初見

营业中

休息中

初見，名字充滿詩意，查查典故，其實是出自清代詞人納蘭性德《木蘭花令》：「人生若只如初見，何事秋風悲畫扇？等閑變卻故人心，卻道故人心易變。」簡單二字，仿佛道出了複雜的情感，如果相愛永遠像初識，那多美好！二人點了兩個午市套餐，包餐飲，埋單$186，以食日本野來講，真係好抵食！A1 初見壽司拼盆配味噌湯(7件特選壽司、玉子、小卷)配凍柚子蜜$88賣相好靚，超出預期，各款壽司味道都不錯，很鮮味，連壽司飯都很綿。A5 初見四色刺身丼配味潧湯(三文魚、吞拿魚 、帶子、甜蝦、玉子、蟹柳)$88，丼飯賣相十分精緻，反映出師傅的用心和誠意，帶子大大粒，魚生和帶子味道都很鮮甜。總括而言，餐廳CP值極高，環境、食物質素和服務都在水平之上，唯美中不足就是味噌湯太鹹和沒有出售甜品。

今日去左探朋友，佢就帶左去呢間日本料理— 初見。人生若只如初見，憂傷的美麗只能定格在回憶中。呢間鋪一入黎就好有詩意，好有感覺。餐廳入面環境都好大好舒服，我地就叫左兩個午餐。一個係a2.初見特選海皇蟹刺身丼配味噌湯。呢個餐賣相已經好靚，係用左個蟹蓋裝住蔥吞拿魚蓉，蟹肉，蟹膏，海膽，樣樣都好新鮮，特別係吞拿魚蓉，絕對吾係求其用啲淨低既料，係有質素，入口即溶既感覺，我好鍾意呀！旁邊有帶子，蟹柳同玉子，好多料呀，配搭得好正，仲要個飯上面有啲飯素，好好食！另一個係e3既板燒雪花牛肉配日式味素飯。呢個都好欣賞佢啲牛肉係真係幾靚，入口即溶，我最鍾意佢啲菇都可以燒，燒完係好好食既，仲有三款調味比你自己選擇，配埋碗飯，呢個價錢真係超級抵呀。兩個餐都配有飲品，好值得黎食！

今日想去荃灣行吓，上網睇下會唔會有咩好嘢食，搵到一間叫初見嘅餐廳，決定順便去試吓。訂左7點鐘枱，六點幾已經去到，係喺一個屋邨對面，附近有幾間餐廳已經排晒長龍，唯獨就係佢門口一個人都冇，伏味相當之濃，喺門口望入去，入邊仲未坐滿人，同老公講都係算啦轉食第二間，好怕有伏！但係附近餐廳都已經好多人， 晚市時間又已經開始，唔想再去第二度等位，就同老公硬著頭皮入去！明明訂咗枱，但仍然被安排坐門口嘅bar枱， 心諗有冇搞錯！不過後來坐低先發覺，其實吧枱個位應該更加闊落，因為成間鋪唔算大，其他坐位都有啲迫⋯出名嘅石燒香草牛一定不能錯過，有得玩有得食，石板上有塊牛脂，方便塗抹整塊石板，夾起吉列香草牛肉，每邊燒20-30秒，輕沾醬汁，放入口牛肉嫩滑多汁，香草外層經過石燒之後變成一層脆皮，令人欲罷不能！我哋仲叫咗特選海皇蟹刺身丼，擺盤已經夠晒吸引，刺身料亦相當豐富，有蟹子、蟹肉、蟹膏、海膽⋯⋯各種鮮味不斷衝擊口腔，好彩冇轉去第二度食。見啲嘢食咁特別，胃口大開，叫多客雙併釀雞翼，$6x有兩件芝士釀雞翼同埋2件明太子釀雞翼，上枱超級熱辣辣，雞翼脹卜卜，餡料十足，見到已經流晒口水！對我來講，食物質素相當唔錯，唯一

