千賀水產の鮮鍋道場 (已結業)

為慶祝囡囡返第一份工。今日接佢放工食飯慶祝。上網搵吓銅鑼灣有咩新嘢試。見到係假日酒店有間新開日式火鍋放題。見到餐廳環境都唔錯，坐位闊落。就試試。$295一位（加一已計埋）。超抵食……點解會超抵食？就係包括海鮮拚盤/刺身拚盤/牛小扒……以上食物一次性的。但這些都已值回票價。而且還有好多食物任食。炸魚皮/嚮零/台灣腸仔/什丸……食品款式未能盡錄。仲有好幾款麵。飲品款式又多。仲有仲有。就係我最終意嘅雪條：韓國雪條/大腳板/雪米糍。仲有呀！蛋糕仔/啫喱…………真係好多好多。所以認真抵食。海鮮拚盤包括大海蝦/聖子/大蜆/珍珠蜆/貴妃蚌/鱔/脆肉鯇魚刺身拚盤包括超大隻赫蝦/三文魚/象拔蚌/北寄貝/希靈魚/魷魚。樣樣都鮮味十足仲有其他熟食刴椒蒸魚-魚味鮮, 但不夠辣京都骨-甜酸味道剛好, 肉質夠淋, 夠滑自助調味區

平時d放題成日限時限刻，成日睇住有冇過鈡，如果成班fd想吹水就更加唔想限時～不過，銅鑼灣竟然有間無限時，價錢都係二百中至尾，平時限時都差唔幾啦，宜家仲要酒店wor！佢地會先黎幾份standard左嘅野食，有海鮮，刺身同肉肉～亦有無限加追嘅～有個自助吧，野食呀，菜呀，丸呀等等，醬油野飲亦是自由攞！雪糕櫃是Dryas嘅，不過今次我雪糕目標唔係佢～好多雪糕雪條選擇！有好多都係韓仔野，平時七仔都十幾廿蚊枝啦～食番2支是常識吧！醬油吧～刺身併盤三文魚，北寄貝，呑拿魚，蝦，象拔虴～全部都好新鮮～特別係三文魚，夠曬肥美！焗帶子～用上蟹籽千島醬焗成，非常yummy，我基本都可以食到六隻，不過好可惜呢個唔係免費無限加J架！前菜～枝豆～一般也是沒有什麼味道的吧！涼伴木耳～用了醋去醃漬，口感爽滑～配料炸魚皮，質感少少硬，但如果放落火煱唔就甘食，就會有問題響鈴～唔會有千年油嘅味道，鬆脆！魚豬墨魚丸應該都是自家手打，雖然口感一般，但味道搭夠！海鮮大併盤貴妃虴～殼已經打開，清洗得好乾淨，幾鮮甜鮑魚～一般size la，唔算un蝦～眼仔脹卜卜好新鮮，肉質爽口鯇魚片～份量也頗多，有少量最後吃不完喔～牛香十足，質素頗高

新開張聲勢浩大，全埸爆滿。主打海鮮火鍋，每日新鮮運到。果然吸引一批好食之友。鍋底多款選擇，既然標榜海鮮，當然選了蟹鍋。蟹隻是花蟹，肉不多，勝在鮮甜。指定海鮮有脆鯇，蟶子，花蚌，蝦....，夠鮮夠甜。另㚈一客刺身有三文魚，象拔蚌，赤貝，蝦....品質尚可。牛肉我最鐘意，紋理均衡，肉質鮮嫩多汁。火鍋配料擺放整齊，讓人食得放心。隨了火鍋配料外還有熱食的椒鹽魚塊，糯米飯等等，多元化。甜品有糕點，啫喱⋯⋯發現了一種韓國雪條有多款味道，頗特別。無限時任飲任食，係銅鑼灣區算少有，值得推介。

