公和荳品廠

营业中

休息中

某日接女朋友放工，佢有野要出旺角做，做完之後我地又唔知食咩好，於是不如話去深水埗到食豆腐花啦，豆腐花就一定食呢間 - 公和荳品廠。呢間野歷史耐，勁出名，我都唔花咁多文字去解釋，只係想講入面環境雖然逼，但係好有人情味，啲阿叔阿伯阿嬸阿婆係到大聲叫野食，有番咁上下年紀既伙計落單雖然有甩漏論論盡盡咁但我都冇介意，因為可以用人情味送飯而家香港有邊間得丫？而佢啲豆腐製品真係一流，熱辣辣既豆腐花每啖入口即溶豆味濃，我可以夠膽講話全香港冇乜邊間豆腐花好食過佢！佢啲炸豆卜同炸豆腐都係一流，點埋辣醬仲fit，而埋單都只係廿幾蚊，又好食又抵，真係爽到爆炸！

每一次去去深水埗都會去公和荳品廠,因為店裹面又平又好食,每次行入去店入面都有一種舊代既風味,雖然無咩好華麗既装修,但店入面任何時間都堆滿左好多人。我叫口左煎釀荳腐,望住門口既阿姐將煎釀荳腐送到枱上,有魚個面煎得好正好香好脆,豆好好滑,有小小豆香味。我覺得荳漿好好飲,唔會太甜又重豆味,$20內可以食到美味既下午茶,香港仲有邊到有?

岩岩食左咁多野又行左陣，感覺有點口乾，所以吃返碗凍豆腐花先首先沒有任何添加的情況下吃一口原味豆腐花，這裡的豆腐花較平時的食開既豆腐花硬身，不知是否雪凍了的關係！但豆腐質感不錯！然後把黃糖攪拌在豆腐花裹，黃糖吊起了豆花，令豆味更濃郁，豆香更出加上黃糖才完美！

今次宵夜唔去吃xx糖水, 而選擇來這裡吃豆腐花, 真是好耐無來過啦~~入到去坐低, 就見到好多人都叫煎豆腐, 只可惜我地頭先吃得太飽, 都係吃豆腐花算啦, 下次先再吃過!咁多年, 呢間的豆腐花依然係咁正, 好有豆香, 又好滑, 只是今次唔係太夠熱, 扣左少少分咁啦.....支持老店!!!

本來覺得豆製食品好食極有限，但今次去試一試公和豆品之後完全改觀。今次叫咗魚腐、豆腐花、豆漿、豆卜及豆腐，每種食品除了濃郁豆味還有街頭小吃的風味。這是傳統還是革新？真是搞不懂，總之就是好味道唯一可以減下分是堂食的環境，現場環境極為擠迫（是太好生意吧！）。

這是我第一次來到這家店.來的時候正好是下午6時左右.地方不算大,所以來到的時候需要等一會,幸好有一抬客人正準備離開,等了2分鐘就有位置.點了一個凍豆腐花, 豆腐雙拼和腸粉一碟.我就先吃了個豆腐花,因為是最先送到來的.豆腐花十分滑,而且甜度適中.絕對值得一試再試.而那個豆腐雙拼雖然只是簡單的食物.但味道也不錯.最後的腸粉就不過不失,如果能有多一些配料的話就更好.

下午見肚仔餓,本想到維記醫一醫肚,但經過公和荳品,而且聽聞此店又平又好食,所以先入內點一些東西吃。荳漿日日新鮮製造,有不同SIZE同不同甜度選擇。店面阿姐在整煎釀荳腐,睇賣相都好想食。我叫了煎釀荳腐荳卜雙拼, 加荳漿。先講荳漿,由細到大都覺得荳漿好好飲,好多時見店有得賣我都會叫返杯飲。公和呢杯荳漿真係我飲過暫時最好飲嘅,荳味夠濃而且甜得黎唔會過火,我非常推介大家一定要試,係必試。另外煎釀荳腐荳卜都好好味,特別是荳卜,同其他店唔同,特別好味。不愧有多年歷史,下次我要再試埋其他先得。

大概6點幾去到 舖面唔少人 環境比較懷舊式 唔見得好乾淨果d😂 但係禁多人都食 接受到既!見到禁多人 我地4個人 有個呀姨話可以行入去後巷格離轉入去果度坐 原來唔知店面既位！ 於是我地坐左喺一張好似麻將台大細既檯！ 有個呀姨招呼我地 態度良好🙆至於重頭戲 豆腐花！ 知道豆腐花熱既比較滑 所以點左熱豆腐花! 真係好滑！ 而且一碗滿既！ 見到店面既呀姨係喺一個類似缸既野畢起d豆腐花！  識食一定加黃糖！檯面冇糖水提供! 照計如果個呀姨事前冇加糖水 就咁畢上黎比客人 入面係冇糖水既！！開頭未加黃糖食左兩啖 得豆味！ 好味呀！

