十下火鍋

好多時，打邊爐往往係一班人出嚟食飯既好選擇！我地依班同事同我一樣都鍾意放工出嚟食吓嘢，一路食一路講笑，和諧開心氣氛咁增進友誼。今日Miss M選左佢響IG睇中左好耐既火煱餐廳，佢話唔單止相靚, d foodie comment 都相當好！ 去到登龍街好易見到永光中心, 一出升降機就見到屋邨磁磚嘅牆掛上招牌, 已經有點舊式嘅感覺. 再見到入面有兩個懷舊光管牌, 70年代屏風, 大量懷舊裝飾, 如筷子套, 溫水壺, 雞毛掃, 連抹手濕紙巾都係舊式利是封design. 我地一行七人可以叫多啲唔同款配料. 首先係選好湯底, 白玉菊花, 火瞳花膠魚肚雞湯, 龍蝦鮑魚海鮮鍋及養生豆乳白鍋都好吸引, 但我地成班都係蕃茄怪(蕃茄控已經不能夠形容我地的熱愛程度), 所以叫了龍蝦鮑魚海鮮鍋, 湯底除了濃濃蕃茄外, 包括了鮮帶子, 象拔蚌, 扇貝, 鮑魚, 翡翠螺, 魷魚各兩隻, 很多鮮蜆及一隻大龍蝦. 打邊爐前先來一碗湯, 大家飲完都O左咀, 因為都覺得太好飲. 首先係好重龍蝦香味, 之後就係海鮮味, 十分鮮甜, 再有一些酸甜的蕃茄襯托, 簡直無與倫比. 因為大家覺得海鮮唔夠分, 所以

生日食飯揀打邊爐最容易，夠飽又唔貴，最緊要係環境有feel添！懷舊大排擋feel嘅邊爐，就連擺設所有餐具都係d未出世前先會見過嘅😹Staff服務態度都好好，唔介意我地搗亂檔拎晒d擺設做影相props，哈哈。

喂！講個爛gag俾你聽呀😏，十下又十下，開心笑哈哈💃🏼我今日就同朋友去十下，十下🔸💁🏻($328)白玉菊花湯底，湯底由雞骨及豬骨熬製，加入左原隻鮮雞🐔、潤膚養顏嘅白菊花、鮮魚、杞子、淮山及冬瓜丸子，味道非常清甜。🔸配料仲有50多種嘅選擇，裏面其中我最愛嘅係💁🏻($128)十下三寳滑，有鹹蛋、臘腸及墨魚三種口味，三款都好爽口😌，💁🏻($238)大刀手切本地肥牛，肉味濃郁，肉質亦好有彈性，令我食唔停口啊😛！🔸環境，服務，都帶到比我家嘅感覺，一啲都唔侷促，係一個好適合開心聚一聚嘅地方😌👍🏻😎

從 foodies 朋友口中得知 ....在 銅鑼灣-永光中心 , 有一間裝修大玩 70-80年代 feel 而且勁抵食的火鍋店 " 十下 SUPPA " , 我們都跟跟風 , 去一嚐究竟 ~餐廳的裝修和擺設 , 大有上世紀 70-80 年代 feel , 像我這種中年人 , 看見這種場境 , 實在有些感慨 , 百般滋味在心頭 ~佐料、醬料 應有盡有 , 而且都很新鮮 ~Menu ~我們點了 龍蝦鮑魚海鮮鍋 $ 368 : 龍蝦鮑魚海鮮鍋 , 就是聽個名就知架勢堂 , 湯底以香濃的番茄湯加入了大量海鮮 , 海鮮材料有 龍蝦、帶子、象拔蚌、翡翠螺、蜆仔、扇貝、鮑魚、魷魚 ; 這麼多的海鮮料 , 滾出來的湯底當然是味道鮮甜夾好味 ~滾好之後 , 第一時間就是吃海鮮 , 海鮮夠新鮮當然好吃 ~懷舊果皮魚蛋 $ 36 : 有陳皮味的魚蛋 , 坊間買少見少 , 已經多年沒吃過了 , 當晚再嚐 , 實在是別有一番風味 ~黑豚肉爽 $ 78 : 用個砵來盛載著的 , 真過癮 , 黑豚肉切得薄薄的 , 肉味濃香肉質嫩滑 , 灼得久了一些也不會嚡口 , 不錯吃的 ~臘腸鯪魚滑 $ 78 : 我不吃鯪魚的

