初見

营业中

休息中

真係估唔到行過福來村 入面地舖竟然搵到間裝修得咁有特色既日式餐廳🤩 一入去就會見到一大幅草牆 感覺好舒服😊呢到除左日式菜 連西餐都有 不過我地都係對日本菜大興趣d 所以我地就決定試佢地既石燒香草吉列牛肉同特上牛肉什菜鍋🤤 主食+$35就有刺身/沙湯 湯同飲品 我地其中一個轉咗做套餐 有4件刺身 都唔錯㗎😉吉列牛同平時食開既唔一樣 呢到係綠色既😱 因為係香草口味 食落唔會好濃味😂 呢個價錢仲有埋溏心蛋真係好抵食👅 而特上牛肉什菜鍋同樣抵食 $80有咁多份量既牛肉去邊揾？ 什菜鍋係味噌湯底 唔會好鹹 仲好足料👍🏻惠顧套餐加點小食都可以減$5 所以我地試左初見粒粒蟹籽炸軟殻蟹反卷同初見邪惡炸薯條🍟 炸軟殻蟹反卷點沙律醬就不嬲都無得輸架啦 反而炸薯條更有驚喜 粗切炸薯條非常香脆 份量超多2個人食唔哂🤭 又係點沙律醬食真係好邪惡🌟

今日同好友一齊去荃灣行街街，晚飯時間大家都好想食日本野～於是OpenRice 下，見到喱呢間日式餐廳甚獲好評，就走去試試。入到去餐廳，裝潢好吸晴，樓底高配上四周綠色植物裝飾，好寬敞好舒適。望望menu ,我地首先叫左個石燒香草吉列牛，同埋雜錦海鮮什菜鍋配龍蝦湯，加咗$35轉套餐。之後叫左個初見粒粒蟹籽炸軟殼蟹飯卷。好快套餐個南瓜湯同味噌湯尼左，南瓜湯入口即溶，超濃味啊！然後尼個三文魚拼吞拿魚刺身。刺身厚切兼好新鮮啊！跟住個石燒吉列牛到喇！萬分期待啊！石燒大約7秒，食得！點一些岩鹽或者醬汁，味道不得了！牛肉入口即溶又香滑，超重牛味！真心一試難忘！同時個海鮮鍋亦都到了，龍蝦湯超濃郁，我飲晒成鍋囉！材料有魷魚、海蝦、青口、蜆、什菜⋯烚吓烚吓，慢慢享受！樣樣都新鮮好味呢！最後軟殻蟹反卷亦做得好出色，軟殻蟹炸得好鬆脆，一囗一件，我哋想叫多碟啲添啊!所以大家尼開荃灣一定要過嚟試下，包你愛上！

睇咗好多食評，都對呢一間鋪頭有好高嘅評價。所以我自己都滿懷希望咁樣嚟食吉列牛嘅。但係呢一間令我有少少失望。首先佢個皮可能因為係用海苔粉嘅關係，我覺得炸得唔夠脆，同埋牛嘅份量比較少，佢切得比較細嘅，牛脂都唔係好多。但係就唔難食，不過不失。只係冇果種食吉列牛會好開心嘅感覺。

其實間野唔做walk in客可以講，拎位又唔講有好多客book左，等左半個鐘，8:15同我講8:30有人book左位人地先，問個店員幾多人book左又唔答，等多15分鐘又話有人book左，我拎位您唔講，出黎問您又唔答，答要等幾多張唔洗死呀，咁不如講唔做街客咪算囉..............................沒禮貌，趕客feel.唔係朋友話可以一試真係唔會黎。花茶白色茶底都沒⋯同我講下張到都等一個鐘，點安排唔明，唔book位記得咪黎！未食完就問食晒未仲要唔要

