博多拉麵別天神 (已結業)

亞士厘道美食很多。。今次再來encore拉麵自己一個人有時都會覺得入餐廳會有點不自在。。但食拉麵又方便又快捷。。。門店極具日式風情。。。我坐在bar檯位置。。我都很喜歡坐在bar檯。。一方面可以覺看到廚師煮拉麵，煎餃等。。。香味撲鼻拉麵款式不算多。。可以單點拉麵或配上小食。。。雖然湯底款式不多。。但很喜歡可以自行DIY湯底口味。。。可以加上不同的配料來迎合自己口味我點了一個蝦味噌套餐。。。湯濃十分香濃惹味看到濃濃而且美味的湯底。。。湯底充滿蝦味。。而且仲有超多蝦仔。。飲起來十分濃濃滋味。。。有數片叉燒和溏心蛋。。。十分好味麵條幼幼的，而且吸入了湯汁。。十分滋味。。麵質彈牙。。。材料豐富。。而且味道我最愛這個湯底。。。濃味。。。而且不會覺得口渴。。。只會令人愈食愈想食。。4隻餃子。。。餃子皮薄多汁。。。外皮金黃色。。十分吸引。。。沾上了餃子汁來吃。。。特別好味。。。這間拉麵店。。食物出色，店員服務又不錯。。。而且送餐速度又快。。岩曬我快快醫飽個肚

由於要趕下場睇戲，係時間有限的情況下都想食好野。諗吃呢間拉麵,雖然細但坐得舒服。兩個人叫兩個套餐。一拉麵加一個小食。你可以話冇咩選擇，也可以話岩我呢啲有選擇困難的人。餃子都夠兩個人分，菜和肉的比例岩岩好。表皮煎到脆卜卜，但也不覺油。紫菜包蟹肉幾清新，醬汁味道濃厚。蟹肉凍冰冰。呢款拉麵幾惹味，蝦皮和香䓤令整碗麵更香濃。湯底都好正。附有芝麻、芽菜等調味料作選擇。塊叉燒好滑，蛋係唐心，麵質粗幼軟硬適中，整體來說也不錯。

誤打誤撞搵到呢間拉麵鋪，本身見咁熱，佢又似無咩冷氣都諗住食第2間，不過好彩自己懶得再行，最尾都入左去。叫左碗豚骨拉麵，有兩塊厚切叉燒，味道屬於偏甜，係我鍾意嘅味，唔會太肥，但又唔會瘦到乾至於湯底都好濃味，唯一係個麵餅我覺得一般。佢仲有好多唔同配料畀你加，蒜、芝麻等等，仲有凍麥茶任你飲。啲staff 態度仲好好，唔係嗰種四萬咁口，但就好貼心。睇返open rice 先知原來佢有其他分店，唔知其他係咪都係咁好，但呢間唔錯，唔錯

今日鋪頭product launch雖然話冇人排隊，但認真忙，特別係黃昏office hour後直頭人頭湧湧～～收工我地幾個同事近近地過去亞士厘道搵食，正好想食拉麵，就入去試試！小妹本身都幾鐘意食拉麵，但就第一次食呢間，鋪頭好細，坐得十零人，而且冷氣冇mug....好熱下...其實得兩款拉麵揀，小妹唔太餓就叫左蝦味噌豚骨湯麵，同事佢地就叫豚骨湯麵配餃子。等左一陣好快上菜，蝦味噌豚骨拉麵湯底好濃好有蝦味，抵讚👍🏻有兩塊叉燒普普通通咁啦，麵底唔錯，爽既唔會太林。豚骨湯麵都唔錯，都係個湯底優勝👍🏻至於個餃子都不過不失，平時日本拉麵果d餃子。環境就真係窄d同埋太熱了，想慢慢傾計嘆下既就唔太岩，食完太熱都唔想坐咁耐😅

