六小館 (已結業)

東涌東薈城二期的六小館裝修得好精緻，服務員都非常有禮貌，最重要係憑幾日的東涌UA戲飛係餐廳消費可減-30蚊！！！看完場戲再去埋六小館食飯剛剛好。我同朋友兩個人叫左大排檔二人餐（$298)，野食都好豐富！二人餐包括一個前菜，2款小菜仲有老火靚湯同甜品，性價比真係好高。泡椒爽脆魚皮：呢個涼伴的小食好惹味，魚皮爽口彈牙!加上餐廳加左紫甘藍和荀條令到口感更有咬口。泡椒唔會好辣，唔係太食到辣的朋友都可以食到椒鹽鮮魷: 椒鹽鮮魷外層炸至金黃色，賣相相當吸睛,魷魚外脆內嫩非常鮮味。通常呢度菜都會配喼汁，但係餐廳就配左黑醋！！但係黑醋同椒鹽魷魚的味道好夾，可以去除油膩的感覺之餘仲提鮮了魷魚的味道。值得一試。魚香茄子煲：這個茄子煲好惹味，很適合下飯！廚師非常細心，已經將茄子的外皮去掉，茄子口空食都唔會有油膩感。最後仲有甜品紫米露^^

There are a lot of places that do cute dim sum nowadays. But not all of them can do both delicious and adorable dim sums. This is where Sixa stands out! I feel that they even taste better than a lot of restaurants that do traditional dim sum.We started off with a side dish of black truffle shredded chicken. I love this dish it was so flavourful and had truffle every bite you took.Moving on to the dim sums, of course I had to get the gold fish shrimp dumpling just because shrimp dumpling is alway

東涌outlet擴建後有好多新餐廳😳今日行完街醫肚就簡左間裝修好華麗既中菜廳，依到有好多種類既中菜，而且價錢都唔算貴，又可以坐得舒舒服服😍食完之後覺得食物水準都好得，決定推薦🤭花雕瓦罉豉油雞豉油雞有半隻，份量都好多下，食得出廚師花左時間心思去醃製，雞肉係非常嫩滑，肉淋得黎唔鞋口，而且好入味！花雕既香味慢慢滲出，帶少少苦澀回甘，比平時食開既豉油雞更有風味，雞皮都係重點！雞皮脂肪不厚，而且係唔韌口，仲吸晒醬汁既精華，依道菜送飯真係一流👍🏻古法砵仔焗魚腸焗魚腸唔係間間中菜廳都有，雖然用料白單，但花既心思就非常的多，所以要試😆魚腸砵仔上既Size剛剛好，太大碟反而會漏，鯇魚腸洗得好乾淨，而辟腥工序做足，加上油條混合蛋漿焗成，真係好香，蛋漿蒸出黎口感結實，軟滑而表面又帶點微焦，有淡淡魚油香。砵仔豬油飯依個飯必叫🤣🤣🤣夠晒邪惡店員會幫係將豬油淋係焗熱左既飯上，飯上仲有豬油渣碎，撈埋真係好正😍雜菌豆腐煲雖然菜式簡單，但呢到既水準真係keep住，個煲夠晒熱，而豆腐炸得唔油膩，外酥內軟，而且分量都幾多，不過雜菌就比較少。最後係必試甜品，依到有以港式做gimmick既珍珠奶茶奶凍配奶油多士個上碟真係好有心

