博多拉麵別天神 (已結業)

很久沒有來這家拉麵店，點了別天神套餐。正要取八達通付款，可是店員說只收現金。以前是可以付八達通或現金的。在等候拉麵的時候，覺得店裡的冷氣不夠，開始覺得有點熱。大概五分鐘後，拉麵和小龍蝦蟹子沙律來了。拉麵和沙律的水準跟以前一樣。我一直覺得這家店的拉麵比一蘭還好。正要拿胡椒粉，發覺瓶底有液體滴下來，才發覺放調味料的小盤上都是像醬油顏色的液體。再看到盛載拉麵碗的碟上有一些蔥花。這些細節讓客人在店的體驗打了折扣。食麵期間，湯熱、店外溫度也熱，冷氣不夠強，開始流汗。可喜的是湯底和拉麵還是不錯。環境和細節需要大大改善。

拉麵不知不覺間已經成為香港人經常食嘅菜式，無他嘅，淨係豬骨湯底已經中了香港人的脾胃。再加上跟隨日本呢10幾年在拉麵上的改進，依家香港拉麵的水準真是可以繼日本之後世界上第二個做得最好的地方。沒有考究呢間位於銅鑼灣的別天神是否由日本引入，但係入邊真係由日本人打理的，而家已經開喺香港開咗有幾間分店。都係主打豬骨湯底拉麵，不過佢仲有多一個選擇就係櫻花蝦拉麵，所以我哋兩個都叫晒。豚骨湯麵湯底味濃而不膩，麵質剛剛軟硬適中，因為呢度係冇得好似某幾間拉麵連鎖店咁，有得自行調敎。所有嘅配料，麵質和湯底都是預設的，但係咁樣仲好唔使諗咁多野。叉燒係五花腩來的，仲有很入味的溏心蛋，爽脆木耳絲，整碗拉麵都是超高水準的到目前為止在香港嘅拉麵入邊只有豚王和霸嗎能給我這樣的感覺。蝦味噌豚骨麵可能係心理作用湯底沒有豚骨湯咁濃（不過我敢肯定係一同湯底只係感覺上錯誤)，但我就比較喜歡依個湯底濃度配料有超多櫻花蝦乾，粟米粒同細蔥！呢個組合係最滋味嘅，能夠將麵的味道層次提升兩款拉麵都係非一般咁好食嘅，仲有另一款小龍蝦蟹子沙津都是必食的

喜歡食粉麵尤其意麵,日式炒麵,上海酸辣麵,麻辣米線,pad thai...但少去食日式拉麵因為比較不喜歡豬骨湯頭但這裡的蝦味噌湯正合心意清新鮮甜不膩半熟蛋也做得好又軟又滑麵質一般夾住櫻花蝦乾一起吃才能提升口感喜歡蔥花夠多自己再下了七味粉更合味道炎炎夏日食麵前喝杯免費凍茶來個小龍蝦蟹子沙律也不錯蝦肉多又爽口比舊太古店做得更好今晚來到剛好有兩個位子這種天氣如果要排隊再食熱湯麵是有點難受吧小確幸所以要給笑臉小店加油~

同朋友o係銅鑼灣睇完戲都九點幾，唔係好諗到可以食咩，突然朋友提議去食拉麵，就open rice睇下收幾點，原來收12點，可以去睇睇店內位置不多，好彩有四連位，款式貴精不貴多，先付款後上菜形式每人都叫左一個餐，分別兩個豚骨，兩個蝦味噌呢個蝦味噌，有好濃郁蝦味麵質軟身，湯溫度適中，雖然無味精，但食完都有點口乾個個都唔食沙律，全部再餃子，如果皮可以再煎香口d就好🤭一向食飯，都鍾意食小店或家庭式餐廳，唔係好鍾意食集團式經營，以後又可以多個選擇了

別。天神拉麵🍜自己不嬲都係拉麵既fans 都試食過好多拉麵。。。而呢一間拉麵我覺得真係好好好好食😍😍不過可能假日，要排一陣隊先可以入座！！今次我就叫左set餐有流心蛋啊叉燒，同埋好正既大蝦沙律用d紫菜包住個沙律食一齊食，好正喔而拉麵方面， 今次我試豚骨湯底湯底鮮甜濃郁加埋d拉麵彈牙！ 真係要一試既之前我試過蝦既湯底都好正好好味唷！而且佢地set 餐價錢都好合理而且佢地仲有d辣牙菜， 放小小落d湯度一齊食辣辣地更加好味道！！

