北斗

营业中

休息中

呢間真係好高質素嘅omakase, 今日食咗個lunch$880，真係非常滿足，我會選擇午餐，因為價錢比較相宜性價高，餐廳座位不多全部bar 位,廚師同埋客人都不斷有交流，食材好新鮮一直師傅只是負責招待客人我見菜式全部都是入面店員由廚房出的，第一次食omakase 既串揚，夠晒特別一坐低就有醃製過嘅蒜頭🧄食落真係好開胃，再加埋日本嘅熱茶非常暖位海膽凍豆腐，海膽份量好多，睇到賣相都知好新鮮，豆腐質地都好結實，顏色黃黃地，陣陣嘅豆腐清香配搭埋海膽嘅鮮味，真係好好食，每一口都食到鮮甜嘅海膽味道雜菌魚肉湯，魚肉湯雖然清，但係味道好鮮甜，加上一大片魚肉，每一口都嘗到清香嘅魚味。日本生蠔，生蠔嘅size好大隻，肉身比較厚，入口味道好鮮甜，加上少少蔥花吊出生蠔嘅嘅鮮味，口感仲要好爽。北海道帶子，帶子肉身好厚，食落去好有口感，另外食到一陣柚子嘅味道，兩個味道配搭得啱啱好，提升左帶子嘅鮮味。紫菜包拖羅，基本上唔需要調味，拖羅味道新鮮，加上魚油嘅香味，每食一啖都係一個享受。肥美嘅拖羅特別有口感，仲要入口即溶就咁用紫菜包住，味道已經好豐富，成為今日最難忘嘅一道菜伊勢龍蝦，龍蝦肉味道好清新，肉質爽滑彈牙，龍蝦

今日特登book咗喺九龍城食Omakase, 北斗Hokuto,因為呢間餐廳係朋友推介,所以特登過嚟試吓,去到舖頭門口已經見到好有日本嘅風情,餐廳嘅裝修簡約整潔,加上有少少雀仔嘅音樂,比到我一種好舒服,好舒適嘅感覺,喺度食飯簡直係一個享受，每一個食材，廚師都會細心解釋。一坐低面前已經準備好消毒紙巾，口罩套，日本人真係特別細心。首先就有個開胃漬物，味噌蒜頭，淮山。蒜頭好入味，淮山亦都好爽口。日本豆腐海膽，海膽望落去好新鮮，入口味道好鮮甜，豆腐味道好清香，海膽同豆腐嘅味道好夾，將海膽嘅鮮味提升一個層次。鯛魚雜菌湯，湯嘅味道好清甜，入口有淡淡嘅魚肉香味，魚香慢慢滲出嚟，魚肉好滑好鮮甜。北海道帶子柚子海鹽，厚切嘅帶子好有口感，入口味道好鮮，食到帶子嘅鮮味加上柚子味，令到個鮮味更加突出，最重要就係旁邊嘅海鹽，整體味道非常之夾。紫菜包拖羅，望落去已經好吸引，拖羅好厚生，魚油慢慢滲出來，一啖食落去味道真係好鮮甜。岩手縣生蠔，蠔身比較肥美，入口味道好清新，可能加咗啲柚子汁令到鮮味更加突出，日本生蠔唔會太鹹，但係鮮味無窮。希靈魚炸物，估唔到希靈魚炸香味道係咁好，我覺得比刺身更好味，食落去好有口感。魷魚紫

今日我和老婆出咗九龍城行街，行到中午時段，就在附近搵東西吃，老婆建議食日本菜，途經福佬村道，看見有間舖頭裝修得日本風，被它吸引，就決定在這裏用膳。入到餐廳這裏裝修得日本風格，這裏地方乾淨，環境舒適，店員很有禮貌招呼我們坐低。發覺原來這間店舖，是由正宗日本廚師主理。午餐有兩款選擇，分別有「北」同「斗」，我和太太都選擇「斗」這個餐，「斗」餐包括有主食同炸物，前菜，湯，飯同甜品。首先頭盤是海膽白子豆腐，外貌非常吸引，豆腐表面放了滿滿的海膽，吃一口海膽先甜甘香，在口腔內回甘，海膽十分新鮮，另外這個白子豆腐是冷豆腐來的，入口涼浸浸，細細品嚐豆腐並帶有鮮甜味道，出色這個鱺魚清湯，清澈見底，喝一口帶有淡淡的魚湯味，十分清新，而且還有一塊鱺魚肉。這個北海道帶子，日本直送，帶子很厚身而且很大粒，吃一口帶子味道鮮甜，有口感，師傅加了柚子醬汁調味，入口清新，不用其他調味料進食都很出色。這個大拖羅，師傅將大拖羅的表面用火灸過，然後再用紫菜包住，一放入口，多重口感，紫菜表面卜卜脆的，加上大拖羅的軟棉，最欣賞就是他的味道，當拖羅放入口，滿口魚油甘香，越食越濃郁，不得了這個日本直送的生蠔，剛剛落機十分新鮮，而且是即

