千賀水產の鮮鍋道場 (已結業)

已經很耐沒有打邊爐，今天和朋友去銅鑼灣的千賀水產の鮮鍋道場食火鍋放題，放縱一下平日收費$268，看似有點小貴，但其實十分超值，因為餐廳食物高質，同時大方不孤寒，食物不停補給，叫幾多來幾多不走單。每天不想太重口味，所以選擇了忌廉濃湯雞白鍋，味道剛好不會過濃，可以突出食料本身的鮮味。前菜有極多款式，沙津、壽司、炸物、熟食任君選擇，熟食更會不定時換款，有意外驚喜！先送上象拔蚌五品刺身盛，份量恰到好處，質素更比不少放題高，而其中的大蝦最令人滿意。海鮮盛合有不同的海鮮，貝類清洗乾淨無沙，入口鮮甜彈牙，記得別淥太耐！極上安格斯牛小排，脂肪紋路上佳，牛味濃郁，肉質鮮嫩，上乘之作！任叫的美國穀飼肥牛片亦沒有將貨就價，油脂沒有安格斯牛小排豐富，因此牛肉味更為濃郁。有多款蔬菜，每款都非常新鮮，不似坊間一般任食火鍋溶溶爛爛，更有其他地方少見的蟲草花和秋葵。食到後段更有原條蒸魚，令人喜出望外！甜品方面選擇非常多，本人最愛MELONA雪條，在這裏可以吃個夠！店員服務殷勤專業，在現今服務業實在少見，值得一讚！

這晚温度稍降，冷冷的天氣最適合吃火鍋！來到銅鑼灣，一間酒店內竟然有酒店式的火鍋自助餐！選了鍋湯底後，便送上每人一份的刺身、牛小排、海鮮盤、手工水餃、貢丸和丸滑，份量也不少！不夠的話還有少食材是任點任食，也可以出去自取食材！刺身頗新鮮，尤其牧丹蝦大大隻很鮮甜！牛小排質素也好，脂肪量適中，入口滿口牛肉香，而且多汁，太好吃！海鮮也不錯，全部都很新鮮！除了火鍋，還可以自助各種熟食、甜品和飲品！天婦羅炸蝦炸得香脆，蝦肉爽彈！沙巴龍 仔好嫩滑鮮味，好吃！還有多膏的炒蟹！多款雪條同甜品。總括而言，呢度環境食物都唔錯，價錢又相宜，絕對值得一試！

銅鑼灣智選假日酒店向來都有好多嘢食，見天氣咁凍，所以就揀咗間有火鍋放題嘅餐廳試下，發覺呢間又平又好食。首先佢有好多唔同湯底選擇，我地決定揀個沙茶牛肉湯底。放題包埋刺身， 牡丹蝦好大隻，而且鮮甜可口，其他刺身都好有鮮味，可以話係晚餐嘅好開始!佢送嘅海鮮多種類之餘，每種都好高質，鮑魚，蠔同象拔蚌都好肥美好大隻，蟶子一d都唔腥，蜆肉份量多，個蝦嘅肉質好彈牙好有口感。個牛都好好味，佢係極上安格斯牛小排，就算煮咗好耐個口感都好好，質感同牛味都可以保存到，而且佢嘅牛味適中，一流👍出面都有好多熱食選擇，當中更有瀨尿蝦，麻辣雞，蟹，三文魚等等，好多食物都好有鑊氣， 而且海鮮嘅肉質都好多，食完都好滿足!甜品方面，嗰度都有好多選擇，有啫喱，有蛋糕，都有雪條。總括嚟講，呢間餐廳嘅食物質素都好好 ，而且刺身 ，海鮮，熱食同埋甜品方面都有好多選擇 。飲品櫃都有幾個，仲有蘋果汁橙汁提子汁畀我哋揀 ，加上呢間餐廳嘅環境都唔錯 ，所以值得一試!

天氣寒冷，連續打了好幾天的邊爐，千賀水產の鮮鍋道場是其中一間。湯底選了清新的溫野菜蕃茄湯，在湯底上桌前先到自助區拿點熟食醫肚。自助區的食物種類也不少，有壽司、沙律、各式海鮮，在火鍋放題界來說選擇的確很多。每桌先上一個刺身拼盤，雖說不是主打日式食物，刺身的質素也很不錯！赤海蝦很大隻，比我的手指還粗。職員會先上一輪食物，之後再落單。首輪的牛肉很不錯，雪花均勻，肉質鮮嫩。醬爆薑汁貢丸很重薑味，餃子不過不失。令人眼前一亮的海鮮拼盤，有鮑魚、蠔、鯇魚片、蜆等等，不是雪藏貨，很新鮮。鮑魚已去除內臟，煮後仍很柔軟，不錯！之後叫了一兩輪食物就很飽了，再多吃了一條榴槤雪條便封肚收工！

