影片
更多
2022-06-20
40 浏览
呢間喺旺角嘅人氣壽喜燒專門店十侍，而佢哋有一大嘅特色，就係用好似雲一樣軟綿綿嘅綿花糖代替壽喜燒嘅糖，所以味道會更濃更香，而且打卡影相一流。二人前套餐包括六大片鹿兒島黑毛 A5和牛、季節野菜盛盒、自家製壽喜卷醬準、日本生食級雞蛋、手打烏冬/日本米飯。呢度嘅壽喜燒完全係由職員負責，我哋只係需要選擇和牛嘅生熟度，店員就會將嚟自鹿兒島嘅黑毛和牛一片片咁煮熟。佢哋嘅和牛係用上A5級，所以見到啲油花豐滿，霜降亦好均勻，食落完全做到入口即化嘅感覺，而牛肉仲沾滿咗壽喜燒醬汁嘅味，如果再蘸堆佢哋嘅日本生食級嘅雞蛋汁，入口會更加順滑之餘仲多添一份濃郁嘅蛋味。而野菜盒用料十足，入面有蟹柳、竹輪卷、大蔥、蔬菜、豆腐、冬菇、金菇等。店員會喺我哋將牛肉食完之後，會用返經已煮過黑毛和牛嘅壽喜燒醬汁嚟煮野菜盒，令野菜盒嘅食材除咗有香濃嘅壽喜燒醬汁嘅味道外，仲多咗一份嚟自和牛嘅油香香味，令人食指大動。而主食方面我哋揀咗手打烏冬，手打烏冬口感彈牙爽口，又夠掛湯，烏冬掛滿香濃壽喜燒醬汁，仲散發出陣陣和牛嘅油香，令烏冬嘅味道層次立馬昇華不少。串燒：佢哋嘅串燒會連埋個小炭爐一齊，咁樣可以Keep住串燒嘅溫度。牛舌用咗厚切，牛味
二人前套餐包括六大片鹿兒島黑毛 A5和牛、季節野菜盛盒、自家製壽喜卷醬準、日本生食級雞蛋、手打烏冬/日本米飯。
呢度嘅壽喜燒完全係由職員負責，我哋只係需要選擇和牛嘅生熟度，店員就會將嚟自鹿兒島嘅黑毛和牛一片片咁煮熟。佢哋嘅和牛係用上A5級，所以見到啲油花豐滿，霜降亦好均勻，食落完全做到入口即化嘅感覺，而牛肉仲沾滿咗壽喜燒醬汁嘅味，如果再蘸堆佢哋嘅日本生食級嘅雞蛋汁，入口會更加順滑之餘仲多添一份濃郁嘅蛋味。
而野菜盒用料十足，入面有蟹柳、竹輪卷、大蔥、蔬菜、豆腐、冬菇、金菇等。店員會喺我哋將牛肉食完之後，會用返經已煮過黑毛和牛嘅壽喜燒醬汁嚟煮野菜盒，令野菜盒嘅食材除咗有香濃嘅壽喜燒醬汁嘅味道外，仲多咗一份嚟自和牛嘅油香香味，令人食指大動。
而主食方面我哋揀咗手打烏冬，手打烏冬口感彈牙爽口，又夠掛湯，烏冬掛滿香濃壽喜燒醬汁，仲散發出陣陣和牛嘅油香，令烏冬嘅味道層次立馬昇華不少。
串燒：佢哋嘅串燒會連埋個小炭爐一齊，咁樣可以Keep住串燒嘅溫度。
牛舌用咗厚切，牛味濃郁之餘，入口仍然嫩滑多汁。
素拼盤：入面有三款，分別有秋葵，蓮藕和香菇。秋葵帶有陣陣焦香、蓮藕口感爽脆、香菇厚肉多汁。
珠蔥豚肉卷：豚肉外脆，油香滿滿，包裏住蔥味突出啲珠蔥，令整體味道變得更加豐富。
練 Neri：呢款係配合咗煙燻技術所調製，主要用Gin酒作主調，加上柚子同埋蔓越莓，令呢杯cocktail更易入口。
Tropical Sour：因為有威士忌做底，所以酒味會較重，但有熱情果汁可以有效中和威士忌嘅苦澀味，再加上有蛋白，入口會更加順滑。
张贴