現家好多火鍋店係經營上都改變咗好多，舊時鍋底得兩三款選擇已經好開心，至於火鍋配料當然梗係要逐碟逐碟計數而且種類都係大路口味，冇話有好特別口味供應，價錢都好大差異，但近幾年已經變咗新開嘅火鍋店加入咗不同口味鍋底，配料亦增加不同種類選擇，到價錢都係貴咗小小已可以食到高質火鍋，真係食到大飽口福是日晚又去咗銅鑼灣時代廣場後面霎東街一間酒店商場內品嚐日式火鍋海鮮，俾一個價錢已經可以食足了5，5小時咁當然要早點來先得，就算遲來都一樣都食得咁開心，好啦先點咗湯底我就點咗波士頓龍蝦鍋，都係俾多$60就有個靓靚鮮湯底，係等鍋底時同時可以係出面自助區搵D熟食食住先，都有幾款口味提供，湯底滾緊同時，先出來係環球美食菜式逐一出來有帆立貝黃金燒，熱辣辣醬汁再加上帆立貝厚身又多肉再來係四品刺身盛盒加象拔蚌刺身，肉質色澤閃亮就知好新鮮，當然要快D品嚐一下，有三文魚入口肥美，甜蝦大隻鮮嫩，油甘魚厚切又飽滿，北寄貝夠爽口，當然唔小得象拔蚌嘅鮮甜，而且仲份量十足食咗一輪美食，鍋底亦可以開始享用，先來係極上手切牛小排，放落鍋度燙一燙已經可以食得，肉質鮮嫩脂肪又香濃，再來係海鮮盛盒，份量豐富有海蝦肉質夠鮮，生蠔飽滿又大隻，蚌

之前朋友看見facebook介紹話呢間任食海鮮火鍋正，冇限時兼啤酒任飲，咁吸引，已心郁郁。話說有天朋友發現原來有團購，仲可無限肥牛供應，早一天打電話去book都竟然仲有位，一行5條友便決定會一會佢！三位友人六點半準時到達，有一格獨立的位置，自成一角。叫咗龍蝦湯同兩碟牛諗住食住等，朋友跟住到外面攞嘢原來只有菜腸同丸其他很多東西的盤子也吉了。後來我和另外兩位朋七點半到，而那兩碟消失的牛都仍然處於消失的狀態，友人話已按了鐘很多次，冇人睬，搵侍應又答你黎緊，相信我地共追咗5次，終於，喺已經坐咗大概兩個鐘之後，千呼萬喚的牛終於來了。但其實係等待其間，我地已經用丸來填肚，飽咗8成，結果所謂的任食牛也是徒然。講番啲食物，首先外面調味架中的芝麻醬730我到達時已差不多到底，但竟然全晚冇補過！老老實實啲肥牛都頗韌，肉味欠奉。魚生質素都可以，但海鮮類如生蠔都係一般。至於龍蝦湯底很咸，後來我們索性要求不要加湯只加清水。還有，所謂的無限啤酒任飲也只不過是果味Hoegaarden，得2%酒精，對於好酒的我們著實是到喉唔到肺。其實他們也有生啤提供，但$88一杯好貴，所以冇叫。不知是否湯底太咸的關係，最後想食條雪條

冬意漸濃,我和好友到銅鑼灣購物血拼,友人建議到附近找地方吃晚飯,她提議到附近智選假日酒店,因有很多新食店選擇,我們很快就揀選左這間千賀水產。餐廳主打火煱放題,兼送多款高級美食,一入門口已被巨大食物吧枱吸引眼球,有十多款蔬菜火煱生料更令人目不暇給,有多款丸類及肉腸,熱食方面有螺頭雞湯及炒粉麵飯不停供應。火煱湯底有多款可供選擇,我們點了黑蒜油豬骨湯,原來真的是用豬骨淆製,相當足料。飲品櫃選擇眾多,還有果汁機提供多款口味。餐廳送的食品開始送上,首先是四品刺身盛合亮點是象拔蚌,部長說原條生劏,入口鮮味極濃,很驚喜,其餘三文魚和油甘魚厚切肥美,赤貝很鮮甜,牡丹蝦大大隻鮮甜無腥味第二盤是海鮮盛合,有三款大小的蜆,當中最美味當然是最大的,厚肉鮮味濃,蟶子已劏清肉臟, 非常爽口,海蝦夠新鮮,仲有彈牙脆肉鯇魚。帆立貝黃金燒,醬汁好惹味,珍味小食,豉椒炒蜆, 好有鑊氣,鰆魚魚皮及腐皮卷唐揚, 炸得很脆口,不用放湯可即食極上手切牛小排,起晒雪花,牛味夠濃郁。三色海鮮丸,是手打丸,蝦膠同墨魚膠都很彈牙自家制雙目水餃, 饀料是蝦及西芹,味道清新。還有其他火煱生料可無限量追加最後當然是甜品時間,有dreyers雪

