六小館 (已結業)

Tried this place on Monday with friends. Four of us ordered soup, an appetizer and four dishes. I was hungry again by the time I got home. The portions were really tiny.We ordered soup of the day and each of us got 3/4 of a bowl with no refill. The corn appetizer tasted quite okay and portion was acceptable. The sweet and sour pork probably had 5 pieces of pork and they were soggy and not crisp. The batter was not up to par. The eel flambé also came with maybe 6 pieces. The salt baked chicken

有人想飲茶。見間野新開，就試一試啦。入面富麗堂皇，一碟點心$50 😂。蘿蔔酥的確係好味嘅。主要係因為佢好新鮮。連蘿蔔酥都做到皮薄多料嘅效果。粟米斑塊亦都夠誠意（當然啦因爲佢收我$128）。魚塊外脆內嫰。個人食唔出係咩魚，魚味唔算太出眾。欣賞佢個粟米汁分開上。至於個綿花雞呢，what you see is what you get。得兩舊雞兩舊棉花（即係魚肚啦）冬菇一隻都無。Portion 黎講好似又差啲哦。總結：好食，但偏精緻所以portion 唔太大，同埋都幾貴下。

東涌開了間高級中菜六小館，有次經過東薈城見到這店的金魚蝦餃廣告所以被吸引去吃。這晚我用THE GULU取票，當到我的票時，我舉起手機給門口知客看，知客小姐說也不說一手搶我手機嘟 QR Code，而且佢自己嘟唔到就話我張票無效，超級沒禮貌，想不到高級中菜餐廳會是這樣子服務，那一下真心嬲。。。。 說回食物，吃過幾款都覺得很好味，但原來晚巿沒有金魚蝦餃，很失望啊。。。冷盤點了黑松露手撕雞，好好呀呀！！！手撕雞啖啖肉，而且混滿黑松露汁，每條雞絲都沾滿，很香松露味，吃不停啊～～～ 好特別的一個菜：馬交椒鹽粟米，粟米是片片的上，炸到半脆，加上很香的蒜粒，微辣非常香口，第一次這樣吃粟米，好好吃！ 蒜片牛柳粒，一上枱就嗅到香味，牛柳入口即溶，沒有筋骨，非常入味！ 羅漢齋炸黃麵，這碟不算特別，因為阿仔想食麵只有這個選擇。齋和麵分開上，麵超級脆，而且不油膩，加羅漢齋汁一同食才好吃，不過如果多些汁就好。 整體食物不錯，店內的待應上菜快招呼周到，我想給笑臉的，只是不喜歡知客姐姐的不禮貌行為。下次有機會吃午巿，很想吃點心啊！希望知客姐姐有改善吧。

同朋友去東涌行outlet，之後再喺附近搵嘢食，見到呢間六小館，感覺都好乾淨，同埋菜式都唔錯，於是入去試吓。我哋4個人點咗6個小菜，瓦撐豉油雞，雞肉嫩滑而且入晒味，而且熱辣辣，第一款餸已經要推介。白麵醬炒時蔬，菜可以揀白菜或者菜心，我哋揀咗菜心都幾幼嫩。鮮果咕嚕肉，咕嚕肉雖然係主角，但鮮果肉都用咗合適嘅配搭，有荔枝肉、桃肉同埋菠蘿。甘筍燴牛肋肉，牛肋肉炆得好入味同夠晒林。砵仔焗魚腸，好少地方有得食，而且好少地方煮得好食，佢係其中一間，抵讚！蝦子扣柚皮，同樣係好少地方有得食嘅菜式，抽皮人晒味，唔錯。

之前撐枱腳去過尖沙咀嘅六公館度食飯, 價錢係貴啲, 但係食物質素有保證。今次特登走到入嚟東涌, 就係食佢同門師兄弟六小館。 山長水遠入到嚟當然有一定嘅期望啦。地方寬敞坐得好舒服嗌咗個推介嘅瓦罉豉油雞, 真係十分之好味 雞肉嫩滑又夠入味白麵豉炒時蔬,,我哋叫咗菜心,初時都有啲擔心,點不知出到嚟啲菜好嫩滑唔會老。咕嚕肉酸酸may may好好味 入邊仲有荔枝肉添甘筍炆牛肋肉 望落去好似細細碟但係食落原來有好多條牛肋肉炆得好林好入味蒸魚腸 唔係度度有得食再嚟一個 蝦子扣柚皮, 又係一個唔係度度有得食嘅餸!埋單四個人食咗1200蚊 ,唔係平但係絕對食得過 ,食物好味服務周到環境又舒服!!正!

