六十六十火鍋 (已結業)

朋友生日選擇左呢間，本身大家都好鐘意打邊爐Book左8:30果場，到門口已經逼滿人...我地4個人揀左蕃茄濃湯脆米泡飯套餐，（8款海鮮加6款配料）另外每人一個椰青..海鮮方便揀左：鮑魚，蟹，蝦，魷魚，2款蜆，蠔同帶子配料：雞，牛肉，響鈴，豬肉丸，生菜，蜂巢豆腐份量好多，特別係蠔，以為得幾粒，最後係一大碟！而且海鮮好生猛，好鮮甜，D蝦仲識跳..我地4個女仔最後連泡飯都無要，吃完海鮮同配料已經飽到上心口，遺憾無留肚比泡飯啦⋯⋯

未夠 8:30 的入座時間，門口已經爆多人，睇黎真係好抵食，先可以吸引到咁嘅人流！好彩我哋有訂位。可選 8 款海鮮 ＋ 6 款配料，湯底三選一，價錢只係 $200 - $248 一位 ja！我們選了番茄濃湯底脆米泡飯套餐，湯底連火鍋配料＋海鮮只係每位 $200，仲不設加一收費添，真係好平下喎！先來的是肉蟹和蜆，蟹劏得非常乾淨，放入湯底仲識得郁，證明真係好新鮮！蟹肉結實味濃，食到我地舔舔脷。兩種蜆都乾淨無沙，蜆亦令湯底增加了很多的鮮味。雖然細粒，但份量超多，每人都食到十幾粒。之後來的是鮮魷和蠔，鮮魷彈牙爽甜，蠔烚熟後變得極為飽滿，粒粒爆汁之餘，蠔味仲好濃郁。再來的是海蝦，上菜的時候要用蓋吸實，防止啲蝦跳出黎！真係超生猛，不時聽到牠們在碗內掙扎的聲音。烚的時候也要用鉗夾實，避免蝦在鍋內反彈做成危險。蝦肉結實甜美可口，新鮮得無話可說！平常的火鍋店收取數十元一隻的扇貝和鮑魚，這裡也可以選啊，而且每位每款有兩隻，質素仲要唔錯添，扇貝同鮑魚都一樣係肉厚甜美，真係抵到爛。店員見我們吃完海鮮，就會自動自覺上埋其他配料。先來的西班牙梅頭肉，肥脂花紋好靚，肉味香濃之餘，仲一啲都唔鞋，正！美國肥牛也是很漂亮

我地選擇了8:30 的入座時段，未到8:30餐廳門口已經有很多人在等候！入座後發現全場爆滿，大家有興趣試，記得預先訂位！可自選 8 款生猛海鮮 ＋ 6 款火鍋配料，湯底三選一，價錢$200 - $248 一位，沒有加一，兩位起計！我地選了番茄濃湯底脆米泡飯套餐，每位 $200，好抵食！肉蟹蟹放入湯底之前仲識得郁，非常新鮮！餐廳將蟹清洗得乾淨，沒有沙！蟹肉結實鮮味，正呀！蜆（兩種）兩種蜆都乾淨無沙，蜆肉鮮甜美味，份量亦多！ 鮮魷鮮魷爽口彈牙，不錯！蠔蠔飽滿濃郁，非常新鮮，完全沒有腥味！海蝦上菜時，要用蓋蓋住，防止蝦跳出，真的非常生猛！而且不停聽到蝦在碗內跳動的聲音！大家要注意⚠️ 將蝦放入火鍋中，要用鉗夾實，避免蝦將湯底反彈出來，做成危險！蝦肉結實，新鮮甜美！扇貝和鮑魚扇貝同鮑魚都好大隻，而且肉厚鮮味！西班牙梅頭肉脂肪分佈平均，肉味香濃，不錯！美國肥牛賣相不錯，肉質嫩滑！萵筍清甜爽口，打邊爐的良伴！炸魚皮香脆可口，個人喜歡將炸魚皮的一半落入湯底幾秒就食！魚皮餃迷你版的魚皮餃，略嫌皮身過厚。花膠大大塊，充滿骨膠原！ 泡飯打完邊爐，店員將白飯加入湯底，白飯完全吸收了湯底的海鮮精華和蕃茄濃湯！之

