十下火鍋

似曾相識的情景...去到"十下"...感覺又熟識但其實又陌生, 店舖的裝潢完全係上世紀香港普遍家庭的模式, 實際年份就唔清楚, 因為都只係睇電視時睇到, 但好肯定係80年代前既事...牆身的紙皮石、碗筷、檯、椅、時鐘、暖水壺、月曆、電燈泡、水晶燈、壁燈 - 一律都回到過去有時真係好奇怪...有一群人喜歡淘汰舊的東西, 但同時也有一部份人會去珍惜 / 蒐集舊東西, 尋找舊日的集體回憶店內隨了裝潢懷舊外, 還播放著經典金曲...氣氛好正! 而且每一張檯之間的距離都幾大, 大聲啲講"舊時"都唔怕嘈到人鍋底 - 東北酸菜白肉鍋 - $138 跟我過往食過的酸菜白肉鍋有微微不同, 以前吃過的都是用上醃了約半個月的醃製大白菜, 但今次的就是用上酸菜*味精好重...不斷飲水都搞唔掂大刀手切本地牛肉 - $268艇家魚片頭 - $48鮮製魚片餃 - $58脆炸響鈴 - $48銀針粉 - $32十下三寶滑 - $108火鍋配料整體質素一般, 大部份為現成, 可考慮提供即炸響鈴另外滑類唔夠彈牙

上一篇食評到而家已經隔左好耐，一來個人懶惰，二來最近未有甚麼餐廳值得我坐係電腦前打一篇食評，直到同朋友黎十下打完邊爐，覺得可以一寫。走進呢間懷舊風嘅火鍋小店，裝潢就似八十年代嘅屋邨，比人一種家的感覺。見到呢個招牌同朋友討論左一陣到底呢個係咩字實在係少有既學術性討論。一坐低，店員就端上醬料，服務殷勤。之後當然要點菜，湯底好多都好吸引，最後湯底選了十下麻辣鍋同是日精選酸菜豬肚湯( $148)酸菜豬肚鍋較麻辣鍋大驚喜，味道咸香微酸醒胃，食材容易吸收湯汁嘅味道，但又唔會蓋過本身嘅鮮味，而且豬肚份量亦多👍🏻麻辣湯揀咗小辣🌶 味道相對較温和但不失麻香，配豬腸粉($32)出奇地夾😍食法新奇！大約放1分鐘就食得。其他火鍋配料質素都不錯！四人份量，叫到一枱都係手切本地肥牛（小）($178 ) 同 安格斯牛肉 (小) ($158) ，2款都好食，安格斯牛肉相對稔身，而手切本地肥牛味道就濃d。懷舊果皮魚蛋 ($36) 細個係街邊篤魚蛋就係食呢種細細粒既陳皮魚蛋！有咬口又唔會太粉。十下三寶滑( $108)  足料既三寶滑，有蝦，牛，墨魚滑。大頭虎蝦 ($80)，新鮮又大隻美國桶肥蠔( $28一隻) 超級肥美味

銅鑼灣區很難搵到一間放幾架BB車唔需要收車嘅餐廳，十下位置非常寬躺，好適合一家大細，推埋BB車，慢慢消磨幾個鐘真係非常好的享受，餐廳有很多影相位，充滿懷舊的氣氛，有別於一般打邊爐的火鍋店。湯底選擇多，味精少，店員亦非常有禮，好好笑容及充滿活力，上菜速度快，不漏單，唔會食到一肚氣。混醬選擇多，而且乾淨整齊。強烈推介食海鮮，價錢唔貴及非常新鮮，筒蠔手掌般大，唔縮水；海鮮拼盤的蝦大過iphone6plus；仲有魷魚、帶子、白鱔非常新鮮。牛肉選擇多，我個人較為喜歡食安格斯，擺碟整齊，入口即溶。蜂巢豆腐，吸收了湯底的精華，非常美味；魚皮超趣，強烈推薦。鹵牛肚，超入味，沒有異味，口感淋滑，份量頗多，必食推介。整體來說，價錢不貴，份量頗多，人均消費$230，銅鑼灣區內，是一個較平的好去處，非常滿足，一定會再光顧。人客源源不絕，證明食物質素正，記得訂枱。

其實佢d野食質素唔差，但我覺得同價可以有更好食選擇，比較大程度比左去佢個環境度，值唔值得見人見智啦。醬料都係大路野，款式都足夠，你見d碗都用埋萬壽無疆果隻。新鮮，不過不失既手切牛，好難挑剔。唯獨要講下佢個爐頭真係偏細力，擺到齊影相都仲係未大滾，但滾起左佢又keep到呢下先正，急住開飯既話就慘Ｄ既。佢Ｄ海鮮其實比出面好多好，有Ｄ意外。反而海鮮價錢對比其他料我覺得叫相對平。呢度賣點就係個腸粉，我其實覺得麻麻地夾，係食之前，甚至食第一舊都係，因為我整到散哂。到第二舊保持完整啦，先發覺其實幾掛汁，而且都仲食到本身米香，以後屋企打邊爐會考慮試下。其餘配料都傾向大路，所以如果唔係有人想黎的話我唔會擺佢做考慮名單入面。之不過計哂銅鑼灣打邊爐既質素，佢又真係唔差，係呢區無間邊爐好食咁解，所以有encore既機會。