無乜幾可出東涌，今日約左同事去行街，順便食埋晚餐，見到呢間六小館裝潢非常精緻，所以吸引左我地入去門口仲有期間大優惠，$18隻大閘蟹呢！不得了粉藍色既餐單，配上金屬元素既餐具，完全無遺和感，碗碟都用上啡白風格，不會格格不入。火焰鱔球 $198非常吸引眼球既一道菜，完全無諗過會上枱先點火，然後睇住鱔球被火焰燒住，真係非常驚喜！鱔球用上咕嚕肉既做法，士多啤梨味既醬汁，配上青紅椒洋蔥，食落酸酸甜甜，非常開胃，鱔球鮮味十足，炸得香脆既外皮，吸收左醬汁，非常適合配飯食！正醬爆蝦腰花枝片 $168爆得非常香口既一道菜，微辣既醬汁包裹住鮮嫩彈牙既花枝片，非常惹味，大大粒蝦乾非常香，豆又無草青味，不錯！上湯粉絲浸龍躉球 $248睇落清淡既一味菜，白雪雪又大大舊既龍躉球，配上上湯粉絲，食落卻非常入味，上湯清甜，粉絲吸收曬上湯精華，非常好味龍躉球每舊分量十足，厚厚肉，食落滑溜又嫩身，魚味十足，而且無骨，食完想繼續食！六小館小炒皇 $168有韭菜、芽菜、大蝦乾、腰豆、豬肉絲和脆卜卜 油炸鬼，加左油炸鬼係一道比較特別既小炒皇，食落鑊氣十足，香口好味，口感非常豐富。韭菜和芽菜都爆得非常惹味，爽口而無草腥味，配上腰

香港愈來愈多特色中菜，性價比高的卻不多，這晚想吃，上網搜索到這家六小館，乾脆和朋友去試試。.位於東涌的六小館，內裡裝潢是懷舊格局，一進去就看到不少一家大細在喝茶聊天，是一個很relax 的氣氛。.椒鹽粟米未曾在其他地方吃過這道菜式，椒鹽的香口咁，與粟米的清新融合起來，既能想到椒鹽味道的刺激，有能吃到蔬菜的爽口。很好吃！.泡椒爽脆魚皮辣椒經過浸泡，因此味道很香，而且本身採用的辣椒也有高質，整個菜式佈滿了泡椒應有的麻香，而且魚皮做得十分爽脆，吃下去索索聲， 很有口感，作為前菜， 正好拿來做個餐前熱身。.瓦罉豉油雞皮薄肉嫩，去了骨，每口都讓人沈淪在嫩雞的絲滑感。本身已經不是白切雞，盤上加入的香料、醬汁提升嫩雞的鮮味，瓦罉亦莫名其妙為豉油雞增添了一份香味，可能這就是用瓦罉古法製作想做到的效果！.古法砵仔焗魚腸油腴的魚腸和魚肝，搭配各種食材先蒸後焗，是一道工夫菜。熱辣辣的缽仔焗魚腸，外脆內嫩，既吃到魚腸和魚肝的甘腴，又嘗到油炸鬼和雞蛋的質感，實在是非一般蒸蛋或炒魚腸可媲美。這種缽無論用細火或大火烹調都不易爛，而且用陶泥製作，器皿上會有肉眼看不到的小孔，有助傳熱和疏氣。.火焰鱔球火焰鱔球，好吃！上

Suddenly felt like eating Chinese food. I have ordered a pork fried rice and sweet and sour pork. Price is on the higher end but the food were excellent. None of themIs too oily, and the favour were just right. Sweet and sour pork has melon, pineapple and lychee as well to make it juicy and sweet. The tea was good and there was a free dessert came with the main dish which was nice.