最近公司附近新開一家火鍋店，名字好得意：六十六十，從牌匾里的五顏六色食材和用黑色做底突出地介紹各種特色火鍋可以看到貴店的老闆一定是個十分有創意之人。我和朋友看完介紹帶着興奮的好奇心進入鋪內。店內面積不大，但非常整齊，舒服！而且貴店的老闆用8張圖分別道出火鍋的美味及傳統，我想這老闆不是食家也一定是畫家！店裡的火鍋品種不多，但最吸引的是有8款海鮮，6款其他！我們選擇了椰子雞湯火鍋；海鮮有：蟹、聖子，魷魚、蜆（2種不同）、帶子、鮑魚、蠔，其他蔬菜，花膠、蜜糖豆腐等！每款海鮮蒸幾耐都有說明，所以海鮮是非常鮮，非常鮮甜；花膠好大片，其他份量也不少，可見老闆一點都不吝嗇，非常值得贊！

今晚朋友介紹試下呢間海鮮火鍋套餐，一個價錢，包新鮮海鮮+火鍋配料。Book枱book左第二輪，未到8:30pm已經好多人係門口等，冇訂位冇得食！安排入座後見到可以揀椰子雞湯底，好似幾好，就揀左啦海鮮都有得俾我地揀！先黎半隻雞+椰子湯底，店員教水滾落雞，再等水滾，熄火焗7分鐘，就食得咁既做法令雞好嫩滑，湯底重椰子味，好食！食完雞d海鮮陸續黎，有肉蟹、扇貝、鮑魚、白蜆、鮮魷、馬刀貝同蠔海鮮款款都好新鮮，鮑魚幾大隻、肉蟹肉多火鍋配料揀左花膠仔，幾厚身肥牛片質量不錯，有4片響鈴特登最後先食，可以吸晒海鮮既精華，幾好食

今日中秋過後天氣涼涼地，最適合打邊爐啦相約男朋友到這間位於長沙環這間六十六十粥底火鍋！好多客人來幫襯，地方都幾大好寬，坐位枱子都幾多（2、4、6人枱），有一個獨立房間（8-10人）！電爐好有火力（在枱邊可增減溫度）、乾淨又舒服的地方及潔淨的餐具，坐位梳化軟熟，服務生好友善又有禮、主動清空碟及枱上棄盆、老闆好好客又笑容可掬，好親切教客人煮不同海鮮的時間；每張枱都有雞雞計時器，讓客人可以準確計算煮食時間服務生先給予不同配料讓客人自製醬汁自選8款海鮮（花甲/白沙）、沙魚、肉蟹、海蝦、扇貝、貴妃蚌、流浮山蠔（花甲/白沙）煮開就得，好清甜好美味，無沙又彈牙！沙魚：唔厚好快熟，好滑的好甜的魚肉，我最愛食魚！不過就小心魚中細骨肉蟹：蟹膏好香好滑，肉蟹好肥美肉滑，蟹鉗啖啖肉（枱上有開殻的工具，好細心的安排）我男朋友全晚最愛的海鮮還有流浮山蠔（肥美、蠔味濃）；蓋著的是新鮮生猛活蝦：好活潑、不斷想跳出來，好大隻！活蝦好鮮甜，肉彈牙美味，彎曲了就可以食得貴妃蚌：好大隻、好鮮甜又口感十足！又是一開殻就可以食6款自選火鍋配料（有豬有牛有菇有菜選擇）我選了炸魚皮、滑雞件、鮮淮山、蜂巢豆腐、娃娃菜、烏冬炸魚片好香脆

