十下火鍋

銅鑼灣登龍街係食街，幾乎每次出老銅都會係呢度搵食。前排係IG見好多人post十下火鍋嘅俯視火鍋圖，留意到台上有好經典嘅果皮魚蛋，而餐具係係阿婆屋企用果d餐具，而裝修好有7、80年代嘅屋村感覺，所以同左朋友去試下。十下火鍋嘅環境好寬敞，唔似一般火鍋店坐得密密麻麻！舊式雪櫃、收音機、手揭日曆，仲有最近好紅嘅舊式暖水壺，牆身用左平時係公共屋村見到嘅紙皮石板，細心留意真係會發現好多店主嘅巧思！食物方面，火鍋湯底都有好多選擇，有花膠鮮雞鍋、蕃茄鮮魚鍋等等，我地叫左個鴛鴦鍋- 麻辣同咸菜豬肚湯，胡椒味好香！打邊爐前先來一碗湯係好唔錯架。果皮魚旦係坊間少見，以前嘅人用果皮黎去魚肉嘅腥味，估唔到係呢度食到。美國桶蠔勁肥美，同樣滑溜嘅豬腸粉（下！豬腸粉打邊爐？）好驚喜！放落麻辣鍋係好刺激架！三寶滑都好有心思，分別係牛肉滑、蝦滑同墨魚滑，加左馬蹄好爽口！另外要提嘅係場內係不斷播7、80年代嘅舊歌，係坊間少見嘅懷舊火鍋店！

主打港式懷舊主題嘅火鍋店👲🏻入面嘅裝修充滿復古味道，可以dresscode去影下有feel既相有助吸粉喔😚湯底我哋就叫左番茄魚清湯同麻辣鍋🌶個人呢就比較鍾意麻辣鍋，麻同辣都恰到好處唔會死咸死辣😋火鍋料比較推薦肉類，尤其是肥牛十個讚🤤💓飲料冬瓜茶是必點！encore了兩大瓶完全是台灣的味道🍹價錢倒不算太親民，但勝在坐得非常舒服，每台有一定的距離可以放心傾計👫👬而且服務也很好😽👍

念念不忘十下嘅湯底，大大隻嘅筒蠔，手切肥牛，洛神花茶，今次仲叫多咗人一齊食，又可以order多幾款食物，鮑魚東升斑確實超級正（提早落訂），今次仲有新野試咗牛胸口膀，好味到難以形容，入口即溶，回味無窮，另外三寶丸改咗配方，加咗臘腸，鹹蛋，香味提升咗，超級正，必食推介。另外新推出的大炸魚皮，依款食物其他火鍋店確實少有的，未試過嘅朋友記得要試一試。仲有一款超長嘅蟹柳，真係又甜又好味，我哋點咗幾碟。另外提一提，記得order狗仔粉，配合湯底，吸收了精華，真係正。地方闊落，環境舒適，播着80年代的懷舊金曲，張國榮、周慧敏、王馨平、黎瑞恩、草蜢⋯⋯70-80s朋友都話冇介紹錯，另外店員服務非常好，主動換碟加湯，唯一要改善嘅地方，就係冷氣非常大，怕凍的朋友要記得帶外套。

Super cool ambiance, expecially got a hot pot place. Great for instagram pictures and group dining. Soup bases were creative and delicious. I would suggest getting the oyster, they are HUGE!

朋友喜歡打邊爐, 早前見到這裡裝修很特別, 所以選了這裡我們五人點了雙湯底, 十下麻辣火鍋+是日精選酸菜豬肚湯湯底較喜歡豬肚湯~濃濃的味道, 加上有無盡的豬肚, 到打完仍然仲有好多..超抵吃這裡的裝修擺盤都很懷舊~非常喜歡每一樣食材都很新鮮海蝦, 肥蠔, 本地肥牛全部都好鮮最喜歡及特別的一定是腸粉完全無想過豬腸粉可以打邊爐在麻辣湯底加上肥粉, 真的很入味..來到必定要試!!!!另外十下三寶滑也是非常推介有蝦, 牛及墨魚...全部味道都很鮮及彈牙值得一試這裡拍照很美~喜歡影相的應該很高興 HAH~

