劉興記生煎包專門店

营业中

休息中

今日喺旺角行街經過呢度新開咗間生煎包專門店，門口大排長龍，見到裏面講到明爆汁免費換到爆汁為止，就知道老闆對自己嘅生煎包係極有信心。一嚟到梗係整兩粒招牌同埋兩粒蟹黃嚟試吓先，提醒大家真係唔好咬得太大力唔好咬中間，因為一咬真係爆曬汁出嚟，真係衫褲都係。蟹黃簡直係天花板，終極多汁，個包真係煎到外脆內軟，未食過咁好食嘅生煎包大家一定一定一定要嚟食。額外都叫咗個酸辣湯雲吞，呢個反而係極有驚喜，估唔到佢個酸辣湯係咁開胃，因為一開始感覺上會覺得佢唔係好重口味嗰種，如果最近冇乜胃口，又太飽嘅話可以飲咗呢個酸辣湯食幾粒雲吞打底先。仲有麻醬手撕雞絲粉皮，手撕雞雞肉好鮮嫩，呢度都真係幾十足，每一樣都好大碗。再配埋個生炸雞扒，烤得嚟絕對唔會乾，完全鎖住咗啲肉汁，呢間舖對於鎖汁真喺有一手。