劉興記生煎包專門店

营业中

休息中

旺角多野食就係人都知，晚飯時間呢間生煎包專門店，人頭湧湧，堂食同外賣都好多人，咁冇理由唔試下啦。入到店內店員都好友善好客，值得一讚。招牌生煎包$30/2隻蟹皇生煎包$36/2隻2款上枱時都漲卜卜，底部夠焦香，外皮都好金黃，一咬開已經肉汁爆滿，又唔會油膩，皮好薄而且餡大，灑上芝麻同蔥花更添香味。添加左蟹黃就見到絲絲蟹肉，更加鮮甜，十分推介。麻醬手撕雞粉皮$35麻醬好夠味，唔會好似溝水咁淡，又唔會過咸，粉皮夠冰涼彈牙，同爽口青瓜，同手絲雞一齊入口，口感豐富，夠哂清新。上海排骨菜飯$42排骨又係另一驚喜，店內講名係用新鮮豬扒即炸，外皮金黃酥脆，而且炸粉好薄，豬扒仲依然肉嫩多汁，完全唔會乾身鞋口，肥瘦均勻。菜飯仲保持青綠，飯同菜唔會散開哂，調味適中，食到停唔到口。鮮雞湯小雲吞12粒$30雞湯濃而不油，雲吞一口一粒，係鮮蝦餡，皮薄餡靚，彈牙鮮味。📌劉興記生煎包專門店地址：旺角通菜街1M-1T號華發大廈地下D號鋪評語食物高質素，性價比高店員友善熱情親切🐵推介🍌🍌🍌🍌🍌（5🍌為滿分）

今日行過哩間鋪頭，唔夠6點半已經人山人海，咁一定要試試啦。排咗10分鐘已經可以入座，翻台率好高。店鋪裝修得好中式，唔錯。Menu平到不可思議，一款菜飯50港紙有找，抵到爛。可樂同低糖豆漿，豆漿話低糖，飲落都有小小甜味，同埋豆味好濃，飲得出係自家制。麻醬手撕雞絲粉皮，麻醬好濃郁，好正宗北方味道，粉皮比起香港普通果款，要深色同韌少少，同麻醬好夾。鮮雞湯小雲吞（12粒），雲吞皮薄餡大，餡係純豬肉果款，搭配埋雞湯一齊食更加鮮甜。招牌生煎包，生煎包即叫即做，送上來仲熱笠笠。哩個生煎包真係不得了，真正做到皮脆肉鮮，暴曬汁水TIM，超好味。蟹黃生煎包，都係一樣高質。餡料裡面加咗好多蟹黃，每一啖都濃濃蟹黃味。糖醋炸排骨菜飯，排骨肉好飽滿，表面炸得好脆。搭配嘅菜飯落咗大量菜心，口感好豐富又好健康。難怪咁多人堂食同外賣啦，哩間餐廳質素一流，仲要好平，勁like！

呢間店呢就新開嘅，我哋就叫咗招牌生煎包六隻，排骨蔥油拌麵一疊，麻將首詩雞冷麵一疊，當我入到嚟舖頭嘅時候，我覺得呢度嘅燈光係呀好充足，入面嘅裝修有好多木嘅設計令到我好舒服，睇到碗嘅花紋呢就係模仿古代青色碗碟，非常靚嘅，同埋而家呢，餐具都用咗即棄嘅餐具，好好用喎，同埋有免費豆漿餸喎，真係好正喎，仲有啊個麵好熱嘅，我仲叫咗生煎包生煎包有好多汁，真係好好食，我之後我都會返嚟再食，呢度嘅炸豬扒都好香好好味，我非常滿意。