放完個大家去完個長旅行返嚟都要約下朋友食飯嘅今日同朋友去行完街然後見到依間餐廳....就諗住去試吓啦餐廳係食任食火鍋, 包一個湯底,、一個刺身拼盤、一個海鮮拼盤, 其餘可以無限追加, 出面都有d邊爐小食、湯、蔬菜、醬料、壽司、甜品等等可以任拎, 總有一款岩你心水, 特別要提有個響螺雞湯, 非常好飲, 平時少湯水既可以飲多兩碗 湯底有好多選擇, 我地揀左蟲草花皮旦莞茜鍋, 嗌完冇耐拼盤就黎喇, 刺身食落好新鮮, 特別係好肥美既刺身蝦, 蝦膏一啲腥味都冇 , 象拔蚌都好爽口!而海鮮拼盤都好新鮮, 扇貝、鮑魚、鱔片等等好正! 仲有安格斯牛小排好有牛肉味！好正！食完呢啲我地都飽左8成, 所以無限追加個d我地都冇叫～剩係出去拎左菜....好多款架！食飽飽梗係要用埋另一個胃食甜品啦, 佢有好多款韓式雪條任拎, 夠大方~下次飯聚又多一個地方選擇！

冬天是打邊爐的季節，現在的火鍋百花齊放，想同朋友一齊「烚下烚下」的選擇有好 多。銅鑼灣新開的「千賀水產」主打新鮮海鮮火鍋放題，便約朋友吃個痛快。餐廳走舒適輕工業風，裝修型格時尚。湯底🥣選擇很多，我們選了温野菜蕃茄鍋，開胃又健康。先上枱的是刺身盛，份量不欺場，北寄貝和象拔蚌尤其鮮甜，甜蝦大隻爽口。海鮮盛合上枱時更是令人精神為之一振，有鮑魚、蠔、貴妃蚌、海蜆、海蝦和脆脘魚。驚喜的是海鮮很新鮮，無雪味，而且清洗乾淨，貝類無沙無內臟，吃起來格外爽快。可無限追加的肥牛片肉味香濃，肥瘦適中。熟食海鮮也有不少選擇，椒鹽瀨尿蝦香口惹味。仲有凍海鮮揀，果然係海鮮主場，不過選擇太多不能盡吃，下次一定要再試。場內的蔬菜都很吸眼，較特別選擇有皇帝菜、秋葵和新鮮蟲草花，有新意！飯麵類有壽司和韓式拉麵🍜，韓式拉麵是較硬身和爽口的一種，配合芝麻醬很滋味。雖然咸食已經吃得很飽，但唔好錯店家甜品，抺茶奶凍香滑回甘，朱古力慕絲和芝士蛋糕🍰香濃細滑，又無化學味。唔怕凍的你仲可以挑戰韓國雪條。以往聽到放題餐廳都無甚好感，多數只是重量不重質。但千賀的海鮮放題質素很高，食物新鮮，真是很值得一試。千賀若能保持質素，定會再訪！

係天氣溫度影響食咩, 難得真正感受到冬天低溫, 打邊爐應該入選呢期火紅開餐之選, 而呢間無限時任飲任食火鍋放題, 就仲更火紅坐落於酒店3樓, 每位$268一早訂好位, 去到時入坐率已經有八成, 今次可以坐入房, 環境較大廳為清靜, 傾計較方便呢度嘅食法係先選好湯底, 然後環球美食菜式及海鮮盛盒會自動送上先送上象拔蚌五品刺身盛, 食材包括: 象拔蚌, 希靈魚, 三文魚, 魷魚及蝦; 每款都食落鮮甜, 尤其隻蝦夠晒大隻, 食起黎相當有口感! 刺身對於港人黎講應該唔會抗拒!海鮮盛盒擺盤靚仔, 有鮑魚, 青口, 蝦, 蜆, 魚片及蚌鮑魚食落夠彈牙青口及蚌烚完都仍然咁大隻, 食落滿口鮮甜味火鍋點少得牛肉, 呢客係極上安格斯牛小排, 顏色幾靚仔, 脂肪分佈適中, 肉味比較濃, 又帶少少嚼勁仲有雙目海鮮滑及醬爆薑汁貢丸, 前者彈牙, 後者薑汁味爆分, 驅寒岩晒食到呢度已經暖立立, 出去凍櫃拎返D凍飲先呢度除左火鍋配料供應外, 仲有唔同款式既食物比你選擇糯米飯, 辣汁煮花螺, 炒排骨, 惹味又滋味凍盤及沙律亦有, 想食壽司?!  呢度都有喎, 每款細細件過下口癮都唔錯以下食物可以無限追加點了美國黑豚肉

