六十六十火鍋 (已結業)

今晚同男友食呢間喺長沙灣嘅粥底海鮮火鍋，提提大家要預先bk定位，冇得walk in 嫁！餐廳嘅坐位都算寬鬆，坐得ok。講下啲食物，以二百蚊呢個價錢嚟講算係唔錯，海鮮都算新鮮，其他配料例如肥牛、豬肉肉質都ok，唔係普通打邊爐食間嗰啲。最後店員會幫我地煲番個粥，加上一啲香菜配料，幾好食味道鮮甜😋👍🏻我地冇嗌野飲，但成餐食完都唔會好口渴，證明冇乜味精❤️兩人份量食得都幾飽，好滿足！唯一美中不足嘅就係，店員服務態度麻麻，亦會有漏單情況。

近來入秋，跟好友們均是火鍋控，最近已連食幾餐火鍋仍未能減退對火鍋的慾望，友人說有間在長沙灣食粥底火鍋及椰子雞鍋的店想試試，於是我們火鍋團隊又出動了。 醬油碟的配料 椰子雞鍋，滾起湯再落雞焗一陣。雞肉都幾嫩，湯頭清甜，椰子味同雞香味，清清地，如果咸番少少仲好啲。不過而家就飲得出冇落味精。 以下為4人份： 蟹都幾大隻，算多肉 落埋多落湯順便滾個蟹湯 蠔仔勁多，質量就正常 貝類都勁多，食極都有，幾鮮甜 魚，鮑魚，蚌 魚好滑，肉好嫩。 鮑魚本身仲郁郁下，所以一定新鮮，都唔細隻。 蚌都好大粒，鮮甜 肥牛係正常牛肉，肉味重 蜂巢豆腐 都幾多件，吸晒湯汁，口感好似海棉咁好得意

好耐無食過粥底火鍋啦其實只係食人生第2次咋！🤤呢間火鍋店除左粥底火鍋 仲有椰子雞湯底 蕃茄湯底果啲的長沙灣地鐵站大約行5分鐘就到了❤首先食海鮮 再加入粟米 南瓜等材料之後再食自己揀既6種火鍋料👍🏻我地揀左花膠仔 牛肉 響鈴 烏冬同菜類我想講既係..海鮮超級新鮮無論係蟹 海蝦 帶子 鮑魚 蠔蝦同鮑魚仲係活架！非常鮮甜呀食個鮮味都夠了💙慢慢食已經好飽牛肉量唔多 但質素ok響鈴吸左湯再食就最正😋去到最後既粥底..加入葱 脆脆等調味非常好食啊💜真係CP值高！

非常好味既粥底火鍋啊❤️❤️自己就唔係成日食粥底火鍋因為好怕海鮮唔新鮮呢間朋友介紹話正 好！ 就去試下先.估唔到除左好出名既x心仲有好味粥底火鍋！.首先食海鮮先有鮑魚 蟹 海蝦(仲跳緊) 帆立貝 帶子 蠔 等等好豐富啊 全部海鮮都好鮮尤其係蟹 啲膏又多... 個湯煮完之後好有磅蟹味呀！之後既6款自選配料我地特地揀左響聆落湯5-10秒吸曬湯既精華 正！怕太多肉所以我地只係揀左一盤肉唔係好多 但都算好食其他就揀左菜類.最後壓扁南瓜同芋頭 再加粥底完全係成餐既精華 非常好食既粥！大家一定要留肚食到最後呀！

見到開始入秋涼涼地，約左朋友兩個人收工去打下邊爐happy下🍲😋見呢間野收2am咁夜，就算ot都唔怕🤦🏼‍♀️所以就黎左了🤣·我地揀左呢個餐👇🏻蕃茄濃湯底·脆米泡飯套餐每位HKD200包含8款自選海鮮同埋六款配料·餐牌介紹係先係海鮮、再食配料，最後個湯底先落脆米做個泡飯😋好新奇，我同朋友都係第一次試☺️🍻·湯底好多蕃茄同埋大大舊薯仔！我本身係蕃茄控既🍅🍅所以你問我我一定係話正！😅·海鮮我地揀左🦀🐚🐚🐚肉蟹、鮑魚、扇貝、蠔、帶子、金貝（？），另外有兩款係指定貝類·其實$200一位仲有八款海款咁多，呢個價錢我地本身唔預佢好高質架，但真係好驚喜！雖然唔係咩頂級靚野，但係佢地食材每一樣都好新鮮，絕對唔係急凍貨！枱上仲有一隻雞雞做計時路，方便客人淥海鮮睇時間🐥·重點‼️肉蟹被砍成一開二！但係上枱頭兩分鐘就郁緊架😈好新鮮呀！😍😍兩分鐘後唔郁係因為我已經放左佢落鍋啦😈·貝類同埋鮑魚都洗得好乾淨，連我平時唔太中意食既蠔，都係新鮮既！其實海鮮最重要都係新鮮、乾淨，就點都係好食架啦！·我同朋友都無乜點加調味料，就咁淥熟左、食到每一樣既鮮味！好滿足😋👍🏻·配料🐮🐷🐟🐟☘️美國肥牛、西班牙梅頭肉、魚皮餃、炸魚皮、牛丸

