影片
港铁铜锣湾站 B 出口, 步行约3分钟
继续阅读
电话号码
35204111
54020239
开饭介绍
充满港式情怀的怀旧风装修，火锅汤底以新鲜食材熬煮，味道香浓，而配料则必试特色丸类，是和亲朋好友开怀畅饮之选。
继续阅读
营业时间
今日营业
12:15 - 16:00
17:00 - 23:30
星期一至日
12:15 - 16:00
17:00 - 23:30
*最后点餐时间 22:30
以上资料只供参考，请与餐厅确认详情
有关餐厅
有关奖赏计划
优惠
相关文章
朋友食过一次夜晚 话气氛好正有精选二人餐 性价比好高-约咗今日去食lunch 除咗米线套餐人均消费50至60左右-仲有火锅lunch set 性价比非常高今次应承请佢食饭 所以就嗌多碟靓牛-环境好有大排档feel但系最紧要冷气充足先够舒服呢度又有气氛 又够凉爽汤底方面拣咗一个胡椒汤另一款系麻辣汤-首先要赞吓佢哋嘅 手切 牛颈脊$168 /细感觉上比起我喺九龙城买嘅质素更加好果然系本地靓牛厚薄适中 肉质超靓完全值呢个价份量都唔少呢个虾滑大大大推个名叫做「虾籽虾干鲜虾滑」$78劲新鲜 食得出真系新鲜打质素好高 仲有粒粒虾籽更加香大过粒乒乓波🏓午市套餐就可以拣牛肉或者猪肉 平均唔使$100 一位有齐饮品 汤底粉面另外仲可以加配料劲钟意佢哋嘅金牌牛丸系爆汁𠮶只 劲正 一次过可以试到唔同的配料例如蔬菜 沙白 几大只仲有猪颈肉 牛柏叶等等平时比较少打边炉有猪颈肉配埋胡椒汤底都几正 劲饱肚怀旧雪柜水晶灯 估唔到感觉都好夹啱晒打卡影相 lunch都几多人 但系都坐得舒服嘅比较阔落啲 地点又几方便㖞时代广场行过嚟都系两三分钟一人套餐 锅底 好快滚 呢个设计唔错因为可以防风 自己一个食都开心
继续阅读
Happy Friday 想揾间餐厅🍴食得开心啲，就黎左灯龙街入面嘅永光中心觅食！呢间十下火锅食物及服务质素向来都几好，当然要入嚟食啦～精选二人餐 (餐厅建议3人食, 所以全部都系女士既话, 呢个二人餐绝对合适)汤底：卜卜蚬煲一上汤底，中间系一球蒜蓉伴随住超大只嘅蚬肉，每一只都好新鲜，无任何沙粒，师傅清洗得好干净～大刀手切本地牛颈脊（小）厚切牛颈脊，食落去好浓郁嘅牛味，而且唔会有太多筋，一啲都唔鞋口，基本上不用蘸任何酱汁，都食得牛肉嘅鲜嫩～蟹肉蟹粉饺蟹肉蟹粉香浓饱满, 咬落去整个口腔都充斥住蟹的鲜味, 清香甘甜, 每一口都是享受, 真系非常满足肥美大沙白除左本身个汤底有沙白之外, 套餐仲包埋大量沙白, 所以基本上3个人食呢个餐绝对足够, 尤其全部都系女士~十下三宝滑店员好好服务, 会帮客户将蟹籽拌匀, 然后放落汤底煮~鲜打咸蛋黄墨鱼滑: 有微微的咸蛋黄, 而最重要既系, 墨鱼滑真系非常弹牙! 食得出师傅绝对系即场手打!虾籽虾干虾滑: 平时虾籽虾滑食得多, 加埋虾干真系第1次, 真系好浓郁虾味, 绝对系真材实料~发财好市牛筋滑: 包含左蚝豉和发菜, 牛筋本身已经弹牙, 变成牛筋滑, 再拌匀蚝豉和发菜, 鲜味提升更高层次~顶级野生竹笙超级大条, 食落去吸收晒汤底既海鲜精华, 非常满足~酱爆濑尿牛丸一咬落去会有酱汁吱出黎, 所以咬落去真系小心烫口, 要慢慢食!不过真系好juicy既牛丸~怀旧果皮鱼蛋好浓郁既果皮香味, 而且鱼蛋也挺弹牙的~再有餐厅播放住各种怀旧金曲衬托住, 真系好有怀旧风~紫菜响铃响铃入面包住紫菜, 再放入汤底一起煮, 基本上煮5秒左右就可以即食,有外软内脆既感觉~蔬菜拼盘有清甜萝卜, 翠绿生菜, 新鲜娃娃菜, 大粒冬菇, 爽甜粟米~前面食得咁丰富, 当然要食返D蔬菜平衡一下~竹蔗茅根打边炉当然最不能缺少既生津解渴既饮品啦!系潮湿闷热既夏天，饮返一渣竹蔗茅根, 绝对可以清热降火、滋润身体!