懷舊的裝潢、懷舊的金曲、懷舊的碗筷、吸引嘅係一班年青食客。對我而言要吸引的一定係食物質素。看過餐牌，可散點或套餐。套餐最適合我呢啲懶人。友人最愛吃海鮮，一於豪少少，龍蝦鮑魚海鮮鍋。嘩啦！嘩啦！海鮮好大堆頭。有龍蝦，鮑魚，螺，蜆，蚌，魷魚和帶子。好鮮，好甜，好彈牙，好爽口，掂👍食過海鮮再嚐湯底，海鮮的精華全落在湯裡，鮮甜好飲，還帶有蕃茄淸甜味。配料的三寶丸有驚喜，墨丸內藏鹹蛋黃，牛丸有粒粒馬蹄，另一款鯪魚球就有臘腸。有嚼囗。三星蔥醬爆貢丸亦不錯，有優香的蔥味，不過要小心燙嘴。蒜味香腸我就唔多欣賞，因調味過於甜。黑松露帶子餃有豐富口感，餡料頗多。好彩黑松露味並不太強烈，沒有膩感。有兩款炸物，炸魚骨和響鈴。炸魚骨香脆惹味，響鈴不油不膩，好味。寛冬粉我第一次食，煙煙韌韌幾特別。整個套餐每人$400左右，有多款海鮮，確係抵食。

這晚打邊爐之夜，去左呢度有懷舊復古氣色既店舖食，首先佢個裝修好似去返70.80年代咁。叫左個二人套餐另加多個海鮮煱同海鮮拼盆，所以2人份量黎講都算多。因為佢二人套餐本身都包左d食物。個海鮮拼盆都有好多款海鮮，都幾新鮮唔會腥，蜆同螺都唔會有沙，有鮑魚有墨魚有帶子扇貝，加上隻龍蝦都有前手臂咁長。一開始店員會拎盆調味料俾我地自行調配喜歡既味，調味料都有好多種選擇，唔會怕無得揀。套餐可以以10蚊優惠價加飲品，佢有洛神花茶，酸梅湯同冬瓜茶，而我就揀左酸梅湯，飲得出應該係自家制，因為唔會甜，淡淡地易入口。佢除左呢d野飲之外，仲有其他好多野飲俾你選擇。個二人人套餐既配菜，個三寶滑幾特別，因為佢一款係咸蛋墨魚滑，一款係辣肉牛筋滑，一款係蠟腸鯪魚滑。味道特別，未曾試過。個龍蝦海鮮湯好鮮甜，海鮮味特別濃郁，中意食海鮮既朋友一定要黎試呢個海鮮煱呀龍蝦裡面都幾多膏，好好味另外佢d蔬菜拼盆都幾多下，真係都算抵食，下次可以再encore

十下火鍋門外既綠色格仔磚配黑色十下火鍋個名好特式,好型棍~!入到去就好似去咗80年代既家,有舊式雪櫃,花瓶,熱水壺,日曆,流星機,雞毛掃咗,麻雀枱......服務員個個都親切有禮,好細心,預備1個拼盤做推介,讓客人見到佢地新鮮既食材,我地叫咗個十下2人套餐每位$288,湯底就叫咗鴛鴦鍋底: 蕃茄鮮魚鍋同烤花生沙爹鍋,蕃茄湯底入面有半條魚嚮入面,大條到佔左全個鍋一半咖~而服務員仲會即席加花生粒同椰絲落個沙爹湯底度,好香啊~邊邊材料就有:手切本地肥牛; 牛白胸膀油; 十下三寶滑; 懷舊果皮魚蛋; 蒜味香腸; 三星蔥醬爆貢丸;鮮蝦水餃王; 脆炸響鈴; 脆炸魚骨; 寬冬粉同蔬菜拼盤~嘩~多到我地都擔心食唔哂~ 應該有三個人份量(哈)野飲就叫左佢地自家制既酸梅湯,唔會好酸~ 正啊!我最欣賞佢幾款,1) 手切肥牛,中式切法~新鮮同厚厚的啊~2) 牛白胸膀油佢唔係肥油,爽爽地,sweetie仲話似咬緊bubble紙,口感好得意~!3) 十下三寶滑既墨魚滑加咗咸蛋黃,幾香口~4) 蒜味腸好好味,香港無食過,反而嚮台灣就食過~唔知係咪台灣空運過黎呢😋值得再黎啊~下次我同sweetie要著套旗袍黎打邊邊,