荃灣向來是美食天堂，要在這區突圍而出並不容易。周六趁着去配眼鏡，就尋找一下新餐廳，稍為離遠市中心一點就看見這間裝潢現代得來有點樸素的初見日本料理，名字也特別有詩意。下午約二時多，餐廳不是很多人。門口是師傅的工作間，內裏有一堵攀沿植物的牆，讓人感覺很平靜。日本餐廳來說，這裏有一種專為城市人而營造的清新休閒感。食物種類也非常廣，除了日式料理，也有洋風西式食物可選。初見特選海皇蟹刺身丼配味噌湯 （$98)最讓我驚艷的卻是這個海皇蟹刺身丼飯，原隻蟹蓋出場，盛着的除了豐富的蟹柳，還有蟹膏、海膽；葱吞拿魚蓉更吊出明顯鮮味。我最欣嘗的是師傅在厚肉帶子中夾着一塊薄片檸檬，令citric的味道更隱逸淡然。揭開蟹蓋，白飯上灑滿了味素，令人彷彿置身日本吃着住家日本菜。初見四色刺身丼配味噌湯 （$88)這個刺身飯上來也是賞心悅目的海鮮，三文魚、油甘魚、帶子都是香港人常吃的魚。除了刺身是厚切，蟹柳也是啖啖肉！初見壽司拼盆配味噌湯 （$88) 壽司拼盆有頗多白身魚、蝦、貝等。這個價錢來說，有這些種類的配搭算是性價比非常高，覺得丼飯太飽的話，這個壽司餐就合適不過。基本上所有套餐都配味噌湯，在炎熱的天氣喝上一碗清甜質

最近唔想食熱氣野 見到荃灣有板燒牛就試試佢！本身見到有壽司set dinner,但好似熟食比較吸引落完單大約五分鐘就有得食喇！佢會比呢舊脂肪你放油，係岩岩好可以用黎燒哂一個set的！賣相又幾好啵仲有溏心蛋送Tim!佢牛既份量比出面食其他吉列牛多，唔洗就住就住咁食。綠色個d係香草，但唔係太覺佢好吉列，不過係幾好味既！放心，條香草邊唔會好濃烈，燒兩燒十幾秒就食得一樣咁滿足，就算燒得耐都唔會韌，一啖牛一啖飯！而溏心蛋比較淡味，可以咸番少少有15片牛咁多！青瓜蟹子沙律係刨左皮既青瓜 口感無咁爽 少少似食緊蘋果沙律既感覺 呢個望落平平無奇既餃子原來臥虎藏龍！入面係雞軟骨碎同椰菜，皮薄而脆，口感一流咬第一啖已經知。加上用鐵板上食到最後一隻餃子都係出煙！呢個必試，勁好味，五隻真係唔夠呀fresh!

睇完戲係附近搵野食，最終黎左香車街街市附近、福來邨對面既「初見」食個late lunch🍴初見裝修簡約，我好鍾意有樹枝，反映落牆度好靚🌿🍃🌱 感覺好舒適☺️初見個午市餐牌好多選擇，而且豐儉由人，平既$58已經有交易，最貴既都只不過$98，而且全日唔駛加一，抵食👍🏻最後揀左A2既「初見特選海皇蟹刺身丼配味噌湯」& D2既「初見特上漢堡包配炸薯條」。跟餐野飲分別點左菊花花茶同士多啤梨果茶。先上檯既係2杯野飲～ 幾清新～A2🍴初見特選海皇蟹刺身丼配味噌湯 $98齊晒menu上所講既配料，部分係放係個蟹殼入面上，好鍾意個presentation😌 配料當中我好鍾意個蟹膏🤤🤤💜 好香好正～食蟹肉時點埋蟹膏一齊食，正呀真係🤟🏻D2🍴初見特上漢堡包配炸薯條 $88粗薯條點讚👍🏻😍 burger好大個，切開左芝士拉絲🤤 塊牛肉漢堡都幾厚，好多肉汁，juicy😋食到飽飽埋單每人唔駛$100，味道唔錯價錢亦都合理，整體唔錯哦😌

