初見

营业中

休息中

聽同事說初見好食又算抵食，我就在happy Friday 前來試一試啦。到達時在店外已有好多人排隊，我好在訂位了，等了一會便進去。鋪內用心製作，不論裝潢或佈置，進店內有一大幅綠色植物，很文藝氣息。今晚天氣有點熱但都點了牛肉雜菜火鍋及石燒香草吉列牛，未食都被賣相吸引著了。兩款既牛是有點不同但一樣都夠味道的。石燒牛還跟上溏心蛋，另外配上特色醬汁點牛肉食、味道很夾的，yummy 牛肉火鍋-牛的份量十足，岩哂我地牛魔王，再有雜菜一齊食，即時沒有那麼溜了今晚是火辣辣晚上呀，但今次來到可食倒真的非常很開心又沒有失望呀。讚

每逢星期六都會係荃灣，諗左好耐唔知食咩好。朋友係網上見到呢間餐廳，俾個吉列牛吸引住，決定去試試。鋪頭唔算大，環境舒服，座位鬆動。石燒香草🌿吉列牛併溏心蛋$118賣相好靚，望見已經流曬口水牛肉外面包住香草，食落好清新唔會感到油膩，而厚度剛剛好，放上石板燙兩三下就食得，將燒好的牛肉蘸上醬汁十分惹味。溏心蛋滿滿的醬油味，流心的蛋黃拌飯一流。另外仲點左粒粒蟹籽炸軟殼蟹反卷$58把蟹用天婦羅漿炸到脆脆，飯面頭鋪上滿滿的蟹籽，口感豐富。滿足的午餐，下次再來想試下和牛漢堡

係荃灣海壩街有間清新氣息既日本餐廳！店舖裝飾有特色👍🏻一進門口即可見一幅顯眼的草藤牆餐廳嘅樓底亦都好高，入座感覺幾舒服點左個午市套餐E3 板燒雪花牛肉配日式味素飯 $98轉烏冬 +$6本時去其他餐廳食這種自助燒既餐貴好多同此店係竟然「全日免加一」店員上菜時會溫馨提示可以先落蔬菜類再燒牛肉, 跟既白飯會有飯素店家俾既肉一啲都唔小氣大約十片牛肉左右🤩將剛燒好的香熱多汁牛肉蘸上旁邊的燒肉汁或麵豉醬喜歡鹽燒的朋友可選擇蘸上鹽巴牛肉脂肪分佈平均，牛味亦濃郁燒完配飯一流另有冬菇、日本菇及南瓜除咗啲肉好香好好味連啲配菜都好好食到我一掃而空另外侍應嘅態度都好好👏🏻👏🏻👏🏻

今日黎荃灣行街, 朋友帶左我黎福來村入面一間日本野, 入到去覺得幾驚喜, 因為裝修好有格調, 樓底高, 木系風格, 幾舒服! Menu 都幾多野食，　原來除左日本野仲有西餐食～例如burger、 pasta等～　我地叫左一個玉子漢堡，明太子煙三文魚意粉～　漢堡加Asahi仲有discount～　朋友倒啤酒既技術...😂😂明太子煙三文魚意粉超推薦！！口感方面，佢做到Al dente既口感，彈牙美味～　Cream sauce沾上明太子醬既味，好香濃。　每啖都係幸福感，我地對呢道菜讚不絕口～　玉子漢堡面包texture好岩我心水，因為我唔鍾意太硬太乾既包，呢個烘得岩岩好，有Ｄ脆口但又唔會覺得好熱氣哈哈～　呢個burger幾足料～但如果塊扒可以做得多汁Ｄ就更好了～　BTW 店員服務態度好好, 好貼心, 好勤力斟水~呢度環境舒適，好岩傾計~ 我地係度留左兩個鐘左右，坐得好舒服。

今晚收工去荃灣 行過見到呢間個名幾好聽 好有詩意 就入去食晚餐睇menu見到有燒牛肉食非常驚喜響日本就食得多香港就未見過啦有用真火燒嘅鐵板放牛肉喺上面燒可以自己調校牛肉嘅生熟程度塊牛肉比較薄好快就熟 好嫩口 入口即溶配套餐仲有個南瓜湯同沙律個湯好正 個沙律有麻醬同蟹柳兩樣都唔錯之後仲嗌左個烏冬 食完肉所以就帶咗個菜嘅烏冬素菜烏冬非常多唔同嘅菜有娃娃菜金菇等等 好抵 湯底就用咗此拉鍊嘅豬骨湯底烏冬仲好爽口下次一定會再去試埋丼飯

~今期推薦軟殼蟹反卷難得妹妹和我來荃灣處理一些重要事情當然要帶她吃好西。聽到同事推介這間荃灣日式料理，決定一試。餐牌上的菜式不是太多，所以我們決定點了一個煮食和一個小吃。首先我們叫了一個吉列牛石板燒，他會附上一隻半熟蛋，我們再加$8配上烏冬。比較失望的是烏冬的湯底只有清湯，另外石板燒上，會附上一粒牛脂肪，比較細心。但是牛的質素不是特別好，沒有牛味。如果想吃燒肉，應該去返牛角好啲。另外我們也叫了軟殼蟹飯卷，真的喜出望。味道真的10分不錯，因為是即叫即整，10分新鮮，很推介。

