公和荳品廠

营业中

休息中

對於深水埗區，已經漸漸熟悉了，卻一直沒有試過公和的豆腐花，說來也讓人驚訝。　　今天突然想吃豆腐花，便來了這裏。本來想堂食，但是店內人似乎蠻多的，而且環境也不太理想，好像很擠逼，而且還蠻熱的，我便買一碗帶走。　　但午膳時間真的很多人，又因為門口堆滿了東西，切豆腐的桌子與炸豆腐的鍋佔據了門口的地方，而地上有點滑，我不敢跨上去和店員說話，加上炸東西的聲音，不踏進去他們又聽不到，他們看到我都擔心危險，著我在門外等。其實我覺得店家有必要注意一下店舖的格局，因為真是太擠了。　　豆腐花倒是不錯，打開來看，米白的湖形，豆味夠濃夠香，而且稠度適中，加上少許黃糖，微甜，細滑，補鈣，高蛋白質，蠻大碗的，十分飽足。

炎炎夏日，走進深水埗市集，看到「公和荳品」這個懷舊的招牌，就進去吃個凍豆腐花。店舖小小，但甚有特色～舖面以由懷舊的瓷磚所砌，有著舊式香港小食店的感覺門前已貼有價目表，方便客人外賣然而生意應該不錯，下午時前舖已坐滿了，正打算離開時，有位姐姐說小巷內還有冷氣位置，就隨她入內，但環境有點殘舊凍豆腐花 （$8）落單後，很快就從雪櫃裏取出一碗豆腐花，送到桌上，桌上只有黃沙糖，估計糖水已於上桌之前加入, 但甜度不高，入口時不算冰涼，雪得不夠，豆花滑溜程度比想像中低，入口有點嚡，不知是否因雪過所導致，豆味亦不太濃郁，確實有點失望後記:早前曾到過大澳及九龍城吃過豆腐花，香滑程度比這裡高很多呢～

我一去到就覺得好逼，然後上左樓上坐，點知一坐底就見到枱面有蟻，好快啲野食就泥到，首先叫左煎釀豆腐，我覺得好熱氣同好油，然後係個豆腐花我覺得都重黃豆味幾好，豆漿都係不過就有啲甜。下次再黎會拎走，唔會坐底食

我最鍾意就係支持一D開左好多年仍然堅持到味道既食店今次經過深水埗就坐低試下出名既舊式食豆品鋪公和同幾十年前既格局一樣, 一張張長枱, 圓櫈, 地下牆都鋪住細瓷磚出面煎緊炸豆品, 上面就裝住一個又一個既豆製品我叫左豆腐花 好香豆味, 食落去係比較有質感嗰種,  應該食得出茖足料豆卜同煎豆腐, 煎豆腐好滑, 豆卜充滿脆既口感同油份配辣醬同甜醬彷彿搵番兒時既感覺.!

一直好想試依間網上盛讚的小店，響地鐵站附近，好方便。店舖細小，有舊式香港小食店的感覺。我地兩個人點左一份煎釀雙併，一份腸粉，一杯豆漿。第一次食到豆卜係脆卜卜，而且入面唔係空心，好正 魚肉豆腐的豆腐表面煎過，所以外硬內軟。豆漿和腸粉都ok, 不過可能附近有間腸粉店太好味，所以依間在相比之下就較普通。服務方便，店內有幾個嬸嬸，叔叔，仲有個小朋友。個小朋友好醒目，有禮貌。總括而言，想食傳統香港小食，感受舊式小店感覺的人，一定唔好錯過。

其實這間荳品店.斷斷續續幫襯了好多年.自從屋企人幾年前買佢的豆腐回家煮開始..便發現佢石膏味真的好重..當時已對佢的豆腐下了禁制令.但那時坐低食豆腐花及豆卜都仍未覺..到最近太熱,買了碗豆腐花回家..終於發現連豆腐花也落到同一境地...我對豆香都不太奢求,有當然最好..但依間無之餘,,還要有濃濃的石膏味..我諗我咁大個人.食左咁多碗豆腐花..第一次有食左一啖就想倒左佢既感覺....相信以後都唔會再幫襯佢了!!!十分失望!! 

今日落街食晏，本來打算去維記，但要排隊等位；咁熱！唔制！轉個街口，便來到同樣馳名的公和荳品廠，尚有一兩張空枱，一個人坐下去，冇人搭枱，有風扇吹著，舒適地感受這間老店的傳統風味煎釀豆腐頂層有薄薄的鯪魚肉，豆腐外層煎得甘香，內層豆腐幼滑，不易鬆散。豆卜與煎釀豆腐相比，豆卜明顯唔夠熱同唔夠脆，較腍身，相信已炸起了一段時間。魚腐個人認為是三拼之中最好吃的，魚肉跟豆腐混合一起，很入味，鹹淡度適中，不太油膩。上枱時，熱辣辣，豆香味撲鼻，豆腐花夠嫩滑，加了黃糖也不會過甜，口感不俗！豆味足，入口清甜，很有水準，炎炎夏日中，更能消暑解渴！

一間豆品老鋪豆漿,豆腐,豆花都冇豆味...神奇!仲要賣得超貴更加奇!豆漿淡而冇味似飲冇糖奶粉開水豆腐豆味唔夠,同普通街市仔一樣貨色,根本無需專登去食.其它豆制品同大陸貨一樣呢間鋪我十年後再會吧..........

