千賀水產の鮮鍋道場 (已結業)

在銅鑼灣逛街購物後，又餓又累，正在打算找地方坐下慢慢吃。碰巧接過傳單，這家新開張的無限時任食，可以坐下慢慢食，正合心意！好湯底後，侍應就送上幾款必食環球美食菜式，有刺身及熟食，不用餓著肚等火鍋湯底滾起！ 四品刺身盛合及象拔蚌刺身三文魚，北寄貝，甜蝦及油甘魚都算肥美，象拔蚌新鮮，而且不是薄切 。立貝黃金燒一人有一隻，燒得金黃色，扇貝中SIZE，咬落彈牙 。韓風人蔘雞鍋吃過刺身及立貝黃金燒後，湯底也剛好滾起來了。點了韓風人蔘雞鍋，一般任食的火鍋湯料都不用多，但可找到不少人蔘及雞件。海鮮盛合有蝦，鮑魚，蚌，蜆及脆鯇件，全部都新鮮，其中脆鯇份量都幾多。 鰆魚魚皮唐揚／稻荷腐皮卷唐揚兩樣都炸得脆口薄皮，輕輕沾下湯汁，能吸收湯汁之餘依然脆口 。極上手切牛小排任食火鍋也都可以吃到高質牛，難得！雖然這款牛只提供一次，不是追加樣式，但不是得兩三塊敷衍了事。肉質軟腍油脂均勻有肉香，沾少許醬汁直接品嚐肉味。 三色海鮮丸 (鯪魚丸，蝦滑，墨魚滑)都是手打丸，就是爽滑 。自家制双目水餃有芹菜餃及韮菜餃，皮薄饀料足 。吃過一系列指定美食後，就可以繼續點追加食物，還有沙律吧提供大量蔬菜及甜品。另飲品及雪糕選擇非常多

上星期日到銅鑼灣霎東街假日酒店一樓的 左鄰右李 食粥, 忽見三樓開了新餐廳,  千賀水產の鮮鍋道場, 好吸引的水產火鍋放題, 食物多, 無限時.環球美食菜式, 星期一至四, 成人每位  $268- . 我們一定要來.結果約了朋友, 訂星期一晚檯, 聚一聚, 乘機吃飽飽.餐廳以道場為名, 大陣容, 食品大堆頭, 以 $268- 價錢, 在假日酒店內享受美食, 有驚喜, 座位大而寬敞, 小組客人會有間格, 自組小天地, 兩人會安排卡座, 四人長桌.座位色彩繽紛, 夠潮.服務員好殷勤, 我們一坐下便送來餐牌, 及介紹美食專區, 好細心!可選不同湯底.   我們點了好健康的 溫野菜蕃茄鍋. 服務員送來兩個小食, 毛荳和雲耳, .又為我們開爐, 招呼好週到.我們先探探飲品供應處, 有竹蔗水, 酸梅湯. 熱玄米茶, Blue Girl 啤酒.冰櫃飲料種類繁多, 包括汽水, 韓國果汁, 奶, 咖啡, 茶....等.  我們也先取竹蔗水及芒果汁, 又止渴, 百喝不厭.服務員送上 新鮮刺身一盆, 這是無追加項目.   有兩隻巨形珍寶蝦, 象拔蚌, 北寄貝,  三文魚腩,  油甘魚.   款款鮮甜爽口,

呢度係時代廣場附近，地點好就腳好多湯底可選擇，就選了山地野菌清湯湯底，湯可以帶出食物的鮮味，一路打邊爐，一路加清湯而不是清水，超惹味雪花牛滾滾好足牛味，牛肉薄片十分新鮮刺身好大盆，又有長長的赤蝦，有切得薄薄而入口爽口的蚌片，有三文魚、油甘魚、北寄貝刺身，鮮味十足海鮮拼盤好豐富呀！打邊爐又鮮又甜，份量十足，食得名貴食材，大飽口福芝士焗元貝好鮮味牛丸、魚旦好爽口，尤其覺得芥末流心丸超喜歡，咬落有綠色的芥末流心出來，差點燙到，不過好特別好惹味蕃茄好鮮紅，粟米好甜，芋絲好味，薯粉好煙刃，估唔到有至喜歡的薯粉其實可以任點的食物好多，自己取的菜多選擇，仲有雪糕、甜品另外的飲品好多選擇，有汽水，有韓國飲料，有酸梅湯和竹蔗馬碲水，清熱解暑一句，抵食

