六十六十火鍋 (已結業)

夜晚去到勁多人,入到去係full哂枱,椰子雞窩好重椰子味,仲有好多竹生係入面,當個煲滾左之後,竹生係充滿左成個煲既味道。煮其他野食之前首先要飲湯,啖啖椰子雞湯味!可惜雞俾我地煮得熟過頭。。。食完個竹生就開始食主菜,首先係海鮮set,有鮑魚,多寶魚,蚌,黎到隻飽魚係仲識郁,如果唔知煮幾耐可以睇枱側面既提示蟹好多膏,個樣好新鮮。蝦肉大隻又爽脆,煮3分鐘好上碟。蜆肉一般size,洗得好乾淨,食個時一d沙都冇!蠔仔超新鮮,啖啖蠔味,不過食左幾粒都開始有d滯。雖然肥牛既肉多過脂肪,但食落一d都唔硬。