公和荳品廠

营业中

休息中

豆腐花永遠是小妹小吃必選之一。喜歡它的簡單，吞下滑到喉嚨的暢快感覺。公和名氣大，但小妹還是第一次來吃。叫了凍豆腐花一解悶熱的感覺，一碗完整的就送上。大豆味一般，豆腐亦粗了一點，還預先加了些糖水，令不愛叫甜的我有點不滿意。才數塊錢已經合格的了。反而豆腐很好吃～煎釀豆腐很滑豆味香又不鬆散。豆下炸過後很香口，豆味亦在，不錯。笑面永遠都給認真製造的老字號，我是吃這裡時代的代表性。

味道一般，豆味不够浓，豆腐质感说滑不够滑又没有好豆腐应有的粗口感。辣椒酱还可以吧，环境还是以前那样子怀念的。Food are simple!最后，服务真的不好，老字号要有专业的精神。

- 有位就好攝入去- 千其唔好講唔該叫呀姐埋黎點食，大叫食乜就得，唔係餓死都點唔倒野食- 豆卜必食- 豆花試下唔好落糖，仲正- 豆漿太甜，但好滑好香豆味- 夜晚8點零呀姐會即煎豆腐即入盒，10蚊一大盒，無時間坐低食都買盒返屋企加餸

店舖招牌十分搶眼，雖然地方好似污糟左少少，但卻多分香港本土小食店的味道。可能星期六的關係，店員做到冇停手。豆腐花滑到似南丫島阿婆豆腐花，印象中有少少薑味，定錯覺？魚腐含豆腐量大約88.8%，豆腐上的魚肉占總體積約8.88% ， 但店舖主打係豆，算係切合主題。加埋辣醬同甜辣醬一齊食，正

其實唔洗點寫, 好多人都知呢度D野幾好食每一次去深水步, 都會黎呢度, 嘆個豆卜加豆漿今次拼埋個魚腐, 外脆內軟, 加埋上湯同泰醬, 真係想不停encore唔知係咪香港人口味習慣, D香口野真係食極唔厭豆漿有豆味, 我唔講你都知啦, 不過真係嫌細杯左D, 叫多杯又好似多得滯, 有D尷尬

成日都見到好多人，所以次次經過都冇入去食，唯有買反屋企拉叫左相拼，五記得幾多錢，好似1x，但就好多，有4件釀豆腐和5件釀豆卜兩者比較下，豆卜較爲好味，豆腐較淡味，尚算滑，下次試埋魚腐

行完山後好肚餓, 一落到深水埗就即刻去公和到搵食喇估唔到閒日4點幾公和既客人都可以咁多店員就問我地係咪2位之後就帶左我地上2樓喇姐姐安排好哂各客人既位置之後就好好人咁介紹我地食D咩好我地叫左雙併(煎釀豆腐, 煎魚腐), 豆花, 豆漿釀豆腐: 煎得好香口, 豆腐好好好滑, 啖啖豆香, 不過塊魚肉好似紙咁薄, 真係好難做到, 哈哈煎魚腐: 魚肉同豆腐混埋一齊, 有魚肉既香味之餘再加上豆味, 一半彈牙一半林, 口感好特別豆漿: 味道太過甜了, 蓋過哂D豆香, 下次應該蛄少甜先得

每次到深水埗，一定會到公和吃雙拼(炸豆腐卜和釀豆腐)和豆腐花。今次好彩不用等位!! 雙拼熱辣辣上枱再加泰式酸辣醬,非常惹味。熱豆腐花黃豆味濃郁又嫩滑, 保持水準。 一定會再回來!

每次去樹記都排餐死, 公和係我嘅加油站    !!!佢哋嘅豆腐花好滑, 比九龍城嗰間好。豆漿又夠晒豆味, 推介!!我見好多人食釀豆腐, 之前食過一次覺得太油, 之後無再試了。臨走買埋袋豆卜, 又完成一次艱巨嘅 "樹記之旅", 哈!!