朋友嚟咗香港🇭🇰玩，帶佢去東涌行吓昂坪360一場入到黎冇理由唔去outlet買返夠既🤣😂😂大出血之後，就要醫下個肚仔呢度好多餐廳，但係朋友鍾情於香港嘅中菜最後我哋見到一間叫做六小館， 就決定呢間啦座位坐得好舒適，菜式嘅選擇亦有好多款。來自遠方嘅朋友，見到樣樣菜都大感興趣。#椒鹽粟米 $78蒜蓉炸得香脆可口，粟米好香甜，作為前菜小食真係一流。#蝦子柚皮 $78呢個菜式佢哋第一次食，柚皮完全沒有澀味。沙薑豬手 $78老火湯四位用 $168今日是家常都飲到既湯「蕃茄薯仔豬骨湯」味道雖然偏鹹，但係都用得幾足料。薑蔥撈安格斯牛肉 $178呢個菜式真係唔錯值得推介，牛肉煮得好淋而且好滑。再配埋薑蔥同芽菜一齊食。龍湖酸菜煮斑片 $198份量一啲都唔野少，魚肉滑嘟嘟而且冇骨，仲配埋薯粉、大豆芽、酸菜及萵筍，仲食到麻香味道。#豬油砵仔飯 $48滋味得盡在不言中，賣相精緻，味道亦一流。簡單來說就是豬油撈飯，呢個菜式已經買少見少。白飯先以砵盛著，豬油淋在熱辣辣的白飯上，再加上豉油及豬油脆脆，每口飯都滿嘴油香。

話說接朋友機，就近去咗東涌食埋飯！見呢間六小館裝修骨緻，就walk in入去。馬交椒鹽粟米🌽$78粟米好甜，配埋粒粒爆香既蒜粒，咬落去鹹鹹地、甜甜地，脆脆地，味道唔錯😊薑蔥撈安格斯牛肉$178呢個推介，牛肉好鮮嫩，配埋芽菜蔥絲，再加少少豉油，好正，入口即化👍😋生燒野菌豆腐煲$118豆腐好滑，連埋什菌，唔錯，但無咩特別，相對普通豬油砵仔焗飯$48好高卡路里🙈但好香豬油味，仲有粒粒豬油渣，正🤣🤣🤣燕尾碟$78椰汁🥥燉奶相對稀一啲，但好重椰香，好滑，仲配埋雪燕，十分養顏☺️依家係東薈城UA睇完戲仲可以減$30😎

去完東薈城Outlet掃完貨，當然就要去食返餐好，六小館，粵菜餐館場內裝潢非常漂亮，格局鮮明優雅，服務亦非常周到👍🏻🌌火焰鱔球 $198🌌鱔球上桌時仍然被火焰所包圍，感覺壯觀而且香味迫人鱔球以士多啤梨醬汁煮，味道幾夾，甜甜地配合鱔球鮮味，果然係廚師推介，而鱔本身無大骨，小骨亦可以輕鬆咬碎🎇上湯粉絲浸龍躉球 $248🎇鮮魚湯淡淡清甜味，粉絲吸收上湯精華，味道很好，龍躉球無骨啖啖肉，鮮味與甜味的結合🌠醬爆蝦腰花枝片 $168🌠花枝片份量非常多，呢味菜炒得好惹味，辣辣地再加上蝦乾香口味，出色，而花枝片質感爽滑彈牙又夠惹味😋不錯不錯🎆六小館小炒王 $168🎆小炒王配料非常多， 有油炸鬼、韭菜花、芽菜、蝦乾、腰果、嫩牛柳條同樣惹味無比，特別牛柳條夠嫩，夾雜所有食材放入口，爽中帶香，香中帶甜🌅大閘蟹 $18🌅大閘蟹呢期做緊優惠，每位都可以加18元食到一隻大閘蟹，我地3個當然就order 3隻試試佢，非常抵食大閘蟹多膏，金黃色蟹膏味道香濃，而餐廳為方便客人，早已預備手套、剪刀、大閘蟹專用匙羹及濕紙巾供每位order大閘蟹嘅客人，相當方便貼心總括而言，這家粵菜館食物整體感覺都好好， 餸菜亦有特色，賣相

