博多拉麵別天神 (已結業)

尖沙咀行完街，來到好多小店的亞士里道，見門口好日式的拉麵小店，就入去試下。我們點了兩個拉麵及兩個小食，店員哥哥好有禮貌又好友善，介紹左呢到既名物。煎餃子皮薄入面好多料，配上的餃子汁都幾好味。主角拉麵出場了，呢個係豬骨湯底，好濃味而又唔會太咸，食得出一定係真材實料煲出來的靚湯底。可根據店內介紹，自己加蒜泥、七味粉及拉麵汁調味，不過我覺得原味都已經好好食呀~!另一碗我地叫左蝦味噌湯麵，個湯比較帶甜味，也有D蝦干仔，都是好鮮的湯底，兩款既麵量都有好多，好大碗，麵質就好爽同彈牙，而且粗幼都好平均架。我好欣賞佢用既筷子，是竹筷子，原色冇漂白過，可以安心使用。質地好好，我食完之後拎左番屋企打算重用呢~店面不大，不過都有好多位，我想午餐時都好多人來食拉麵。之後我地又叫多左個小龍蝦蟹子沙律，好鮮味，伴埋脆卜卜的紫菜，是一個好特別的小食呢整體而言，呢個小店真是好有驚喜，而且服務好好，好親切友善，令我地食得好開心

去過福岡旅行，就知道當地人最愛食博多風拉麵。所謂博多風拉麵最大特色就係豬骨湯底，配極細麵。香港一樣有得食，就係呢間博多拉麵別天神喇。簡單d，呢度有兩款湯底，分別係豚骨湯麵及加上蝦味噌的蝦味噌豚骨湯麵。加$30有套餐，可以食到餃子或小龍蝦蟹子沙律。餃子皮薄，所以外脆內軟。紫菜包沙律幾特別喎。豚骨拉麵：幼身的拉麵加濃厚的豚骨湯底，拉麵可掛湯，配料好豐富！蝦味噌豚骨拉麵：加左蝦味噌味道更香，櫻花蝦同粟米令碗拉麵更甜呢！呢度有隱藏口味推介，我試跟特濃口味，辣芽菜、拉麵汁加蒜蓉果然有化學作用，令拉麵味道更香更濃呢！

亞士厘道的食肆大概是附近幾條街中最唔遊客的選擇，而呢間「博多別天神」更加是我平時在附近happy hour完的必食之選，全因呢度的拉麵湯底是標榜無味精同無奶製品。恰巧我對這兩樣東西都敏感，而幫襯多次都沒有發生味精敏感或乳糖不耐受的症狀，證明這裡鮮甜的豬骨湯底絕對貨真價實。餐廳跟足日本採取使用門口的自助式「食券機」下單，餐厅只提供兩種拉麵，原味「豚骨湯麵」（$75）和「蝦味增豚骨湯麵」（$85），可以加$30跟餐，多一隻溫泉蛋以及一樣料理（餃子或小龍蝦蟹子沙律）。我偏好湯底有淡淡的蝦及味增的口味，可以減輕油膩感，讓我可以飲晒成碗湯。拉麵內的叉燒甚有水準，肥瘦相間，口感軟糯。要特別推薦這裡的溫泉蛋，表面是有微微煙燻過的味道，適當的調味加上火候剛剛好的流心，追加多一隻都唔嫌多，回味無窮。跟餐的餃子不過不失，配上拉麵一起吃，夠飽肚。反而另一味料理「小龍蝦沙律」令我有驚喜，啖啖小龍蝦肉配上蟹子的口感非常夾，一球的份量略嫌不夠呢朋友亦反映他的「豚骨湯麵」湯底非常鮮甜，其實並不油膩，而且多了木耳絲做配菜，非常爽口。另外一提，店家提供無限量的辣芽菜、蒜蓉、紅薑絲在檯面給客人自己調製個人口味，我非常喜愛

別天神 格局如同日本的拉麵檔一樣。採用全自動畀錢機 門口揀好食乜 ,比張紙畀店員 就OK~佢會自動波煮畀你食 ~HAHA我們點了一份豬骨拉麵套餐及一份蝦味噌拉麵套餐。套餐包括了: 拉面及小龍蝦沙律/ 餃子。餃子, 咬落口咁脆卜卜😋皮薄餡靚!!!煎得好脆 , 食嘅時候仲會有啲餃子汁走出嚟 😋肉汁都保存得好好👍🏻👍🏻沙律方面龍蝦肉份量足夠，一口一啖小龍蝦，紫菜包住食，好味。豚骨湯味都做得出色👍🏻👍🏻好好味 ,係用豬骨淆成 , 非常之濃味 !!冇味精!都唔會口渴🙆🏻 叉燒入味也軟熟🙆🏻🙆🏻值得一讚的是糖心蛋!!有誠意，睇圖已經見到佢啲蛋汁流曬出嚟!!蝦味噌豚骨拉麵有: 糖心蛋，櫻花蝦，豚肉，粟米，蔥，仲有脆卜卜紫菜。湯底味濃，拉麵好彈牙。 由於我男友鍾意重口味湯底，所以加左D辣芽菜、芝麻、蒜蓉醬、五味粉.....調配出味濃嘅拉麵湯底。CP值高的拉麵店😍😍我唸我會成日去食😂🍜👍🏻