今天兩對情侶去打邊爐~  因為好hit 一直都預約唔到最近終於去到喇！一坐下留意到的是他裝修 碗碟都超級漂亮！ 忍不住都影低咗火鍋食材，湯底外，配料是非重要，餐廳選擇很多啊～  辣不辣都有~   我個人都喜歡炸蒜 超香的  女朋友會加少少辣   大家都選到自己喜歡的    妥妥的！我們點了火瞳花膠魚肚雞湯 $288有料   堅正！  花膠湯打邊爐  一開始飲返碗  已經好正  打完邊爈真係乜嘢精華都集合晒    再飲  更鮮味食材比其他火鍋店精緻和新鮮我哋實在點咗好多   我精選幾樣特別啲嘅脆炸響鈴 $52   大刀手切本地牛肉（大）$268芥末魚丸 $48墨汁墨魚丸$48豬腸粉 $32無錯  豬腸粉真係好正   估你唔到~  落左入去就係花膠豬腸粉   真係好過癮海蝦   牛肉  蠔 都好讚  這三種肉類我食咗好多呀  如果想要$118 任食火鍋就唔洗㨂呢間但打邊爐想環境好 食材新鮮  料子靚  呢間餐廳真係揀得過。

打邊爐打得多，港式日式韓式咩都有，今次就試試懷舊邊爐！十下嘅環境真係十個正，一入去就已經播住懷舊金曲。男朋友眼都發哂光，係咁話首首都係佢嘅至愛。四周嘅裝修都係以懷舊為主題，有種七八十年代嘅感覺。店內招牌用咗霓虹燈，所有嘅裝飾同用具都係根據上一代嘅香港為主。一坐低侍應就會放上一盤醬料比我地配製，豉油放係大茶壺內，好得意。我地叫咗個二人餐，非常豐富。養生豆乳白窩拼烤花生沙爹窩湯底我地揀咗鴛鴦，十下嘅湯底真係非常出色！店員勁細心先問我地對花生有無敏感，然後搬上兩過大壺！究竟係咩東東？原來佢地會即場加入大量嘅花生同椰絲，味道非常之香濃同惹味！沙爹濃而不過咸。而豆乳白窩好有驚喜！材料十足，帶有淡淡嘅藥材味。食落似藥膳湯鍋，感覺好養生。呢個二人餐勁豐富，總共有成十款配料，樣樣都有特色咖！大刀手切本地牛肉牛肉味香濃，而且肉質夠嫩。輕輕咁淥一淥就已經可以食了，有有小許油香。牛白胸膀油第一次食，好新奇！本身以為好似肥膏咁會好油又肥膩，但輕輕淥一淥又幾爽口。口感幾有咬口，而且因爲帶脂肪牛味好濃但又唔食太肥。十下三寶滑分別有蛋黃蝦滑，魿魚蠟腸滑同馬蹄牛肉滑。最中意蛋黃蝦滑，蝦味鮮甜中又帶有蛋黃嘅咸香，而且蝦