約朋友去東涌最新地標東薈城二期逛逛， 大部分食肆出面都有見過或者食過，只有這間六小館還未見過，所以今晚我們就在這兒用餐。正式晚飯時間七點半，全場九成坐滿。 餐廳以深綠色或淺杏色的布藝座椅， 淺杏色木餐桌， 餐牌也是深翡翠色， 近窗邊的餐桌以穿透的木屏風隔開，兩屏風中間放了嬰兒椅，讓食客有半包房的感覺， 整個格調很優雅、樸素、莊重而不失雅緻。黑松露手撕雞， 一送上來非常香的松露味。食到最後一口的雞還是滿滿的黑松露，底部鋪了青瓜絲，吸收了黑松露和雞的精華，份外好味道。醬爆蝦腰花姿片，有蝦干同埋魷魚，還有蜜糖豆一齊炒，最鍾意食蜜糖豆，他吸收了蝦干魷魚的海鮮味，每條蜜糖豆都是非常飽滿。 另外，他加了一些紅大椒，係有少少辣，好開胃，好惹味的主菜。花姿片，大大片，彈牙爽口，老人家都夠牙力食到。桂花炒新竹米粉， 鮮蝦好彈牙， 可以加埋他的 辣椒醬 ， 我覺得辣椒醬比較多豆豉，有咸味，放一點點不會很辣。 欣賞他的新竹米粉，炒得很乾身，不會斷開一節一節。 去配食其他餸菜非常一流。南瓜紫薯黑毛豬， 南瓜片同紫薯，好有咬感 初時我以為南瓜片是青瓜， 因為太過青綠了！黑毛豬果然係黑毛豬呀，肉質非常之柔軟，而且

東涌既東薈城終於開左二期啦！二期除左開左好多新店之外，仲多左好多新餐廳，其中六小館精緻的裝修就吸引左我入去試試。餐廳設有落地玻璃可以飽覽外面的景色，店員也是非常有禮貌的。坐低後台員為我們送上花生小吃，味道美味！花雕瓦罉豉油雞，我地叫左半隻的豉油雞！豉油雞的醬汁好香，鷄肉非常嫩滑，整體味道唔會令人覺得咸之餘仲食得出淡淡的花雕酒味，非常出色!龍湖酸菜班片，班片肉質厚實，味道鮮味彈牙！湯底的辣度和酸度都恰到好處，很適合下飯!黑杞子時蔬，紅色的杞子食得多，黑色就真係第一次食！黑杞子含有大量的花青素，健康又美味。小菜清清地，感覺清新!最後估唔到餐廳的甜品充滿香港特色！這個奶茶凍有濃濃絲襪奶茶的味道，上面更有珍珠，賣相和味道一樣咁正!下次再黎東涌可以再考慮一下食呢間中菜餐廳!

平時行開都系APM、德福、朗豪坊、Sogo、希慎、圓方、Vwalk，上網search🔍有咩商場未行過，留意到東薈城較近又多嘢睇，行完商場再決定食咩，留意戲院附近有間飲茶食店都幾多客人出入，就選擇揀左六小館🤭👉🏻波兒蝦餃🐠🐠🐠外貌吸睛，特別嘅包法，作為食嘅我幾欣賞呢份設計心思，夾起都冇令餡料漏出，入口食到有好多爽口蝦粒👉🏻鮮蝦燒賣燒賣比較大粒，有蝦粒、冬菇粒、蝦子系面頭，味道較得唔錯，外皮冇因蒸過後軟身令餡爆出👉🏻鮮淮山棉花雞棉花夠晒多汁，雞肉夠滑身又夠入味，出面食開棉花雞都冇加過淮山，呢個idea都幾有營又創新，淮山夠粉都幾配搭👉🏻蘿蔔絲酥🥕外皮夠薄同夠鬆化，入面藏左一大堆切成絲嘅蘿蔔，好中意入面啖啖清甜嘅蘿蔔絲👉🏻流沙奶皇包曾經系外而見過同一賣相嘅包系合桃餡料，今次見同一款外貌系流沙奶皇包有驚喜感，一打開入面已裝住滿滿流心餡醬，仲食到好香嘅奶皇味添👉🏻黑毛豬楊州炒飯個炒飯食到有鑊氣，蝦仁唔少而且夠爽身，黑毛豬粒唔少，食得出肉粒所帶嘅香味，最勁系米飯做到粒粒分明，非常有水準嘅炒飯，看似炒飯平平無奇，但炒飯先顯出師傅手藝，印象深刻✍🏻整體新式飲茶概念唔錯，環境裝修清新感帶現代感，店鋪本身