朋友去完旅行買左手信嗌我上門自取+食個飯, 佢話屋企附近有間小店食海鮮打邊爐好旺場, 有好野食我實冇意見架訂左檯8點半入座, 果然全場爆滿, 侍應安排入座後逐台介紹食法簡單講就係自選1款湯底+海鮮8款+配料6款, 飲品另計, 我地揀左椰子文昌雞湯底, 半隻雞望落多肉新鮮, 湯底好香椰子味為免大家唔識整, 店家細心放左個食法係檯溫馨提示大家, 可以跟住做起筷, 文昌雞冇令人失望, 好香雞味, 啖湯亦出色(嫌太多油既朋友可以隔隔佢先飲), 切條椰子好林可以食主角海鮮登場, 我地揀左肉蟹, 鮑魚, 扇貝, 指定貝類2款, 蠔, 鮮魷 & 貴妃蚌, 每樣都有水準 食得出唔食死左既海鮮 (鮑魚同貝上檯仲識郁架), 蠔就肥美但微腥, 唔腥得既朋友慎選配料揀左美國肥牛, 娃娃菜, 花膠仔, 鮮淮山, 響鈴, 鴨紅, 每款配料份量適中, 清哂都唔會過飽頂住個肚好辛苦以呢個價錢食到有質素又多選擇既邊爐, 值得一讚

深水埗美食多不勝數， 想食嘢都有啲選擇困難症，行過見到一間店舖個名叫"六十六十"係海鮮火鍋，於是入去幫襯。店內裝修得有懷舊風味，坐位算整齊，啲餐具用搪瓷餐碟，後生一輩未必認識啊！再看餐牌有粥底套餐$200，文昌雞湯底$248，番茄濃湯底脆米泡飯套餐$200等三款。最後選咗泡飯火鍋。先上番茄薯仔濃湯底，自選六款海鮮另再選六款配料。二人份量嘅肉蟹估計12兩重，大大份扇貝，左口魚半條，生蠔，鮮魷，貴妃蚌等，其餘配料選咗肥牛，鮮淮山，萵筍，炸芋頭，娃娃菜等，全套海鮮陸續上枱，店主好有心思，喺餐牌印有各款海鮮滾熟須知嘅時間，食物唔會過火同唔靭，會吃到鮮味。老公最喜歡食蟹，蟹身有肉兼有膏，并大讚各款海的確夠新鮮。最後待應會將餘下嘅湯加埋啲白飯及脆米落過湯底攪勻便成泡飯，這道泡飯吸收晒海鮮精華，吃落真的滋味無窮。的確有驚喜。咁嘅收費有咁新靚海鮮都算超值 ，又唔收加一。下次再去試其它二款套餐。不過要留意時段 每個時段只享用兩個半鐘。

久不久就會去食粥底火鍋，今次食一餐真係滿意！食材高質，海鮮勁新鮮，全日免+1 ，免醬料費，淨係呢樣已經加分，超級抵食，打邊爐嘅精髓就係配料選擇多～海鮮方面，有：肥美肉蟹、大隻鮮帶子、鮮甜蜆肉、肥牛、豬腩肉我同朋友叫左個番茄濃湯底＋脆米泡飯套餐（8款生猛海鮮＋6款自選火鍋配料）最出色，最滿意一定係食到最後嘅脆米泡飯套餐，忍唔住要先推介。店員會幫手整呢個跑法。用打完火鍋剩低嘅水煮成，加入脆米同豬油渣，味道好鮮甜，每一啖湯飯都吸收左打邊爐嘅嘅濃縮精華。·啲海鮮真係勁新鮮：肉蟹、鮑魚、扇貝、貴紀蚌、鮮蠔、鮮魷、海蝦、肉蜆肉蟹雖然蟹膏唔多，不過肉質非常鮮味有。鮑魚生猛，入口彈牙鮮味，而扇貝貴妃蚌亦非常大件鮮甜，蠔唔算大粒都係正常嘅，始終未到秋天，但啖啖肉又夠晒鮮味。鮮魷肉質好煙韌，滾兩下就食得。蝦怪表示海蝦真係超級生猛又鮮甜。蜆肉份量多，所以抵食呀。其餘嘅配料，好似美國肥牛，響鈴和魚皮都係自家炸，好香脆；魚皮餃同花膠仔都好味喎。總括來講， $200 一位，無加一，用料新鮮，價錢合理。不過要留意時間，用餐時間係2.5小時呢