從前的銅鑼灣酒吧街，現已搖身一變打造成一條新食街，是晚到訪的便是進駐不久的樓上火鍋店。踏進餐廳，仿佛回到了八九十年代的香港，不論裝潢或擺設都是走懷舊風，首先映入眼簾的便是門口掛著的霓虹招牌。天花板都以綠色油漆粉飾，然後是舊式雙門雪櫃、暖水壺、雞毛掃、廁紙筒、手撕日曆、甚至連碗筷等，都令人回想起以前外婆的家。而值得一讚的便是檯與檯之間的距離，沒有壓逼感，加上一整晚也播放著那些年的流行曲，絕對是一個好地方和好友們細說當年。<卜卜蜆煲>第一次以蜆煲作湯底，味道絕對有驚喜。首先蜆的份量極多，配上高湯和蒜蓉，不需味精亦能帶出無比鮮甜的滋味，值得推介！<大刀手切本地牛肉>牛肉色澤鮮紅，脂肪分佈平均，稍涮幾秒入口嫩滑，惟肉味未算濃厚。<厚切午餐肉>圓形午餐肉實屬少見，厚切口感一流。<六合彩>六款丸類能迎合大眾口味。味道不過不失，較為喜歡芝士丸和墨汁墨魚丸。<手打墨魚滑、脆炸魚皮>墨魚滑真材實料，爽口彈牙。炸魚皮香脆可口，火鍋必備。<鮮冬菇、甜玉米、蔬菜>蔬菜類夠新鮮，中和一下火鍋的邪惡感。

一班frd見懷舊風，上去試下～環境不錯，有啲格調，啲碗碟係有仔細選擇同擺位既。不過，認真，食物係非常一般，好普通，仲有啲over price。個湯底其實用足料，但味精太勁了！鳳城水餃，8隻，成百幾蚊，有啲過份。個麻辣丸，得辣油，😑好失望！

周日睇完戲 2口子撑枱腳到 “十下” 打 bin lo 。首先枱與枱之間距離夠寛不會有狹迫感。值得一讚。湯底來個豆乳及蕃茄海鲜湯底。尚可。食材方面，本地切牛不错，覺得自己滚得好過9記多多聲。蜂巢豆腐似sponge 將湯索哂入去。讚。但象拔蚌仔就得商確，用象拔蚌這三字不太恰當，明明是普通蚌。象拔蚌是另一回事，就好像不能將午餐肉美化叫作黑豚肉一樣。服務員態度也好。

但打邊爐最重要的是什麼？個爐都唔得，怎樣打邊爐呢？我們一行十個人，其實得一個爐而限時以正常打邊爐都是很趕。我們昨晚的爐可以說是未滾過，我都要叫用蓋蓋上，都係唔滾。眼見隔離左右滾到不得之了。又肚餓，店員幫手諗辦法，可惜都係途勞無功，要轉gas爐。已經是一肚氣。食物一般。去這間的原因，是因為睇到comment,切生日餅時有驚喜，結果也沒有啦！問經理佢話無喎，要慶祝生日去老闆另一間餐廳慶祝，Ok無問題啦！如果這樣是服務，咁無下次羅。

話說...我地9個人食生日飯，book左6:45，但要我地830交檯，一般來講係無問題. 但係！個爐係壞既！d湯煲極都唔滾！ 基本上係食唔到因為d嘢煮唔熟！後來搞到8點鐘無辦法要買個新爐比我地，本來仲話唔洗830交檯，但係到最後反口，浪費左我地個幾鐘之後重要趕我地845交台！點左好多嘢都無.... 連芫荽都無！d 服務員又唔係太知道咩打咩... 未食完檯上面d嘢就收檯...須然d裝修好靚，d嘢食算ok，但係真係得個樣...

登龍街一向都好多好野食最近就新包括比較常嗌ge芝士丸、蝦滑、肥牛等亦都有d較為特別ge配料例如腸粉($32)😳 食落係有驚喜 佢唔單只有米香 仲係超級滑 正過平時係街食到個d😻😻點埋自家製麻醬 食到停唔到口😭💕💕💕💕仲有三星蔥醬爆貢丸($48) 大大粒 一咬落去 d汁就爆出黎💦 不過要小心d汁好熱 會燙到嘴不得不提係個懷舊果皮魚蛋($38) 個味道幾得意 果皮味好濃 好似食緊粒果皮丸gum😆如果口感可以更彈牙的話就更好了👍🏻呢到d海鮮配料都係店員當日去街市揀翻黎所以全部都好新鮮 特別推介大花甲同蜆 好鮮味😋😋😋海虎蝦全部都大大隻 仲好多蝦膏🤓無論係同親戚 定一堆frd子都好適合黎呢到bino 因為場地幾大 感覺開揚 一大班人都可以舒舒服服一邊十下十下 一邊傾計開左間火鍋店 裝修報置好有八十年代舊香港ge味道 頗為特別💃🏻呢個花膠雞湯底 十分足料 d花膠食極都仲有 而且隻雞好嫩滑👍🏻至於火鍋配料 都有幾多唔同選擇包括比較常嗌ge芝士丸、蝦滑、肥牛等亦都有d較為特別ge配料例如腸粉($32)😳 食落係有驚喜 佢唔單只有米香 仲係超級滑 正過平時係街食到個d😻😻點埋自家製麻醬 食到停唔到口😭