十下十下 係香港人係打邊爈嘅用詞店名亦套用了''十下''來命名店內的裝潢設計都用了 60至70年代的風格感受當年的風情打邊爐的精髓之在於醬 店內貼心地準備了十款材料 任你搭配湯底有力款 就你喜好 作選擇 價錢有高低都合理飲料有可樂 有涼茶 本建議飲涼茶 食火鍋好熱氣好足料 夠回本 湯內有一隻雞 有魚翅，魚肚，火腿，紅棗，杞子，蔥等等叫左 十樣野食 款款都好正 由其係 陳皮魚蛋 依家已經 買少見少啦另外已經無咩人會賣生既腸粉ga仲有特別大大壕 十完都仲好大隻值得一讚份量有d多 所以建議renshuq女仔=2-3個人男仔=2個人慢慢十下十下感受香港懷舊味道

一班朋友圍埋一齊做咩好呢！之唔係一齊十下十下囉親 🤘🏿 欵～話時話，天呀，點解一連幾日又係銅鑼灣食 🤦🏿‍♂️🤦🏿‍♀️ 點解呢～奇哥！哈哈，都要多謝兩位美女姨姨請小寶食 😝 帶小寶去咁特色既地方 🤘🏿一班友圍住個邊爐威喂最開心，欵～咁當然呢到有特別之處先會介紹比大家啦！簡單介紹下呢到食物既質素啦，我地揀左個雙併麻辣火鍋湯底同白玉菊花湯底，麻辣火鍋個味唔係辣到噴到噴火，食到譚仔五小辣既人就一定冇問題，主要係有小小麻果種味，而白玉菊花主要為雞骨同豬骨再加菊花、鮮魚、准山杞子熬製而成，所以味道相當清甜入味 🤤 而火鍋配料跟我叫就一定冇得輸，推薦肥牛牛肉、墨汁墨魚丸、魚滑牛滑，真係好正 🤘🏿 飲品就叫左冬瓜茶，好有台灣風味 🤤對於小寶黎講食物係其中勝利一環，服務都好到不得了，想讚下果到既某位叔叔，真係真心用個心對待客人，服務周到，今時今日真係好少有 🤷🏿‍♂️🤷🏿‍♀️ 另外冷氣亦都好夠吹到 ba ba 聲，絕對唔會食到個身熱辣辣煩躁既情況出現，爽 👯👯👯最特別之處一定係裝修擺設，每個細節位都做到充滿復古既味道，盡顯功架，彷彿好似返到五六十年代既感覺，一入到已經有個霓虹燈比大家影真．「霓」復古照，等

特色懷舊火鍋小店，裝修似七、八十年代屋企，連餐具、器皿都配合得好有feel。枱與枱之間隔得幾闊，坐得舒服。叫左花生沙嗲鍋同豆乳鍋，湯底尚可；醬料有心準備，睇得又好味；本地切牛幾好，肉質嫩滑；丸同餃正常；蔬菜都新鮮。值得一讚係店員服務好，經常添水同睇我地有咩需要。

老公話這間十下是近期流行的懷舊火鍋。一直都有疑問什麼是懷舊火鍋？星期六心血來潮想試，但要個半鐘還枱，所以無book。點知過一陣，十下打電話黎話有張枱cancel, 問我地黎唔黎，知我地有小朋友又問要唔要bb 櫈，服務態度良好。去到餐廳，裝修是走香港懷舊風，紙皮石、摺枱、水晶燈、舊式擺設等等。枱與枱之間空間感十足，並不焗促，但我覺得整體裝修是有點hea的。anyway, 火鍋最重要是個鍋。湯底選擇有8-10個，都是一般大路嘢。麻辣大紅鍋點了小辣，不太辣，但略嫌不夠麻。養生鍋有少少藥材，但少咸。火鍋料點了手切本地牛肉、魚片頭、麻吉燒、果皮魚蛋、大蟹棒、蜂巢凍豆腐、響鈴、蔬菜拼盤。只有手切本地牛肉有是值得推介的。其他的都係一般火鍋料，無特別。冬瓜茶略嫌甜咗少少。總括黎講，除咗裝修有懷舊feel之外，唔明點解叫懷舊火鍋。嘢食都係大路嘢無乜特別。但樓面服務態度很好，銅鑼灣黎講價錢算合理。