人生若只如初見，何事秋風悲畫扇。等閒變卻故人心，卻道故人心易變。如果一切都是初見的樣子該有多美好。發掘荃灣日式小店，店外初見Menu額吸引，店內綠化的裝潢，森林風以木板為主色，牆上的綠葉，天花的樹枝裝飾，令人處於日式舒適大自然環境中進餐。餐廳座位不算太多，但勝在樓底非常高，空間感足夠，而且性價比高。晚市轉套餐加$35多一份刺身，一個餐湯，是日精選花茶，另外小食會減$5。刺身不錯，三文魚與吞拿魚色澤鮮美，肥美新鮮，大片魚生中脂肪分佈滿意，味噌湯有海鮮味，咸度不過份，原個菊花作茶清香解膩，味道天然健康。初見版石燒香草吉列牛肉拼溏心蛋配白飯以石板吉列牛來說，牛肉份量好足夠，厚度適中，牛肉脂肪平均，放在保溫石板上自由決定生熟度，再點上岩鹽醬汁一齊燒變得鮮味可口。綠色的香草表面，讓牛肉燒起有多份香味，意外地比較黄金炸少點油膩熱氣。溏心蛋半熟流心，滑溜中帶滷水味。什錦海鮮什菜鍋配龍蝦湯龍蝦湯香甜，留意返不是濃湯，所以鍋湯加埋海鮮才會較濃味，鍋中配料真心多，菇類、豆腐、芋絲、獅子狗、娃娃菜、魚肉等，海鮮配料有三文魚塊、四隻海蝦、青口、蜆、魷魚等非常豐富。友人加$8，將飯轉了一大碗烏冬，吸收哂精華再向

難得有個空閒既Happy Friday🤣趁下午要幫朋友拎野前中午仲有空檔🙇🏻‍♂️黎荃灣行陣街食個Break Lunch亦最好不過☺️適逢朋友介紹呢間綠洲料理🌿🤣還掂行開呢頭一於黎Tea陣醫下肚啦☺️位於荃灣海壩街既初見雖然距離荃灣站比較遠🙈但有「天空之城」之稱既荃灣可謂四通八達！由A4出口沿往愉景新城既天橋行過黎都算方便😆呢度森林設計既主題風格😆入到去恍如置身於既小樹林一樣🌱與店外一面之隔既石屎森林可謂天淵之別☺️綠油油既環境令人遠離煩囂☺️係石屎森林中既綠洲呀哈利☺️🌲💫板燒雪花牛肉配日式飯素飯除左燒吉列牛係要有微細技巧之外🔥🙊將雪花牛肉運用同樣技巧🥩👨🏻‍🍳每邊燒10-12秒亦會食出最佳口感☺️肉質鮮美入口半溶既最佳口感🐮🤤配合埋牛肉醬汁、海鹽同鹽燒汁呢三款醬料😆食落更能帶出牛既鮮味🐮😋白飯灑上飯素亦充滿更多口感🍚😆

今晚同男朋友入荃灣搵野食，之前係南豐紗廠開左幾日工，都只係食過附近d茶記，之後先發現原來有一間小店係街市旁。我地接近9點去到都仲有好多人，我地最後坐左係Bar枱，睇完menu決定叫兩個套餐試下。初見版石燒香草吉列牛肉拼溏心蛋配白飯，呢個應該係呢度既推介，我地叫既時候店員同我地講等返最後一份。一黎到見到熱辣辣既石板，上面有一細舊牛肉既脂肪，牛肉既份量都唔少，最好係每一塊牛肉都係自己燒，所以可以自己控制生熟度。👍🏻什錦海鮮什菜鍋配龍蝦湯，個鍋好香好鮮甜，唔會太咸，個鍋入面本身已經有好多配料，有菇類、豆腐、芋絲同獅子狗等等，海鮮就有蜆、青口、蝦、魷魚同三文魚。一人餐黎講已經好豐富🤩每個定食加HKD35都可以配沙律或者刺身，仲有湯同野飲，我同男朋友決定咩都叫哂試下，刺身有兩片三文魚同吞拿魚，都幾厚切同新鮮。沙律係配胡麻醬，好開胃。湯就有南瓜湯同味噌湯，味噌湯岩岩好，唔會太淡或者太咸。南瓜湯好出色，唔係好稀，而係有南瓜蓉個款。野飲我地就叫左個熱花茶同果茶，熱花茶好香，果茶係士多啤梨味，甜甜地幾特別。下次係附近開工終於有多個選擇，唔駛次次都食茶記😂😂