今天等朋友放工後，去了阿士厘道的博多拉麵食拉麵。餐廳地方不太，只有三至四張枱，另一邊則是吧枱，能容納約廿多人。食物方面只有兩款拉麵及兩款小食，可選單點拉麵或拉麵加小食套餐。旁邊有一些調味醬如芝麻及七味粉。餐廳有自製凍麥茶，客人可以自行飲用，大熱天時飲杯真是透心涼。我們各點了一個不同的套餐。豚骨湯麵有5-6塊豚肉、一隻開邊的半流心蛋、木耳及少量怱花。豚肉不會太薄亦不厚，肉質嫩腍，少許脂妨但完全不油膩。流心蛋的蛋黃呈半流心狀，蛋白很滑，蛋味香濃，還帶有點醬油味。拉麵質感爽口，但略為不夠彈牙，份量十足，湯底有濃郁的豬骨味，顏色呈奶白色，鮮甜可口。另外加了點芝麻及七味粉，更添風味。蝦味噌豚骨湯麵其實跟豬骨湯麵差不多，都是叉燒等餸料，木耳變了粟米及多了櫻花蝦，湯底則添多了蝦味噌。櫻花蝦充滿蝦的咸鮮味，色澤橙紅。蝦味噌湯較豚骨湯咸，但多了點蝦的鮮甜味，非常濃郁，適合喜歡食較濃味的朋友。餃子餃子是九菜豬肉餡，九菜味濃郁，有肉汁，但略嫌表面煎得不夠香脆。小龍蝦蟹子沙律沙律約有一球雪糕大小，每啖都吃到龍蝦肉及蟹子。可以用紫菜包著沙律一起吃。總括而言，款式雖然不多，但勝在用心製造，值得一試。

位於阿士厘道的博多拉麵店，食物款式不多，但依然座無虛席。大家一坐低已經知道要食邊款，因為只有兩款拉麵及小食，幾乎不需要考慮，一人一個套餐，但套餐沒有飲品，只有一麵一小食。跟餐小食-小龍蝦蟹子沙律：蝦肉爽口，蟹子卜卜脆，溝在薯蓉內，每啖都充滿蝦肉及蟹子，可用紫菜包住食。跟餐小食-餃子：九菜豬肉餃子，外層煎得香脆，裹面有肉汁，充滿九菜香味。套餐-蝦味噌豚肉湯麵：湯底有點蝦香及濃郁的豬骨湯味，咸味濃重，拉麵爽口彈牙，每條麵都沾上蝦湯味。豚肉很腍，份量很多，糖心蛋的蛋白軟滑，蛋黃帶流心，有淡淡的日本醬油的咸味。套餐-豚肉湯麵：湯底比蝦味噌淡，但有濃郁的豬骨味，湯底鮮甜乳白色，配料都要糖心蛋、豚肉及木耳，不喜太濃味的可以選擇這款。總結：好食的不需要多花款，集中做幾樣其實比多款式但不好吃的更受客人歡迎，希望能繼續維持，值得支持的拉麵店。

今日同同事好想食拉麵，今次就捒左佢喇。之前係太古食過，覺得龍蝦沙律好好食!一個前菜 (龍蝦沙律 / 餃子) + 蝦味噌豚骨拉麵 HK$115再次食返龍蝦沙律大滿足，仲有好多塊紫菜包住食!餃子唔錯! 脆身同有肉汁蝦味噌豚骨拉麵好食咸鮮味，湯底唔會好油。雖然蝦味好搶，但都唔會cover左豬骨湯嘅香。下次拉麵癮起可以再黎，重點，不用排大隊

我記得當日，與你最低溫度下，吃博多拉麵，你愛吃葱花.....歌劇人無時無刻都可以以歌表達情感, 今日食拉麵就另我想起呢首歌！我們點了一個豚骨拉麵、蝦味噌豚骨拉麵、加餃子同埋小龍蝦蟹子沙律。餐牌一眼望晒，啱晒選擇恐懼既朋友仔。落單後五分鐘都唔使，熱辣辣既餐點已經放到面前了。紫菜好脆口包埋小龍蝦沙律食唔錯。餃子唔多肉唔會太濟。豚骨拉麵個湯好好飲，半熟蛋超好食，豚肉又唔硬，我食麵連湯都清晒！朋友那個蝦味噌豚骨拉麵比較濃，喜歡咸的食呢個都唔錯！要讚一下餐廳，雖然細細間得幾張枱，但每張枱旁邊都有一盒紙巾供客人使用。又有一壺凍茶隨便斟，另外也有其他配料(芽菜、蒜蓉、七味粉、芝麻、酸薑)讓客人按自己既喜好加入拉麵度，夠晒細心！