哩間打邊爐既餐廳充滿懷舊風格 好似回到左80年代既香港 一碗一碟都睇得出有心思 與窗外既高樓有鮮明對比 我個人好喜歡哩度既環境 令我食得好開心見到牆上有個字好特別 我就唔識讀 好奇之下問左店員 原來係一個自創文字 上面水下面火比喻打邊爐 聽完覺得好有趣食之前就梗係混左醬先！配料擺得好干淨 我覺得個碗好靚揀左鴛鴦湯底 邊麻辣一邊蕃茄鮮魚湯 兩個我都中意 鮮魚湯鮮味 岩晒唔食辣既朋友肥牛同鮮牛都好正 肉林冇筋 唔錯！三色滑都好食 爽口彈牙 成功encore左陳皮魚蛋呀！出面唔多打邊爐店有嫁！落左去麻辣鍋度超正呀 哩支冬瓜茶清甜去油感 飲左2支。一路食仲會聽到好多經典金曲 好有味道！哩一餐真係食得好滿足

同一班朋友聚餐，揀咗間好有特色裝修嘅懷舊餐廳打邊爐。環境唔錯，做到懷舊氣氛打邊爐食物齊全，樣樣食物質數都不錯，碟子賣相也做出了同樣懷舊感覺，值得一讚。價錢亦非常合理，喺銅鑼灣來說算係抵食， 不過就冇咩特別食物，令我感到深刻。不過整體服務參差，經常性冇人理你。我哋食6點至8點半， 個爐成日都唔滾， 一加水就要等好耐，八點半又有另枱客到要我哋走。 根本上就食唔切，因為係打邊爐， 我哋叫嘅嘢食又有流單。所以即使價錢合理整體感覺很參差一啲都食得唔愉快

假期既前一天，緊係約埋幾個朋友出黎食餐飯！我地揀左環境同餐具都好懷舊既十下，烚下烚下聊聊天😁 btw 我地仲特登夾好穿著復古既衣著，諗住可以襯番個環境影下相😎Led燈牌好吸引目光用懷舊餐具進餐，心情特別雀躍😄我地選擇了雙拼湯底，分別係蕃茄鮮魚湯，呈奶白色，清甜滋潤😋 同埋十下麻辣大紅鍋，少辣，好香口，兩個湯底都好，夠濃郁. 上菜速度快👍🏼 可以影到食物既大合照, 睇落好豐富！😍 鮮牛肉、特選肥牛、豬肉片，肉味突出，幾juicy , 好好食！屬高質既肉😋👍🏼三色手打肉滑，好彈牙！😁👍🏼另外，冬瓜茶$48 一瓶，吾太甜，非常好飲，要encore !人均消費係$290左右，剛剛夠飽，吾會浪費食物🙆🏻

踏入四月，春天漸去，踏入夏天，朋友間的聚會也慢慢地由打邊爐轉場去到食日本餐，或者係西餐。但喜愛食火鍋既我，卻總愛嘗試不同的火鍋店。因為火鍋店夠五花八門，每次去唔到既火鍋店，也總找到屬於他們專屬的風格。而火鍋店，也絕對非常適合朋友間的聚會。一班人，有不同既喜好，火鍋店，絕對能滿足大家不同的需要。朋友介紹，今次就揀選佐呢間走懷舊風既 － 十下。「十下」，應該是取其同音字，烚下烚下，既意思吧。一班人一齊烚下烚下，也正是火鍋店的真諦。餐廳空間感都幾大，冷氣亦都好夠凍，枱枱登登有大排檔既feel，但係其實又坐得幾舒服。沒有了大排檔的吵鬧，沒有了大排檔地上的紙碎。這裡換來的卻是懷舊的金曲。聽著懷舊的金曲，看著這裡的擺設，感覺就像回到了70年代一樣。這些擺設，可以只會在20－30年前在公公婆婆家中找到吧。以前，會覺得這些擺設是「娘」。現在，卻覺得這是有品味。的確，心情，喜好，會因年紀作出改變。即便是餐具，也宗於宗旨 － 懷舊。食火鍋，醬油很重要，基本的，這裡也有。特別的，其實也不太需要，因為湯底夠靚，夠好味，其實醬料，也很少點。不要以為金色的茶壺係倒茶既。其實佢係醬油壺。餐牌都係古式古香既，而湯底有