香港人，就是喜歡打邊爐；而香港人，並不是那樣易滿足，所以各適其適的打邊爐都相繼出現，而且越吃越矜貴，反而，忘記了大家當初圍爐而吃的親切。 這天，來到十下，餐廳的裝潢走懷舊路線，我也算是念舊情的，雖然我還未在這個裝潢年代出現，不過也會想起舊時的事吧。 生於這個年代的大家，看到這張發黃的舊照，有點想念從前嗎? 養生白鍋及烤花生沙嗲鍋 $148 好了，我們生於現代，還是從過去回到現在嗎。來了一個鍋兩個湯，分別為養生白鍋及烤花生沙嗲鍋；養生白鍋有點藥材味，十分補身；而烤花生沙嗲鍋則十分惹味，用來烚牛肉是最棒的。 好像很久很久沒有看過這樣子的菊花茶。 豬腸粉 $ $32 其實我頗喜歡吃豬腸粉的，第一次打邊爐吃豬腸粉，吸盡了湯底的精華，很棒。 皮竹腐竹都是必點的，這裡沒有腐竹，所以來了枝竹， 六合彩 $96 你想不想中六合彩? 我在說廢話吧? 有誰不想中六合彩? 想中六合彩，不是不想工作，只是希望可以多點資金，想做自己喜歡做的。 至於這份六合彩，當中包括了六款丸，六款丸之中，最愛的便是年糕丸，魚蛋包著年糕，煙煙韌韌的。 十下三寶滑 $108 魚滑亦是我每次都會吃的打邊爐食物，而三

環境寬敞，食物不錯，座上客多是後生仔女，成個氣氛又懷舊又潮！所用餐具全都是明顯70,80年代既pattern，打起邊爐時幾好feel，陳設好有花樣年華感覺。食物方面都不俗，湯底可鴛鴦，是次點了酸菜白肉同蕃茄魚，兩個湯底都幾好飲；一行3人點了一個叫六合彩既丸，其實係自家綜合既6款丸，牛肉分別點了手切同安格斯，都好吃，喺懷舊之下忍唔住黎個咸蛋撈飯，唔太咸，幾特別，不錯味道，其他食物都屬正常新鮮，會再幫襯

環境係幾特別幾懷舊但係食物無咩特別最好食係個手切牛肉好新鮮但係只係得小量牛肉係面個底都係娃娃菜兩個人食叫一份小嘅手切牛都唔夠食😓😓最失望嘅都唔係份量而係湯底叫咗一半養生一半麻辣然而個湯底根本就係海底撈湯底嘅味道😓只係紅湯加多兩粒辣椒花椒八角 白湯加多幾粒杞子咁解。。。因為我十點半後去食宵夜有八折但店主無主動比優惠要出聲問先話有埋單$1100折咗9xx 比起同類火鍋我諗我唔會再返轉頭食。。

Suppa 十下 opened up underneath the radar without much noise or fanfare, but after a short opening and perhaps coinciding with the cooling down weather, has already gotten a few loyal fans on board for their Taiwanese inspired hotpots. I personally was keen to come here for their Sour Pickles soup base, which is something I miss eating in Taipei.. The Homely Retro Chinese Design is Instagram worthy - It has attracted Customers keen for both their hotpots and also to take photos The Menu - Mix o

-食物水準可以，但食物款式少。-訂位安排混亂，餐廳職員弄錯訂位時間， 卻把錯過推說我們強佔著用餐，不願離開。 態度跟處理手法很有問題。- 我們是9pm交枱，但餐廳弄錯訂位時間令下一枱8:30pm已到，對客人說是我們不交枱，令我們被下一枱的幾個客人怒目而視，還走過來站在我們枱旁以示不滿。我們走時客氣問下一枱客，他們說：「是餐廳說是你們8:30不交枱」，跟職員說，他竟說「另一枱外國人要8:30交枱但唔交枱，要講英文嘛好難搞。」天呀，你不懂用英文請別人交枱，竟亂推落我們身上。-賬單計算錯誤，4人，收8人醬油費？！結賬還要超過15分鐘！！是誰不想翻枱，誰在倒米？總結：服務，食品，價錢，有其它更多更好的選擇。