早幾日又去咗銅鑼灣食飯，今次係約見好耐冇見面朋友敍舊佢又係附近上班，佢就話不如係係附近食飯又多選擇，於是就去咗登龍街搵食呢度已經成為一條美食街，短短一條街已集中多國美食係度真係眼花撩亂，咁朋友話不如打邊爐貪佢可以坐耐D，又可以食多D款式，就一於咁話入到見到裝修好似去番7080年代屋企擺設幾懷舊，跟住睇吓有冇推介嘢食，就見到有套餐就點咗佢又唔使諗樣樣有，湯底要咗鴛鴦有養生豆乳白鍋香濃中藥味道幾特別&烤花生沙嗲鍋花生香脆沙嗲又香辣，飲品要咗冬瓜茶幾淸甜再來就係配料分有大刀手切本地牛肉，牛肉肉質鮮嫩多汁&牛白胸膀油爽口彈牙&十下三寶滑用料出色分別有手打墨魚包住鹹蛋黃粒，魚滑包住臘腸粒&牛滑包住馬蹄粒，三款各有特色超有口感&三星蔥醬爆貢丸咬一口汁已流出好彈口&鮮蝦水餃皇鮮蝦大隻又鮮甜再來係懷舊果皮魚蛋好似細路仔係街邊食風味&蒜味香腸一樣咁好食&脆炸魚皮香脆&脆炸響鈴一樣有水凖，最後食埋寛冬粉爽口滑滑幾特別同蔬菜拼盤，唔經唔覺又食完一餐懷舊晚餐

早前睇雜誌見到一間時光倒流打邊爐。十下。決定帶爸媽去回味一下。想當年。銅鑼灣登龍街地點真係好方便一入門口就好似時光倒流回到過去咁，裝修主題好有七八十年代香港 feel，阿爸阿媽就最有感慨，因為當年生活真係幾艱苦啊！大家都好窮，但比現在快樂今晚吃得豐富啲，龍蝦海鮮鍋然後再配上十下三寶滑、黑松露帶子餃、脆炸魚骨⋯豐富得令人感動湯底我們要龍蝦海鮮鍋，真材實料大大隻龍蝦。差不多都是最新時令海鮮的拼在一起了。湯頭清新鮮甜超大隻元貝，鮮甜的鮑魚，爽脆翡翠螺，美味花甲，尤其是難以抗拒的龍蝦滋味！新鮮美味的海鮮盛宴源自好湯底的，以新鮮海鮮加上高湯等配料煮成，不論是當作湯水或鍋底也非常惹味！連餐具都係回憶中嘅萬壽無疆。配料選擇算多，而且相當有特色。十下三寶滑，有墨魚、鮮打鹽蛋黃蝦滑同臘腸鯪魚滑好經典的港式風味耶。想試出每種滑的獨特味道，我參考了店員提議的食法，由淡至濃味，咁就可以細嚼出每種口味，十分滋味。大家有冇聽過三星蔥，是來自台灣宜蘭三星鄉。蔥特別粗壯，而且帶甜的蔥白部份較多，三星蔥醬爆貢丸果然有台灣的味道仲有脆炸響鈴加香撲鼻的黑松露帶子餃、香而不膩啊。為味蕾帶來享受的懷舊脆炸魚骨。仲有新鮮翠綠的蔬

近排天氣熱辣辣，加上陰晴不定、時晴時雨，讓人納悶非常，不過亦無損我和家人外出覓食的心情。下星期日便是父親節，趁這晚兒子有空，不用上課，就一於一家人齊齊整整，提早慶祝父親節，而地點就選了這間取名「十下」、以懷舊主題作招徠的港台風味火鍋店。其實來之前已看過網上食評，據說店子無論是背景、裝潢還是食物，都很有驚喜。餐廳座落於銅鑼灣登龍街永光中心 2 樓，其實一踏出電梯已經即時感受到那股懷舊氣息，門面用上綠白磚牆作裝飾。步進店，環境非常寬敞，每檯客人都可以擁有自己的私人空間，簡直是罕見的闊落。細看裝潢，一室復古佈置，霓虹燈飾、舊款暖水壺、綠色雙門雪櫃、Old School 日曆、懷舊餐具等等，令人有恍如回到數十年前的屋邨家庭之中，很有親切感，加上全場圓檯設計，充分展現出圍爐而吃的神粹。由於是首次到訪，對店裡食物認識不多，決定請服務員代為推介。選了一個「十下二人精選套餐」 ($358/位)，據店員稱，套餐分量頗大，再加一、兩款火鍋配料，已經足夠三人享用。趁湯鍋未上，先選飲料，飲品分為本地系列及台灣系列，另外亦有烏龍茶、王老吉、罐裝可樂及啤酒等供應。選了一瓶冬瓜茶 (跟餐 +$10)，喝一口，甘醇帶

