公和荳品廠

营业中

休息中

呢度第一次黎食，宜家先知原來可以坐樓上，一直以為得地鋪，入到去好香豆腐味，見到好多人叫煎豆腐，好吸引，最後因太飽只能食到豆腐花，食落有驚喜，豆味濃，好滑，枱上有糖俾我地任加，好正

永遠的指定路線，食完坤記糕就行幾步到公和門口，依家擴充後連食物種類都多左，其實一間老店已經夠旺，唔搞咁多花臣都大把人，腸粉炒麵都有得食真係出奇，為免太飽都只係一試咖哩魚蛋同蘿蔔就算。咖哩汁底是相同的，而且做得好好，又濃又香，同街邊檔咖哩魚蛋的汁好唔同，出面多數深到啡，呢度依然是偏泥黃，辣度一般。蘿蔔清甜無渣，配起咖哩汁特別香，如果再來會encore蘿蔔加腸粉，淨要咖哩汁豆腐豆卜雙拼，豆卜份量好似少了一點，可能是自已記錯，配上豆瓣醬又或者甜酸醬人人皆愛，豆卜純吃脆口感覺，炸到得返個殼咁，豆腐較為實在，不鬆散。最後再飲啖凍豆漿解一解咖哩的辣味，豆味依然香濃。邊食邊聽他們落單的內容才知道原來還有閣樓座位，從沒發現!

每次人在深水埗的話我都會盡量走去公和食下野。是日去到店面見到連一人都容納不下了，阿姐見狀即叫我出去冷巷，啊~除了幾年去過轉角位那間VIP房外，原來在鋪頭旁邊都放了一條木枱呢。木枱上放有膠枱布，我身前這張是紅玫瑰紅格仔，甚鮮艷。縱使鞋底踩緊劈豆腐渣加成地濕淋淋兼夾樓上冷氣機滴緊水，但我從這塊枱布圖像上仍感到絲毫浪漫FEEL。XD公和的食物向來是我心中所好，熱豆花勁滑，帶著少許豆香，下的糖水量剛好，提提味；凍豆漿順口，不太甜，不黏喉。價錢都是其賣點，兩款食物都是$13而已。

是日只想吃熱荳花。侍應即接order, 即去大瓦缸盛出一碗熱騰騰的荳花，平滑如鏡。吃下味道依舊，有濃厚的黃豆味，口感嫩滑，在舌尖一下就滑進喉嚨。店內還充滿煎豆腐的香味，可惜是日吃素，下次再嘗。可能生意難做，店內還提供其他小食，如燒賣，雞翼等，不過我始終如一，只會忠於荳品。公和旁邊開了一間豆x主義，來貨是大陸貨，各位要認清楚了。

今日開完會蛇落深水步買 d 電腦野，一於順便食個靚豆花~豆花 keep 到個水準，又滑又有豆香，真係好好食。另外叫左個煎釀三寶，三種都好好食，外脆內軟。埋單一人不過 $20，抵食啦~

食咗幾十年，由細食到大。 最近新聞見到佢地俾人恰，加上都好耐冇食就去幫趁吓。 以前只賣豆品，唔知幾時開始多咗腸粉果啲，不過老街坊例牌叫熱豆花加雙拼。之後發覺原來依家有三拼。 地方依舊，一入去一丁友好易有位坐，落單到食物來唔駛點等。所有野即時「北」俾你。 豆花味道依舊，夠滑，有豆香，唔落糖都夠味。普通平價豆做不到。豆腐花其實好簡單，唔駛溝米線都可以好好食。 雙拼來到溫度岩岩好，唔太熱亦唔涷。咁耐以來未見過煎過龍。讚。

買完要買的東西，準備打道回府時，見到前面很多人排隊~ 原來是公和荳品廠呀！很多媽媽們在排隊買豆腐呢~~所以小妹也不吃虧，去看看有什麼好食的~見到有大胃王至愛的釀豆腐 ($18/8)，就買一份回家吧~回到家，豆腐已經水汪汪啦~不過，無損它的美味呀！想不到，成品真的很滑溜，帶有濃濃的黃豆香，加上一小片薄薄的魚肉，很美味呀！真材實料的豆腐，難怪那麼多人排隊呀!!