一入到門口，一睇個裝修就覺得，哇，呢間食中菜架？比起其他中菜館，呢度嘅裝修多咗份優雅同精緻感，座位非常舒服。兩個人食唔多，所以就share一份主菜，我地叫咗冰燒三層肉、法國甘筍燴牛肋肉同兩個甜品:C襪奶涷同窩可(窩夫配焦糖香蕉)聽個名就覺得好中式feel，冰燒三層肉其實係燒煵仔，皮脆，肥瘦均勻，個盤仲擺得好靚好有特色。主菜黎啦，雖然個名係法國，但一黎到就知佢嘅味道一定好中式。擺入口覺得有驚喜，啲肉唔韌，仲煮得好入味，如果有白飯叫黎餸就好啦。最有特色都係個C襪奶涷，擺盤用咗懷舊嘅小巴字牌做裝飾，用咗以前茶記嘅熱奶茶杯黎整個奶涷，就好似一杯真嘅熱奶茶咁，夠哂懷舊吖！最後係個窩可，本身以為係細細舊，點知上到黎一大盤，同個朋友都呆咗😹估唔到咁大舊，仲有朱古力雪糕添，勁抵食吖！呢間餐廳啲員工仲要好好服務，好nice添。啲野又好食，性價比超高！

有朋友新居入伙，昨天專程到東涌探訪，到訪前是中午，那先在這裏飲茶，當踏進餐館，有驚喜，裝修很優雅，侍應的服務很好，因為有老人家是坐輪椅，特別安排坐在一個比較濶及可以放輪椅的位置👍即時劃點心，點心來了，每個點心都做得很好，精緻。最特別是梨子咸水角，唔捨得吃，其次是好米腸粉，腸粉皮是紅色包著蝦及脆脆的（好似是油炸鬼）很特別，好吃。大家異口同聲地有時間要再來這裡吃晚飯

住喺東涌嘅朋友極力推介呢間六小館，咁岩喺荃灣行街，就去咗試吓啦。看過餐牌後，我們發覺這個菜色非常吸引，而且菜式對我們來說是有緣由的，曾在法國餐廳品嚐過令人一試難忘！法國甘筍白菌燴牛肋肉$248秘制燒汁炆煮牛肋肉，食落去口感非常軟熟，應該是經過長時間熬製的，聽店員講係六小時，令其肉入味軟腍。牛肋肉口感溫和滑順，燉得熟嫩～牛肋肉嘅面頭有車厘茄以及爽甜嘅甘筍，兩者同牛肉嘅味道好級配！蔬菜的清甜完全滲入了牛肋肉裡，超級好食呢！和牛肉一起熬煮的蘑菇也很爽甜呢！配以鬆脆酥條，眼見多層的酥皮，點上牛肋肉嘅醬汁，可以話是絕配呀。絕對係富有層次的法國經典料理，濃郁的醬汁搭配，讓人垂涎三尺。聽老一輩的人說，以前物資貧乏，冇依家食嘅嘢咁複雜，菜式用料唔少係所謂下欄貨再加工而成。喺呢度可以食到回憶，就係順德嘅名菜古法缽仔焗魚腸，六小館的菜名為古法砵仔焗魚腸$98。雖然話材料只有蛋以及魚腸，成本唔高，但係準備工夫卻是繁複至極呢～～～～先蒸後焗的古法來做講究的是手工與火候，這款焗魚腸表面收乾，外表金黃內裡甘香。如果怕腥的話，可以灑上少些胡椒粉呢！入口油而不膩，令人一食想再食！估唔到呢度可以嘗到廣東懷舊菜式，絕對係