朋友帶咗我去九龍城食牛市食omakase。北斗嘅「斗」餐每人$880加一，呢個餐都幾多嘢食。仲有日本師傳用英文同我地介紹，讚！Appetizer 白蝦豆腐配搭胡麻醬，口感夠清新開胃，加埋紫蘇花好香。Soup以日本魚肉同雜菌為主嘅清湯，仲有一舊鯛魚肉，正。Sashimi 北海道帶子好大粒好甜，加咗有海鹽同柚子。灸燒過過深海池魚迫出魚油，又爽口。拖羅紫菜卷充滿油脂，用紫菜包住冇咁油膩。生蠔超大粒，師傅讚係嚟自岩手縣。加咗柚子酸汁，啖啖都好有鮮味。Deep Fries炸粉好薄，但食物都好脆。茄子好多汁；原隻牡丹蝦好大好有驚喜，仲有啲膏添；飛魚子加昆布好特別，一咬啲魚子一粒粒咁爆開；最後仲有炸紫菜配海膽，好味。Grilled Food明太子醬嘅燒伊勢龍蝦，鮮甜又彈牙，仲有少少燒咗嘅海膽。Rice Stuff 係一碗明太子茶漬飯，明太子有少少辣，份量啱啱好。Dessert 靜岡蜜瓜作結好滿足。

現代人追求食嘅享受層出不窮，以前都冇聽過 omakase ，近年先聽得最多呢個咁有趣嘅名詞，即係廚師發板係將當天最佳嘅食材畀個客食而冇一個特定嘅菜單。北斗就是廚師發辦的日本餐廳，餐牌上淨係好簡單寫咗食物類別，冇寫明係乜嘢，即係未食之前充滿了驚喜同期盼。一入餐館內已見牆上一隻美麗的雀鳥顏色豐富，有種獨特的美感，甚少在其他餐館見到。餐館不算大，一問之下原來已經一眼見晒兄10個座位，其實咁就對食客嚟講係一件好事，師父可以專注於食物烹調上，唔會因為人多而影響食物處理。這塊麵包不是食的，而係放串揚作吸油之用。旁邊是漬物，分別係牛蒡同蒜頭，爽口開胃。望落去唔知係乜，一咬落去就知係茄子，茄子汁仍藏在內，頗為juicy 。酥炸生蠔，炸粉皮薄，面上有啲柚子醬配上小小蔥花，蔥香加蠔獨特口感，難忘。以吉列形式炸的鴨胸肉，口感有點像豬肉，咀嚼多幾口就feel到鴨肉味道，特別配製嘅醬料唔錯，醬汁唔太多，唔會搶走肉味，配搭幾好。此外有不同的日食，每款都很精緻，盡顯了omakase的精髓，專注每件食物的外觀及質素，加上沒有拘束的環境，食得自在。

今日日頭放假嚟到九龍城區，本以為機場搬咗去東涌之後呢度會冷清，但反而多咗大大小小嘅特色食店，除咗本身旺開嘅泰國菜同潮州菜，而家仲有日式食店，北斗位於福佬村道是一間 omakase 廚師發辦。啱啱有第二輪消費券可以放縱一下，食啲特別啲嘅日式菜。舖內不算大，一眼見曬，師傅說了幾句日文歡迎我們之後便正式展開呢個omakase之旅。午市menu之上只有兩set嘢，$580同$880。漬物~牛蒡、蒜頭豆腐海膽~打開蓋有陣煙飄出營造氣氛，豆腐結實並不是軟豆腐，不容易散開，海膽新鮮，擺盤精緻嘅一道前菜。帶子刺身~配搭柚子汁令口感獨特。深海池魚~火炙處理，肉質厚實帶點油脂，不錯。拖羅紫菜卷~配搭比較少有，拖羅肥美連埋脆脆紫菜卷放落口後是有不同層次的口感，而面上金箔同係打卡炫耀之作吧。深海魷魚~表皮酥炸形式處理，咬落去脆口，魷魚肉唔係韌嗰種，反而帶點稔身，是較為特別的體驗。菇菌昆布魚肉湯~甜湯清新，魚肉嫩滑，喝了喉嚨很舒服。生蠔~size幾大隻，見到有啲醬在上面，食落甜甜酸酸，師傅話係一啲西柚汁配料，味道似乎又幾夾。櫻花蝦希靈魚~滿滿櫻花蝦小小咸味，而薄薄一片粉將希靈魚炸得剛好，帶出魚肉嘅嫩滑。伊勢龍蝦