男朋友早放工，諗住倆口子打下邊爐輕鬆一下～但往往因爲人少，火鍋配料不可以多叫。今次我地決定去以人頭收費的六十六十火鍋去吃海鮮大餐。選好湯底、8款海鮮、6款火鍋配料，數下數下原來食到15款食物（連埋湯底果隻文昌雞），大滿足！店內卡位多，好有私人空間，部分長枱亦可合併，適合不同類似的聚會。（坐我地隔離既係一班一齊賭夜馬既大男人😂一邊打邊爐一邊研究馬術，好像好正！餐具一應俱存，完全唔需要追問侍應拿。咁多款海鮮中，最推薦以下食物：多膏奄仔蟹，小蟹殼比較脆，食起來較容易，蟹膏多而且好新鮮，放在椰汁湯底中烹煮更能提升鮮味！湯底亦同樣鮮埋一份，正！黃油蜆，本身以為都係平時食開果d蜆～點知食果時完全唔同既感覺，蜆肉漲卜卜咁，吸收曬湯底的精華，咬下去時湯汁連鮮味都爆出黎😋😋😋😋😋流浮山生蠔根足職員的指示煮，口感非常滑溜，肉質飽滿。2人份量十足。花膠未煮時偏硬，煮好之後吸曬湯底的精華，是女生必點菜色。青檸仔用黎沾肉食，味道新鮮清香。細心位係店家只是輕輕在檸仔界一刀，擠汁時不會把核擠出來。這個價錢可以食到咁多份量而且咁鮮味的海鮮火鍋，正！下次會帶家人黎試試。

偶發依間火鍋店，一試即刻覺得超級抵食，用材又高質，好想推介下比大家😁我同朋友叫左個番茄濃湯底＋脆米泡飯套餐（8款生猛海鮮＋6款自選火鍋配料）1. 脆米泡飯套餐🍚店員會幫手整，當打完火鍋同剩低嘅水煮，加入脆米同豬油渣，味道好鮮甜，每一口都食到海鮮同蕃茄嘅濃縮精華，強烈建議大家留肚食彤樂評分：9/102.肉蟹🦀而重頭戲就係肉蟹，蟹蓋同蟹肉都有蟹膏，而且肉質非常鮮味有，尤其係蟹鉗👍🏻👍🏻👍🏻彤樂評分：8.5/103. 鮑魚、扇貝、貴紀蚌鮑魚生猛又厚肉，係湯滾左陣，入口依然彈口鮮味；而扇貝亦非常大嚿鮮甜；貴紀蚌同樣大塊爽口😋彤樂評分：8/104. 鮮蠔唔好睇鮮蠔size好似唔大咁，但粒粒都係啖啖肉又夠晒鮮味😍彤樂評分：9/105.鮮魷鮮魷肉質好煙韌，建議燙40秒至白色就食得，點少少豉酒就岩岩好啦彤樂評分：7/106. 海蝦海蝦真係超級生猛，不過大家要小心，快放落湯，我放其中一隻都俾佢抓傷，不過係真心鮮甜😁彤樂評分：8/107. 肉蜆兩款蜆肉都好有肉汁，而且份量超多彤樂評分：7.5/108. 美國肥牛個樣好似牛舌，入口肥美，一啲都唔韌，推介！彤樂評分：9/109. 其他配料響鈴和魚皮都係自家炸，

