十侍 - 棉花糖A5和牛壽喜燒專門店

营业中

休息中

和同事聊起小時候很喜歡吃棉花糖，他反問我有沒有吃過棉花糖和牛壽喜燒，我說是什麼來的？嚷著要他放工帶我去試試，終於這天給我們訂了位可以一試，雖然這餐廳坐落於非常熱鬧的旺角，但入口卻是頗隱蔽的一條横巷，進入餐廳卻是充滿日本風格的裝修。雖然餐廳面積不是很大，環境氣氛卻非常舒服，還有一張長長的吧枱，擺滿各式各樣的美酒。侍應推介我們可先試這裡也非常出名的串燒和燒飯糰，最後才到主角棉花糖和牛壽喜燒，這建議也不錯，就聽他吧！先來的串燒有燒鰻魚、大葱雞肉串、牛舌、蓮藕、秋葵和冬菇，各款串燒都非常好味，餐廳還很貼心的把各串燒放在熱石上面保持温度，不致吃進口時冷冰冰。燒飯糰有一件紫菜和炸蒜粒跟上，用紫菜包裹一起吃有另一風味，非常特別。最後主再終於來了，侍應先奉上A5和牛和生雞蛋，他耐心詳細介紹這A5和牛片，說由屠宰至送進我們面前不到24小時，可想而知何等新鮮，又介紹我們應攪匀生雞蛋再沾上和牛片進食，會非常嫩滑。侍應不單耐心講解，還會在面前烹煮，他先把棉花糖落鑊，再加醬油，跟著再放和牛片的，整個過程不用我們操心。由於有侍應代勞，生熟程度他比我們暸如指掌，果然一試這和牛片入口即溶，好味程度令我畢生難忘。很快數

朋友生日，book咗枱上星期二晚市8點鐘去食壽喜燒，一入到門口企咗5分鐘都冇人過嚟招呼我哋，佢啲店員係企喺度冇嘢做，我叫咗一個店員同佢講我book咗枱，佢都叫我等等話要第二位店員嚟幫手，咁我以為係咪個booking系統要指定嘅店員先可以入到，點知我哋再等咗10分鐘，第二位店員嚟到只係打開咗本手寫嘅簿同我對咗Booking之後就打個tick，只係咁簡單嘅程序點解其他店員唔可以做，堅持要我哋等另一位店員過嚟？一入門口已經覺得佢哋服務態度麻麻，由個容喺門口等都冇人埋去問一句。然後店員take完我哋個booking之後冇帶位而係叫我哋等一等，嗰時已經心諗唔通冇枱？隔咗一陣佢走過來問我你介唔介意喺吧枱坐一陣等等，有另一張枱埋緊單，我問佢咁要等幾耐，佢答我10分鐘，咁我就話好啦去吧枱等陣，買到去吧枱咁等到冇嘢做就叫杯嘢飲下，百幾蚊一杯Cocktail，但係好似果汁咁，完全飲唔到酒精..然後我哋等咗15分鐘，我問個店員仲有幾耐，佢話執緊間房俾我哋叫我哋等多陣，我問個店員book咗枱都要等咁耐？佢答我張枱遲咗交。我哋已經好肚餓，咁我就叫住啲串燒小食送酒先，點知叫完之後等咗15分鐘都係未上。之後有個睇落

Extremely overpriced for a shop in upper levels and in MK. Much better quality of food and ground floor restaurant you can get in central sukiyaki tori. The waiteress cannot wait to finish cooking the beef for you and make you finish the A5 beef meat in 5 minutes. Strongly suggest her to visit Japan to see how they serve sukiyaki. I only ask one question that if we can get to a window seat and they rudely replied min 7000 HK dollars without looking at you respectfully. I am just wondering for 70