每次遇到不如意既事，都會諗: 人生若只如初見。 第一次，往往係最難忘的回憶味道。依個咁詩情畫意既主題，係荃灣一間日本料理🇯🇵 連menu都配合一set。最具人氣既和牛：初見版石燒香草🌿吉列牛肉拼糖心蛋配白飯賣相堅一流，望見都流曬口水🚰💦💦💦 綠綠色係面係香草，神奇地夾！ 好清新，完全無食燒肉個種既油膩感。 而且厚度剛好，放上火燒石板上燙一燙兩面就食得！ 超柔軟，係口中邊咬邊融化❤️❤️❤️❤️❤️❤️❤️ 而第一次見面，當然要黯然銷魂👉🏻 日式叉燒•自家製豚骨湯拉麵🍜， 叉燒厚度適中，湯底濃郁不在話下。仲有個卡邦尼糖心蛋意粉，厚厚既芝士舖係面，白汁濃滑，旁邊伴有好多煙肉雜菌等配料，基本上卡邦尼來講，我俾💯💯💯 初見邪惡炸薯條🍟 係鹹蛋黃！係鹹蛋黃！係鹹蛋黃！ 重要既事要講三次。 而且係成隻薯仔新鮮厚切再炸，入邊係白雪雪，起粉既薯仔！ 而唔係出邊冰鮮幼身個種哦～ Like 🌟🌟🌟🌟🌟🌟

初見，如若只是初見。見到呢間餐廳個名，呢句說話不期然彈出黎。店舖入面裝修，好舒服，有啲小清新風格，唔知點解會有睇戲入面，有兩個主角初次見面好舒適嗰啲場景既感覺。打開餐牌，會心微笑左一下。餐牌入面既食物可以自由選擇配唔配set。加左個set，有南瓜湯同刺身。南瓜湯好溶，感覺健康。刺身有兩款，三文魚肥美。牛肉什菜鍋，食到唔係啲cheap cheap牛肉，係連汁都唔洗點既靚牛肉🤤香煎帆立貝黑松露意大利飯，難得有小店煮到意大利飯既軟硬適中，帆立貝煎得金黃剛剛熟，好好食。配上一杯玫瑰花茶作完美總結😊

難得到荃灣逛街，這天便於初見創作料理吃日式午餐。餐廳面積不大，但樓底夠高，充滿空間感，裝潢走日式簡約風格，配上木造傢私和綠葉裝飾，帶有小清新感覺。午市餐牌最平低至 $50，不收加一服務費，價錢親民。炸和風甘栗紫薯餅 $30外層炸得金黃香脆，雖然是炸物，但也不算太油膩。內裡紫薯餡入口軟綿，加上栗子碎粒甚有咬口，充滿粉糯蕃薯甜香。日式燒餅汁牛肉漢堡飽配炸薯條 $68厚切漢堡牛肉扒漢堡夾著生菜、番茄片，層層疊起後確實是一口無法掌握。漢堡扒口感扎實爽彈，七成熟保留著飽滿肉汁，加上大阪燒常用的燒餅汁，日西fusion 完全沒有違和感。薯條炸得金黃酥脆，肉心軟綿細密。板燒雪花牛肉配日式味素飯 $98上枱時附上一個鐵板石爐，白飯表面鋪滿飯素，惹味之餘，增加了脆脆硬硬的咬感。薄切牛肉油花分佈平均，所以入口亦不會過份油膩。自己燒的好處就是可根據個人喜好決定烤多久，決定生熟程度。雖然雪花牛肉肉質稍韌，不過肉汁豐腴，用來拌飯吃極之開胃。餐飲就選了凍柚子蜜和熱玄米茶。

今日去開荃灣附近嘅工廠大廈整完少少野🤪就經過呢間餐廳🥳見到門口裝修都幾別緻！入到去係大自然啊好舒服用木色同草場仲有樹枝天花配搭🤓樓底有都幾高🤩雖然鋪仔細細但係都好有空間感！😎午市套餐幾多選擇🤗星期日都有lunch set幾抵玩！我哋叫咗個版燒牛肉配飯數飯！板燒燒牛肉近年來好多選擇🤤呢間都幾好食喎！😉有好多塊牛🥰啲牛都幾新鮮！而且有雜菇同埋南瓜做配搭！正！🥳珍珠米飯配合飯數又係食到停唔到口！😆另外叫咗個番茄海鮮炒意粉😆意粉煮得好入味🤪海鮮有夠足料！一流！小食叫咗三隻明太子雞翼🤡雞翼脹卜卜！明太子餡好惹味！我覺得呢間嘅明太子比較抵食😇出邊一見到明太子呢三個字嘅餸菜就會即刻勁貴😅但係呢間價錢都幾實惠！跟餐仲有飲品😆

