劉興記生煎包專門店

营业中

休息中

劉興記係近來新進既食店，荃灣分店經常大排長龍食唔到，今日就一於試下旺角店。⭐️蟹皇生煎包爆湯的生煎包係冇講錯，湯汁有蟹的鮮味和瘦肉，最緊要係夠溫熱，食到停唔到口😆👍⭐️招牌担担麵🍜担担麵最能夠表現上海食店的功架, 呢碗係油麵，湯底用左好多麻醬， 花椒，肉醬， 所以成碗好濃厚，麵條掛汁， 值得一試😋⭐️秘製上海炸排骨即叫即整生炸排骨，老闆堅持用新鮮豬扒做，雖然烹調要耐d， 但最緊要新鮮嘛🤩最後叫左豆漿同可樂， 夠哂解辣👍

本人同老公都好鐘意食生煎包 每次經過劉興記都好多人排隊 星期六 中午時間去唔算太多人 決定一試! 大約15分鐘就入得. 叫左3個人氣套餐及 每個套餐都配上生煎包及奉送豆漿1杯都好抵食.麻醬手撕雞絲冷麵都好足料 爽口青瓜絲加手撕雞絲，配上香濃麻醬 及白芝麻粒 夏天岩曬. 細細粒雲吞仔 皮薄薄足料餃子，一個人食足12粒都好夠飽 排骨炸脆得好香脆 炸粉唔會太厚 . 排骨肉香配埋個菜飯清淡 味道岩岩好 生煎包 生煎包岩岩新鮮出爐. 建議放涼小小先好食. 底部煎得好脆. 咬左一啖生煎包真係爆汁!好多汁及饀肉好足料 如果無汁既生煎包可以要求職員幫手換嫁.蟹黃生煎包 $18蟹黃生煎包 濃濃蟹黃汁配上足料饀肉 好抵食. 最後仲叫多一個食. 豆沙窩餅 $28不過不失

今日到訪呢間最近喺網上爆紅嘅小店，主打多款上海菜式，當中以爆汁生煎包為招牌。旺角分店唔算好大，裝潢簡約，有卡位坐，比想像中更加闊落。整體食物價錢親民，晚上要排隊，想食又唔想等嘅建議早啲去啦～ 一坐低就order咗生煎包，現時有兩款口味，包括招牌，即豬肉餡同蟹黃。包底煎至金黃酥脆，咬落爆汁，熱到辣口，豬肉肥瘦適中，混合蟹粉同蟹肉味道更鮮甜。店內仲寫著「無爆汁可免費更換」，不過睇怕冇呢個機會啦🤣除咗生煎包都試咗唔少特色小食，推介生炸雞扒，肉嫩香脆，性價比高。糖醋同上海炸排骨都唔錯，個人更喜歡後者，酸甜可口，減低油膩感。雞絲酸辣湯酸多過辣，滿滿餡料都幾飽肚。另外有主食供應，私心推介麻醬手撕雞絲粉皮，用上三黃雞，人手撕肉，一絲絲完全唔乾柴，粉皮滑嘟嘟，唔夠味亦可以叫店員加醬。蔥油拌麵份量好多，麵條幼滑，偏鹹。蔥油餅一開四，外脆內多蔥，大人小朋友都鍾意。最後飲埋杯豆漿，解膩消暑，讚。

1. 生煎包4個 $30生煎包係幾出色既，即叫即整，上到枱仲係熱到出煙！仲要寫到明冇爆汁/穿左…會換過！生煎包味道都唔錯，好多肉汁，餡都算大舊既，但扣分位一定係個包厚！個底係煎得好脆，但一咬開就會見到個底既皮係幾厚！不過價錢唔貴，性價比高！2. 麻醬手撕雞絲粉皮 $35麻醬都幾香，青瓜絲同粉皮都算多，價錢都唔貴，但性價比唔高，因為得幾條雞絲咋😩會寧願比多少少錢…多返啲雞絲囉😕3. 上海排骨菜飯 $42菜飯係幾好食，不過排骨就真心好薄！冇口感可言！而且上到台…件炸排骨…係凍既😕真心有啲失望！另外豬排係以日式炸法去做，凍左…油膩感就更突出😟4. 糖醋炸排骨菜飯 $46呢個既炸排骨…係炸「豬肉粒」，同上海排骨菜飯既唔係同一種排骨，但炸既方式係一樣，日式炸法！糖醋係有個醬汁用來醮！不過可能係肉粒，有返啲厚度，肉粒有少少唔熟，而且肉粒相對肥少少，咬開啲舊肉，油脂會標出嚟🙈服務都幾好，我地同店員話炸排骨舊肉生生地，店員都馬上換過比我地，都有禮貌地講返唔好意思同送左兩個生煎包比我地！

