公和荳品廠

营业中

休息中

永遠的指定路線，食完坤記糕就行幾步到公和門口，依家擴充後連食物種類都多左，其實一間老店已經夠旺，唔搞咁多花臣都大把人，腸粉炒麵都有得食真係出奇，為免太飽都只係一試咖哩魚蛋同蘿蔔就算。咖哩汁底是相同的，而且做得好好，又濃又香，同街邊檔咖哩魚蛋的汁好唔同，出面多數深到啡，呢度依然是偏泥黃，辣度一般。蘿蔔清甜無渣，配起咖哩汁特別香，如果再來會encore蘿蔔加腸粉，淨要咖哩汁豆腐豆卜雙拼，豆卜份量好似少了一點，可能是自已記錯，配上豆瓣醬又或者甜酸醬人人皆愛，豆卜純吃脆口感覺，炸到得返個殼咁，豆腐較為實在，不鬆散。最後再飲啖凍豆漿解一解咖哩的辣味，豆味依然香濃。邊食邊聽他們落單的內容才知道原來還有閣樓座位，從沒發現!