今晚放工又去咗銅鑼灣shopping，秋天 is coming, 轉季啊！又要買新衫喇！老公一早訂咗位，就去 Time 後邊嘅 holidays Inn 酒店，初時我以為佢帶我食西餐，點知原來係日式刺身海鮮火鍋放題好贊成佢門口寫嘅酒店環境進食，但只係收旺角嘅價錢。二百幾蚊一位，不限時間任食，銅鑼灣來講確實係幾抵。一坐低老公已經決定點左一個龍蝦火鍋湯底，價錢要加＄60，就有波士頓龍蝦一大隻，啖啖肉確實抵。跟住我只不過係去個洗手間，洗乾淨對手，諗住返嚟慢慢點嘢食，點知店員已經自動自覺，源源不絕咁送上環球美食第一道菜係四品刺身盛合，刺身最緊要係新鮮，入口甜美。跟住仲有燒到金黃色嘅帆立貝黃金燒，細細粒好彈牙好味道。時間啱啱好，火鍋滾起嘅時候，一大盤冰鎮海鮮就送上枱啦！新鮮到扎扎跳嘅海蝦，大大隻張開翅膀的貴妃蚌，每人仲有一隻生蠔，白鱔脆口，仲有我嫌佢太細隻但係滾湯勁鮮甜嘅海蜆唔食太多海鮮，鍾意食牛肉的我，都仲有極上手切牛小排，食得出係質素靚嘅牛，脂肪分布平均，入口即溶以為差唔多點知仲有新鮮手打丸，全部入口彈牙。menu 裏面其中有啲部份嘅食物可以追加，但我哋兩個人覺得自動送上枱的份量已經好夠。決

朋友話最近holiday inn開左間新餐廳,又有得食刺身,又有得打邊爐,最重要既係任食所以就相約朋友一齊去先選好湯底之後就會奉上刺身拼盆、火鍋海鮮、極上肥牛等只供一次的美食仲有其他打邊爐食物同熟食,則可以去出面既自助吧度拎,選擇都好多元化架揀左個壽喜燒湯底乜都未落之前先試一啖,非常甜入面既豆腐好滑刺身都好新鮮有牡丹蝦,三文魚,希靈魚等等佢地都幾肥美立貝黃金燒一人有一隻，燒得金黃色，咬落彈牙 海鮮盛合有蝦，鮑魚，蚌，蜆及脆鯇件其實成個任食既食物種類都幾多,而且好夠食極上手切牛小排牛從來都係打邊爐既重點高質牛,肉質軟腍油脂均勻有肉香甜品都好多元化雪糕我最鐘意食,所以食左好大杯

係yahoo見到呢個團購幾吸引，$188，聲稱原價5百幾，講到好似酒店餐廳甘，諗住同屋企人去，先打去book枱，但要有code先，好，我先買2張，book完再睇真d，每張coupon現場再要付$98,如果星期六日個d仲要再比多幾十，即刻轉2人閒日去算，都要188+98,其實有d取考，甘我同食普通放題或者食其他火鍋價錢相約，而walk in都係$298再加一，只係差幾十蚊。入正題，見其他人食評唔錯，食物去好似幾好，又無時限，採取一試無妨心態去食。環境-係新既，略嫌較暗食物-一次性海鮮拼盤同剌身係唔錯，幾新鮮，貝類都大隻，仲有蠔牛小排都好食，夠香，不過只得一次，之後無限追加既牛相比起牛一普通價錢個d都係靚既，仲有蜆，豚，雞，羊，魚可以追加出面自取有菜，麵，好多飲品，雪糕，甜品，當晚係螺頭雞湯 (還可以),飲品有幾款康師傅，成枝酸梅湯同竹蔗水等等，幾好，不過無試，因為枝裝hoegaarden(檸檬/西柚味)都係任飲，火鍋配啤酒，正！最後飲左4枝甜品唔是吸引，無試雪樣有些少懷疑係咪真係dreyer's...有出密瓜味咖咩？雪條我地一共食左5枝，不過不失啦。另外有熟食提供，當晚有豉油皇蝦 (好味