東涌東薈城開左2期，見到呢間餐廳裝潢得幾精緻，屋企人又鐘意佢坐位幾闊落同舒服，所以就簡左係到食晚餐。餐廳以60年代懷舊香港為主題，入到黎仲見到有2樽維他奶係枱面。叫左個膏蟹二食，姐係有蟹鉗蒸蛋白周埋黑椒粉絲蟹煲兩樣。蟹鉗蒸蛋白要花d時間等待，因為即叫即蒸，兩隻蟹鉗分開左2碟，蛋白非常滑溜，蟹鉗多蟹肉又好有鮮味。蟹煲既味道好濃郁，粉絲好入味，比較乾身，仲有d蟹膏可以撈黎食。干炒和牛河，河粉係較闆身既，滑得黎食落又好飽肚，和牛肉質夠軟腍又易咬。 鮮果咕嚕肉，油脂比例好唔錯，唔會過肥，啖啖肉酸酸甜甜，好開胃。另外，值得一提個甜品，令成餐飯更錦上添花，奶油多配珍珠奶茶奶凍，奶凍好香滑，奶茶味道濃郁。香脆既奶油多已經切好4舊，方便進食。

最近東涌東薈城名店倉經過裝修，新開咗好多嘅食肆，中餐、西餐、日本菜、火鍋、food court都有。放假同屋企人入嚟行街後，我哋揀咗一間裝修得好高級，睇落好舒服嘅中式菜館晚餐 。門口展示咗一啲推介嘅小菜，內部環境光鮮新淨， 食物選擇多，價錢屬於中等，並非十分便宜， 但菜色有特色，感覺fusion👍. 先呈上一個前菜小食，甜花生米。甜嘅脆花生就食得多，相對軟稔又帶有甜味嘅真係第一次食，特別同埋會一粒一粒食唔停。.由細到大都好鍾意食蒸蛋，鍾意佢滑嘟嘟，簡簡單單，有家庭嘅味道。呢個蟹鉗蒸蛋白，蒸蛋白幼滑帶有鮮味，蟹鉗啖啖肉好好味，又鮮甜👍🏼👍🏼👍🏼👍🏼 唔花巧嘅幸福。. 黑椒粉絲蟹煲味道比蒸蛋白濃，粉絲做得好入味，黑椒味襯托，沒有辛辣味，隻蟹算多肉😋😋😋蟹膏略唔夠油份，如果烹調嘅時候落多啲油，相信個煲會更加香。.中餐館有咁嘅甜品，認真犀飛利！配忌廉芝士士多啤梨，牛奶蘇味好濃丶士多啤梨切得好薄，廚師刀功好，呢個甜品🍮唔知改配朱古力又係咩感覺呢😎

又喺東涌食好嘢...... 今日選擇就係東薈城嘅六小管當然點去嘅招牌菜啦... 店舖推介蟹兩食..首先係 胡椒粉絲蟹煲 .. 然後蛋白蒸蟹鉗胡椒粉絲蟹煲 胡椒味非常濃..連同蟹膏的味道深入粉絲裏面...非常惹味有飽肚...蛋白蒸蟹鉗... 簡直係有著米芝蓮餐廳的模樣細細份有兩碟.. 啱曬二人世界架一個齋菜煲... 入邊最正嘅係芋頭真係食過返尋味..點咗個主食乾炒牛河...用嘅係比較粗身嘅河粉都好滑有水準... 證明呢個廚房都唔錯