今晚的晚餐很簡單，去了阿士厘道這條內街食拉麵。店舖充滿日式風味，一入門口便像日式拉麵店般，先按機購票，購票後才坐下。拉麵店的拉麵店貴精不貴多，只有兩款拉麵🍜，分別是豚骨及蝦味噌。晚餐只食拉麵，好像有點單調，所以要了套餐，套餐配有餃子🥟。拉麵用的是幼拉麵，值得一讚的是叉燒，厚切，大塊，肉稔。玉子切開一半，半熟。櫻花蝦配粟米和蔥，湯底很香濃，而豚骨味簡單而香滑。餃子配醋，餃子皮很煙韌，很簡單但飽足的一餐。

因為我有一班食貨既fd.所以一般佢地去左邊度，食左D咩好野，都會去同同樣身為食貨既我分享。哈哈。沒錯，呢一間係佢大力推介既真材實料拉麵鋪。咁甘岩附近落完堂便過左黎試。鋪頭並不大，但都十分乾淨舒服，過黎時間並不是飯點，所以都仲有好多位置。一坐低就已經見到側邊寫住隱藏口味。嗯，真有意思。其中有拉麵汁，蒜蓉，辣芽菜同七味粉。想濃想辣都可自由調配。menu有兩版，一邊係主喀拉麵，一邊係甜品班戟。拉麵菜式並不多，由湯底分兩種，豚骨及蝦味噌。因為我個人特別喜歡海鮮。所以選左蝦味噌拉麵。真係非常肚餓，等既每一分都係煎熬。好再佢上菜速度都快。可能已經見我望穿秋水。哈哈。。拉麵一上臺我就知。嗯，係我要既。因為個湯底十分濃郁同蝦味撲鼻。麵十分彈牙，又吸收晒個湯既精華。鋪頭主打無味精啊。所以一碗湯都飲晒真係唔過分。而且除左香口既櫻花蝦以及肥瘦均勻既叉燒。仲有我至愛，一隻對半開既糖水蛋。其他仲有一些香甜粟米粒，調味既蔥花，同埋日式拉麵並不可少既大大塊紫菜。真係入口每一啖都充滿幸福。如果一碗拉麵都未食過癮，我會推介餃子。皮薄肉厚，而且煎得十分香脆之餘却又保留左肉汁係入邊。

別天神呢個名大家無論過海甚至係九龍唔同嘅橫街小巷都會見到，但真正入去食我都係第一次😗😗😗門口望落有日本古典宮廷風，坐落去就好似日本特色拉麵店咁樣，不過座位好寬敞 👍🏻👍🏻我就叫咗一份別天神套餐，小食方面揀咗餃子😍😍坐低望到側邊每個座位都有一份隱藏口味，食過咁多間拉麵店都係第一次見到，不過最令我覺得好奇係佢有一個辣芽菜，食之前睇過好多食評大部份都話除咗拉麵，芽菜係佢哋encore另一個原因😂😂😂首先去到食拉麵方面，配料普普通通同一般拉麵勁差唔多，不過豚骨湯味都做得幾出色👍🏻👍🏻，味精比例佔少，所以可以好似係日本咁飲晒成個拉麵湯都唔會10分口渴🙆🏻🙆🏻🙆🏻食咗5分鐘餃子終於都上枱，由於啱啱煎起，所以咬落口咁脆卜卜😋😋而且唔會好多油係個口到，煎嘅同學肉汁都保存得好好👍🏻👍🏻至於隱藏口味方面就冇跟足，只係試過佢個辣芽菜，食完就知道點解咁多人會因為佢而encore😍😍用新鮮辣椒腌嘅芽菜炒落口感辣到適中，完全唔似就咁辣椒油加芽菜嘅味道👍🏻👍🏻，加埋落拉麵度食的確係一個隱藏口味，😍😍食過咁多間香港拉麵店都未食過 一食食咗佢好多，希望店主唔好介意😂😂😂所以先好似標題咁喎別樹一格，今日之後我都係成雲

朋友今晚無住家飯食，於是就約我陪她共進晚餐，我當然一口答應。我們在毫無頭緒下，唯有邊行邊覓食。見到有間好似不錯的拉麵店，於是就入去試試。雖然拉麵款式只有兩款，唔知係咪貴精不貴多呢！不過都幾適合有選擇困難症的我來講，比較好，只有2選1，不用多想。原來要在自助點餐機點餐，然後選取自己喜愛的拉麵款式或飲品。我同朋友各自點了不同的拉麵套餐。我就點了蝦味噌套餐，而她就點了另一款。小聾蝦蟹籽沙律包住紫菜食，啖啖肉及蟹籽，好味。👍🏻👍🏻👍🏻單看碗麵以為好單調，原來在配料下有兩塊大大塊的叉燒。湯底香濃，麵質唔錯，蝦苗乾香口。而且份量仲好多。（好飽）另外，枱上的辣芽菜好入味，而且味道都唔錯。