今次係我第一次黎別天神，之前聽朋友講過好味，但一直未有機會試。我叫左個蝦味噌豚滑湯麵，味道好好。先講左佢個湯底先，係用高壓煲煲出來既豬骨湯黎，所以湯底係奶白色，好濃郁同好味。然後佢既麵係比較幼細既，師傅煮麵時時間控制得好好，所以麵既口感剛剛好，唔會太腍或硬！佢成個湯麵同d蝦味道好夾，hkd85 平靚正！而老闆亦都好細心，佢每張台都放左唔同種類既配料俾客人自由配搭，包括有芽菜、蒜末、五香粉、拉麵胡椒、芝麻、薑絲同醋，真係好齊全！ 但佢地既服務態度就真係麻麻，當時我因為身體唔太舒服，需要飲暖水，而我見到佢地係有熱水既，我問個待應拎暖水，佢同我講話得冰水，之後我話熱水都得，但佢話唔方便俾！

第一次同friend 係銅鑼灣食呢間拉面，店鋪第一眼就覺得好有日本風味，我一入店鋪就已經聞到好香。我叫左佢地豚骨湯麵加溫泉蛋，當麵放係我面前已經好香，而且佢地既麵好彈牙，叉燒都煮得好淋，特別佢地既溫泉蛋好好食而且流心同好滑。最精髓係佢地既湯底，非常濃既豚骨味，而且一啖湯一啖麵，好正！ 我個friend有叫到佢地既別天神套餐，佢話佢地既餃子麵吾錯，值得一試

話說難得一條友去到銅鑼灣本身諗住去食一X但諗諗下，男朋友好似都有提過下想食，咁不如等下次先一齊食啦！咁出到城就當然要OpenRice 一下啦拉麵！拉麵！拉麵！別天神！既然個名叫到天神咁有型就試下啦！（係！我係名字協會資深會員）路痴跟住Google Map係同一條街行左三次！都行錯方向！最後搵到既時候已經汗流浹背！中午時間到鋪頭既時候只有一位客人，實在有啲意外！一坐低！即刻飲返兩杯水先！望望個Menu，選擇唔多，作為選擇恐懼症患者，我簡左基本款既豚骨湯拉麵！溫馨提示：落單後先付款拉麵到，無外加任何配料同調味，試真啲！麵質不錯，湯濃度適中（唔似豚X既咁濃同咸），而鋪頭都有特別標明湯底係100%豚骨同純水熬製而成！但以上兩點都唔係我最深刻印象既部分，當男友問：咁好唔好食啊？我既答案係：啲木耳好好味！係啊！成碗麵我覺得最正既就係配菜「木耳」，極香又爽口，同碗拉麵真係好夾！如果下次再食的話，我會加10蚊要多份木耳🤤🤤🤤BTW孤陋寡聞既我見到深啡色既木筷覺得好靚啊！

岩岩係日本翻黎無耐 但依然好想食拉面🍜而間野雖然地方細細 選擇既野食又真係唔算太多一塊板仔已經可以睇哂！!但佢地真係好用心去做好一樣野因為佢地個拉麵真係超級好味道！要俾讚佢地 very good very good我地叫左兩個set 餐 一個係蝦味一個就豚骨湯底兩個都好好好正！湯底好濃郁而且仲可以加埋d芽菜落去 辣辣地更加好食最後連個湯都可以飲埋添架~~一試愛上 而且份量都好足夠個小龍蝦沙律用紫菜包住食good推薦推薦啊！！！

忍唔住要介紹下自己最愛既拉麵餐廳：別天神！係網上討論區既意見分左兩極，一係好喜歡，一係就話唔好食，等我同大家解釋下點解覺得好食💁🏻首先個湯好醇好厚身，每一啖都飲得出個湯用左好多材料淆成十幾個鐘，個蝦味濃到好似啖啖都用蝦煮骨咁麵質幼細，非常之掛湯，將濃厚既豬骨味帶到每一條麵條當中佢既叉燒係有脂肪既，所以食落有油香同幼嫩既肉質襯托，不過係未去到入口即溶既（曾經某雜誌讚豚王既叉燒係入口即溶）另外自己亦品嚐過佢既豬骨湯，又係濃到每一啖飲落都好有口感，飲完之後，啲骨膠原仲停留係個口腔晚市去食都排左半個鐘先吃到，但係值得架！希望每一次食都可以食到咁令人幸福既拉麵，唔好變失準❤️