原來東涌東薈城以前戲院個位已經變咗另一個商場，好多不同餐廳、店舖進駐，今日試左呢間「六小館」，覺得唔錯👍🏻中午時段，都好旺場，幾乎全場爆滿，嗱嗱聲睇下有乜嘢好食先！小梨子🍐鹹水角$38，造型精緻可愛，成個都食得架，上面係一小段百力支，熱辣辣，外型真係滿分，而且入口味道都唔錯👍🏻一盅六件$88，有三款點心，叉燒包、粉果、蝦餃，一次過可以享受三款精美點心，滿足晒三個願望，兩個人分就最好😍六小館灌湯餃$58，湯底好清甜，有竹笙，我哋只係叫左一盅，已經夠兩人分享😬燒味拼盤$128，我哋揀咗燒肉和燒鵝，特別要提下燒肉皮非常脆，而且肉嫩多汁，暖暖地，另外燒鵝肉厚皮香，非常Juice，正👍🏻燴鮑魚仔飯$68，用嚟送呢個鮑魚仔飯，就真係非常完美，飯底吸收左鮑魚汁嘅精華，甘香而不涸，雖然鮑魚唔算好大隻，不過整個配搭都好match，值得推薦😋窩夫$88，香蕉🍌味，又有雪糕，睇到都開心😍C襪奶凍$68，估唔到呢度仲有咁精緻嘅甜品，模仿到好似小巴路名牌咁，左邊係牛油多士，另外嗰邊唔係真係奶茶嚟㗎，原來係奶茶味嘅奶凍，有啲感覺係街邊大排檔等緊小巴嘆番杯奶茶咁，好得意😎下次過嚟東涌呢邊，大家都可以考慮你呢個新商場

同朋友3個人係東薈城二期搵食晚飯時間周圍都超級多人等位😭😭😭間間餐廳都拎飛，幾間入面最快個間係六小館咁就試下食啦🤣因爲等得太耐喇🤣🤣其實本身係出面等位時已經俾佢嘅裝修吸引左😚無set dinner，唯有散叫🤟🏻🤟🏻🤟🏻最值得推介呢個前菜，黃金雞脾菇🤩🤩🤩用咸蛋黃包住雞脾菇炸每一啖都有好濃郁嘅咸蛋黃味😋😋😋😋不過份量好少😫忍唔住好想叫多碟🤣🤣🤣呢間就好似平時去酒樓咁，但Waiters會幫你斟茶/水🤨🤨隻杯唔係特別大，所以杯茶/水好快飲完🤨🤨然後佢地就要不停斟🤨🤨🤨另外，其實每碟菜式份量得好少😕😕2女1男來食都要叫5碟先岩岩好夠飽😕😕價錢又唔係特別平，呢餐都食左6舊幾水🤑但叫做多樣地道粵式風味可揀😁😁

東涌的而且確不是一個方便就腳的地方，今日兔子同朋友們入到東涌，當然要盡興而回啦！行到晚上當然要食埋飯先走。戲院附近就係六小館，新裝修環境舒適，梳化大大張坐得非常舒服。行左大半日大家都餓了！先送上的桂花烏龍茶為大家解解渴，大家好快手就決定好今晚食咩好。前菜分別是黃金雞髀菇，炸得香脆的外殼，沾滿了濃濃的鹹蛋黃，咬開的香菇依然充滿濕度，外脆內軟，充滿鹹香。再來的是椒鹽粟米，用上避風塘炒蟹的方法來造成的粟米，成功將粟米變成另一款餸菜，香香脆脆又帶點辣勁，非常惹味！肉食點了鮮果咕嚕肉，鮮果用上常見到的菠蘿之外，仲用上了當造的蜜瓜和荔枝，令味道豐富不少，咕嚕肉香香甜甜，很開胃。蔬菜點了梅菜蒸菜心，呢一道係兔子一向好喜歡食嘅菜，梅菜嘅味道和菜心混在一起，清清地，不用加上任何調味料已經非常好味。主食點少食飽肚嘅黑毛豬楊州炒飯，楊州炒飯粒粒分明，而且充滿鑊氣，配料有黑毛豬和鮮蝦，份量慷慨，三個人也吃得飽飽了！當然，吃甜品是另一個胃！最後還加上了朱古力芭菲和這個賣樣充滿本土情懷的甜品小盤！珍珠奶茶奶凍香滑，奶油多細細粒一口一個剛剛好。不得不提六小館的服務態度一流，不停為我們加茶，又會主動更換碗碟，上菜快，

overall nice environment, delicate dim sum, friendly servers and nice seating. will come again.