公和是一間在很有懷舊感的店鋪，很有40-50年代香港的感覺。豆腐花是完整的一大塊，賣相潔白細嫩。碗裡的豆腐花滿滿的，彷彿要溢出碗來的樣子，口感微甜，超滑超好吃，配合桌上供食客便用的黃糖，簡直絕配煎釀豆腐，外面的皮脆脆的，略帶焦色，裡面的豆腐嫩白香滑，雙重享受

星期一的下午，來到深水埗一遊，出左地鐵行左幾步就見到好出名的荳品店，心想一定要試下。雖然是平日，但是依然人頭湧湧。叫了煎釀兩味。豆腐好滑好好食，魚肉有陳皮味，好食。豆卜脆脆地，幾好。仲叫左支豆漿小甜，不過飲落都係好甜，無咩豆味，普通。

鄰店集團式針對性宣傳手法令人側目，作為本地老店die hard粉絲，今天即使不順路，都要撐一撐場。雙拼煎魚腐+豆卜：煎豆卜是我的首選，永遠做得外脆內軟。太座對魚腐不感興趣，二人行通常不點，今天自已一個人，可過過口癮。魚腐當然不及豆卜香脆，微脆中仍覺得嫩滑，想品嚐豆香，不要下太多調味醬汁。而我只要求香口，放了不少豉油及泰式辣醬，比較濃味。如要試純正濃郁豆味，煎豆腐為不二之選，不過快要會合太座共進晚餐，不能多吃，今天主要目的不是為醫肚，點到即止。雖然備受衝擊，但仍舊人流如鰂。

未知是否太耐無飲，從前懷舊的紙杯豆腐，今日已變成膠杯，而且是是已密封的。雖然無選豆漿的味道，豆味香濃，滑溜溜唔會飲到一舊舊豆渣而且可以按個人口味選擇少甜，在一箱冰中取出，夠晒凍。

懷舊有D時候代表好“up耷”，呢度就係一個例子。豆漿溝稀咗，以一間以專賣豆類製品嘅食店嚟講根本係唔合格。豆腐花，滑有豆香，可以一試。煎豆腐味道不錯，有豆味，夠滑，但嗰舊魚肉毫無誠意。豆卜炸得太犀利，上到碟已經不成形，見到都唔想食。魚腐可以不試，比煎豆腐差。燒賣腸粉一般，行貨而已。

公和可以稱得上深水埗區的老字號，我自小就食佢地的豆品大，雖然怕食豆會腳痛，但今次都專程來幫襯，懷舊一下 ，今次叫了豆漿，豆腐花和一個煎豆腐雙拼 煎豆腐超滑 ，黃金豆卜香脆好食豆花滑，有豆味，本身糖水都有少甜，加埋黃糖粉都一流 豆漿我覺得係全店最好，豆味好重，又夠甜，其實店飲唔到呢種味

行到咁上下又有啲餓就黎呢到食。例牌一碗兩碟。豆花要食熱既。滑溜有豆味。𠽌一聲就sir到入個胃到。煎豆腐亦滑。煎左個面較為香口。點啲豉油豆味更濃。炸豆卜熱辣辣。外面脆卜卜。加啲泰式辣醬簡直正呀。

終於放假了，禮拜日了，宜家哩份工作每個禮拜只放一日假，唔出去食好啲都對唔住自己啦😁 上Openrice睇下記錄，就去深水埗啦～去到深水埗，食完正餐，就搵甜品食喇，目標就係哩間老字號【公和荳品廠】了，好耐冇黎過，一行埋去。。。入面好多人啊，阿姐話，上樓上啦，上面有位，樓上？乜有樓上嘅咩（咁多客，早就應該啦），就跟上去啦😜 上到去，一樣好滿wo，不夠運氣唔錯，啱啱有人走，人地一走我就坐低，即刻落單，我要【熱豆腐花】，再望下餐牌，黎多個【煎釀豆仆】啦😏話咁快就有得食喇（阿姐要從下面攞咁多野上黎真辛苦），試下豆腐花先，唔～ 熱熱嘅豆腐花滑滑的感覺良好啊，但點解冇落糖漿嘅？雖然有黃糖可以隨便加，但一羹羹糖咁倒落去，心理壓力好大啊，唔落又完全冇味wo。。。 再食啖豆仆，剛剛好嘅口感唔會太乾，味道偏清淡但感覺啱啱好，老字號就係老字號，哩味野真係唔會令人失望的😚但話講返轉頭，點解我會覺得豆腐花唔落糖就淡而無味嘅呢，冇味？冇豆味？係錯覺嗎？😰