初見

营业中

休息中

今日黎荃灣行街, 朋友帶左我黎福來村入面一間日本野, 入到去覺得幾驚喜, 因為裝修好有格調, 樓底高, 木系風格, 幾舒服! Menu 都幾多野食，　原來除左日本野仲有西餐食～例如burger、 pasta等～　我地叫左一個玉子漢堡，明太子煙三文魚意粉～　漢堡加Asahi仲有discount～　朋友倒啤酒既技術...😂😂明太子煙三文魚意粉超推薦！！口感方面，佢做到Al dente既口感，彈牙美味～　Cream sauce沾上明太子醬既味，好香濃。　每啖都係幸福感，我地對呢道菜讚不絕口～　玉子漢堡面包texture好岩我心水，因為我唔鍾意太硬太乾既包，呢個烘得岩岩好，有Ｄ脆口但又唔會覺得好熱氣哈哈～　呢個burger幾足料～但如果塊扒可以做得多汁Ｄ就更好了～　BTW 店員服務態度好好, 好貼心, 好勤力斟水~呢度環境舒適，好岩傾計~ 我地係度留左兩個鐘左右，坐得好舒服。