這間位置不太就腳，但附近有很多咪錶位，所以揸車來的話會比較方便。綠化的裝修，以木白色為主，牆上有塊草牆，天花有樹枝作裝飾，感覺很有西式café 的感覺，但這裡卻主要食日式菜式。地方不大，但樓底夠高，空間感足，坐得舒服。雖然餐廳主打日式，但多款午餐中，除了日式的刺身，壽司，井飯及拉麵外，更有少量西式意粉，焗飯，漢堡及all day breakfast，價錢相宜，重點是免加一。點了一個壽司併盤配味噌湯，七款的特選壽司，有三文魚，吞拿魚，油甘魚，玻璃蝦，帶子，蟹棒及海贍，及玉子同蟹子小卷，壽司粒粒厚肉肥美新鮮，小卷的紫菜很夠脆，玉子則相對比較普通。另外點了一個特上漢堡飽配炸薯條，烘過的漢堡飽夾著厚厚自家製的牛肉漢堡，煎得香口唔乾身，配上2塊煙肉，溶溶的芝士，蛋汁滿滿的煎蛋及蕃茄生菜，配上香脆粗身的薯條，十分豐富而邪惡。每份午餐會送上餐飲一杯，當中加$12 就可以配Nespresso 咖啡一杯。溫馨提示:1.餐廳只接受現金/支付寶。2. 餐廳1600-1800 有落場時間，小心摸門釘。

朋友今日帶左我黎依間餐廳食晚飯。晚上7點幾既時間，門口都開始堆滿緊人。餐廳位置係福來村果頭，估吾到都幾多人黎。我就叫左個板燒特級雪花牛肉，配日式味素飯。價錢就係158。雖然係有少少貴，但餐廳勝左無加一，而且價錢對得住個質素。雪花牛肉既紋路真係好靚，顏色鮮紅。只要輕輕燒一燒，肉馬上熟透。沾埋個燒汁，真係回味無窮。另外朋友都叫左個板石燒香草吉列牛肉拼溏心蛋。價錢為118。性價比高。吉列牛香脆可口，送飯一流。

依間店係荃灣都開左一段時間，今日終於有時間黎試下。餐廳行小清新風，門口同餐廳入面都有好多綠色設計。🐂初見版石燒香草吉列牛肉拼溏心蛋 - $118小編都係第一次食依種熱石燒，牛既熟度仲可以自己控制。又吾怕食物好快就凍曬，真係好。牛肉份量都好多，所以小編同友人分享一齊食。肉質十分鮮美多汁，加上包住肉周邊既野，令肉既口感提升更高既層次。🍲什錦海鮮什菜鍋配龍蝦湯 - $88依個鍋物真心抵食。小編仲加左$8，換烏冬。海鮮既種類繁多，青口，蜆，蝦，三文魚都有。個湯底係龍蝦湯，鮮而不膩。啲菜仲吸曬個龍蝦湯。

講起荃灣美食, 大家都好自然諗起路德圍, 其實行過少少嘅海壩街都有好多好嘢食😋週末瞓到好晏, 同先生嚟食返個午餐午餐餐牌選擇好多, 而且超級抵食! 魚生飯都係一百蚊有找😍今時今日去邊度搵!先生揀咗四色刺身丼配味增湯, 份量都幾大, 有帶子, 三文魚, 甜蝦, 油甘魚, 玉子同蟹柳😋剌身非常新鮮! 而且切得幾厚👍🏻而我就揀咗特選海皇蟹刺身丼配味噌湯😛有海膽, 蟹膏, 蟹肉, 蔥呑拿魚蓉, 帶子, 蟹柳同玉子😋不得不提重本海膽同濃味蟹膏😍加上肥厚帶子! 成個組合都好有誠意♥️

今日難得約左朋友係荃灣食飯,因為大家都想食日本菜,所以就入左黎依間裝修別緻既日式餐廳😝板燒雪花牛肉配日味素飯 ($98)(+ 6蚊轉拉麵/烏冬)入到餐廳見到每枱都叫左一份板燒牛肉，我都忍唔住叫咗一份黎試下😛牛肉既份量好多,又有雜菌同埋南瓜,仲有四種調味料可以蘸黎食,最特別嘅係lunch Time都可以食到板燒牛肉,一路燒一路食，見到個感覺已經好開心🥰燒牛肉口感不過不失,未去到入口即溶，不過勝在牛肉味重😝小tips比大家，蘸啲燒汁落去雜菌到，食落感覺又開胃又juicy! 今日將味素飯轉左烏冬，原來係稻庭烏冬，彈牙又爽口！初見特上漢堡包配炸薯條($88)黎到日式餐廳都想試吓個漢堡包，非常有驚喜！漢堡包入邊有牛肉，煙肉同埋流心蛋，第一啖既感覺簡直衝擊味蕾！主角牛肉煎得一啲都唔乾，配埋脆卜卜嘅煙肉，仲有流心蛋既蛋黃！成個burger一啲都唔覺得滯！炸薯條調味岩岩好，接住食停唔到口💕