《六十六十火鍋》 #食在長沙灣📍長沙灣青山道156-162號永基商業大廈地下A舖——————————————————湯底有三款，我地揀左，🔹番茄濃湯底 脆米泡飯 $200/每位，仲有粥底同椰子雞揀架。之後就揀海鮮8款 🔹肉蟹、鮑魚、扇貝、貝類2款、蠔、金貝、帶子。再揀6款配料🔹西班牙梅頭肉、美國肥牛、牛丸、魚皮餃、炸魚皮、唐生菜。我地再加左個🔹椰青$30 好鮮甜值得加！——————————————————1️⃣先食海鮮、貝類等2️⃣再食肉類、丸類及其他3️⃣食哂就撈返起鍋入面嘅食物4️⃣加白飯、煮滾再灑上脆米5️⃣番茄濃湯脆米泡飯🆗——————————————————呢間性價比好高 咁多野食每人$200 係不設加一架！！好過食任食放題 起碼食物質素高好多 又有海鮮🍴8/10

去咗長沙灣打邊爐，網上啲人話好底食，鐘意打邊爐既我即刻要試下。有三款鍋選擇，價錢都好平，二百幾蚊一位，唔駛加一。之後可以揀八款海鮮，六款配料。因為鐘意食椰子雞，所以叫咗嚟試下。跟住揀咗蟹，蝦，鮑魚，扇貝，蠔，魷，貝。•有五款豉油配料揀，揀完店員幫你倒豉油。不過，可能店員太忙，唔記得幫我地倒。嚟咗個椰子雞，好香椰子味，入面除咗椰子肉，仲有我最愛既竹笙同馬蹄，等水滾之後就落文昌雞。好香既椰子味，個湯都好清甜，竹笙入晒椰子味，夠晒爽甜。之後上既海鮮都非常新鮮，蜆仲識伸脷，鮑魚仲識郁，啲蝦仲會跳。啲配料選擇唔係好夠多，不過食埋啲雞同海鮮都已經好夠飽。•整體食物質素都唔錯，不過服務可以好啲，要自己倒水。整體餐廳環境都幾好。 下次會想試下其餘兩個煲！3/5【六十六十火鍋】九龍長沙灣青山道156-162號永基商業大廈地下A舖

一向鍾意打邊爐嘅我，近日同同事傾開計，話呢間火鍋店二百零蚊有好多海鮮食，咁又點可以唔黎試下?餐廳位於青山道，由地鐵站行過黎只係需要幾分鐘，相當方便。餐廳分三個時段入座，由於要等朋友放工，就揀咗八點半至十一點，我地八點三去到，門口已經有好多人等緊入座，好彩我地有訂位。火鍋有三款湯底選擇，再自選八款海鮮及六款配料，鍾意食乜就揀乜。由於我地都喜歡蕃茄湯，當然二話不說就揀呢個蕃茄濃湯底脆米泡飯套餐，湯底有大量蕃茄及薯仔，相當足料。海鮮我地揀咗海蜆、肉蟹、鮑魚、扇貝、蠔、鮮魷及貴妃蚌，海蜆鮮甜無沙，肉蟹夠厚肉，亦有唔少膏，蠔雖然唔係好大隻，但味道鮮甜唔腥，鮮魷肉質爽口彈牙，淥一淥就食得，每一樣都好新鮮。另外六款配料揀咗西班牙梅頭肉，豬肉丸，雞件，粟米，響鈴及烏冬，西班牙梅頭肉肉味濃郁，切得夠薄淥一陣就食得。雞件夠滑，粟米都香甜，但因為需要較長時間淥，建議餐廳可以早少少上。響鈴即叫即炸，浸滿湯後食非常好味。食晒所有配料後，店員原本準備上脆米泡飯，但係我地已經太飽食唔落了。埋單每人二百蚊，有海鮮有肉有菜，真係非常抵食。

