲有美珍蝦嘅香味，啲麵好爽口同吸曬啲豚肉湯嘅味。 過多五分鐘，套餐嘅餃子都送上，餃子有四隻，全部都係肉餃，入邊有菜同埋肉，餃子煎得啱啱好，味道不錯。

常常聽我弟弟和朋友去銅鑼灣吃別天神 說到好像很好吃般 我和媽媽都很好奇是否真的那麼吸引 因為平日弟弟吃什麼都很挑剔 難得他會說好吃剛好今天來到銅鑼灣逛街 於是決定與媽媽一起去吃這間拉麵店來到原來位置很少和較窄 幸好這個時間不用排隊我是點套餐的組合 有溏心蛋和四隻煎餃蝦味噌豚骨湯麵 $115如果散點就沒有蛋和餃子 $85第一口湯 嘩 這個蝦味湯底真的很好味吾過咸又惹味 飲左好多都吾會口渴 無味精拉麵麵條幼細 但夠彈牙而且激掛湯溏心蛋也美味叉燒暫時是我吃過最好吃的了~!!!不會太薄 而且超有豬肉香 肥瘦適中 完全不鞋！下次一定再追加整體拉麵非常滿意 餃子就有煎都焦黑的情況嗯 別天神 真的不錯吃呢

今天和朋友於銅鑼灣行行崇光百貨 ， 然後感到同我便於附近找食 。這家位於銅鑼灣地舖的拉麵店標榜著 濃湯完全沒有味精及奶類 ， 以豚骨及純粹精心炮製。 我們在門口排了一會便有位了。 店舖雖然細小但我也明白銅鑼灣地鋪租是很貴的。別天神套餐包含了豚骨拉麵及1小食， 我選擇了餃子。 豚骨拉麵的湯經過精心炮製6味道香濃， 叉燒也肉軟香甜。 餃子美味香脆 內裡有肉及菜。蝦味噌豚骨拉麵這個拉麵也是豚骨湯底， 增加了蝦乾， 讓整個拉麵味道提昇，帶有海洋的蝦味， 湯的層次便多了

一去到門口呢...講真係遲疑既...因為呢間野係冇 冷 氣 既。好啦心諗趕時間就快食快閃人啦...餐牌好簡單一眼睇哂，同師傅落完單會即刻收埋你錢。湯底ok既，飲完唔會覺得好口渴，應該係冇用味精既；而蝦味就即係加左櫻花蝦，都幾多下既，基本上每啖都可以食到。至於拉麵就係幼面黎既，似係超市買到個啲，誠意欠奉。叉燒係煮到淋，不過肉質太瘦，食落都係鞋口。雖然有芽菜免費供應，但水汪汪咁唔吸引，同連鎖店既品質真係有段距離。有人可能會覺得呢種小店可以體驗到九洲既街邊拉麵攤風味，但又要諗下日本邊有香港咁熱呀，大熱天時真係要三思先好去食

上次去過尖沙咀阿士厘道的「別天神」， 嚐過小龍蝦蟹籽沙律後一試難忘～🙈 今次就和加班的同事一起到銅鑼灣分店再回味一下。😏 店面雖不比阿士厘道的寬敞， 但裝潢亦遵從日本傳統拉麵店的風格， 有一列和拉麵師傅零距離的吧㘆位， 讓食客看到師傅如何為你烹調美食，感覺零舍親近。☺️ 在日本拉麵店吃拉麵時， 拉麵師傅都會仔細觀察食客的反應， 一句「おいしい～」就為他們增添了不少成就感。😂 「別天神」提供的拉麵款式不多，但也代表着餐廳夠專。😏 上次因換季貨源不足的關係， 只嚐過「別天神」的豚骨拉麵， 今次就試下期間限定的蝦味噌豚骨湯麵， 當然不可錯過美味的小龍蝦蟹籽沙律啦～😎 拉麵搭一款小食就可成套餐（$115），價錢比單點平$5。🙈😂 小龍蝦蟹籽沙律 看似薯仔沙律，但其實黃色的全部都是粒粒真蟹籽，嚐起來卜卜脆，口感幾有趣！。😍 裡面藏着粒粒爽口彈牙的龍蝦肉， 可以用紫菜包住沙律， 香脆紫菜配上清新香甜的沙律造成鮮明的對比，正！👍🏻 惟今次的紫菜不夠脆，🙈🙊 但沙律絕對值得食過返尋味！😋☺️ 食拉麵最重要的就是湯底！🍜 先喝一口湯，蝦味噌豚骨湯底呈金黃色， 入口順滑香濃，帶少許黏口的感覺， 味

咁啱行過，又咁啱見唔駛等位，每次行過都想試，想睇下佢獨沽兩味拉麵有幾好味，結果好壞參半，始終重口味既一蘭先係我杯茶。別天神套餐$105 (跟餃子4隻)豬骨湯底，好有豬骨味道但略帶清，要自行加芝麻同蒜先夠味，我比較喜歡師傅調好既湯底，所以呢個湯唔係太啱我。叉燒好有肉味同口感，有兩大塊好慷慨，半熟蛋好creamy超正！餃子超多餡口感非常豐富，熱辣辣無得頂！蝦味噌套餐$115 (跟小龍蝦蟹子沙律)湯底好有層次，櫻花蝦同味噌味都嚐到，比豬骨出色好多，麵非常彈牙，靱度剛好，同樣有兩塊大叉燒，但敗筆點係塊 “淋pat pat” 既紫菜！沙律好好味，龍蝦有咬口而沙律醬又唔會太過搶，值得一試！二人共消費: $220