走進隱蔽小巷既樓上尋找美食～ 隱世日本餐廳意想不到嘅美味 ！三年冇去日本掛念日本嘅美食食得開心又興奮晚餐～豪爽超暢快!鹿兒島A5和牛棉花糖壽喜燒超軟滑💯✌️ 顏色鮮粉紅A5黑毛和牛棉花糖壽喜燒第一次賞試😋好好味啊!最吸引就是清酒鐵桶焗蠔！鹿兒島直送超大隻肥美牡蠣用鐵桶落清酒焗三分鐘酒香撲鼻👍💯 返尋味encore再來一桶真係隻隻都咁大🦪6隻一份$288抵食推介~ 串燒鰻魚牛脷ok🤗多謝餐廳哥哥額外送柚子雪糕🥰✌️🍨🍨🍨 快樂的一餐

一黎就比個咁有氣勢既公仔嚇親！霸氣十足！餐牌都有唔小選擇，但都係以最出名既壽起燒為主。因為之前食左小小野，實在食唔落成個壽起燒，所以主力試下佢既小食為主。叫左幾款串燒，串燒未黎，串燒盤已經到左👍🏻。一黎就有個汁燒飯團，又估唔到咁樣燒飯團法都幾好食嫁wo。入面有小量炸蒜，幾好食，又唔會太乾。幾款串燒都各有特色，原來佢地係會燒好晒先再上盤，盤既作用係保溫，但因場內冷氣都算大，作用就唔太明顯。不過食物就燒得好好，大蔥雞串、豬肉串，都十分好食，又野味，調味料剛剛好。蔬菜類燒出黎又唔錯，秋葵依然保持到，冬菇幾好食，最特別係個蓮藕，真係未試過食燒蓮藕，想試既不彷試試。

今日約咗朋友去旺角食好嘢，朋友介紹這間有特色靚和牛壽喜燒同串燒食，我入到餐廳這裏裝修很舒服，地方寛倘，空間感十足，令人心情十分放鬆，入到店舖店員很有禮貌招呼我們，細看餐牌有很多選擇，我們點了一份A5和牛壽喜燒二人前，這間餐廳起爐是用棉花糖的，當棉花糖燒着，視覺效果一流，A5和牛放入鍋中，只需要幾秒的時間就可以，黃牛一放入口，牛脂的油香充滿了口腔，大大塊入口即溶的感覺，牛肉味道10分濃郁，非常好味，當牛肉在口腔內越食越出味，食完蝸牛，就有精選椰菜盤配埋手打稻庭烏冬或珍珠米，真不錯。我們還點了一些串燒，有牛舌和大涌雞串燒，雞肉好滑，加上有少少焦香味，串燒喺炭爐上燒，聞到陣陣的香味傳入我的鼻，嗅覺的享受加上視覺的享受，令人口水流，另外我叫了飯團，今餐10分滿足

餐廳幾有氣氛，有bar枱、有高枱、亦都有獨立嘅房，方便一班人黎食飯😃🥢壽喜燒二人前呢度嘅gimmick係用棉花糖代替糖，加埋壽喜燒嘅汁，咸甜程度好balanced鹿兒島黑毛和牛2人餐有6塊，大約360g睇個樣已經知油脂分布幾咁平均😍仲要每塊都唔薄😍😍😍侍應幫我地煮再大約7成熟，入口好軟滑，幾乎唔洗點咬😆加埋蛋汁食味道上更多層次！真係好好味其他配菜都係比較standard，不過不失，配壽喜燒汁食好好味😄個餐仲跟埋一個烏冬，一定夠飽🥢串燒見佢呢啲有串燒食就嗌左幾款試試估唔到串燒都好有驚喜！牛舌燒得岩岩好，裡面好粉嫩，咬落爽口唔會韌鰻魚個皮燒到好脆，肉質有彈性，食落都唔乾身大蔥雞就不過不失正常野🍸Cocktail - 冬意黎到之後侍應會點著頂頭啲野，再慢慢等啲煙燻落去部野飲度幾易入口，酒味係有，但唔會蓋過左茶味飲落有淡淡Jasmine green tea嘅味😃覺得幾岩女仔飲