天氣咁凍當然要瘋狂打邊爐，但出行食好多時會唔夠時間食，呢間可以食5個鐘，慢慢食慢慢傾最o岩一班人去肉好嫰，牛味好重，好新鮮。海鮮超新鮮，勁甜，蜆類都好有彈性，魚好嫰～菜都好甜好新鮮，午餐肉咸咸的很香，芝士腸外皮很脆芝士味很濃～刺身都好新鮮～雖然係火鍋店但刺身卻非常出色,蝦很有彈性，甜甜的，貝類都很爽脆，三文魚軟軟的魚味很重喔～超大粒！一口一淡，芝士味好濃，甜甜地。魚皮超好食，好脆，浸一浸係湯到林林地脆脆地。

呢間火鍋係位於酒店度既通常都係見酒店有自助餐 火鍋係少D見既呢度既賣點就係任食之餘仲可以坐到5個幾鐘! 平時通常都只係可以坐90分鐘左右今次就可以慢慢食慢慢傾計啦~想健康少少仲可以飲竹蔗茅根火鍋配料真係好多，就咁睇菜都已經見到有好多款我覺得丸就比較細粒 可能係想你食其他野多D XD個菇就大大舊 好有味呢度仲有炸魚皮!就咁食都唔會硬唔似係擺左好耐既炸魚皮就連海鮮都會一黎就比一盤你佢就係按每枱客人既人數去安排食物既 例如海鮮同牛肉等等而海鮮有蜆，沙白蛤，聖子，象拔蚌仔，蚌等等全部都好新鮮 但大家就要自己睇住時間黎整啦~太耐變到好硬就唔好啦牛肉既顏色幾好 有少少"跟"定肥肉咁食落唔會好"鞋"仲有仲有就係刺身! 我覺得呢度既海鮮類係比較出色新鮮同埋處理得好份量都岩岩好又唔係令我地食到飽晒最後都仲有焗芝士帶子 係每人一粒粒帶子好大 芝士味都好濃

My families and I went to a Japanese restaurant called " Ten Million Seafood & Hot Pot Restaurant" (千賀水產の鮮鍋道場) located in 3/F, Holiday Inn Express, 33 Sharp East Street, Causeway Bay銅鑼灣霎東街33號智選假日酒店3樓.We have to wait around 20 mins as the restaurant full house on that night. Long queue outside the restaurant. The Japanese buffet costs HKD$268 / p.p.(Mon-Thurs) or HKD$298/ p.p. (Fri-Sun) for all you can eat within 6 hrs!!!The restaurant is decorated with cool metal plates, wood panels, funky wall

窩夫的另一個慶生飯局，一行六人去吃沒有限時的日式火鍋放題，可以由五時半入座吃到晚上11時，朋友聚會便不用怕顧著吃而沒有時間聊天。到自助區走一趟，火鍋配料的種類很多，任取任食。較少見的有左邊的一口台灣腸。未齊人的時候，先取熱盤邊吃邊等，豉椒炒蜆和椒鹽蝦都不錯。湯底的選擇有九款之多，分別有日式壽喜鍋、韓國人參雞鍋、血池地獄麻辣鍋、山地野菌清湯鍋、沙茶擔擔鍋、溫野菜蕃茄鍋、黑蒜油豬骨鍋，以及有額外收費的波士頓龍蝦鍋和蕃茄野菌蟹鍋。窩夫與朋友一行六人有兩個鍋，其中一個選了溫野菜蕃茄鍋。六人份量的時令海鮮盛合很大盤，場面震撼，一定要拍張合照。海鮮有蟶子、鮑魚、海蝦、鮮海蜆和脆肉鯇魚片等，都很新鮮，其中海蝦、鮮海蜆和脆肉鯇魚片都可以追加的。象拔蚌五品刺身盛同樣震撼，除了象拔蚌刺身，還有三文魚、北寄貝、甜蝦和希靈魚，三文魚超肥美呢。只限一輪的極上安格斯牛小排，脂肪比例適中，口感嫩滑。同樣只限一輪的手工薑汁貢丸和手工餃子，薑汁加貢丸的配搭很有創意。雙目海鮮滑即墨魚滑和鯪魚滑，大家都比較喜歡墨魚滑，安歌了兩次。一人一隻帆立貝黃金燒，比在其他放題吃過的有水準，新鮮燒起熱辣辣，而且吃得出帆立貝的鮮味。邪惡的

