劉興記生煎包專門店

营业中

休息中

見到有咁多分店嘅劉興記，連發哥都讚，就一於試吓旺角分店先！坐低咗就掃枱上面有個QR code自己落單，✨招牌菜生煎包餐牌講到明唔爆汁嘅話就可以換，食落第一啖啲汁就多到流晒出嚟，一啖一個啱啱好，但就略嫌個皮唔係太夠脆，唔係就會再好食啲。✨上海排骨湯麵湯麵個湯底夠熱好重要，排骨啱啱炸好，熱辣辣好好食。✨麻醬手撕雞絲粉皮嚟到見到份量都好大份，有別於其他餐廳，佢嘅粉皮係一條條桶狀咁，幾特別。不過應該係新開張關係暫時只收現金。同埋真係好好生意，未夠夜晚7:00已經座無虛席。