阿仔生日，同佢豪一餐😂食一頓好特別嘅A5和牛棉花糖壽喜燒😋。鹿兒島A5黑毛和牛二人前：🥢鹿兒島黑毛A5和牛盛盒🥢野菜盛盒🥢日本蘭王蛋🥢稻庭烏冬🥢自家製壽喜燒醬汁店員首先將卷起嘅棉花棒棒糖放入鍋中，再將壽喜醬汁慢慢加入，當兩者慢慢溶合，產生化學作用，開始微微聞倒甜甜香氣。鹿兒島A5黑毛和牛上枱啦，齋睇個賣相非常之高檔，一盒整整齊齊排上六卷，油脂分布相當均勻，整塊都有霜降效果；店員開始慢慢將一塊和牛放於鍋中央，輕輕每邊拖兩拖即成，入口即溶嘅口感，多𡁻兩下，油香慢慢充斥整個口腔；另一食法，蘸點預先發勻嘅蘭王蛋，入口更加順滑，黏上滿滿蛋香，將整塊和牛嘅味道及口感推至最高境界。食完和牛已經非常滿足😋，之後就將野菜同烏冬全部放入鍋中，待5-7分鐘，鍋內迫迫卜卜開始滾起，先嘗一口湯汁，鮮鮮甜甜，可能就係和牛同棉花糖遺留落嚟嘅效果；稻庭烏冬，煙煙韌韌係我最鍾意嘅口感；另外油揚（炸豆腐皮）索晒壽喜燒醬汁，美味十足😋⋯⋯再order幾串串燒🍡🍢🍡🍡厚切牛舌芯，牛味好重，超嫩滑口感，內埋好juicy多汁；🍢雞肉串燒，好嫩滑，睇黎呢串主角並唔係雞肉，而係大蔥😂，燒過嘅大蔥不單令辛辣味消失，反而帶出香甜味道。🍡

旺角有間專食壽喜燒嘅舖頭佢呢度好得意招牌菜係棉花糖壽喜燒！叫咗之後店員就會係鍋上準備一個棉花糖 之後就會淋上壽喜燒汁你會見到個棉花糖慢慢溶化感覺極度療癒😍😍😍呢度服務好好店員會幫你燒佢嘅牛肉非常之靚見到肉嘅花紋係非常之吸引佢嘅牛肉幫我哋燒到啱啱好在點上佢嘅蛋汁配飯真係超好味😋牛肉份量其實都好多 雖然平均一人得三卷 每卷都好長食完牛肉之後 店員會將剩低嘅蔬菜燒埋比我地 等我哋慢慢享受😎整體嚟講我幾鍾意呢個體驗而且牛肉嘅質素都非常好

首先真係值得一讚嘅係 佢哋嘅棉花糖壽喜燒真係好出色😋甜而不膩 食下食下就食完😛❤️5人食兩個二人餐 整體都非常夠食！唔夠食仲可以追加配料 我哋5人就冇追加啦🤣有少少批評嘅地方就係 有個短頭髮嘅姐姐入嚟serve 感覺佢有啲唔耐煩同埋冇乜禮貌😵‍💫唔知係咪上一台客激親佢啦😂 不過都唔緊要嘅 希望會有所改善有另外一位哥哥幫我免費升級咗間房 冇收到額外費用 而且態度都幾好 幾有耐性嘅 讚！唯獨如果喺房嘅話 最好唔好閂晒對門 如果唔係點叫都冇人應😂不過環境唔差嘅 咁就打和啦🫣