難得放假，就帶左媽媽出荃灣食好西。由於媽媽食野都幾揀擇，所以都唔敢亂帶佢周圍食，最後就揀左近荃灣福來邨既一間餐廳。餐廳既裝潢簡約、環境舒適，令人有一種小清新既感覺。初見特上漢堡包配炸薯條 （$88）呢個 burger 真係超大個同超級足料！ 牛肉漢堡、煙肉、煎蛋、芝士、蕃茄.. 全部份量都好大！麵包因爲烘過所以脆口；牛肉漢堡似係自己人手做既、肉質鮮嫩多汁；兩大塊煙肉煎得香脆好有味道。另外仲配埋炸薯條，薯條係粗薯條，份量都唔算少，炸得香脆！自問係一個 Burger 控，呢個價錢食到呢個質素既burger真係唔多。食完真係堅飽！😄什錦海鮮配自家制蕃茄汁意粉 （$68）海鮮有2隻蝦、2隻魷魚、仲有少少菇架。自家制既蕃茄汁帶點酸甜，食落好開胃。意粉係扁意粉，但略嫌有少少硬，無咁硬會更好！總括而言，呢度既食物性格比高，食物種類又多，除左西餐之外，都有烏冬、拉麵、魚生選擇。下次再黎，我會想試下個吉烈牛。去開荃灣附近既朋友可以過黎試下。🍽8/10

阿女約左表妺去愉景新城玩，二點幾阿女話肚仔餓，路過呢間日式料理，店名好特別叫「初見」。睇到店外既餐牌，午餐有好多選擇，而且價錢唔貴。入到店內唔算太大，但裝飾簡單舒適。初見特選海皇蟹刺身丼配味噌湯 $98阿女勁喜歡食蟹糕，一見到餐牌就要求點一份。嘩！真係好豐富吖！有蔥吞拿魚蓉、蟹肉、蟹糕、海膽、蟹枊、帶子、玉子，食材非常新鮮，而且送飯一流。阿女自己一個差不多食得哂成份午餐，佢話好好味！我自己就點左～板燒雪花牛肉配日式味素飯 $98服務員提醒我要先燒菇類，再燒牛肉。燒菇只需要燒約2分鐘，加少許鹽和燒汁，就食到好香口而不會乾既菇菇。牛肉只需要燒約1分鐘，加燒汁，好香濃既牛肉味，咬落亦好淋，而且份量好多！兩份午餐都包飲品，而且免加一，又好味又抵食！

人生，若只如初見。句子的確是唯美。說的是，初次感覺總是美好的，屋邨餐廳也是有選擇的，特別之處是小店較連鎖店多。餐廳裝修也很小清新的感覺。這街道，港式日韓泰應有盡有，百吃不厭。乍看之下，以為是單純的日本料理。在香港，若不多元化，難以生存。餐廳也猜透了食客的心，食客口味百變，很難觸摸，故餐廳索性供應熱門的日式、西式餐點。瓶子，與大俠一樣，喜愛吃漢堡包。初見特上漢堡包配炸薯條 罐裝檸檬茶欣賞餐廳全以木盤呈上，個人大愛木盤餐具，帶少許簡約風，是很賞心悅目。漢堡包以牛油煎香一面，先放生菜、番茄，加上漢堡牛排，疊上兩片煙肉與芝士，最後放上太陽蛋。咸咸的芝士，微暖，半融化在脆脆的煙肉上，香脆可口。層層疊的食物，擺盤整齊。漢堡牛排是全熟的，也能鎖住肉汁，肉質不會過乾。漢堡排已經調味，不用再另沾任何醬汁，炸薯條新鮮即炸，色澤金黃，口感香脆。已撒上香草調味，不用沾茄汁吃也可。

人生若只如初見💫💫🎈呢間喺荃灣嘅日本餐廳用咗初見呢個名 應該係想客人食佢哋嘅創作料理嗰陣就好似第一次見面咁 令人回味🤣-我哋一去到就見到枝花王櫻純米吟釀 好靚咁粉紅色細細支 （圖2）就嗌咗佢先飲為敬🤣🤣🤣佢得10幾%唔算好烈 女仔都啱飲 飲落酒精味唔重 都易入口！-之後就要咗一個吉列牛肉拼溏心蛋加白飯 個人覺得唔算特別但價錢就唔算好貴 -另外再要左一個北海道帶子黑松露意大利飯同蟹籽炸軟殼蟹飯卷🍣🍣 個黑松露飯好香同好濃味 成個飯都好creamy 鍾意食truffle既應該會like！😍 而個軟殼蟹反卷都唔錯 點埋沙律醬個人都覺得幾好食！-