這家位於尖東的日本拉麵店，面積細細只有十多張凳，很容易就滿座，適逢夜晚去紅館看演唱會，在開騷前就到這日式拉麵店光顧。日式拉麵沒太多選擇，只有豚骨湯麵和蝦味噌豚骨湯麵兩款，若是套餐可選配餃子或小龍蝦蟹子沙律其中一款。拉麵送到桌上，見到濃郁嘅湯底滲出陣陣的香氣已經食指大動，湯麵只有兩片豚肉 及兩邊糖心蛋，以及紫菜及一些配料， 整體分量不算多，拉麵煙韌爽口，湯底味道十足，不過我會再加辣芽菜及蒜蓉來刺激味蕾，湯底之好味真係要一飲而盡。而餃子味道也不錯，只是略嫌餃子size較細。整體來說味道滿意，感覺不俗。

Last dinner, my friend introduced me to here for Ramen.Is a very cozy shop with full of Japanese style construction.In the menu, its only have two type of Ramen. I have order the shrimp flavour oneThe soup is not too oily, with many dried shrimp in it, quite special👍🏻Also, the soft boil egg is very nice too. But the texture of the noodle and pork chop is not my favourite style. 😔

是晚心血來潮，黎左亞士厘道既博多拉麵知道佢有數間分店，一路都無機會試，今日收工後，試試佢餐廳容納到既人數唔算多，都係簡簡單單餐牌選擇都唔多，兩款拉麵 兩款小食人均消費大概100，拉麵黎講都係合埋水平叫左兩個小食先煎餃子，多汁發揮到一般日式餃子的水準！呢個沙律有驚喜，用紫菜包住食，別有一番風味很適合夏天食既一個前菜拉麵大大碗濃郁既湯底很惹味！配料簡單，喜歡的是沒有竹筍，個人不喜歡竹筍所以有基本木耳絲、玉子、叉燒 已經好滿足值得一提既係玉子整得好好，蛋黃浪下浪下yummy! 麵既質地適中，個人喜歡偏硬一點的。如果餐廳可以選擇麵的軟硬度 會更好整體黎講，餐廳環境、服務同食物質素都唔錯

好耐好耐以前，耐到我都已經唔記得幾時，超過左二十年喇，仲記得喺日本轉機去美國，我就順便落機喺日本玩左兩日，呢次係我人生第一次自己一個去外國旅行，都係周圍行下食下咁，最令小弟當時難以忘記嘅美食，就係正宗地道嘅豚骨湯拉麵，喺三日行程裏面我食左5碗，五碗都係幫襯當時喺東京好出名嘅拉麵連鎖店 - 天神拉麵，自此愛上，但幾年前去日本東京，就已經揾唔翻呢間拉麵店，不過對天神拉麵呢間店仲係念念不忙。知道最近有間叫博多拉麵別天神嘅拉麵店開張，一聽倒天神兩字，特別親切，揀左一個閒日嘅中午幫襯。陳設相當日本風，同日本大部份食肆都有同一共通點，就係座位較少。喺調味架我發現左我嘅最愛蒜蓉，加入拉麵湯裏面，個湯總覺得特別好飲，日本東京以前開到成行成市嘅天神拉麵，枱面就梗有一兜，香港反而好少見。一睇餐牌，有啲嚇親，麵連小食只得4個選擇，日本人開嘅餐廳出名貴精不貴多，但係日本普通一個街邊麵檔都可能有6-7種食物選擇，就咁睇博多別天神對自己嘅四款食品真係充滿信心，食客唔通真係會食極唔厭呢幾款食物？我同友人都點左蝦湯拉麵，小食就小龍蝦沙律同餃子各一 。小龍蝦肉彈牙新鮮，飛魚子脆口鹹鮮，有水準，用紫菜卷住食比起空口食正啲