想係深水埗食個豆類既下午茶，一定要嚟呢間----公和荳品廠雖然賣相一般，跟平常食到的豆腐花沒有分別，但勝在有濃厚的黃豆味，口感嫩滑。熱豆腐花 Hkd 8枱上有黃糖任我們加，各人可根據自己口味調味。另外叫左個煎釀三寶，分別是炸魚餅、炸豆卜、煎釀豆腐。煎釀套餐: Hkd 27 / 13件1.炸豆卜。5件2. 炸魚餅。4件3. 煎釀豆腐。4件我尤其喜歡煎釀豆腐，不會太熱氣，機乎每個人都有叫。雖然店面地方狹窄，但都不減再去的意慾，因為它家的豆類製品實在又便宜又美味。三個人，三碗豆腐花，三款小食，根本是人生一大享受！

經女友介紹來到呢間深水埗公和荳品尋找煎豆卜，來到門口一眼就見到煎豆卜，好興奮咁馬上一-入去坐低叫返碟煎豆卜，即叫即來，煎豆！卜食落雖然同以前喺廖同合荳品所食的香脆煎豆卜不同，但呢度的豆卜很香滑，同樣很有豆味，各有特色，只係有少少可惜的是魚肉有小小腥味,可能係未夠熟透的原故，所以再叫煎豆腐的時候我特意提醒要煎熟透魚肉，煎豆腐入口好滑，魚肉熟透就真的無了腥味，只係豆腐欠缺豆味，魚肉很單薄，只得滑很淡口，最後再試埋涷豆漿同涷豆漿，同樣係欠缺黃豆的香味，有點失望，本人都係比較鐘情廖同合荳品的產品。

男朋友一向深知我易養鍾意食啲平民野 例如豆腐於是就帶咗我黎公和下午茶老實講一黎到見到個環境覺得真係麻麻唔係我港女 而係佢比人嘅感覺係好舊樓嘅嗰種污糟不過係深水埗就... 算啦叫咗兩杯大豆漿一人一杯豆味好濃亦都唔會一味得個甜字跟住我因為比較肚餓所以叫咗個煎釀三寶無記錯好似係豆腐豆卜同埋魚肉豆卜好似唔太適合呢種煮法不過豆腐同魚肉就正正正正正加埋佢啲椒鹽粉簡直無得彈男朋友叫咗碗豆腐花我淨係食咗一啖不過都feel到幾滑幾好食順帶一提男朋友落黃糖嘅時候手殘搞到張枱同自己一身都係

來深水埗為公司買新年佈置的東西，剛好在網上有人介紹呢間荳品就黎試下。店面真系堆滿左好多人，装修都系好舊既。飲左凍豆漿，甜味夠，好飲！煎豆腐就2面煎得好正好香，但其實真系無咩味，佢啲醬都淡。豆腐花叫左凍既，但好似都唔夠豆腐主義既豆花滑、、、、、3樣野食到好飽都系$22，已經好抵👍

呢度第一次黎食，宜家先知原來可以坐樓上，一直以為得地鋪，入到去好香豆腐味，見到好多人叫煎豆腐，好吸引，最後因太飽只能食到豆腐花，食落有驚喜，豆味濃，好滑，枱上有糖俾我地任加，好正

永遠的指定路線，食完坤記糕就行幾步到公和門口，依家擴充後連食物種類都多左，其實一間老店已經夠旺，唔搞咁多花臣都大把人，腸粉炒麵都有得食真係出奇，為免太飽都只係一試咖哩魚蛋同蘿蔔就算。咖哩汁底是相同的，而且做得好好，又濃又香，同街邊檔咖哩魚蛋的汁好唔同，出面多數深到啡，呢度依然是偏泥黃，辣度一般。蘿蔔清甜無渣，配起咖哩汁特別香，如果再來會encore蘿蔔加腸粉，淨要咖哩汁豆腐豆卜雙拼，豆卜份量好似少了一點，可能是自已記錯，配上豆瓣醬又或者甜酸醬人人皆愛，豆卜純吃脆口感覺，炸到得返個殼咁，豆腐較為實在，不鬆散。最後再飲啖凍豆漿解一解咖哩的辣味，豆味依然香濃。邊食邊聽他們落單的內容才知道原來還有閣樓座位，從沒發現!

每次人在深水埗的話我都會盡量走去公和食下野。是日去到店面見到連一人都容納不下了，阿姐見狀即叫我出去冷巷，啊~除了幾年去過轉角位那間VIP房外，原來在鋪頭旁邊都放了一條木枱呢。木枱上放有膠枱布，我身前這張是紅玫瑰紅格仔，甚鮮艷。縱使鞋底踩緊劈豆腐渣加成地濕淋淋兼夾樓上冷氣機滴緊水，但我從這塊枱布圖像上仍感到絲毫浪漫FEEL。XD公和的食物向來是我心中所好，熱豆花勁滑，帶著少許豆香，下的糖水量剛好，提提味；凍豆漿順口，不太甜，不黏喉。價錢都是其賣點，兩款食物都是$13而已。