和味石燒吉列牛😋約咗朋友喺荃灣食飯上OpenRice見到呢間餐廳好多好評而且好近荃灣廣場一於行過去試吓☺️我哋七點左右到 雖然係平日但人都唔少睇嚟呢間餐廳人氣都唔低🌈裝修偏向日式 做咗一大面草牆🥦🥦配埋底部嘅木板 感覺好小清新♥我哋叫咗香草石燒吉列牛同雜錦海鮮雜菜鍋配龍蝦湯見到人哋話佢嘅南瓜湯都幾唔錯於是我哋每人加咗$35轉套餐🌚.💜南瓜湯味道好濃郁, 甜度同稠度都剛剛好, 唔怪得咁多人推薦👍🏻💜石燒吉列牛同喺日本食到嘅都幾相似牛扒本身已經輕輕炸過有塊小小嘅石板配埋一細舊肥豬肉俾你輕輕烘熟 生熟程度完全由你拍板👍外面仲有一層香草包住食嘅時候有淡淡清香😋非常推薦!.💜海鮮雜菜鍋嘅湯底係杰杰哋嘅龍蝦湯, 好襯😋而且材料種類都幾豐富有鮮蝦, 蝦仁, 蜆, 青口, 魷魚,三文魚, 蒟蒻, 獅子狗, 芋絲同魚片👍🏻總體來講餐廳性價比都幾高, 行開荃灣嘅話都推薦試吓😁

住左荃灣咁耐，真係而家先知道原來有呢一間日本野。係福來村正對面，路德圍行過去都好快。星期日晚餐時間黎到，基本上都爆場，需要等一陣。樓底好高，裝修都靚，入到黎感覺唔似係荃灣食緊飯，哈哈。我同男朋友一人叫左一份餐，我就揀左龍蝦湯底海鮮火鍋，而男友就揀左香草吉烈牛。龍蝦湯海鮮火鍋 (+$8轉烏冬)先睇下海鮮拼盤，海鮮好豐富，大蝦，青口，蜆同三文魚。所有海鮮都食得出好新鮮，而且同佢個龍蝦湯底非常夾。湯底係龍蝦湯，一飲落去好鮮味，飲得出落左好多海鮮落去煲架！湯底入面有好多雜菜，樣樣都好，令個湯更甜之餘，絕對唔需要擔心唔夠飽既問題。就算我食得太多海鮮會敏感，我都忍唔住飲哂佢成個湯底，因為真係太鮮甜喇男友揀左香草吉列牛，石燒令成件事感覺更高級。我都試左一舊，香草既味道唔會太搶搶哂牛既味。配左一種味噌生姜汁同粗鹽，放上鐵板兩面輕煎20秒左右就食得嚕。個餐仲跟左一隻糖心蛋做配菜，唔錯！最後兩位埋單只係二百蚊多小小，非常抵食。見到格離台食一個有乾冰效果既壽司盛，感覺好高級！下次都可以黎再試下。

人生若只如初見 勿忘初衷🤤「初見」系荃灣數一數二嘅小店 門口裝修望落好似一間文青cafe 其實系一間以日式創作料理為主嘅餐廳💁‍♀️.👉🏻雜錦海鮮雜菜鍋配龍蝦湯海鮮配料新鮮而且份量十足 有三文魚、青口、蝦等等😚.龍蝦湯底味道清甜得嚟又唔會話太濃味😳同埋都有唔少蔬菜系個鍋入面 龍蝦湯滲入蔬菜再配幾啖珍珠飯 正啊🤪————————————————————————————-初見荃灣海壩街22號華達樓地下F號舖

今日同荃灣返工嘅朋友食飯，book左初見炸和風金栗紫薯餅，炸漿香脆而不厚，紫薯蓉好香甜，還夾雜着一粒粒栗子肉炸芝士餃子釀雞翼，豬肉餃子餡加上芝士再釀入雞翼中，炸得香脆嘅雞翼同香濃嘅芝士👍🏻炸明太子釀雞翼，明太子沙律鹹香同配雞翼炸得脆卜卜👍🏻👍🏻初見邪惡炸薯條，好似炸薯條配上香濃嘅牛油汁同鹹鹹嘅蛋黃後本身已經不錯，再配上鋪頭嘅沙律醬，真好味輕煎北海道帶子黑松露意大利飯，帶子很大粒，飯很creamy，飯裏面嘅芝士溶咗之後后仲有拉絲嘅感覺😍