睇完東張西望之後，一直都好想去呢一間舖頭度食一下🤣🤣 今日終於有時間經過旺角，所以就順道食咗間餐廳👍👍👍😎 真係很不錯，好推介！ 招牌生煎包招牌蟹黃生煎包佢可以混合購買😍😍招牌生煎包真係很不錯，一啖咬落去爆曬汁🥹🥹而且表皮很脆口感10分好👍招牌擔擔麵以前食開嘅擔擔麵都會覺得有種好heavy 嘅感覺，但係呢個就唔會覺得好heavy👍😎佢係有花生醬嘅味道不錯蟹黃麵之前去過上海食過蟹黃麵一直念念不忘，所以今日都過嚟呢一度試吓蟹黃麵，佢嘅蟹肉非常之多👍👍 沒有失望！ 人均：$120

餐廳：劉興記生煎包專門店 (旺角)地址：旺角通菜街1M-1T號華發大廈地下D號舖1️⃣ 招牌生煎包 $30 (4隻)2️⃣ 蟹黃生煎包 $18 (1隻)3️⃣ 排骨蔥油拌麵 $424️⃣ Coke Zero $10最近見到唔少人推薦呢間生煎包專門店，之前一直都想去試，今日咁啱得閒，亦幸好劉興記都有唔少分店，真係港九新界都有，唔駛特登誇區先食到。😝店內環境寬敞舒適，可以手機落單，簡方便又快捷。嚟到當然要點佢哋嘅招牌生煎包啦，真係隻隻都爆汁，味道濃郁，加上底部煎得夠乾身，口感豐富，層次分明，絕對係必食首選。😍另外嗌咗個蟹黃生煎包，估唔到入面真係有唔少蟹黃同蟹肉，配合肉餡鮮甜又多汁，底部亦都煎得金黃香脆，非常香口，值得一試。店內亦有提及，生煎包無爆汁，可免費更換，對品質有所保證，確實抵讚。👍最後仲叫咗份排骨蔥油拌麵，充滿蔥油香嘅醬汁配上爽滑嘅麵條，再加上即叫即炸嘅炸排骨，酥脆可口，而且份量十足，估唔到都幾抵食。

劉興記生煎包專門店今次應該唔洗我介紹，今期最火熱嘅餐廳「劉興記生煎包專門店」，連發哥都有幫襯，仲知道佢哋之前喺一個月內連開五間分店，依家暫時總共有六間分店，無論咩時段都好多人排隊，餐廳內充滿咗「嘩嘩嘩」聲，連門口等緊位嘅我都聽到，生煎包入面d湯汁多到噴出嚟，價錢又唔算貴，值得一試！琴日落雨天，咁啱經開旺角見到無人排隊，一於入去一試爆汁生煎包，佢哋門口都有一級，不過今次我上唔到，落雨天搞到我車軚好濕，一上到斜板車軚不停空轉，結果放棄咗堂食，好彩店員阿姐好好人，幫我轉做外賣，留返兩款生煎包放喺餐廳枱面做「爆汁測試」，因為我驚拎走行去附近公園食時，好怕生煎包入面d湯會被包皮吸乾咗，感謝店員阿姐嘅配合，之後我哋火速趕去附近嘅公園，趕住食生煎包，點知有意外驚喜，十分鐘路程不但d湯汁無少到，反而仲好熱，真係好好食！1.招牌生煎包（6隻）$45（10/10）我嚟劉興記重點就係食招牌生煎包，食呢個招牌生煎包記得放入口時，唔好講野，唔好張開口，一次過放生煎包入口，一咬時會感受到微暖嘅湯汁喺你口腔入面，生煎包個皮又好薄，包皮底又好脆口，食完6隻生煎包之後非常大滿足！2.蟹黃生煎包（1隻）$18（10/10