十下的裝修以懷舊為主題甚有氣氛，霓虹燈飾、熱水壺、雞毛掃，以至於餐具，都讓人彷彿時光倒流回到八十年代一樣。火瞳花膠魚肚雞湯火鍋 ($288)湯頭以雞骨及金華火腿熬製，鮮甜而且清澈，毫不油膩，更有大量花膠、魚肚、紅棗等材料，相當養生滋補。另外更可以吩咐店員將湯裡的一整隻雞分拆食用，「雞盡其食」大刀手切本地牛肉 ($178)牛肉味濃而且肥瘦適中，入口毫不油膩。安格斯牛肉 ($158)肉質比大刀手切本地牛肉滑。黑豚肉爽 ($78)黑豚肉爽口感與豬頸肉相似，不過入口相對不太油膩。十下三寶滑 ($108)三寶滑包括牛筋滑、蝦滑和墨魚滑，各自鮮味肉味突出，口感彈牙。美國桶肥蠔 ($28/隻)蠔身飽滿肥大，味道鮮美。大頭虎蝦 ($80)虎蝦巨型之條肉質爽口毫不霉爛。脆炸響鈴 ($52)火鍋必備的響鈴巨型之餘亦夠香脆。鳳城水餃 ($64/四隻)皮薄餡靚。懷舊果皮魚蛋 ($36)陳皮魚蛋坊間罕見，用作火鍋配料更是少之又少，口感結實而且陳皮味極為香郁。豬腸粉 ($32)豬腸粉一樣特別罕見地用作火鍋配料，質感出乎意外地滑溜。別具本土特色的懷舊餐廳的確絕無僅有，食物質素尤其以湯底特別出眾，最別出心裁的是配料加

「叮噹可否不要老」，每個人身邊都有一個屬於你的叮噹，而那個人，大多是你的家人，叮噹總會好神奇地識得幫你解決所有問題，做你最強後盾，但叮噹其實會係你不知不覺間，隨時間變老來到這裡，仿佛現實真的有時光機，將我帶回過去，一磚一瓦，一桌一椅，都充滿著一種說不出的味道，聽著70-80年代的歌曲，看著那帶點黑色幽默的雞毛掃，我想，我真的回到過去了細心一看，會發現幾款充滿港式味道的食品，不只是視覺與聽覺，連味覺要鐵定要將你帶回去無論身處那個年代，混醬都是打邊爐不可或缺的火瞳花膠魚肚雞湯 ($288)這個湯鍋，實在夠奢華，足足有半隻雞、大量魚肚、金華火腿、花膠、火瞳翅，如此足料的湯底，打邊爐前當然要先飲一碗，沒有半點味精，禁不住再添加半碗店員見我地飲左咁多湯，就幫我地加番滿先開始打邊爐，加入的是同樣的湯底冬瓜茶 ($48)冬瓜茶是台灣名物，清熱消暑，味道不甜，沒有太多添加糖，是健康之選海鮮拼盤 (時價)店員向我地推介海鮮拼盤，可惜是夜是兩人邊爐，如果點了這個就很難再點其他的食物，留待下次大班人來再點吧，這次先拍個照作個記錄吧大頭虎蝦 ($80/隻)見到拼盤的虎蝦實在太吸引，禁不住點了一人一隻，大過IP