今日黎到最近好多人講嘅生煎包專門店😋 旺角分店勁多人超旺場😳 想食真係要預d 時間等🥴 首先梗係要食佢哋個皇牌推介🤩🌟 招牌生煎包同埋蟹黃生煎包✅ 勁多人叫所以保證隻隻新鮮煎起👍 全部熱辣辣香噴噴😘 一口咬落去，滿滿嘅肉汁噴射而出😆 聽師父講，內餡係採用新鮮本地梅頭豬肉製作😙 難怪食落咁新鮮肉味咁濃郁😆🫶 唔食走寶推薦🥴 之後叫咗個上海排骨菜飯❤️ 上海排骨同樣採用新鮮梅頭豬肉製作🐷 炸得外脆內嫩，裡面肉身微微粉紅感覺好鮮美🥴 菜飯同樣用心製作，特地加了雞油調味，食落油香滿溢🤤 邪惡又惹味🥰 經典必食嘅麻醬手撕雞絲粉皮一樣咁正😍 粉皮食落比一般嘅更爽滑更有嚼感😋 麻醬口味好地道👍 手撕雞嫩滑又鮮美，全部一齊食真係好滿足✅ 忍唔住叫多份雞絲酸辣湯小雲吞😋 酸辣湯好入味超級馥郁❤️ 小雲吞一口大小，內餡啖啖肉好有嚼感😋 真係食唔停口❣️

最近很熱門的食店, 和母親慕名而至, 我試了套餐S2, 母親食排骨菜飯, 食物很快上枱, 夠熱!我們去食店時仍未到營業時間, 入座了卡位等待夠鐘掃碼下單, 被職員告知二人要坐另外一邊的單邊座, 好啦, 聽話轉了座位, 同時間入座的一對男女不轉, 職員又不再出聲喎, 接着入座了兩對二人, 又是坐卡位, 職員又不出聲喎, 即是只要求我們二個人換座, 為什麼如此不公平呢? 所以仲會否幫襯嗎? 不了!

同朋友兩個一齊食晚飯我哋就嗌咗兩個套餐一個係涼拌手撕雞青瓜絲面皮，仲有另外一份係炸排骨菜飯。咁又配埋三隻生煎包同埋兩杯凍豆漿。講吓菜先啦，炸排骨炸得好香，亦都好好食個皮係脆脆哋嘅，菜飯就都OK加埋啲辣椒一齊伴會更好食。涼拌雞絲麵個味道稍微有些少淡可能啲醬比較少咁我就自己加咗啲辣椒落去撈更加好食啲。個生煎包真係好熱🥵大家過嚟試食嗰陣時記得千祈要小心，因為朋友就係比生煎包啲汁燙到。我覺得啲生煎包搭配醋會更加惹味。

最近呢間生煎包店都幾受歡，俾佢嘅爆汁招牌生煎包吸引咗😆最近旺角開咗新店，晚餐時間好多人排隊🤣1️⃣ 排骨蔥油拌麵呢個排骨蔥油拌麵好邪惡🤤佢以蔥油調味但食落唔會太油膩，面頭有大量乾蔥，麵條口感幾好，唔會太淋，排骨嘅外皮香脆但不會太厚粉，同時保留到肉質嘅鮮味，老闆話係每日用新鮮豬肉製作!!👍🏻👍🏻2️⃣ 招牌生煎包 呢款招牌生煎包係餐廳嘅招牌菜式，絕對值得一試😬佢嘅外皮煎得金黃酥脆，內裡包著濕潤多汁嘅肉餡，咬落去啲汁爆曬出嚟🤤3️⃣ 蟹黃生煎包嗰日超好彩叫到最後兩個蟹黃生煎包，每日限定發售，如果想食記得得第一時間落單啊🫡佢內裡包著蟹黃餡料，外皮一樣煎得金黃酥脆，內裡嘅餡料鮮美多汁，食落多咗陣好香嘅蟹黃味🤤🤤4️⃣ 手工豆沙窩餅呢款手工豆沙窩餅以酥皮包裹著香甜的豆沙餡料，豆沙內餡食落唔會太甜🫘