今日上完堂經過亞士厘道，去左別天神食拉麵。唔知係咪今日落雨，所以冇咁多人排隊。一入到去第一時間去左自助售賣機點選拉麵，今次揀左別天神套餐同埋蝦味噌套餐，然後用左八達通俾錢，過程非常簡單。呢個係數量限定，蝦味噌豚骨拉麵有糖心蛋，櫻花蝦，豚肉，粟米，蔥，仲有脆卜卜紫菜。拌埋櫻花蝦，更覺湯底味濃，拉麵好彈牙。我覺得配菜小龍蝦蟹子沙律都好好味，一口一啖小龍蝦，加上芥茉，紫菜包住食，好味。當然要試下豚骨湯底，呢個豚骨湯麵有糖心蛋，木耳，蔥，豚肉，同埋紫菜，豚肉好淋，湯底好重豚骨味。餃子都煎得唔錯。

有時都無路過，但從未食過。今日終於都試左啦！可惜唔係我既口味😂唔係話佢唔好食既，只係唔啱我啫。我地叫左個豬骨湯同蝦湯。其實佢都只係得尼兩個選擇，仲有d小食例如餃子可以加既。先講個蝦湯，我試左啖，感覺食到大澳既味道。而個豬骨湯，個湯都算厚身既，都濃既。個人覺得豬骨湯好味d。個麵底道普通，個肉都普通。但個蛋又加分，好味！☝🏻☝🏻☝🏻佢仲有d 醃左味既芽菜俾你加落去既。但好似時間唔夠耐，好似仲好生既芽菜味。

星期五當然出去食飯嘅時候喇揸車去到尖沙咀試吓依間別天神點左基本嘅豚骨拉麵豚肉唔會太濃，至於湯底都算有啲濃大飲得出有小許味精味面底都夠食嘅，配搭紫菜同埋木耳講真如果有得揀應該唔會再試味道同埋特色欠奉作為一個日本控嘅我應該都唔會比個like😭

Decent and quick ramen choice with good pork bone soup. Betsutenjin boasts no MSG or milk in its ramen and the soup is simply cooked inside the pressurized cooker. The soup was really rich but on the less salty side. They also provided garlic, sesame, Shichimi (七味粉) and spicy sprout (芽菜) for customization of your ramen. Suggest you to add a bit of garlic, Shichimi and spicy sprout if you prefer a more flavourful and spicy ramen. They also served the ramen very quickly that I finished the meal wi

再次嚟到別天神拉麵🍜，雖然等候嘅時間都需要大概10多分鐘，但呢個拉麵都幾好食。麵質都唔錯，上面有蔥、粟米等嘅配菜，個豚肉瘦身的，蝦乾都幾香口。 而且價錢都算抵食，如果就咁豚肉拉麵只需要$75 ，如果要呢一隻蝦拉麵，就係$85。而且唔使+1。服務態度唔錯。雖然呢一間餐廳面積比較細，但環境都好舒服，好適合兩個朋友一齊嚟食個快晚餐。餐廳仲有一個幾吸引嘅Promotion 活動，如果post上Instagram介紹五個人自己食個款拉麵, 同埋follow別天神拉麵，就可以得到一條made in Japan嘅毛巾啦。

剛好行過忽然想食拉麵，見到呢間貌似唔錯的拉麵店就入去試下。第一個感覺就係個肥仔店員好無禮貌，好串嘴。問佢呢間店的拉麵口感如何，因為無得揀。佢一句: 我地d麵出名彈牙架喎！(好，我就試下有幾好有幾出名)而入面另一個女店員好似乜都唔知咁，講野又大聲，係咁講自己私人事，好disturbing！總於到拉麵黎到:好老實，真係好一般。收得呢個價錢，交d咁嘅貨唔係呀嘛？蛋係額外加的，連放都唔識放，蛋黃流曬出黎。湯底話係無加味精，但食完條舌覺得好唔舒服。豚骨湯好淡味，個人而言不喜歡。豚肉有兩片，硬而欠口感，不好吃。麵質係一般，屬偏軟身，一點都不彈牙。賣相，見人見智，唔係特別美觀。一句講曬，無下次，尖沙咀好多拉麵店好過佢！

一向都鍾意食呢一間拉麵，你間店舖只有兩款口味推出，原味豬骨湯同蝦味噌湯。雖然已經黎過食好多次，我都堅持只點原味嘅豬骨湯麵，因為我對蝦湯冇乜大興趣。豬骨湯地唔會好重口味，味道偏淡，口感偏流質。我係好怕太重味偏油既湯底，因為食多兩啖個肚就會開始唔舒服。而呢碗拉麵就唔會有呢個情況，湯底有淡淡既甜，全程食得好舒服。-另外我都非常推薦佢哋嘅辣味芽菜，辣度都中等，食落去幾惹味。同埋呢度就可以自己加蒜同拉麵醬汁，可以調校啱自己嘅口味，唔錯～