夜晚去到勁多人,入到去係full哂枱,椰子雞窩好重椰子味,仲有好多竹生係入面,當個煲滾左之後,竹生係充滿左成個煲既味道。煮其他野食之前首先要飲湯,啖啖椰子雞湯味!可惜雞俾我地煮得熟過頭。。。食完個竹生就開始食主菜,首先係海鮮set,有鮑魚,多寶魚,蚌,黎到隻飽魚係仲識郁,如果唔知煮幾耐可以睇枱側面既提示蟹好多膏,個樣好新鮮。蝦肉大隻又爽脆,煮3分鐘好上碟。蜆肉一般size,洗得好乾淨,食個時一d沙都冇!蠔仔超新鮮,啖啖蠔味,不過食左幾粒都開始有d滯。雖然肥牛既肉多過脂肪,但食落一d都唔硬。

用得「一個價錢食到飽」就真係要「食得飽」，份量小到連女仔都食唔飽就唔好用呢句slogan！😖係就係8款海鮮，不過蟹仔細細冇肉食、蠔仔唔豪似蠔豉、蚌仔3隻唔夠分，食完頭Round都係肚空空！😫係就係6款配料，不過肥牛4片簿如紙、毛豬4片冇勝有、花膠筒仔如碎上，食完二輪未滿足，唯有寄望鍋粥仔！😩圈左唔要芫荽蔥，點知阿姐照樣上，重申一次走荽蔥，唔理三七二十一，阿姐淘手撥落粥，阿姐金手執枱又執骨，見到即刻冇胃口，唯有唔食做大嘥鬼，即時俾錢走夾唔唞......😤新舖開張，成鍋粥冇食收錢老闆問都唔問，侍應見到冇湯冇紙巾冇理冇利醒目，機械式上菜理得你咁多，呼喝式點你做乜要受氣😡咁嘅質素、咁嘅品質、咁嘅服務，咁就冇下次囉！每人$215，可以有更好選擇！😔

文昌雞湯底套餐$248有街坊朋友介紹話附近區有椰子雞煲食，因為係海南食過一次非常好味道。唔想「往食只能回味」。立刻打左去book位。準時到，但未入得住。望入食店內光猛企理，排位正常合理唔會話座得迫又唔舒服。座低左睇菜單有三種鍋底可以揀。1. 有粥底 2. 椰子文昌雞湯底 3. 蕃茄濃湯脆米泡飯聽店員講三款都各有捧場客，銷路平均咁話喎，不過我其實早已心有所屬啦。落左Order大約等五分鐘，雞煲就到，店員教路宜家開火到湯滾後落雞熄火。關上蓋用浸既方法7分鐘就可以食。咁樣浸雞可以令到雞肉唔容易鞋，鮮味亦得以保全。其實之前等湯滾起果陣已經聞到好清香既椰子味，宜家落埋雞再開蓋，味道更香。椰子同雞既配搭其實相當Match，湯底有椰子肉，有馬蹄，有竹笙吸左雞湯既清甜本人好喜歡。雞肉食落幾彈牙，因為出名係皮薄肉白，脂肪較小。怕肥既都可以食多兩件。最重要係店會提供埋兩粒桔仔比你落去豉油到蘸黎食，仲好味D架。兩人大概有半隻雞既分量都ok啦。因為後面仲黎緊有八款海鮮同六款火窩配料，一定會食得夠飽。海鮮我地分別揀左1. 大肉蟹x1 2. 扇貝x2 3. 鮑魚x2 4. 海蝦 x4 5. 沙白(大

評價推得太高，令我有點失望。餐廳一定要訂位，不然一定無可能walk in吃火鍋。海鮮任選8款，配料都可選6款。「文昌椰子雞湯」點了一個椰子雞煲，在大陸吃過椰子雞，好好味，可惜這個椰子煲實在質素差太遠。首先椰子味是零，毫無椰香，雖有椰肉，但好懷疑有否有椰汁在內。雞好大雪藏味，雞不夠肥美。敗筆。幸好海鮮好新鮮，但份量以人數而定。所以2人只有2件。有扇貝、魚、鮑魚等海鮮。鮑魚、海蝦尤其新鮮，加入椰子雞煲後稍為清甜點。蜆都好不錯另可選其實配料6款，牛肉只有4薄片，根本好難吃得飽！手打墨丸尚算夠彈牙。其他配料這沒什麼特別。兩人埋單$500有點不划算，因為根本吃不飽評價被推得太高，有點失望