週日同男朋友去荃灣行下見呢間有set lunch 又幾多選擇幾吸引咁 就去試下喇去到三點左右 都幾乎滿晒咁濟環境唔似一般嘅日本餐廳 比較似文青cafe多啲坐喺呢幅草牆下食野 樓底又夠高 幾舒服幾放鬆餐牌：種類都幾多 價錢亦都合理✨石燒香草吉列牛肉 $118呢個都係呢到嘅招牌之一好多香草 不過食唔到香草味但就令到平時吉列嗰種油膩感無咗燒好嘅牛肉可以點鹽式者特製醬汁筆者就偏好醬汁多啲 因為真係好夾🤤🤤🤤個溏心蛋就略嫌熟咗啲 唔夠溏心✨日式咖哩吉列豬扒飯 $68豬扒炸得好乾身 炸粉亦都唔厚個咖哩好濃 日式得嚟又有小小辣味✨初見邪惡薯條 $40 （跟餐-$5）邪惡即係鹹蛋黃 闊薯條好味不過可能筆者太重口 覺得可以再邪惡啲😆整體嚟講 環境舒服 野食質素不俗 仲要唔駛加一 性價比嚟講幾高大家去開荃灣嘅話 不妨去試下😉

海霸街哩邊好少過嚟，原來都幾多嘢食，今日放工朋友帶我黎食哩間料理，環境好舒服，民間日本風格調點左個龍蝦湯海鮮什菜鍋，超豐富，第一次試龍蝦湯底嘅小火鍋睇以為會超濃，原來我誤會左，湯底係偏淡少少嘅，食起黎唔會太膩。海鮮有蝦，青口，三文魚，蜆，八爪魚都好新鮮個鍋入面本身仲有滿滿嘅唔同嘅蔬菜，仲有竹輪，冬菇，竽絲等要食左部分先開始煮到海鮮 哈仲可以加30幾蚊轉餐多個刺身，南瓜湯 同飯刺身超厚切，一啖食勁滿足南瓜湯夠香濃，同埋好滑身中途個火熄左我地自己都冇留意到店員好好主動幫我地開返^^

有好嘢就自動值得去搵，唔駛下下都主動問人點去點去，自己都會搵到，如果有心有常識，一間好鋪就一定會記住。好彩，初見係一間好餐廳，食過一次我就記得，就算朋友無腦再問，我都唔駛查就記得個餐廳名。首先，我地終於可以叫到個龍蝦湯火鍋，上一次來嘅時候岩岩賣哂叫唔到，個湯味好濃，啲蝦都夠鮮。以海鮮火鍋黎講，呢個價錢唔錯！有四隻蝦，有青口、有蜆！今次仲試左和牛鐵板燒！d和牛質素好靚！食落口好好味！份量都算多，加埋碗飯！好飽！成個餐仲有湯、刺身、有飲品！好抵食！唔想食鍋同燒，都仲有其他野食，真係一次過夠足唔同朋友的願望！

初見餐廳位於荃灣福來邨裏面，要開Google Maps先識行入去。但係其實佢嘅地址都容易搵。門面及裝修設計都有特色。可惜我去到人比較多，要坐bar枱位置，略嫌熱左d。比較貼心嘅係，店員比既係冰水，好少香港鋪頭會咁做，通常真係要去到日本，日本人先會比冰水。左邊係味噌湯，右邊係南瓜湯。南瓜湯好濃！跟餐可以叫沙律或者魚生，我揀左魚生。老實講個牛普普通通，尤其是佢出邊個皮，冇乜味，食落嘅口感似餅乾。仲有叫咗個海鮮櫻花蝦拉麵，櫻花蝦味重，不過不失。軟殼蟹飯卷～ 幾好食，不過店員漏左單，等左好一段時間。飲品為蘋果汽水。總括來講，不過不失。可能對佢期望有啲大，所以變相來講有少少失望。未食過可以一試，不過食過的我短期內應該不會翻兜。