博多拉麵別天神 (已結業)

去過福岡旅行，就知道當地人最愛食博多風拉麵。所謂博多風拉麵最大特色就係豬骨湯底，配極細麵。香港一樣有得食，就係呢間博多拉麵別天神喇。簡單d，呢度有兩款湯底，分別係豚骨湯麵及加上蝦味噌的蝦味噌豚骨湯麵。加$30有套餐，可以食到餃子或小龍蝦蟹子沙律。餃子皮薄，所以外脆內軟。紫菜包沙律幾特別喎。豚骨拉麵：幼身的拉麵加濃厚的豚骨湯底，拉麵可掛湯，配料好豐富！蝦味噌豚骨拉麵：加左蝦味噌味道更香，櫻花蝦同粟米令碗拉麵更甜呢！呢度有隱藏口味推介，我試跟特濃口味，辣芽菜、拉麵汁加蒜蓉果然有化學作用，令拉麵味道更香更濃呢！