好耐都冇食過omakase,自從有咗屯馬綫之後一切都變得非常方便完全冇藉口唔嚟呢個美食天堂發掘美食就趁着媽咪生日同佢嚟咗呢間位於九龍城嘅北斗我記得係兩年前都食過兩年後嘅今日我再返嚟，食物質素無變依然keep到當年嘅水準呢兩年都冇得去日本嚟呢度食嘢，就當去咗日本一樣呢間餐廳主要係日本人打理師傅嚟咗香港都超過30年佢識講廣東話而且仲非常幽默服務態度良好雖然我唔太明佢講乜但我感到佢嘅真誠，慢慢地介紹每一樣食材裝修非常骨子，入面簡單嘅一張吧枱，座位好少，非常寧靜，又舒服，仲充滿着濃烈嘅日本氣氛😌一坐低就放低咗幾款醬汁，有檸檬汁胡椒醋豬扒汁等等原來呢個午餐除咗有刺身之外仲有好多好出名嘅炸物今日揀咗個$880價錢嘅午餐🥣入面有湯，炸物，主食，熱食，前菜甜品🍮等等相當豐富一入到去坐低就見到桌上有醃過既牛蒡，同埋醃過嘅蒜頭，味道好特別同平時食嘅唔同，另外見到有一片麵包，師傅話不是用嚟食的，是用作炸物吸油前菜係海膽豆腐，豆腐非常香滑，旁邊仲加咗一些芝麻醬，海膽仲非常鮮甜，又唔腥，夠晒新鮮完全唔需要粘醬汁食用，真係一款好吸晴嘅前菜帶子刺身非常厚身，仲加咗啲柚子汁同埋鹽，提升左帶子嘅鮮甜味，旁邊仲有啲Was

最近見到唔少朋友都去左食omakase，搞到我心癢癢都想去食下😆經過朋友嘅推介就嚟到呢一間由真日本師傅主理嘅日式餐廳初嘗omakase啦🤩第一道係日本豆腐海膽配白蝦小螃蟹，海膽creamy，豆腐嘅口感並唔係一咬就散而係偏杰身，味道超驚喜！食完好想再食！白蝦超清甜，可以連殼食嘅小螃蟹🦀️ 相當別緻 味道都好唔錯👍🏼日本昆布配搭魚嘅湯，味道清甜可口，魚肉好嫩滑，仲有魚嘅油香👍🏼之後就輪到刺身，帶子刺身肉質甜美厚實，表而仲有柚子粒，提升帶子嘅鮮味深海池魚上面有數粒芥末籽可以解膩，表面魚油好香好正又夠肥厚☺️用紫菜包住嘅大拖羅入口即溶，微微鹹香，裏面嘅Wasabi亦唔會搶味，食完好滿足🥰岩手縣生蠔十分肥大！爽口 海水味重 面頭配搭左自家製嘅柚子酸汁啫喱引出生蠔嘅鮮味之餘食完仲會回甘🤤，加上底部有好爽口嘅海藻，整個口感好有層次嚟到串揚嘅環節，第一就係希靈魚串揚，外皮炸得薄薄鬆脆，表面仲有沙律醬同櫻花蝦，裏面嘅希靈魚彈牙，咬落一粒籽，好過癮，而且整個配搭好夾愛女魚串揚外皮好酥脆 面頭作咗少許調味鹹鹹地 魚嘅味道清淡嫩滑魷魚紫菜卷蟹膏利用魷魚同紫菜包住蟹膏，魷魚好易咬 蟹膏味都好鮮甜！鴨胸同樣炸過嘅外皮