自從轉左工，好耐無出動搵食，今次難得出銅鑼灣，就去食個新開嘅火鍋放題。坐入去之前，思前想後，決定要人參雞鍋，補一補佢。叫得水產，當然有我最鍾意嘅刺身。三文魚、油甘魚、大大隻蝦、北寄貝。最最最重要，有我好耐無食過嘅象拔蚌刺身。好甜好爽，好開心呀。個放題包左一碟海鮮拚盆("亦即海鮮盛合")，當中我估唔到有大大隻鮑魚、扇貝、4隻大花甲、2隻蝦、同2隻好鮮甜嘅甲殻類魚片咁。當然，打邊爐就少不了牛肉啦！ 同手打丸同餃。個餃真係好好好大粒，佢真係同平時打邊爐個d唔同，佢個d好飽滿。仲有任添嘅魚皮同腐竹唐揚。兩者我喜歡佢嘅魚皮，食到停唔到口。除左有生野去打邊爐外，每人仲有隻bb醬焗帆立貝。除左上面個d固定一人一份嘅食物之外，牛羊豬肉魚皮唐揚個d可以添。但不是極上牛小排了，而是美國肥牛。一樣好味！其實佢有好多野飲同自助配料吧。仲有好多甜品。真係同一般dX一好唔同呢~返食指數:3.8粒星。因為真係幾抵食呀，兩個人加埋一，600幾蚊，但食到嘅海鮮真係好鮮。無論係刺身定打邊爐海鮮都係好野。而且地方乾淨光猛卡位夠闊，不會好逼咁。仲有可以無限時，難得！

今日開始一連幾日國慶假期，當然要四周圍行下食下好好享受假期，一早先去行街，睇戲，不知不覺已經晚上6點幾，開始有少少肚餓，行經銅鑼灣假日酒店附近見到有間新開的火鍋店，每位$298，試業中2人同行一人半價，包括刺身，海鮮盤，前菜等等，還有自助火鍋配料，飲品，熱盤小食，粉麵，糖水，雪糕甜品等等，簡直包羅萬有，款式多。店家先奉上前菜，小食，刺身拼盤枝豆- 清甜爽脆麻辣豬耳- 麻辣味辛辣香口，豬耳爽口彈牙刺身拼盤- 帶子刺身鮮甜味美，牡丹蝦彈牙爽甜，三文魚肥美甘甜，象拔蚌鮮甜爽脆。海鮮盛盒，海鮮豐盛又新鮮，鮮蝦，鮑魚仲好生猛不停郁，貴妃蜆大大隻又爽甜，沙白蜆肉鮮甜多汁，脆肉鯇脆口鮮甜，鮑魚鮮甜味美。極上手切牛小排牛肉色澤鮮紅，油花均勻，食落肉質鮮美嫩滑三色海鮮丸鯪魚滑-魚肉鮮甜軟嫩蝦滑，墨魚滑都十分爽口彈牙，仲鮮味十足。肥牛-肉味濃而且鮮嫩黑豚肉-豚肉爽嫩鮮甜最後當然要食碗湯水先滿足紅豆沙-紅豆大大粒仲煲到起哂沙，而且唔算甜，好美味喔！今晚真係超大滿足，食物新鮮，款式又多，下次要帶屋企人一齊去試下。

很久沒有寫記，不是沒有出吃飯，只是沒有值得揮筆動力。。。香港人愛打邊爐之心從沒受炎熱天氣影響，經朋友介紹下，今晚便約了許久不見閨蜜去試試日式火鍋放題。。。餐廳位於Times Square 旁邊的Holiday Inn 洒店三樓全層，浄係聽到個location 就知一定舒適好坐。朋友之前一早掟咗位，𨋢門一開，感覺舒服，reception 親切有禮，我們被安排到一個舒適卡位坐下。門面夠日式，好有日本居酒屋feel。坐下有位面帶笑容及有禮貌waiter 向我們介紹放題內容，刺身，手打丸，海鮮拼盤及手切牛小排都是一次性食品，餘下的美國肥牛，豚肉，羊肉等等等都可以免費無限encore ，仲有飲品，菜，甜品，雪糕全部包在放題內。如比一來，只是收hkd 298 一位，真係超值優惠。店員還說現在試業，第二位半價，所以等於打七五折。此優惠至十月十號咋，有心識就要快！放題包一款湯底,可加錢轉premier d 嘅，我們加咗hkd 28 轉兩款，分別係人參雞同黑蒜豬骨湯。登登登登，刺身拼盤上台啦⋯⋯象拔蚌，北寄貝鮮甜爽口，油甘魚及三文魚腩夠肥美再加隻鮮甜到不得了珍寶蝦。。。為之後嘅邊爐掀開序幕。。。打邊爐又