一年前左右lunch食過別天神拉麵，幾好食，個湯底又夠入味！平時見好多人排隊，可能因為位少，所以造成排隊現象😰！今日見唔洗得一兩個人排隊，的起心肝再食下😋入到去個侍應哥哥態度麻麻問食咩？菜單得4款拉麵簡，可能貴精不貴多，簡左蝦味拉麵、豬骨湯拉麵、同餃子🤤先黎份餃子🥟味道同屋企自己煎無乜分別😑餃子汁少得可憐😪再黎2個拉麵，豬骨湯底既叉燒得一塊半（一塊正常大小，一塊細），豬骨湯無豬骨味🤦🏻‍♂️拉麵普通無特別！蝦拉麵上面舖上蝦米🦐，所以有鮮味，但湯底都係比較淡，可能個人鍾意濃味，所以整體覺得拉麵好普通無乜特別！同之前食過比較，整體食物味道係差左🤦🏻‍♂️

幾年前新開張的時候吃過別天神，當時還要排隊啊～ 現在的別天神已經有很多分店，餐牌依然如一 ～ 質素有沒有變？ 試下先 😃蝦味噌豚骨湯麵 $85～ 先喝一口湯味道冇變 都是如此濃郁， 有點黏口 😃 充滿豬骨鮮味 😋 麵條煮得剛好， 叉燒及其他配料都保持水準 👍🏻👍🏻  再加了一隻半熟蛋 $10 ， 是宵夜的最高享受 😊 不過的確好飽肚，食完有點滯 😆食後感覺 別天神拉麵仍然保持高質素😊，可是檯面以及廚房 連個碗 都很骯髒， 見唔到都算，可惜是開放式 近距離廚房，覺得有少少核突 😂， 廚房用具及檯凳 當然會折舊， 如果可以乾淨啲就好喇 😅～飢point : 7 /10#hungermarch #飢詩 #非飢詩

六點幾去到冇人排隊成間舖都無人，心諗會唔會難食左，始終都有一排冇黎到，但依然好想食拉麵就入咗去啦。依到係得兩個選擇，一係淨係叫碗面，有就咁豬骨湯底，或者加左蝦味增既湯底兩個選擇，一係就套餐，可以選擇跟餃子或者龍蝦沙律，因為唔係太肚餓所以淨係叫咗碗麵食。見到佢有個牌教你可以加d調味料落去食，於是我落左蒜蓉泥落d湯到，又幾好飲，個豬骨味再出d，有另一個層次。拉麵比較淋身，啲肉亦都好淋一夾就爛，但味道唔差，但我嘅重點依然係佢嘅湯，真係濃厚好飲，我差唔多飲晒成碗，會有小小漿既感覺。

哈日的我很喜歡吃拉麵，尤其是味噌湯底的, 更是大愛, 但是在香港我不會隨便吃拉麵，原因一是我很怕食到港式拉麵，那種加了很多香港原素的拉麵，你說我老土吧! 對不起, 我絕對不會吃。 原因二是拉麵的卡路里很高, 要吃便要吃優質的, 我不想隨便加上五, 六百個卡路里在我的身上。說回正題, 一年前已經開始留意到這間門口很細, 但很日本的拉麵店, 但是去博多只想起吃一蘭, 去銅鑼灣又只想起一蘭, ,每次都是肚已飽的時候才想起它, 今次因要在醫院照顧家人, 終於可以在午飯時間特意的去試試。一進店內 , 那種要打則身, 縮起肚腩慢慢行入去的感覺已經令我很有日本feel看到這個本製但簡單的餐牌, 感覺很正沒錯, 全店就只有這些食品, 感覺簡單而專注店主和師傅話你知別天神特別之處, 還教你怎樣加辣進食。我點了蝦味噌拉麵套餐, 有麵和餒子食拉麵，第一啖一定要先試湯, 嘩! 真係好有鮮蝦味, 鮮蝦味和湯是有感情的, 而不是隨便放一大堆蝦乾上去便算, 而且湯是夠味但不會過咸, 好味麵是比較幼身的, 但軟硬度很恰我口味, 日本溫泉蛋不用多提, 好味 其實我可以不加任何調味料已經覺得湯底好味, 不過見到有師傅推介

大住肚去食,個侍應一邊收錢,另一邊徒手將d食物放落d麵度,好唔衛生,從此blacklist,希望間餐廳可以檢討下,點解d員工可以咁離譜,日本餐廳唔係好講究衛生㗎咩?? 😡