一講起日式火鍋，首先會想到壽喜燒，想像鍋上醬汁與和牛相撞滋滋作響的畫面就足以讓人垂涎三尺。最近去到旺角有間幾特別嘅壽喜燒店，入內係新簇簇的裝潢，其主打的是加入棉花糖製作的特色壽喜燒。壽喜燒用上A5和牛，一片片獨立包裝放置木盒內，睇的出油花勻稱十分高質。成個過程都由店員代勞，讓我們可以休閑的享受美食。鍋上圓圓的棉花糖一淋上壽喜燒汁就瞬間消失了，隨即擺上一大片油花滿佈的和牛，朋友食比較熟，我個塊就帶些微粉嫩。壽喜燒其中精髓要數到蛋汁，依度使用蘭王蛋，特別濃蛋香，宜蘸好蘸滿。除咗和牛之外，仲有野菜盛合，豐富蔬菜豆腐等配料。最後當然要煮埋個烏冬吸收晒精華又q彈。另外點咗啲串燒，分別係牛舌、鰻魚、雞頸肉，質素都唔錯，鰻魚燒到皮好香脆，肉汁仲保留到，口感係爽嫩嘅。唔夠飽仲有燒飯團，香口燒得面面均勻，更有蒜片等調味。餐廳內有bar枱陳列咗不少美酒，讓我地都不禁點了特色cocktail嚟一嚐。我選了夢幻紫色嘅花火Hanabi，用日本shochu 做基底，味道上荔枝香氣較出，亮點係加入閃爍嘅星空酒，邊凝望著邊品嚐更有樂趣。

旺角呢間日本餐廳主打棉花糖鹿兒島A5和牛壽喜燒，去到就梗係試下佢惦唔惦A5和牛好靚好大塊，有職員負責燒，燒到生熟程度啱啱好，又滑又淋又好重牛味，點蛋汁送飯一流！好彩職員好好咁建議我揀配飯，因為真係夾啲用咗棉花糖做壽喜燒湯底同平時食開果啲好唔同，特別甜，啲配菜食落更加正，呢間值得一試

二人餐八百幾蚊未計+1A5和牛係無牛味棉花糖完全係得個樣串燒一啲都唔好食環境幾舒服但係間房有少少煙味整體感覺不良好服務生態度一般如果食物質素係好價錢係OK但食物質素唔好價錢就會顯得好貴

二十五日前訂位慶祝生日，亦在電話再三確認，亦都並未提及只能提供高枱，提前廿十五日訂位的意義在哪？？貴餐廳不是以先訂的會被安排較佳座位？不能安排也沒關係但卻沒有提早通知，一進入餐廳卻被安排坐高枱，一入坐已詢問可否調位，曾向不同的職員詢問，每個回應都是會盡量安排，根本係耍住先老點，其間明明有空枱可以對調，再次詢問時竟說客戶訂咗位嚟緊調唔到，咁我係咪都有訂位而且已經到達了！所謂棉花糖不見得特別！侍應掉吓棉花糖轉身就走開，不知停了多久才有另一位來招待，食完所有牛肉都未見有白飯，再問先送上白飯一碗，（是大陸米不是日本米），肉都食完你比碗飯我乾吞呀？後來有送上豚肉片，但我對整餐飯安排相當不滿，旺角就是旺角，一定不會再有下次！

今晚食飯前同朋友嚟到十侍happy hour，叫咗五串串燒同埋一客飯糰，全部份量小，啱晒食完吹完水再搵過第二度食晚飯。呢間餐廳嗰座商廈都收得幾埋，喺條巷仔入面，行快兩步都搵佢唔到。入到去安排咗我地坐high table，痴住餐廳盡頭嗰兩間包房，裝過下入面好似K房咁，圍圈梳化加張矮枱。未上串燒店員先捧咗個炭爐上黎，但唔見啲炭有着，係輕微聞到啲炭灰味，上埋串燒之後先知原來個爐都係裝飾為主，而串燒亦都攤到完全唔辣嘴先上桌，包保唔熱氣，難怪隔離枱兩位老人家食得咁開心。食完串燒就到飯糰喇，呢個唔係燒出嚟嘅就熱過串燒好多喇，差啲攞唔實，睇相可能feel唔到，佢個大細大約係三分之一粒華御結，紫菜好脆身，仲有啲類似杏仁片墊底，咬落脆脆地，都唔錯～