🍢北斗🍢📍:九龍城福佬村道59號地下B號舖⏰:12:00pm-3:00pm,6:00pm-11:00pm壽司刺身Omakase就食得多啦 食串揚既omakase真系未試過😆所以捉咗朋友陪我去呢間位於九龍城嘅日式料理店 雖然門口細細 但係臥虎藏龍🙌🏻 午市套餐有兩款選擇 我哋選擇左較高價位嗰個 可以食埋刺身同燒物😆性價比高！師父係日本人 所以溝通都主要以英文為主🙌🏻🔸前菜🔸豆腐海膽:豆腐硬身 海膽鮮甜唔腥 加左麻醬 口感冰涼 魚子醬令到整體既鮮味提升 白蝦:蝦肉黏口新鮮 味道較淡 開胃既前菜鯛魚湯:鯛魚肉好鮮甜 加左松茸菇 清甜可口🔸剌身🔸帶子刺身:好厚肉 加左柚子汁、岩鹽 提升左鮮甜味😍火炙深海池魚(加左芥末籽):好有魚油香 肥美得黎齒頰留香🙌🏻火灸藍鯨拖羅:入口即溶 油脂感爆登 配埋紫菜同Wasabi😆大愛！岩手蠔:海水味重 加左柚子酸汁啫喱 好飽滿 大大隻😍🔸串揚🔸希靈魚串揚:加咗蝦米沙律醬同木魚絲 有咬口之餘 炸薄好薄 爽脆口感 必試推介！愛女魚串揚:好酥脆 入口唔會好油 魚肉好滑溜 好鮮味無骨魷魚蟹肉蟹膏卷紫菜:外脆內軟 鮮味十足 有咬口炸煙鴨胸:厚身煙韌 肉質肥瘦均勻 一食就

話說老友蠃左馬，梗係屈佢請食飯啦！仲要食餐豪啲既！講講下有人介紹九龍地呢邊有間食廚師發板，唔知質素如何，一於黎試下！同傳統嘅廚師發板餐廳一樣，成間舖頭都係得10個8個位。我哋嚟食午市，價錢大概八百幾蚊一位，前菜先來個日本豆腐配海膽及甜蝦，加上芝麻醬，呢個配搭冇得輸。日本珍寶刺身帶子，鮮甜無比。自己買或者其他餐廳好難食到咁大隻嘅帶子！魚名及種類我真係唔記得，淨係知好食拖羅用紫菜包住嚟食，入口肥美濃郁，油脂不斷衝擊味蕾，真係食過返尋味呢隻生蠔大隻到不得了，日本既生蠔冇平時食開澳洲或者美國加拿大既生蠔咁濃郁，比較淡味，較易入口！食完刺身就到炸物，值得一讚嘅係佢嘅炸漿做得非常出色，非常脆口及簿身，亦唔會有過多嘅調味，因為每位客人都可以按自己嘅喜好添加海鹽及檸檬汁，非常細心。食到尾聲來過明太子茶漬飯，茶漬湯底比想像中濃郁，唔似以前喺日本食過淡而無味的最後甜品係日本網紋蜜瓜，呢個時間當做，真係甜到不得了！

今日去到九龍城同朋友食飯，我地去咗北斗食牛市食OMAKASE，距離地鐵站好近。我地叫咗「斗」餐，每人$880+10%。呢到嘅裝修好有日本嘅感覺，仲有日本人師傅添。前菜白蝦豆腐，北海道嘅蝦肉好甜，豆腐好香滑，仲有啲紫蘇花添。清湯有鯛魚同菇，有好大舊魚肉，個湯好甜。刺身北海道帶子有海鹽同柚子，好清甜爽口。深海池魚輕輕燒過，肉質幾嫩滑，魚油夠香。大拖羅好肥美，用紫菜包住有入口即融嘅感覺，充滿油脂。岩手縣生蠔超大粒好吸引，師傅加咗柚子酸汁，帶出海水鮮味。串燒茄子炸得夠脆，佢地呢到嘅炸物都唔會有太厚嘅炸粉，讚。牡丹蝦係原隻，除咗條尾都食得，個頭啲鬚好特別，仲有蝦膏添。飛魚子加昆布好好味，口感好豐富，咀嚼嘅時候爆開嘅感覺好爽。最後仲有紫菜配海膽，個底香脆，個面鮮甜。燒物個碗好靚嘅燒龍蝦，好香好彈牙，仲有海膽添，仲加咗明太子醬嘅。飯明太子茶漬飯幾特別，有一羹嘅明太子，不過有啲辣，記得撈埋先食。甜品日本靜岡蜜瓜，香甜。