每天放工都衝衝忙忙的離開，每次走到上紅磡火車站的行人天橋都有一陣豬骨湯香味不用追查已知是由天橋口的別天神傳來今晚難得朋友F來接放工，一於吃拉麵！我點了蝦味噌豚骨拉麵餐，配小龍蝦蟹籽沙律 ; 朋友F選了招牌別天神拉麵餐，配煎餃子。當然小食是大家分享眼看師傅煮麵，揈乾水。。很快變做好兩碗熱呼呼的拉麵我的蝦味噌豚骨拉麵顏色非常鮮豔，有櫻花蝦紅/青葱綠/粟米黃，賣相吸引。食拉麵第一件事當然是先喝一啖熱湯，湯底充斥著蝦甜味及豬骨香濃味不久湯慢慢地被櫻花蝦開始染紅店家選用的是幼麵，雖幼但沒有煮得太腍，軟硬度剛好配搭拉麵的還有一隻半流心的溏心蛋及兩塊肥瘦適中的叉燒朋友F的別天神湯麵，是特濃豬骨湯底，感覺像是從豬骨精華都溶化在湯裏面若有細心留意的話，桌子上有寫著如何把湯底推上更高層次。桌上亦於有各種調味食材可隨意用。小弟愛蒜香所以湯底雖然已無可挑剔，但也要補點蒜泥小食當中我最愛小龍蝦蟹子沙律，以乾脆紫菜捲著小堆龍蝦沙律，味道甜甜的還有些卜卜脆的蟹籽，口感一流內裏包著豬肉及菜的餃子也煎得香脆兩口子食得很滿足，拉麵價格從來不是重點，最緊要好食

之前喺紅磡分店食過，一試難忘，今天路經尖沙咀發現有分店，即刻要入去食返碗麵回味下。到店時大約晚上7點，可能平日關係，好多人都未放工或啱啱放工，所以唔洗等位。店內佈局令人仿如置身日本的居酒屋。餐牌仍然是簡簡單單的提供兩款拉麵和兩種小食選擇，專注於這兩款拉麵，唔使三心兩意，好易決定食乜好！點了套餐價包括蝦味噌豚骨湯麵及小龍蝦蟹子沙律。套餐的麵應該比淨點麵多了一顆溏心蛋，而且比單點價格便宜。湯底絕對會影響一碗拉麵的質素。這個蝦味噌豚骨湯麵的湯底保持到一貫嘅水準，濃郁且鮮味滿滿。相信這湯底真是每日長時間新鮮熬製的。配菜有大量粟米粒、葱花和好像是櫻花蝦乾。豚骨濃湯配上蝦乾的香味，鮮味倍增。麵質軟稔適中，帶點彈的嚼勁。小龍蝦蟹子沙律附有紫菜。一球的沙律中有很多塊小龍蝦肉，每塊黏着一些蟹子和鮮甜肉醬。用紫菜包着沙律食，香脆和鮮甜合二為一。枱上有各式調味料可供食客自行調配，旁邊還有牌子建議食客如何自行添加。個人分外喜愛蒜蓉醬，蒜味香得來帶點辣，特別適合如我般重口味的食客。還可自助享用冰涼的茶，茶帶點麥味，很喜歡。此外，還提供了高質面紙給食客自助使用，十分讚！

其實得兩款拉麵嘅拉麵店，要喺香港做係真係好難嘅。今日我哋就去咗太空館睇天文電影，中間嘅空檔時間我哋就去左別天神食拉麵，點解我地揀一間呢？因為我哋之前嗰個禮拜就去咗別府，又去咗博多天神，所以諗住懷緬一下過去，就見到個啲名，就入咗去。我哋入到去先至知道得兩款，不過唔緊要啦，橫掂都要食架啦，所以我哋就叫咗一個套餐，一個拉麵，套餐嘅意思呢就真係包你四隻餃子，餃子幾好食呀！但個拉麵呢就都過得去，平平啦！但最搞笑係您叫左食物，要立即俾錢BTW,佢個冰凍嘅茶好好飲，飲左好多杯。