見到有咁多分店嘅劉興記，連發哥都讚，就一於試吓旺角分店先！坐低咗就掃枱上面有個QR code自己落單，✨招牌菜生煎包餐牌講到明唔爆汁嘅話就可以換，食落第一啖啲汁就多到流晒出嚟，一啖一個啱啱好，但就略嫌個皮唔係太夠脆，唔係就會再好食啲。✨上海排骨湯麵湯麵個湯底夠熱好重要，排骨啱啱炸好，熱辣辣好好食。✨麻醬手撕雞絲粉皮嚟到見到份量都好大份，有別於其他餐廳，佢嘅粉皮係一條條桶狀咁，幾特別。不過應該係新開張關係暫時只收現金。同埋真係好好生意，未夠夜晚7:00已經座無虛席。

平時外賣生煎包，返到屋企已經凍晒，今次和同事路過旺角，見到這間專門食生煎包店，和同事決定入去一試。我們立即叫了舖頭的招牌生煎包和蟹黃生煎包，外皮非常香脆可口，即叫即整，肉質鮮嫩，咬落去肉質會爆曬出嚟，非常好食。店員都非常熱情款待，介紹餐牌上的食物，原來這間餐廳標榜所有食物都不含味精，而且所有調味料都是師傅特別調製，不會落味精，希望保持食物的質素。聽完非常欣賞，我們另外叫了排骨蔥油麵及小雲吞，由於沒有味精，食完飯之後都沒有口渴的感覺，而且好像在家裏食住家飯，

今日喺旺角行街經過呢度新開咗間生煎包專門店，門口大排長龍，見到裏面講到明爆汁免費換到爆汁為止，就知道老闆對自己嘅生煎包係極有信心。一嚟到梗係整兩粒招牌同埋兩粒蟹黃嚟試吓先，提醒大家真係唔好咬得太大力唔好咬中間，因為一咬真係爆曬汁出嚟，真係衫褲都係。蟹黃簡直係天花板，終極多汁，個包真係煎到外脆內軟，未食過咁好食嘅生煎包大家一定一定一定要嚟食。額外都叫咗個酸辣湯雲吞，呢個反而係極有驚喜，估唔到佢個酸辣湯係咁開胃，因為一開始感覺上會覺得佢唔係好重口味嗰種，如果最近冇乜胃口，又太飽嘅話可以飲咗呢個酸辣湯食幾粒雲吞打底先。仲有麻醬手撕雞絲粉皮，手撕雞雞肉好鮮嫩，呢度都真係幾十足，每一樣都好大碗。再配埋個生炸雞扒，烤得嚟絕對唔會乾，完全鎖住咗啲肉汁，呢間舖對於鎖汁真喺有一手。

旺角火速走紅的生煎包專門店招牌生煎包(6粒）剛好要等20分鐘,所以一定是熱辣辣的爆汁生煎包,超多肉汁脆卜卜,大片豬肉調味適中~蟹黃生煎包(2粒)好邪惡又好食的蟹黃生煎包,為食妹建議食2粒好啦~雞絲酸辣湯 胡椒味酸辣的味道,豐富的材料,好飽!秘製上海炸排骨麵脆身啖啖肉,麵條剛好不會太軟身,抵食~生炸豬扒 竟然不需要用生肉粉醃製,香口又脆,幾推介的小食~劉興記生煎包專門店旺角通菜街1M-1T號華發大廈地下D號舖#劉興記 #生煎包 #旺角 #通菜街  #上海菜 #炸排骨 #酸辣湯 #蟹黃 #為食妹 #fatty #hongkong #mongkok #sheunghai #happyhappy