東涌對於一般人而言，真係比較遠，但正因為呢個原因，附近居民除了上下班，相信都會留係東涌消費。早前東薈城大裝身，好多新食肆進駐，六小館係其中之一。餐廳位處新翼6樓，座位間闊落，而且設有廂房。而室內設計帶復古風，有不少昔日用品擺設。新餐廳果然有新攪作，就連飲品都別出心裁。你想點汁（$48）自選2款水果；另加一款水果，每款$10西瓜、紅火龍果、藍莓、蜜瓜、提子、香蕉、青檸、奇異果、啤梨及熱情果。餐廳選用椰青水，當客人點好水果，就會在客人面前加入椰青水打碎，份量啱啱好一杯，健康又有創意。鮮腐竹牛展（$68） 賣相幾好，牛展亦有嚼口，但味道稍淡。鵝肝金錢雞（$88）可說是改良版，外層是薄薄的一層叉燒，內裡是鵝肝，但份量較少，整件金錢雞都只1不過手指粗幼，一兩口便消滅了，但口感整好，外有嚼勁而內裡軟綿，充滿了蜜味，正。螺頭燉雞湯（$98）湯色清澈，但入口醇香，看得出花了時間清燉，在家很少機會喝燉湯，遇上了很少錯過。龍湖酸菜班片（$248）辣度興酸度的平衡處理得相當好，班片啖啖肉，蘸上辣汁好惹味，置底的萵筍可以煮耐少少，薯粉建議選用幼身貨，太厚了，咬起來有韌。六小館齋煲（$118）有銀杏、腐竹、

 東涌東薈城二期開幕了更多餐廳進駐上星期有時間就過去行街食飯除左OUTLET而家有更多美食了六小館 粵式中餐廳 精緻點心值得一提,其中一個要推薦甜品  絲襪奶凍,濃郁如喝奶茶,奶凍質感幼滑 花雕瓦罉豉油雞以醬油浸熟,未食已經聞到陣陣香氣散發非常嫩而入味上菜前再加上花雕,吃起來多一份酒香雞肉好滑仍然好多肉汁,精品級豉油雞 法國甘筍燴牛肋肉用自家製既燒汁炆煮多個小時配上爽口既甘筍牛肋肉,肉味濃郁,肉質細緻,已經炆至非常軟身柔韌且扎實,牛肉也不膩口酥條用作點醬汁吃,細味濃郁牛肋肉醬汁古法焗魚腸 現今世代,一切以快為上古法已經慢慢被世代抹去從前魚腸是下欄貨,洗剪切醃沖水簡而言之就係花時間考功夫處理好再放上蛋漿與配料焗香先花功夫,再考火侯,才能完成的金黃焗魚腸 波兒蝦餃小巧可愛既金魚外形,眼睛係黑芝麻好看又好味道蝦肉爽甜,餃皮薄身

新商場開幕，人來人往，間間餐廳都好多人排隊。閑閑哋等4、50張枱。留咗位等通知，好彩六小館最快有位，唯有去試一試。菜式都係以精品為主，細細碟，性價比還算可以，上菜速度都OK，侍應服務好好。餐具幾精緻，幾靚前菜嚟一個爽脆魚皮，夾雜着啲酸菜青瓜都幾夾、幾開胃。呢個燒腩仔真係正，香脆香口，半肥瘦，停唔到口。呢個有啲屈機，無乜肉食，尚算香口嘅...不過啲蝦片就唔係好夠脆。呢個炒飯真係一絕，我好少可咁樣盛讚！粒粒分明，唔油，乾身黑杞子浸時蔬，幾特別，試咗粒黑杞子，有少少酸酸哋。