知道CWB HOLIDAY INN EXPRESS 開咗間火鍋放題，所以就同朋友仔去試吓依家到10月10日二人同行一人半價，所以真係唔試唔得上到餐廳覺得好大好寬敞，枱同枱之間有一定既距離唔會覺得焗束一坐底，侍應就同我哋講用餐既內容會有一次性既刺身/海鮮/三色丸出面會有菜/丸/甜品/飲品 供應肉類都可以追加，有牛/豚/雞/羊等等飲品同雪糕都有好多選擇呀....除咗大路包裝飲品之外... 仲有竹庶茅根同酸梅湯...仲可以有熱玄米茶添呀...甜品有多種味道既韓國雪條甜筒選擇...出面既丸/菜/麵都有好多得揀... 連醬料都有好多呀正式開動，首先係珍味小食兩款木耳，清爽！最啱做前菜麻辣豬耳，少少麻少少辣。食唔到辣既人都可以一試，"麻"得好惹味好開胃之後一次性既食物都開始送到喇刺身盛合蝦/象拔蚌/北寄貝/油甘魚/三文魚腩見到個刺身盛合就覺得好開心.... 啲刺身都好新鮮蝦夠甜... 象拔蚌爽口清甜... 油甘魚同三文魚腩都好肥美...湯底我哋揀咗兩個湯底... 人參雞同埋豬骨湯底人參雞湯底真係有參家喎... 清清哋但係就越煲越有人參味豬骨湯底有大大嚿豬骨... 愛食豬骨既人就一定要ORDER喇手

宣傳單張寫到明話⋯⋯中日式放題，又見新新開張咪去試下囉，上到去先知係語言偽術。單張上亦無講明魚生及部分食物只可叫一次我去呢間餐廳前打去問過服務員，佢都話放題咪任食上到去先知四式魚生拼盤只可叫一次自助巴區只有丸類，菜，面，飲品，雪糕牛羊雞要每次同店員order,而每次份量都好少，好似吾想俾人食咁完全係伏同埋勁吾抵食，同埋d野吾算特別好飯。295蚊加一，第二位半價我見到其他客都有遇到我同樣既問題，上到去先知俾人呃左呢個價錢好多其他選擇

轉新工，特登同女朋友黎試下間新火鍋放題，模式有點特別，一開始有一個特定的set，有前菜刺身小食海鮮，再有數款肉類放題，及甜點蔬菜雪糕飲品任飲。所以食完身一round都飽50% 每樣試一試就飽120%二人同行 一人半價 抵！可放題的肉類都不少 還有蜆熟食要推介 蝦碌！鼓油味很突出，煮得香脆，連彀食埋但是海鮮就有鮑魚貝類，牛肉手打丸，餃子，前菜。麻辣豬耳一級捧！辣辣的很過引！脆肉鯇，魚如其名，真係焯完是爽的牛肉 一定要encore, 美國牛味濃郁，油脂分佈均勻，入口淋滑刺身 不過不失，每樣有啲 過下口引咁甜品種種多 味道都不錯 唔經唔覺食多件雪條是韓國蜜瓜雪條飲品櫃飲料齊全！涼茶氣水都有豬同羊，豬肉不錯，羊有點so總括而言，服務不錯 有細心講解，食物種類都不少Ps 刺身可追加就好啦

從街上派發傳單的小伙子手上接過了一張傳單，知道時代廣場旁的智選假日酒店剛開了一間新的日式火鍋店，新開張期間還有第二位客人半價(變相75折)的優惠 。反正朋友這日原先也是選取了一間火鍋店晚飯，便索性跟朋友相討，火鍋飯局臨時即興轉場。(據服務員所說，試業期間的第二位客人半價優惠將會做到十月十號。)智選假日酒店位處銅鑼灣時代廣場旁，位置相當便利。不過始終是位於內街位置，附近人流不多。食店佔了酒店整個樓層的區域，座位數目甚多，但環境光猛，格局寬敞。尚在試業階段，是夜食客不多，沒有人滿之患，侍應生的服務亦份外週到。千賀水產原來剛在數月前在元朗區開張，經營海鮮磯燒放題。老闆鋭意擴充版圖，數月後已經衝出新界區，在鬧市開了這間姊妹店。新店一樣是吃放題，但跟元朗走的路線略有不同。吃的是火鍋放題，常日價錢每位$268，週末或假期前夕每位$298，九時後入座還有八折優惠。與其他火鍋放題比較，肯恩最滿意的是在這裡用膳並不設時間限制，客人不用滾水淥腳地趕快要把熱到燙滾的食物往嘴裏送，可以慢慢地品嚐食物。晚市套餐有一份固定的菜單，裡面包含了十道食物。魚皮及腐皮卷可以無限次添加，其餘的食物只一次性提供。至於外面的自