早幾日行旺角見到「劉興記」大排長龍，鍾意食生煎包的我當然要嚟試試🤩🤩餐廳主打爆汁生煎包同上海菜，價錢親民！今次試咗佢地的皇牌套餐，有齊主食、生煎包同豆漿，十分抵👍🏻👍🏻🍱S2麻醬手撕雞絲粉皮+生煎包2隻 $54✨雞絲粉皮賣相唔錯！粉皮彈牙厚身，配上秘製麻醬、青瓜絲同雞絲，味道清新開胃～～生煎包外皮軟熟，底部脆卜卜！裡面包住湯汁滿滿的內餡，口感層次豐富😋😋豆漿甜度啱啱好，又好重黃豆味！幾好飲❤️❤️🦀蟹皇生煎包 $18✨選用大閘蟹蟹乸的蟹膏同蟹肉，蟹味十分濃郁～～包底煎得金黃香脆，一咬落去就爆汁！湯汁味道鮮甜，超邪惡呢🤤🤤

雖然間舖係新開，已經同屋企人encore左兩次，大人小朋友都咁鍾意食，今次再訪，質素依然keep住咁好，生煎包外脆內軟，調味啱啱好，每隻都係滿滿嘅湯汁係入面！今次仲試左蟹粉生煎包，比想像更加足料，好香好好好食之後未夠喉再order多個蟹黃拌麵，份量都比想像多，兩個人share都夠，食落都好鮮味唯一美中不足就係堂食用左外賣碗今餐都係好滿意會keep住幫襯

💦爆汁抵食生煎包🥟-呢間連發哥都幫襯過嘅生煎包成日都好多人排隊 不過大家都食得好快所以轉枱速度好快😋 過咁快就食到-🔥招牌生煎包 $45/6粒生煎包當然係佢地招牌😏 主打手工製作嘅生煎包 外皮酥脆 內餡肉都好大嚿而且飽滿多汁🤪 一夾就爆汁 記住要小心啲食用😂 份量同價格都相當親民❤️-🐖排骨蔥油拌麵 $42麵條入口都幾Q彈 蔥油幾香 係樸實無華嘅古早味😊 排骨份量都ok 厚度較為薄 但係就夠晒脆😌-🐓麻醬手撕雞絲粉皮 $35粉皮滑捋捋而且好彈牙 佢嘅麻醬都好濃郁好厚身 建議要撈勻先食 如果唔係會太重口味😂 手撕雞肉都調味唔錯 可以encore-📍劉興記生煎包專門店 (旺角)旺角通菜街1M-1T號華發大廈地下D號舖

今日去咗食呢排好hit嘅劉興記 好彩早到仲未係好多人所以等咗5分鐘左右就入得蟹黃拌麵本身就咁睇以為呢款拌麵食落會有少少乾 但撈勻之後每一條麵條都掛上大量嘅蟹黃同蟹肉 口感好豐富 但食耐咗會有少少膩因為太多料 好彩有青瓜絲中和返排骨蔥油拌麵麵條食落幾有咬口而且好香蔥油味 排骨外皮炸到好香脆 唔會太厚粉招牌生煎包 (4隻)生煎包煎到金黃色 入面嘅豬肉饀好扎實 湯汁仲好飽滿一咬落去真係爆曬d肉汁出嚟蟹黃生煎包 (2隻)原來蟹黃生煎包係每日限量發售 好好彩個日落單嘅時候仲有 內饀除咗有豬肉仲有蟹肉同蟹黃 食落一樣爆曬汁咁好鮮味! 凍豆漿食完咁多濃味野飲返杯凍豆漿 仲要係低糖飲落唔會太甜

之前劉興記得荃灣先有，唔太就腳，而家開多左好多分店，即刻去左食!一入黎見到佢個告示，話生煎包唔爆汁，可以叫店員更換，睇黎佢對自己出品好有信心先會咁講!原味生煎包/ 蟹皇生煎包外皮係好脆口，一咬落去真係爆汁，仲要用匙羹接住D湯汁! 入面既肉饀好juicy。蟹皇味就更加鮮味! 生炸雞扒蔥油拌面雞扒好脆，肉質嫩滑。蔥油拌面好食，蔥油好香，又唔會過苦。面質熟度岩岩好，帶少少咬口。建議落D辣椒醬就會更香。擔擔面有好濃郁既麻醬味道，甜中帶辣。豆沙鍋餅呢款餅皮食落比較煙韌，豆沙餡十分甜。