老公最鍾意食火鍋，平時帶佢去食放題火鍋最多限時兩小時，食得唔夠喉，所以今次決定帶佢去銅鑼灣假日酒店入面新開嘅一間日式火鍋店，呢度嘅任食放題火鍋我可以食足5.5小時，包你飽肚而歸～因為呢度10月先新開張，環境非常寛闊舒適、整齊乾淨，中間位置係一張長長嘅枱，放滿火鍋配料，包括丸類、蔬菜類、甜品、醬料，客人可以以自助形式選擇自己鍾意嘅食物，仲有10多款汽水、雪糕雪條任飲任食。平日每人只需$268，個套餐已經包左好多野食，包括一次性嘅環球美食、無限追加嘅配料、自選湯底。我哋+$28選擇咗鴛鴦湯底，鍾意食辣嘅我當然要點’血池地獄麻辣鍋’，老公就點左‘韓風人蔘雞鍋’，兩個湯底都唔錯，湯了非常豐富、香濃。‘刺身盛合’雖然選擇唔算太多，但選材非常新鮮，包括三文魚、三文魚腩、北寄貝、螺片、大甜蝦。三文魚鮮甜肥美、北寄貝爽口、甜蝦大大隻鮮甜彈牙。我最鍾意食‘極上手切牛小排’，肉質粉嫩，油脂分布均勻，入口即化。‘海鮮盛合’有生蠔、大蜆、海蝦、魚片、蟶子皇等，非常豐富，款款新鮮。當中最鍾意嘅係大蜆同蟶子皇，大大一隻，鮮甜十足，爽口彈牙。另外仲有‘三色海鮮丸’、‘自家製雙目水餃’、響鈴同魚皮，‘三色海鮮丸’值得

當天最鍾意打邊爐，平時去食放題火鍋因為限時關係，食得比較趕，今次放假同老婆行銅鑼灣發現左呢間可以食足5.5小時嘅任食放題火鍋，價錢只係＄300有找，非常吸引，一於入去試吓先。因為新開張冇幾耐，環境非常整潔、闊落舒適，正中間位置有一個自助美食吧，放滿各式各樣嘅火鍋配料、甜品、醬料等，仲有一個大大嘅雪櫃放咗唔同嘅飲品。刺身拼盤款式唔多但材料非常新鮮，我哋啲盤有三文魚、三文魚腩、北寄貝、虎蝦、象拔蚌等～我覺得三文魚新鮮肥美，北寄貝非常爽口牛肉方面我最鍾意呢個極上手切牛小排，肉質粉潤、肥瘦均勻海鮮盛盒有唔同嘅海鮮，包括海蝦、魚片、大顯、生蠔、蟶子皇等等，款款新鮮另一個要推介嘅就係手打三色海鮮丸，粒粒爽口彈牙仲有凡立貝黃金燒，大大隻非常鮮甜，加埋上邊嘅芝士同蟹籽味味十足仲有好多其他海鮮火鍋配料任食，例如遠慮、蔬菜類等等，當然唔少得甜品啦，仲有多款飲品、雪糕雪條添

近來我諗住清心寡欲，少啲出街食飯，但今晚都抵不住誘惑，同個朋友叫咗出銅鑼灣食日式邊爐，佢約咗我去假日酒店嘅第三層，估唔到呢度隱藏着一間日式打邊爐，內裏裝修都幾trendy ，而且人頭湧湧， 十分旺場。一個價錢一個時間，簡簡單單，我欣賞！又唔駛就住話加幾多錢又食啲唔同類型嘅肉，又或者加幾多錢又飲啲唔同嘅嘢之類……見店員忙着招呼，步速飛快，但係都不減佢哋嘅服務熱誠，雖然節奏係急促，但態度都係好禮貌地招呼我哋，唔會因爲忙行過時扮睇唔見客人招手！十分之欣賞！一入到現場已經好興奮，見到林林總總嘅火鍋配料，賣相幾整齊，又新鮮，如果好似我咁鍾意食菜嘅話，見到蔬菜嘅種類咁多，一定會情不自禁咁樣係咁食菜。睇睇餐牌，同朋友掛住傾計，同侍應落咗個湯底之後，就等待，但又好餓。好開心！ 仲有埋熱盤供應，湯底送來之前，我同朋友就先食少少小食頂頂肚先。真係好開心，唔使等你開聲，唔使等你加錢，主動送給你季節海鮮盛合刺身拼盤頂級手切牛小排珍味雙滑 醬爆薑汁貢丸自家製手工水餃想重點講一講，牛小排真係無得輸，牛味超濃郁，脂肪亦分部得好均勻！但係令人喜出望外嘅，就係佢其他任食嘅肉類，都幾高質！我個朋友甚至話鍾意食任食嗰啲肥牛