聽朋友講長沙灣有間火鍋店成日爆滿😮😮一直都好想去試下！前日終於試左了呢間火鍋店都幾特別，有3個湯底揀左先，之後再揀海鮮同火鍋配料😌我地揀左椰子雞湯底，個湯底都幾清甜！湯底仲有竹笙！幾足料㗎！海鮮揀左肉蟹，鮑魚，聖子，蠔，海蝦同鮮魷肉蟹都幾多肉👍👍蜆都幾大碟㗎，粒粒都開口蠔呢，唔好睇佢細細粒，都幾肥美😍鮑魚同聖子好鮮甜呀😍魷魚夠爽口！其他配料揀左午丸，肥牛，西班牙梅頭肉，雞，魚皮同響鈴😀牛丸幾爽口㗎！好味牛肉無雪味，幾重牛味梅頭肉幾淋！雞件都幾大份魚皮炸到好鬆脆下次想試埋粥底火鍋🙈🙈

平時搭巴士經過，經常見到呢間火鍋好多人排隊好奇上網search下見到佢原來食粥底火鍋/椰子雞鍋，一個價錢包左8種海鮮+6款配料，好似可以一試。一定要打去book左位先，佢分幾個時段食，我地4人食8:30果轉，未到8:30已經有好多人喺門口等入去，原來平時搭車正正就係睇到呢堆人潮🤔就係用呢張紙剔你食咩了，我地揀左$248椰子文昌雞（不是粥底）湯底黎啦清甜嘅湯底，仲有椰子肉、竹笙，雞肉跟足佢方法滾起再焗，果然嫩滑牆上貼左各種海鮮要滾幾耐，跟左佢個時間又真係岩岩好貝類（花甲/沙白）份量好多，仲係新鮮撈上黎⋯久唔久仲見到佢地喺到噴水😓俾佢嚇一嚇好鮮美嘅味道蝦上台時係得碟蝦要用蓋蓋住，因為佢太新鮮仲生歐歐，係咁想跳出黎😨除左呢part驚佢陣出黎之外，食落真係好鮮甜好彈牙蚌，鮑魚，魚蚌好大隻，鮮甜彈牙鮑魚仲活生生郁郁下，跟足佢滾5-6分鐘食就岩岩好，彈牙又啖啖肉因為朋友好鍾意食魚，所以揀埋活魚，活魚出奇地好味好嫩口好鮮味肉蟹勁大隻蟹蟹肉都幾多，好鮮味配料：牛肉（4人份）每人有兩片，唔算脂肪比例多，但勝在入口有牛香味。唔夠肉食嘅人就要叫多啲肉嘅配料啦🤗花膠仔，都唔細喎啖啖骨膠原，好味

已經連續2日同老婆打邊爐，尋日同佢食完泰式邊爐，佢非常之回味，所以今日再同佢食多次，搵左一間椰子邊爐打🤤🤤🤤套餐有2個價錢，都係$200蚊起，最貴都係椰子文昌雞$248蚊所有套餐都係包 8款自選生猛海鮮同6款自主火鍋配料😍😍😍餐廳非常之細心，每人枱都放左1個計時器同埋食法，有教你d海鮮煮既時間，咁就唔會太生或太老👍🏾👍🏾👍🏾湯底係海南椰子湯底，味道好清甜，一d味精都無👍🏾👍🏾👍🏾👍🏾👍🏾雞既份量好大碟，一定夠哂2個人食🤤，而且雞肉好嫩滑☺️所有海鮮都好新鮮、而我特別推介肉蟹、鮑魚 同貝類，無諗過肉蟹係原隻上😱而且好多蟹膏，食落淡啖啖都係肉，鮑魚都有湯匙咁大隻，而且好爽口🤤🤤🤤，蜆肉份量都好多好大粒😍😍梅頭肉同肥牛都成手掌咁大片，雖然薄切，但食落好有口感同牛味而嚮鈴係新鮮炸起的，一d 油益味都無，而且好香脆👍🏾👍🏾👍🏾👍🏾👍🏾蜂巢豆腐吸左椰子湯之後，咬落去成舊豆腐都充滿椰香味，盡吸湯底既精華😍😍食完呢餐真係好滿足，又平，食物質素又高，服務態度又好好👍🏾 真心推介⭐️⭐️⭐️⭐️⭐️