深水埗小吃晚飯, 吃過了腸粉蘿蔔魚蛋, 於是從鴨寮街走到了福榮街。夏日炎炎, 就算是晚上也不覺涼快點, 如豆大般的汗一直滴著。反正肚內還有空位, 而且熱得不懂說話, 倒不如去這家老字號吃個冰凍豆花吧!凍豆花一碗, 索價八蚊。糖水已於上桌之前加入, 不過我們郤可對黃糖用料大加特加, 令其甜香脆口。豆花也算滑溜, 口中清純, 味道甜香解渴。不過, 相較澳門李康記, 還最少有兩點有所不及。一是這豆花欠缺豆香, 少了一種鮮味效果。二是片入碗中的豆花功夫馬虎, 一片片大片而厚, 完全影響口中豆腐質感。除此之外, 點了一碟六件的三料煎, 分別是豆卜, 釀豆腐及魚腐。其中豆卜與魚腐都是炸的, 豆卜中間空虛, 感覺不太實在。魚腐水準則好些, 外層炸得脆, 而內裡軟嫩, 味道可口。而釀豆腐則是煎的, 用上木板豆腐, 口感偏硬, 豆味不足。釀入豆腐的鯪魚肉薄薄, 入口彈性欠奉。整體來說只能用“商業“二字形容, 漸漸脫離街坊的食平D感覺。不過晚上臨近打烊, 檔口將豆卜魚腐大盤大盤的炸好, 然後一盒十蚊的外賣, 也許魚腐也是不錯選擇。

由細食到大 次次去都好多人 要搭枱而且要食得好快凍豆花 滑到你唔信 而且好香豆味 係我食過最好味既豆腐花 本身已有糖水 我冇落黃糖避免影響口感凍豆漿 好香濃 嗰種豆香獨特既味道係無論粥店定自家制豆漿都食唔到 令人滿足

深水埗美食團第四站，本來唸住買完豆漿就走，點知去到俾成鍋煎頭腐吸引住，最後決定坐低食埋先走。叫左個三拼，熱豆花同凍豆漿。三拼係煎釀豆腐，豆卜同魚腐，$13每樣各兩件，幾抵食。個人最鐘意煎釀豆腐，豆腐好滑但有小小酸味，配埋魚肉好好味不過如果多啲魚肉就仲正！豆卜岩岩炸完好脆好香口，朋友好鐘意食炸野覺得好好味。魚腐外層炸到好金黃，外層好薄，肉層係軟綿綿既魚腐，味道唔錯。熱豆腐花好滑，搭配黃糖味道一流凍豆漿豆味很濃，但個人認為有點過甜

食完隔離街既維記行多幾步食埋呢間公和先叫至係去過深水埗識食一定咁食法凍花 凍豆漿 雙拼豆腐花兒唔駛多講 嫩滑!豆漿呢 甜度剛剛好雙拼 煎釀豆腐 夠香滑 煎釀豆卜 真係夠脆卜卜呢排仲有新產品魚腐 魚肉鮮甜 豆腐軟滑呢三寶食完之後完全品嘗到 黃豆既豆味

小弟的食評一向以既親切、又傳神的廣東話來撰寫，今次要改少少風格，用上信面語，因為，難得有台灣朋友來香港遊玩，寫出來的食評總要讓他看得明白吧！ 由於這位朋友已到訪過香港一次，一些標準景點已曾到此一遊，出發前已表示想深度認識香港多一點 ，小弟既在深水埗成長，當盡地主之誼，自不然帶他認識一下這個基層小社區，景點包括：舊唐樓、鴨寮街、市政街市……等等，原來對他確是一些很新奇的事物 。除了一些景點，也順道帶他來吃一些深水埗名物，先在坤記吃九層芝麻糕及紅豆糕，估不到他這個台灣人竟然不大喜歡，真有少少意外 。之後，再去公和，不單因為其豆製品出名，最想讓他看看仍僅存的老鋪模樣 。公和兩個鮮紅店名大字，格仔紙皮石，門外煎過不停的釀豆腐、釀豆卜……，一一都是公和的標記。在這裡，吃的不是服務，是一份情懷及一種不變的味道 。 熱豆腐花 $7 在香港可以吃到富豆香又嫩滑的豆腐花又豈止此家，不過，公和的出品，絕對是信心的保證，剛剛坐在店鋪的最尾位置，背後就是製豆腐的工場，內裡不斷傳出豆香味。說回豆腐花，又白又滑，入口的確柔滑，桌子上一大樽的黃糖可隨意任加，個人覺得小甜是最理想，不會太奪走豆腐本身

去到深水埗，當然唔少得一訪公和一個人，天氣熱叫三寶就夠曬飽無糖豆漿，甜味無左，豆味更香豆卜，豆味比豆腐更重，但而家無煎完再浸一浸上湯，所以油味比以前重，但上面既魚腐一樣正豆花，叫阿姐走糖，自己加豆漿，變豆腐豆花，豆味超重，又滑又軟轉眼間就清曬即使地方唔太乾淨，員工好似無聽但好快咁比到你要既野你呢啲就係由細到大既一份錢一份貨，食物有質素，服務街坊化食豆品，與其比貴貴都無豆味唔香滑，不如等得閒來公和

煎釀豆腐 $7(好食指數:7.5/10)23-1-2014一到店舖已經聞到濃烈的煎豆腐香。豆腐底面各煎至金黃色，頂部放上少許魚肉，咬落香口得黎帶點清淡豆腐香。喜歡重口味者不妨加點辣醬。熱豆腐花 $8(好食指數: 8/10)23-1-2014相信呢間豆腐舖街知巷聞，豆腐花微暖，非常細滑，無渣，一片片豆腐花唔會好散。黃糖自己任加，甜度悉隨尊便。