又有一間用心的小店秋風起，最好就係去打下邊爐，但有時食得多放題，都想食下新野。屋企附近開左間係食海鮮粥底火鍋既餐廳，當然要去試下啦。好彩一早卜左位，吾係就無得食啦本生想試下有雞哦個set，但想有想食蕃茄湯，所以就叫蕃茄湯底set，當然試下個湯底，一d味精都無，吾會好渴一開波就尼左海鮮先，真係好新鮮，特別係蠔、蝦同鮑魚，真係好好味，今次無叫到魚，但見到其他枱叫左，都幾新鮮哦之後，就尼配料，尼到就有個小插曲，負責人見到我地張枱完全停哂手，主動過尼問一問，先知電腦出少左幾枱單，簡直要俾個like 佢講反配料先，一定一定要叫響鈴，一d都吾油，而且好似係自家製，好食；其他都正常啦最後去到尼餐既highlight ，係個泡飯呀，簡直係好食到無得彈呀，完全係畫龍點晶，個湯底完全集結左蕃茄同海鮮既精華哦另外，餐廳既餐具都好有特色，特別懷舊埋單既時候，負責人都再講多次吾好意思，服務好，野食好，禁用心做生意既小店，真係下次一定會左幫襯哦

坦白說食物是可以的，海鮮大部分都新鮮，唯獨佢比我隻蟹完全唔得！話說隻蟹嚟到我見到啲膏係深綠色嘅，已經覺得有問題，再check下見到隔離枱啲蟹膏係正常既黃色，我就問啲員工隻蟹係咪有問題，之後有個較高級嘅同我講：「啲鞋蟹有分公乸，我哋啲蟹係新鮮嘅，保證冇問題」咁我信佢啦攞隻蟹落去煮，煮熟之後一直發現啲膏好苦，成煲火鍋湯底都染污埋！我再同返嗰位職員講，佢成煲攞返入廚房話換過個湯底俾我，之後攞返個新嘅湯底但係隻蟹仲係之前嗰隻，只係幫我地攞走左啲膏！omg, 咁樣處理問題嘅手法完全接受唔到！講真一隻蟹值幾多錢，但係已經得失左個客！唔會再幫襯！

今日去開長沙灣宇宙商場買嘢 ，順便問舖頭老細附近有乜好嘢食佢便推介我哋行前幾間鋪71隔離新開張嘅舖頭食打邊爐， 名叫六十六十火鍋門口玻璃貼門介紹 ，見價錢平款式多，仲要免收加一，咁就入去試吓啦。多款調味配料， 竟然有我最愛嘅生薑😍這裏有三款火鍋海鮮套餐 ，我們選擇了椰子文昌雞湯底套餐$248先放馬蹄，竹笙，椰子肉和文昌雞落椰子水中， 水滾焗七分鐘即可食，先飲些椰子雞湯清香鮮甜！椰子的香味滲入雞肉， 肉質鮮嫩，雞味濃郁， 雞肉需配預先搵伴好的秘製醬油， 裏面有海南青金桔汁沙薑辣椒大大提升雞嘅味道。套餐包括八款海鮮， 碟碟新鮮， 餐牌上列明每一款海鮮製作嘅時間， 有隻可愛公雞計時器幫手， 十分之細心。套餐還包括六款自選火鍋配料，可自由配搭。每款都美味可口。

老友新居入伙 緊係食餐好嘅賀下佢不過我對佢住個區唔係太熟 靠佢啦今餐佢介紹呢間新開火鍋店 好似好抵食咁喎我地㨂左蕃茄濃湯底脆米泡飯套餐 $200 咋重要有海鮮食喎 重想點自選海鮮 我地㨂左蝦 蠔 蟶子 蜆扇貝 蟹 同魷魚 蟶子同扇貝比我想像中大隻喎 好大碟蠔同蜆啊 海鮮控表示滿意啲蝦都幾大隻 而且好新鮮 上枱時重彈下彈下咁新鮮 入口當然係好鮮甜啦自選火鍋料方面當然要㨂牛同豬啦雖然唔係勁靚 不過都唔算差架食到最尾店員會幫我地加飯同邪惡嘅豬油渣 超正