Am surprised to be greeted by a Japanese chef in such a boutique store, can assume he’s very experienced from his look ( white hair haha)-Appetiser starts with pickled gobo and garlic, which looks to have a strong flavour but indeed is quite soothing for the summer-White shrimp from Hokkaido with caviarTo pair with sirako tofu to enhance its thick and rich texture Seaweed and broth is slightly sour to balance out the flavour -mushroom sea bream fish soupA relatively light soup Where you can enjo

初嘗Omakase～～ 泰國餐廳林立嘅九龍城有間以簡約木系設計嘅Omakase— 北斗，未入去已經感受到日本小店風。日本師傅住場，全程以英文交流。係語言障礙下都冇阻師傅嘅熱情，佢每次都會介紹食材來源，建議食法。對於我呢啲初哥，真係獲益良多。「斗」午市總共有咁多樣嘢食：先付、前菜、湯、刺身、串揚、合肴、食事、甜品。漬物有紅酒漬蕎頭同木魚花醬漬蒜頭。前者帶微酸，好開胃。而木魚花醬漬蒜頭好脆口，唔講唔知係蒜頭。經過醃製，蒜味已經大減。前菜係好精緻嘅北海道白蝦肉配白子豆腐、炸澤蟹。白蝦肉鮮甜。第一次食澤蟹，比我姆指仲細少，一開始仲以為係裝飾。炸得脆卜卜，最驚喜係係細少嘅身體入面都有飽滿嘅蟹肉。湯係鯛魚雜菌湯，內藏大大片鯛魚。第一個刺身係北海道帶子。師傅用咗海鹽同柚子皮帶出帶子清甜。第二個刺身係深海池魚。面頭有輕輕灸過，更加帶出魚油，而面頭同時有芥末子，平衡左油膩感。口感方面魚肉嫩滑。肥美嘅大拖羅用一片紫菜包住，輕輕放入口，好快喺個嘴融化到。魚油脂十分甘香。生蠔賣相好吸引，喺大大隻生蠔上仲有柚子酸汁同埋紫蘇花。柚子酸汁更加帶出淡淡海水味，完全唔腥。嚟到呢間舖頭嘅名物— 串揚。第一樣係炸日本青眼魚

老媽子生日，想豪爽啲請佢食omakasae，但因為午市同晚市嘅價錢又差一大截，所以決定帶佢去試吓午餐。今次去位於九龍城嘅呢間北斗，因為朋友食過介紹話唔錯！午市套餐有兩款選擇，既然慶祝生日當然要食個豐富啲嘅！一坐低師傅先送上兩款開胃小吃，分別係芥末淮山及味噌蒜頭。第一個前菜係日本豆腐配上海蝦刺身及海膽，配搭胡麻醬，口感清新。以日本魚肉及昆布做湯底的清湯，非常清甜可口。飲完湯就開始吃刺身了，帆立貝體積大之餘，入口更鮮甜無比！由於師傅係正宗日本人，介紹每一道菜嘅時候都用英文，所以我都唔知佢嘅中文名稱係乜嘢，但淨係知好食拖羅紫菜卷，乾了它！媽媽生日快樂🎂日本嘅生蠔真係非常大隻！要分開幾啖去食！超級滿足食完生嘢就食熟食啦，呢個係炸魷魚卷配海膽，配搭都幾特別！炸鴨胸，鴨肉肉質十分軟滑，肉味濃郁，媽媽十分喜歡！炙燒海蝦及海膽，師傅為刺身略為炙燒了表面，入口時帶有另一種焦香嘅感覺。甜品時間，日本嘅蜜瓜比起雪糕更甜！

自從開咗屯馬綫之後去九龍城食嘢就方便得多 其實九龍城有好多小店都值得大家去食 今次揀咗專食omakase嘅日本地道小店 入到去好似置身左喺日本嘅壽司店咁樣 lunch set有兩個餐 揀咗比較豐富嘅一個價值888食物非常之新鮮 而且每個餸都會介紹 擺盤靚之餘食物質素真係非常之高魚菌湯 好清潤 終於明白點解日本人咁長壽海膽白子豆腐 呢個豆腐滑到一個點好似食緊熱嘅雪糕咁仲有 火炙伊勢海老 赤鯥刺身 串揚希靈魚 茶漬飯 全部都係好值得嘗試 好欣賞日本人咁細心每一道餸就算份量唔多都會做到好別緻最後甜品係靜岡蜜瓜 非常之清甜為今餐畫上完美嘅句號