銅鑼灣拉麵戰場一向是在登龍街，不是我朋友提議嘗試也不知告士打道有間拉麵店。朋友由灣仔行過來一條直路很簡單。而我搭地鐵，在sogo出口出來，走到世貿中心後面，5-10分鐘，很方便。選擇一目了然。豚骨拉麵（$75，套餐$105）。吃拉麵先試湯底，一口喝下不算濃郁，但喝下去豬骨味慢慢湧出來，忍不住喝多幾口都不會口渴。看到店內解釋它們的湯沒有添加任何味精，喝再多也不怕會口渴。這裡麵是幼身，我沒特意選軟硬度，吃下去覺得硬度適中，頗有嚼勁，掛湯能力不錯。木耳爽口。叉燒有兩塊，簿身得來頗有肉味，質感柔軟。蛋煮得有點過熟，能稍為再流心一點就好了。單點蟹肉蝦沙律（$35）（set$105）沙律有意外驚喜，蝦和蟹肉份量毫不吝嗇，再加上有六塊紫菜，十分推介總括而言，這間拉麵比較清淡，適合好像我般不喜歡濃味的人，若已吃膩了登龍街的拉麵，這間不失為一個好的選擇。

剛去完日本回港不久，好像對拉麵還是意猶未盡，總是想着那個味道，今天終於忍不住要去吃，我選擇了人氣小店別天神，主要地點方便，日式的裝潢彷如置身日本拉麵店一樣。店內位置不多，看見有位置當然要快快坐下。在桌上貼了很多告示，介紹湯式特色，如何配搭等等。別天神選擇不多，就两款，正合我意，只專注豚骨叉燒，質量有保證。《豬骨湯麵 單點$75 套餐$105》可配餃子四隻(六隻單點$35) /小龍蝦蟹子沙律(單點$35)小龍蝦蟹子沙律，雖然看過去不怎麼樣，吃下去驚喜十足，用少少蟹肉薯蓉撈蟹子加小龍蝦肉，蟹子脆脆的加上小龍蝦肉質結實彈牙，伴以香脆紫菜吃，有驚喜。豬肉湯底都不錯，夠濃但唔會太黏口，全部都真材實料，吃完也沒有口渴。拉麵比平時的幼身，整個質感彈牙、爽口。《蝦味噌豚骨湯麵 單點 $85 套餐 $115》可配餃子四隻(六隻單點$35)/小龍蝦蟹子沙律(單點$35)餃子皮厚薄適中，放時間長了也不會黏，很香脆。餡料多菜少肉，材料新鮮。蝦味噌豚骨湯麵有一陣天然的豚骨香氣，濃淡適中。蝦的鹹香與湯頭配菜等都有不錯的平衡，味道豐富。豚肉嫩滑，肉味濃，正合我胃口。溏心蛋充滿蛋香。整體質素都不錯，下次一定再來吃。

別天神係我同男朋友至愛！繼早幾日食左大坑嘅大陸版拉麵我更加掛住別天神今日等男朋友收工..即刻要去食！平時我同男朋友會叫一個豚一個蝦...隔唔使就會嗌埋個龍蝦沙津（叫埋就$115.. 所以隔唔使先食）今日我就叫左豚拉麵... 我好鐘意佢有好多木耳😍提升拉麵口感🤤我仲自己加左d 拉麵胡椒.. 芝麻.. 少少辣牙菜😍係辣味配答👍對我黎講係絕對冠絕成個銅鑼灣+大坑！好很好味道！贊！雖然店好細小...空間好狹窄... 但出品一流

博多拉麵別天神真係充滿咗我嘅工作回憶。想當年喺九龍灣做到好夜，就會同同事去德福廣場嘅一風堂食，已經覺得滿足返一日嘅疲勞。當我以為一風堂好好食我同事同我講一間拉麵，你食過之後你會覺得一風堂係垃圾，好奇之下就走去試呢間，一食之後其他拉麵都滿足唔到我！佢嘅豬骨湯底濃郁到，你擺匙羹上去係會浮喺面沉唔到落底！個湯頭正到你覺得好似放咗成隻豬入口咁！加上麵質夠幼，掛湯一流！完全係將九州拉麵嘅特質發揮到極致！轉左去灣仔度做都成日專登走過來食碗拉麵，慰勞自己一日嘅辛酸！當全世界都走去食一蘭，我就好開心將別天神當係自己私家飯堂！開心又食唔開心又食～一個月起碼食3-4次！但漸漸由佢開尖沙咀分店一刻開始，質素開始大不如前，而家嘅湯底好一般，同以前嘅水平完全唔係同一個層次⋯作為幾年嘅忠實fans每次你都期望佢返返去以前嘅水平⋯但每次食完都好失望⋯我上來寫食評，希望店主見到檢討翻食物既質素，做得返以前嘅水平⋯

我好喜歡吃拉麵.我知道別天神其實已經開左一陣子.今次終於黎呢間食下啦.來到已好有居酒屋感覺,位不多要等一陣子先可以入座.只有不到十個的吧枱座位好有日本感覺.帥傅是日本人.我覺得拉麵店不用多款只有2款拉麵及2款小食選擇就足夠.我選豚骨拉麵同龍蝦蟹子沙律餐.龍蝦蟹子沙律推薦推薦推薦.試一啖豚骨湯底，好濃味.我自己比較鍾意軟的拉麵.所以我會先食龍蝦蟹子沙律再食拉麵.湯底唔係太油膩.吃完也沒有口渴感,我比較大食所以會加多個麵,兩個人每人1.5個麵,咁樣就可以飲晒所有湯.完美呀. 佢有好多調味品可以加入麵但我都唔會加原味是最好味.$105可以食到豬骨湯底超級濃郁真係飲得出真材實料 ,抵呀,溏心蛋都好好味呀!!