知道 銅鑼灣holiday inn開咗間新嘅 千賀水產 拿拿林約埋朋友仔放工一齊出去食環境裝修都很不錯 令人有一種放鬆嘅感覺如果想飲啤酒仲可以 以優惠嘅價錢額外點嚟飲㗎如果唔想飲啤酒都有好多唔同款式嘅飲品任你飲另外有自助沙律吧同埋少量嘅甜品任君選擇今日係星期一至四所以我哋可以268蚊嘅價錢放題任食， 本身鍾意食甜甜地嘅我點咗個日式壽喜鍋喺等火鍋配料嚟嘅時候 個套餐本身會跟咗一份刺身 咁我哋可以先食咗個刺身先囉有牡丹蝦，象拔蚌， 三文魚，北寄貝， 同油甘魚再有一份手切牛小排一碟手打丸類一人一隻帆立貝黃金燒稻香腐皮脆糖卷同埋炸魚皮呢幾個全部都係個餐跟埋嘅咁食到咁上下啦唔夠飽嘅另外就會有追加特選推介係免費嘅望落個餐牌都有好多嘢食， 當然我主打淨係食牛囉， 我哋兩個女仔胃口唔係好大其實食咗佢個餐都已經好飽再點多轉少量嘅追加食物 已經非常足夠喇。加上外面都有少量嘅小食同沙律 食埋必定你夠飽

呢間餐廳就係位於銅鑼灣地鐵站附近，Time Square對面既Holiday Inn Express酒店入面，交通超方便。餐廳裝潢都好新淨，又加入一Ｄ型格擺設，美式signs。環境舒適，間隔合理。每人晚市無限時任食收費係平日＄268,假$298，剌身／小食／牛小排等環球美食上一次，其他自助區任食，野飲甜品任飲。自助餐吧位於餐廳中央，擺設有如酒店般高檔，座位比較寬敞，一很適合大家聚餐聊天。火鍋各類蔬菜品種多樣，清洗乾淨，新鮮誘人，當日都見到提供較特別既皇帝菜、窩旬等。水果雖說只有菠蘿西瓜，但菠蘿超甜多汁，火鍋食完後食上一些新鮮水果既解毒熱火又健康。甜品有DRYERS雪糕、雪米糍、韓國雪條、各式蛋糕等。值得一提的是餐廳除了提供罐裝飲料之外，還特別提供竹蔗茅根水和酸梅湯，讓我這種又好吃火鍋又要講究健康的人來說是一個非常好的飲品選擇。今次我們選擇左波士頓龍蝦湯底，龍蝦雖說不如新鮮的清甜可口，但肉質厚且彈牙，勝在湯底味道濃郁。每位客人奉送海鮮拼盤，有超大海蝦海蚌蟶子扇貝脆鯇魚白蜆等，樣樣鮮甜美味，咁都已經值回票價。一盤剌身盛盒實在吸引，雖然唔似其他餐廳係飲叫，但高質素既食物一次已滿足。三文魚、北

今天選擇了千賀水產的鮮鍋道場，因為九點後有八折，而且肉類、鍋物、甜品、蔬菜和飲品是無限放題，非常抵食。超大的自助櫃，食物種類豐富，怪不得人山人海。由於剛開業不久，店內裝修非常新淨，店員的服務挺落力，這麼快已經爆場，真利害！雖然說是放題，每位客人都可以先享有環球美食菜式，當中包括帆立貝黃金燒、四品刺身、象拔蚌刺身、海鮮盛盒、極上手切牛小排、三色海鮮丸、水餃。刺身的質素不錯，非常新鮮，比很多香港的日式放題的刺身，還要美味。海鮮盛合有蜆、 脆鯇魚、海蝦、蠔、帆立貝等，都是一些我們平時在火鍋店愛吃的海鮮種類。湯底，今晚選擇了黑蒜油豬骨窩，濃濃的湯底，灑上香香的黑蒜油，令想起我有一段時間沉迷著某牌子的香蒜油豬骨公仔麵呢！黑豚肉、肥牛、雞肉、羊肉、鯇魚等，是無限供應的，不妨挑戰一下你們的胃口。吃過海鮮和肉類後，開始進軍蔬菜吧。最後不要忘記留胃口把雪糕、雪條吃過夠！星期一至四，九點後每位268再八折，非常吸引，比去港式火鍋店，能吃得更暢快！