Just getting insides, I’m surprised with the green wall states in the restaurant, it makes the environment so green and fresh. They offering different types of japanese food including pot dishes, sushi set, burger set too.I ordered prime seafood don rice having tuna smash, crab meat, crab roe, sea urchin, scallops and crab stick, and fried eggs. I like the food combination and the food is really fresh here. I love crab roe so muchhh, first time feeling the rice not enough haaa, I normally eat th

今次難得去咗荃灣嗰邊玩✌🏻行完南豐紗廠同埋愉景新城，就嚟咗呢間初見度食晚餐😆今次同男朋友每人點左一個餐再加一份壽司🍣 男朋友點咗佢哋嘅特色日本香草烤牛！好特別呀 牛切到好細件，但燒完再點小小鹽，個牛味出晒嚟我就點左個要自己煮既海鮮烏冬餐，都唔錯😍 住荃灣真係幸福好多好嘢食啊❤️❤️

之前經過呢間餐廳已經好想試下，但一直都遇唔啱機會，過咗一段時間，終於有一個平日嘅夜晚，落住雨都專登嚟食一次！慶幸冇令我失望。一入到去已經覺得個餐廳環境好舒適，有少少似Cafe，光線充足，未入嚟嘅時候我仲擔心間餐廳位於屋邨附近（公屋同街市就係周邊）會唔會唔衛生，似乎我嘅擔心都係多餘嘅，因為呢度俾人感覺非常清潔。佢個本Menu好特別我哋叫咗兩樣嘢食，分別係c1)初見板石燒香草吉列牛肉拼糖心蛋配白飯，同埋c3)雜錦海鮮雜菜鍋配龍蝦湯其中一個仲加錢要埋set，有刺身、餐湯同熱茶，十分豐富！刺身大大件又好新鮮 揀咗西湯南瓜湯，唔會太肥膩又唔會太油，恰到好處！杯菊花茶俾足料，好多菊花呢啲牛全部都輕輕用香草包住，除咗賣相靚食落都更加好味，啲牛切到薄薄一片片，易食易燒！呢個名副其實就係雜錦海鮮雜菜鍋配龍蝦湯，一啲都冇取巧，啲海鮮全部都好新鮮，龍蝦湯勁鮮味，到最後係飲晒啲湯嘅close up一下啲唔同嘅海鮮我哋見燒完牛肉個鐵板仲有火，於是就放咗少少海鮮上去嗰板燒ok ga!!一樣好好味呢輪到個鍋嘅close up pic出場啦 XD 睇下？好足料呢~~仲要新鮮滾熱辣，唔怕食完個牛肉先食會凍哂！啲火力都好

每次來到福來邨，都有時光倒流的感覺，周圍有不少懷舊的店舖，但都不乏新開的食店，見這間在OpenRice的食評不錯就和朋友來試試!想不到平日的夜晚就要等位，真的十分有人氣，等了大約五至10分鐘就有位了!! 入到去聽到滋滋的聲音，原來好多人都order了石燒牛的套餐，牛肉香氣彌漫!! 我今日想食清淡少少的食物，所以石燒牛就留待下次了!! 特上牛肉雜菜鍋配味噌湯($80)，牛肉分量多肉質唔錯，雜菜鍋裏面有好多唔同款嘅蔬菜如娃娃菜冬菇金針菇豆腐蒟蒻等，食完成個鍋好飽肚又美味，簡直是大滿足!! 朋友order了牛肉豚骨湯烏冬($68)，朋友的comment是糖心蛋好好味，另外湯底的味道也不錯，配合大量蔥和筍作配料，也是高分之作!! 釀雞翼雙拼($68)，分別釀了明太子和芝士餃子，個人比較喜歡明太子這個味道，因有香辣味所以特別惹味開胃!! 最後附上餐牌作為參考

人 生 若 只 如 初 見仲好記得嗰時集集追套電視劇，依家諗返都有少少掛住，今日經過荃灣竟然見到，熟悉既一字一句，所以諗都唔諗就衝左入去食…… 內裡環境幾清悠，牆頂上面仲有啲樹根作裝潢，彷如置身叢林般寧靜~-☆ 初見版石燒香草吉列牛肉拼溏心蛋配白飯 HKD$118我仲加左35蚊轉set，有搵刺身、麵鼓湯同熱辣辣果茶，成個餐即刻豐富好多🤗😚！吉列牛顏色吸睛，鮮綠色既係滿滿既香草，所以每件吉列牛都滲着微微香草味😚 熱石板上有一小舊油脂，用作灼燒僅有2-3成熟既吉列牛，自己燒可以自行控制生熟度，好食又好玩👍👍-☆ 特上牛肉什菜鍋配味噌湯 HKD$80牛肉比平常食到既肥牛嫩滑👍 份量多有成十幾片，什菜鍋亦相當足料，最開心係有我好鍾意既鳴門卷😚 配埋白飯一齊食都好飽。如果唔食飯想轉烏冬，加8蚊就有得食啦