继续阅读
今晚想食港式打边炉，见到呢度嘅评语几好，所以就嚟试吓。一入到餐厅，装修风格好有旧香港时代感觉，用上装修风格好有旧香港时代感觉，用上麻雀枱、旧式雪柜、旧式电话做装饰。见Menu 有个二人餐都只系每位$328。汤底方面可以拣鸳鸯锅：滋润木瓜蕃茄鲜鱼汤，真系用上原条的鱼先煎后煮汤，加上酸酸地嘅蕃茄同埋木瓜嘅鲜甜，职员仲好细心话个鱼啱啱煎好要再煮吓先熟先可以落料。先饮个汤都好入味。十下麻辣汤就咁睇佢嘅配料辣椒好充足，以为会好辣，点知又唔会太辣，好啱我口味。食物方面有：手切本地牛颈脊，份量都几多，牛肉鲜红，入口系好有牛味同咬口。花雕醉鸡，渌𠮶阵时都唔觉有花雕味，估唔到入口𠮶个花雕味好香，而且佢嘅鸡肉都比想像中嫩滑。十下三宝滑发菜蚝豉滑，鲜虾咸蛋滑，墨鱼滑，每款有两大粒，我最中意鲜虾咸蛋滑，超级弹牙有鲜味，真系超级大粒。凤城水饺，有四粒，个皮好薄，然后里面嘅馅好足料。麻辣鸭血，呢个系唔使打边炉就咁食都得，好烟靭得来个麻辣味入晒入鸭血度，呢个怕辣嘅朋友要留意啦。脆炸响铃，呢个唔会有油益味。三星葱酱爆贡丸，要小心啲食，真系好似食神套电影咁爆汁。怀旧果皮鱼蛋，烟烟韧韧个种。蔬菜拼盘，份量超大，有粟米、冬菇、娃娃菜、生菜仲有白萝卜，全部都新鲜鲜甜。饮品加$15要咗竹蔗茅根，有一大jar，两个人饮刚刚好。要大赞呢度嘅冷气非常之够，所有职员都非常细心主动，唔使讲佢都会主动加汤👍👍
继续阅读
十下火锅，净系个名都有香港特色 --- 「烚下下」，装修都系满满嘅香港情怀，旧式嘅柜同枱、霓虹灯，镜子，听住有年代感嘅广东歌打边炉，更加系一流。全场位置不多，员工服务态度认真、热情、主动，仲会帮我哋影相留念🤣。讲返主题：汤底叫咗养生豆乳白锅，十分清甜，虽然话豆乳味比较寡淡，但药材味出众，饮汤都饮到红枣当归嘅香味。汤底本身会有蜂巢豆腐和鸭血，蜂巢豆腐完美吸收汤汁，一口一粒，十分不错；鸭血大大块唔会轻易煲到散哂。我哋仲叫咗蟹肉饺，职员教落汤过面、烚3分钟就ok，满满嘅蟹肉，十分足料，精华一咬就爆哂出嚟，皮薄蟹肉足，值得一试。另外有豆卜鱼腐，一碟六粒，鱼肉弹牙，有啖啖鱼肉，外面一层豆卜包住，令成粒好似豆腐咁、有特色。佢嘅大刀手切本地牛颈脊好大碟、牛味浓，肉质好，唔韧，有阵阵乳香同甜味，食𠮶时加上沙茶酱够哂地道。估佢唔到系有椰子水可拣，仲要系成jar咁上，份量够两个人每人饮3杯，配火锅清甜解渴，仲可以顺便降火！
继续阅读
一上到嚟已经系俾装修吸引住即刻想约埋班朋友下次着埋啲怀旧衫喺度开餐 实好有feel😂叫咗个二人套餐10分丰富 乜都有齐懒人一定要拣呢个餐✨酱料✨胡椒猪肚汤+十下麻辣锅鸳鸯锅底唔使加钱 大赞有啲地方鸳鸯锅要额外加钱完全唔明点解😂我形容汤底系喜出望外胡椒猪肚汤10分足料有劲多酸菜同埋猪肚胡椒味超浓饮咗两大碗个胃即刻暖晒 推荐！麻辣锅亦都够晒浓入边仲有蜂巢豆腐同埋鸭血超级足料 冇得拣辣度但系个人觉得个辣度适合✨麻辣鸭血呢个系就咁食嘅 味道几香浓不过感觉同佢汤底入边𠮶啲差唔多但系呢碗劲多花椒卡住咗喺个鸭血度😂会一齐食埋唔食得好麻辣嘅朋友 要小心！✨大刀手切本地牛颈脊份量足 牛味重 肥瘦适中我哋拣嘅两个汤底都算浓但系渌完之后都仲食到牛味超正 推荐👍🏻✨十下三宝滑发菜牛肉滑墨鱼滑虾滑三种嚟讲个人最推荐虾滑十分弹牙值得一赞 职员会主动帮我哋落服务好好👍🏻✨花雕醉鸡花雕味好入味 鸡亦都好滑喺浓味汤底下都有食到花雕酒味推荐👍🏻✨蔬菜拼盘✨凤城水饺✨三星葱酱爆贡丸✨怀旧果皮鱼蛋✨脆炸响铃呢个二人餐绝对系够三个人食😂因为个汤底都已经10分出色啲配料乜都有啲 份量亦都十足连两罐嘢饮 超级抵食！
继续阅读