愈來愈喜歡打邊爐，今天來到十下，主題是老香港，環境是充滿懷舊風的裝修和設計，在這裡打邊爐，別有一番風味。那個雪櫃原以為是裝飾，直到店員拿飲品出來！飯壺，留聲機等都勾起了媽媽兒時的回憶。就算是連他們的餐具也是很有懷舊的感覺，這個碗和匙羹非常美麗特別！ 在座後店員會先給你一盤調味料，讓你自己混醬。我們都很懶不想點菜，所以就直接點一個套餐，不用多想。飲品方面我們選了洛神花茶，有一大瓶， 味道酸酸甜甜又清新又醒胃，非常合適打邊爐飲用。他們的上菜速度很快，不消一會全個套餐的火鍋和配料都到齊，一整枱都是食物非常豐富啊我們選的鍋底是龍蝦鮑魚海鮮鍋，一上來就看到內裏有大大隻龍蝦，又有很多海鮮，極之足料。乳白色的湯內充滿海鮮的鮮味，味道清甜又濃厚，內裡海鮮有扇貝、大件有鮮甜的象拔蚌、大隻鮑魚、翡翠螺、魷魚、蜆和肥美的蠔。這碟只是一人份量， 還有另一份及多隻蜆。 全部海鮮都很新鮮，清甜和爽口，只是吃這些海鮮已經飽了三分一。店員會為你剪開大隻龍蝦。我們這些龍蝦的蝦頭有大量蝦子，味道非常濃郁鮮美。蝦肉方面就非常爽口彈牙， 絕對值回票價。套餐附有十下三寶滑，分別是鹹蛋蝦滑，鯪魚臘腸滑和辣牛筋滑。這些組合配搭特別

香港的飲食業已是一個競爭激烈的行業，新開的食店要搞搞新意思才可以吸引到客人, 而十下就走懷舊路線,令到客人可以活在記念中, 懷念一下那些年的日子, 尋找到很多兒時的集體回憶。整間店舖以懷舊的香港作為裝飾的主題，餐廳的環境是精心設計得像舊日的香港，裡面有很多舊式物品, 在牆上面也印有些富有香港特色的標誌，整個環境令人看到後都會回憶起老香港。食火鍋，醬料也是重要一環，店方準備了調味架擺放著多款調味料, 包括有紅辣椒、蒽花、蒜茸、花生醬等等, 而本人也在多款醬料中，簡簡單單的選了小量紅辣椒和蒽花。對著熱辣辣的火鍋, 點一些飲品來降溫是常識吧, 飲品方面點了冬瓜茶, 最重要是夠健康而且解喝, 清甜潤喉，是吃火鍋的良伴。今晚的主角龍蝦鮑魚海鮮鍋由店員送上, 用蕃茄湯配上大量海鮮, 包括有鮮帶子、象拔蚌、扇貝、鮑魚、翡翠螺、魷魚、鮮蜆及龍蝦，大家都急不及待要試一試內裡的龍蝦,龍蝦肉質鮮甜,其他海鮮也是新鮮的,鮮甜味十足,湯底滲滿多款海鮮的精華再加上濃郁蕃茄味,鮮味無比。還追加了另外兩款海鮮，虎蝦相當大隻, 快快手把蝦灼熟, 然後剝殼把蝦吃掉，海蝦本身鮮甜, 而且蝦肉彈牙。美國桶肥蠔果然是肥美肉厚，

We ordered the signature chicken and fins soup, it was very flavoursome and adds a nice fresh taste to the food without being too heavy. Their beef and oysters are a must have! I am not sure whether the oysters are seasonal but seriously, they were soooo big and fresh!👌🏻👌🏻👌🏻👌🏻