鋪頭：劉興記生煎包專門店地址：旺角通菜街1M-1T號華發大廈地下D號舖​💰$145💰兩個人order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ ​1️⃣ 招牌生煎包 $20/2個😋真係爆汁，而且係真肉汁，包底又脆而不硬，皮煙韌夠薄，同之前係台灣食過嘅必比登生煎包差唔多（呢個好似好食d）重點係$10個，真係好平又好食👍🏻​2️⃣ 麻醬手撕雞絲粉皮 $35醬汁好滑，粉皮夠爽，好開胃​3️⃣ 排骨蔥油拌麵 $42排骨好脆又唔難咬，肉都幾嫩，而拌麵嘅蔥油夠香，麵質爽​4️⃣ 手工豆沙窩餅 $28外脆內軟，又唔會過甜，豆沙餡好綿​😋總結：超級推薦生煎包，真係必食​📝 以下評分最高分五粒🌟味道：🌟🌟🌟🌟🌟粒 （淨係生煎包都可以5粒）抵食程度：🌟🌟🌟🌟粒環境&服務🌟🌟🌟🌟粒͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟

一般人去餐廳，食野嘅時候都會講下自己嘅生活，朋友嘅近況，工作嘅苦況咁。好少有一間餐廳，我聽到周圍既人都係討論緊食緊既野。原句記錄周邊嘅人對話如下："個包皮好脆‘’，“嘩，點解會咁多湯”，“我想叫多兩個食”，“個排骨好鬆化”，“粉皮好香麻醬味”，“佢真係生炸架喎”... 🍖好，到我食啦，我講唔到果句：嘩，點解會咁多湯既，因為一咬落去，的湯直頭噴入我個鼻，於是我做左個測試，倒哂啲湯出來，睇下張相，成個湯匙滿曬，裡邊仲有三份一，仲有係我鼻入面個的未計。我又叫左蟹粉生煎包，蟹粉足料到顛，個味勁香，而且蟹肉同蟹膏清楚可見，齒頰留香。 🍖酸辣湯配雞絲小雲吞，酸酸辣辣非常開胃，雞絲同木耳絲份量十足，雲吞細細粒，皮嘅份量唔會多，所以肉餡嘅味道突出。酸辣湯同生炸排骨，又係一大絕配，生炸口感真係唔同，肉質夠曬鬆化，皮脆而乾身，肉仲會鎖住肉汁。但係如果怕熱氣，酸辣湯就可以幫你解到。 🍺低糖豆漿質地香滑，食完咁多湯汁同埋肉食之後，佢令到胃部回復進食之前嘅感覺，舒舒服服咁離開。 ✨️係坐低之前，我都排左半個鐘頭隊，但其實呢日係落大雨，環顧四圍嘅餐廳其實冇乜人，佢依然仲有條咁長既人龍，而且年齡層乜都有，一半後生仔女

佢地最近係香港開多左好多分店😂今次黎左旺角店，門口都好多人排隊，店內都全場滿座🫶🏻佢地都有多款熱賣套餐可供選擇，我就揀左s2餐、招牌上海排骨菜飯及4個蟹黃生煎包😂S2 麻醬手撕雞絲粉皮+生煎包2隻+送豆漿一杯好大份，啲粉皮大條又粗，雞絲好滑，同麻醬好夾味一啲都唔會油膩，一定夠飽招牌生煎包趁熱食先更加好食，不過食既時候小心會爆汁，所以要好似食小籠包咁食😂個皮夠薄，個底煎得金黃好脆，咬開唔會皮肉分離，唔會話好油淋淋，入面啲肉鮮嫩多汁加埋本身醃過，唔洗加任何野都已經好夠味，幾正😌招牌上海排骨菜飯排骨微焦香脆，入面口感嫩滑。而菜飯入面啲菜好清爽，撈埋一齊食都好滿足🤣蟹黃生煎包蟹黃本身有種鮮甜味，同埋啲豬肉撈埋一齊都幾正，咬落去仲充滿蟹黃香味，大滿足感😍如果本身鍾意食蟹既人應該會幾滿意🤤劉興記生煎包專門店 (旺角)📍旺角通菜街1M-1T號華發大廈地下D號舖