每次行經深水埗，都黎這裏吃豆腐。今天來得早，人不多，可以不用和人迫着坐，慢慢地品嘗。煎釀豆腐豆卜相拼 11元阿姐末到，先聞到陣陣荳香，双拼豆付、豆卜各兩件；熱辣辣剛煎好上碟，脆皮香囗，咬落口感十足，而且亞媽教落食豆腐、身體好！每次吃完都會想下次再幫櫬！給個讚。凍豆漿 5元豆漿味道很 Fresh，又唔太甜，飲完順喉，好喝！鋪頭位於街市菜檔附近，行過小心整濕對波鞋。但仍樂於幫櫬，皆因豆腐做得好！

去了黃金買電腦用品，順便來吃碗豆花。原來的黃昏時份，天卻已黑，店子裡裡外外都擠滿人。連忙要了碗淡豆花，真如其名般非常之淡，連本應有的豆味都沒有。雖然$7不是貴，但吃得不滿足啊。

在數年前至今已在此間吃了香滑的豆腐花、煎豆腐、炸豆卜不知多少次。                   １２年尾還沒有新加入的炸魚腐，１３年的今天有了，只可惜孤星不欲再嚐試，只因以往及今日所看到的就證明孤星不是眼花！                   １３年９月２６（四）中午二時在門外等了約三分鐘左右，真的非常奇怪，一是高朋滿座，一是一大批食客即時埋單，吉出數張檯子。坐下，叫了煎豆腐及凍豆漿，讚：（豆腐無以前加多了石膏粉，一夾即散，香而滑，正正正！）                  東張西望。。。木訥的老闆依舊亳無表情，不斷收錢、有時間就用手量度豆卜（＄１０四兩？）、大豆芽菜（＄５－＄７斤？）的份量，爛了的鐵絲網不斷有豆卜跌在地上，拖鞋不斷踏來踏去，當別人看不到的搭起再入膠袋，非常的正！→彈彈彈！立入禁止旁邊兩個女人有時間就不斷將豆漿倒入一個個的空膠樽，再封蓋擺在門口的冰水桶出售（＄１３。５）？！而孤星看到站在煎爐上不斷釀、煎、炸的兩個戴上口罩的女人就辛苦極了！孤星在吃煎豆腐加上室溫３０度↑已汗流浹背，更何況是長期站在煎爐上的兩位阿姐哩？！埋單時見有四男女可以上ＶＩＰ室？但孤星不是八

是大部分人的夢想，雖然未能做到想辭工便辭工，但今天便隨心而行。在家中躺著，忽然想吃口豆腐花，於是便山長水遠來深水埗的公和。深水埗，一個充滿歷史的舊區，既有馳名中外的鴨寮街，又有賣diy材料的基隆街，貨品種類繁多;稍不留神，便會迷失其中。這次也不例外。重覆橫跨了兩次長沙灣道後，終於找到了這老店。人頭湧湧的老店，找個座位也很艱難，還好只是一個人，否則也要等好幾張檯了。老字號，當然保留著舊有的裝潢，連牌匾也是以右向左寫的。這裡的豆腐花並不是與坊間般一片片的，是一整碗的。它的質感幼滑，帶有淡淡豆香，而且在沒有加黃糖的情況下也夠甜，讚! 吃的過程中雖然聞到煎鑲豆腐的香氣，但為免吃不下而浪費食物，唯有下次再來試吧。

第一次食公和,叫左個煎鑲豆腐+豆卜,魚腐,凍豆漿,凍豆腐花~魚腐同平時食開既好唔同,平時果d口感似魚旦,比較彈牙但公和既魚腐就好有自家制既feel,口感比較軟淋,食得出係魚肉溝豆腐既質感,而且煎到外酥內軟,鹹度適中,真係唔錯嫁夏天飲凍豆漿真係好爽,公和既豆漿豆味唔算濃,味道個人覺得太甜,可能就係咁蓋過哂d豆味豆腐花質感較粗燥,略硬,應該係石膏粉太多,不過都唔差既~煎鑲豆腐有3件,豆腐味好濃,配上魚肉味道恰到好處豆卜有4,5件,太炸喇,所以我冇食,但我個fd話都幾好味魚腐$8/4件,凍豆漿$5... 好低total $30

晚餐前想吃豆品，公和是不二之選！豆花$7的香滑真的不用多說，熱吃更出食，更香濃幼滑今晚見到餐牌上多了一個魚腐（$8）的選擇。一碟四件。如選雙併$10共五件，可選豆卜，豆腐或魚腐。魚腐煎得金黃色，外脆內軟，直接點可算是魚餅，非常脆口，魚腐除了魚肉還混合了豆腐，所以格外香滑。個人喜愛配上泰式酸辣醤，惹味非常