聽聞劉興記生煎包好出名！好多時都要大排長龍！好誇張！好彩前日去我排第一個！！！！：） 招牌生煎包 $30 4隻趁熱食最佳！！！全部都脹卜卜真係好爆汁！！！豬肉好大舊，裡面湯汁鮮甜和香濃！！包皮剛剛好唔薄唔厚！真係好值得大家排隊去食！！！蟹皇生煎包 $18 1隻趁熱食最佳！！！餡料有七成是蟹肉蟹黃、三成是新鮮豬肉好重蟹味、餡料份量都好足！ 食落有鮮味！麻醬手撕雞粉皮 $35 手撕雞好嫩滑、好香雞味！聽店家講每日用成隻新鮮雞整相當用心！再用埋上海出既芝麻醬撈埋一齊食！！粉皮夠凍好爽口好食！！！排骨蔥油拌麵 $42 聽店家講用新鮮薄身的梅頭豬扒唔係用外面平時嗰啲鬆肉粉去啪鬆豬肉！再用胡椒調味、新鮮炸起十分脆身好食！！！而且炸皮好薄，感覺好真材實料！！而蔥油拌麵就用3色蔥炸成脆身再混合自家製醬油撈埋成蔥油！撈埋麵食落去好香口！唔算好咸！全部野食份量價格都ok 唔算貴！算係平民級美食！

🥢招牌生煎包+蟹粉生煎包生煎包外層金黃焦脆，外脆佈軟，一口爆汁，肉汁鮮甜👍🏻用上蟹膏，蟹肉去蟹粉生煎包，香濃既蟹味！店員介紹每日採用新鮮豬肉，即包即煎!🥢麻醬手斯雞絲冷麵自家調製既麻醬，質地濃稠，配埋爽脆青瓜絲，嫩滑雞絲&麵條，夏天係一個唔錯既選擇🥢排骨蔥油拌麵用上新鮮梅頭肉，外層脆口，肉質嫩滑，香口炸蔥，配搭蔥油，好惹味豆漿📍劉興記生煎包專門店 旺角通菜街1M-1T號華發大廈地下D號舖

我沒有接受餐廳任何優惠，真心覺得好食推介 今日過咗食飯時間先至有機會食飯，所以好肚餓入到去點咗兩個餐，因為太肚餓唔記得影相，但係嘢食實在好好味，所以特登再推介一下。本身我自己唔係太鍾意食生煎包，因為平時我覺得肥膩。但係呢間整得好好食，肉汁豐富，咬落去包底好脆，食落唔肥膩另外，過程中有個小插曲，這間店是自己用手機落單，但有個客人話係職員幫佢落錯單，要求更換。店內睇落似係負責人嘅大佬，相當有耐性，妥善處理好，值得一讚。

💛生煎包這些生煎包外表金黃酥脆，充滿了肉汁和鮮味。每個生煎包都包裹著豐富的肉餡，咬下去時會爆出一股濃郁的湯汁。這湯汁的口感非常滑順，搭配著酥脆的外殼，真是美味極了。我也注意到生煎包的包裝非常精緻，每個包子都形狀一致，給人一種手工製作的感覺。我強烈推薦劉興記的生煎包，它們絕對是這家店的招牌美食之一。💛小雲吞這些小雲吞看起來非常可愛，每個都是用手工製作的，大小均勻。雲吞皮薄而有彈性，餡料豐富。每一口咬下去，都能感受到鮮嫩的肉香和蔬菜的清新口感。搭配著醬油和蒜蓉，味道更加豐富。小雲吞的湯汁也非常鮮美，喝一口就能感受到它的精緻和滋味。我特別喜歡小雲吞的口感和味道，它們絕對是一道令人回味的美食。💛蔥油拌麵這碗蔥油拌麵的味道獨特而美味。麵條彈牙，配上豐富的蔥油和調味料，散發出誘人的香氣。每一口都能感受到蔥油的香味和麵條的滑順口感。這碗蔥油拌麵的味道簡單卻濃郁，是一道很好的下酒菜。我也注意到店家使用的是高質量的麵條，顯示出他們對食材的用心。如果你喜歡蔥油拌麵，我推薦你一定要嘗試劉興記的版本。