銅鑼灣開咗間新嘅日式火鍋放題，開咗喺假日酒店入面，個名同元朗千賀水產好似，唔知係咪姊妹店呢。最矚目嘅係佢哋晚市竟然係冇限時放題，閑日都係＄268 +1，真係食到飽晒先走啊。首先揀咗個湯底先，呢度都有好多唔同款式嘅湯底比較少見嘅，除咗日式火鍋必見嘅壽喜鍋湯底之外，仲有少見啲嘅人蔘雞湯，黑蒜豬骨湯，同埋沙茶擔擔等等，加錢仲可以有龍蝦湯甚至蟹鍋添，我哋今次就揀咗最傳統嘅壽喜鍋湯底。跟住係黎左一人一份嘅環球美食餐，之後仲可以後加嘢食。四品刺身加象拔蚌刺身四品分別有油甘魚，三文魚，北寄貝，同埋牡丹蝦，刺身都似得幾大片，而且食落好新鮮，最好食就係個象拔蚌刺身，彈牙得來爽口清甜，豉油都唔使落，牡丹蝦有一隻手掌咁長，仲有好多蝦膏添，識落夠清甜而且又夠creamy，但刺身冇得後加，有啲意猶未盡。三色海鮮丸有墨魚丸,蝦丸同埋鯪魚丸，三隻丸都打到起晒膠，非常之彈牙，而且用食得出裏面好多料，咬咬下會咬到一粒墨魚或者係一粒蝦咁樣。帆立貝黃金燒飯粒杯好大隻，用咗芝士同埋忌廉湯去燒，燒出嚟黃金色，賣相好精緻，樂嘅味道非常濃郁，裏面嘅帆立貝都好彈牙，冇燒到好乾身咁，上面仲加左啲蟹子，增加口感。鰆魚魚皮唐揚稻荷腐皮卷唐

火鍋放提是香港人最愛，見秋意漸濃，見新開的「千賀水產の鮮鍋道場」價格吸引，兩口子就來個二人世界，「邊一邊去」~新店位於智選假日酒店，選址方便，銅鑼灣地鐵站Time Square旁邊，要是一大班朋友聚會，是不錯的聚腳點! 食店有點像「貨櫃」的全新裝修，給人佻皮、年輕活力的感覺。放提式的打邊爐先選好湯底，店員會奉上環球美食—刺身拼盆、火鍋海鮮、極上肥牛等只供一次的美食，然後可再按需要追加指定食材，另外，也可到自助食物位置，取其他邊爐食材、熱食、飲品和甜品；既不會浪費食物，又可保持食物新鮮。刺身拼盆，單是大大隻甜蝦都值回票價! 極上肥牛片超滑超鮮味!一次性的食物有大大隻蠔、聖子、蜆等，全部都很新鮮，淥熟後仍充滿海水鮮味!!湯底有多款選擇，加錢的還有龍蝦湯底呢! 選了基本的黑蒜豬骨湯底，熬製湯料的材料很足，豬骨湯很到位自取的食物主要以蔬菜類、丸類和甜品為主飲料櫃有多種韓式飲料，也有我最愛的蜂蜜綠茶，亦設任飲汽水和果汁機；要是想喝啤酒，可以另外付費購買，指定款式有第二杯半價優惠基本上吃光一次性的食物已經大半飽了，追加了肥牛、黑豚肉和脆肉鯇，肉類很嫩滑，賣相得睇，乾淨衛生最後甜品總結，除了雀巢雪糕