八沢 (霎東街) (已結業)

呢一間烏冬店用黑松露作為主題，已經bookmarked咗一段時間想試～終於有機會，即刻叫咗兩個烏冬睇吓實力如何🤨～黑松露忌廉海鮮烏冬（圖一）一上，好大陣黑松露味，縈繞着成張枱；湯底呈奶白色，係濃烈嘅忌廉味。將兩者攪勻後飲一啖湯，痴線公司，好！鬼！正！黑松露醬同忌廉湯底完美結合，每一啖都係似飲緊一個高質法式黑松露湯，配埋烏冬食，偏細既烏冬同海鮮（三文魚同帶子）瞬間變咗配角🤦🏻‍♀️。雖然好味，但飲得多會好容易濟🧟‍♀️🧟‍♂️，所以會偷食寶寶既黑安格斯肉眼牛扒掛烏冬（圖二），牛扒煮得啱啱好唔會過熟、冇根，連埋有日式醬汁嘅烏冬食，成件事有幾夾喎🥩。成餐飯有兩種嘅唔同享受，值得一試✌🏻-黑松露忌廉海鮮烏冬 | $98黑安格斯肉眼牛扒掛烏冬 | $98-

行過銅鑼灣，被佢門口既黑松露忌廉烏冬吸引住，即刻試下~叫左：黑松露忌廉海鮮烏冬，什菌黑松露芝士烏冬，芝士脆脆我地呢兩個芝士怪魔，叫完先知全部都係cream 同埋cheezeeeeee......海鮮烏冬，一黎當然飲淡湯，好濃，好似罐頭忌廉湯，幾得意芝士烏冬，睇落個湯差唔多，但重d芝士味，其實幾好食，不過食到一半有少少滯芝士脆脆，一口香濃芝士，一定要趁熱食總結，質素唔錯，可以encore，下次試埋其他款式

自2012 初次嘗試 一試難忘, 直至今時今日去到任何一間分店 不論午餐/晚餐, 芥末果醋帶子冷烏冬 一定必食, 個烏冬超有咬口... 帶子美味, 芥末+果醋 令你胃口大開, 大廚味道不段微調 ... 一次比一次更出色, 由味覺滿足到視覺😋! 今次加上炸紫蕃薯 及炸蠔 , 炸漿鬆脆無比 完全不用加任何調味料.

今日同朋友行時代廣場shopping 行都攰啦隨便食嘢坐低傾下計響冇準備之下就入嚟試吓啦呢排天氣開始熱返我就唔係好想食啲好熱嘅湯麵所以我就揀咗呢個麻醬牛肉掛烏冬麻醬好濃郁，烏冬偏幼身溫度係唔熱的，如果係冰涼就爽YY再加上有啲紫菜沙律菜成個感覺都好fresh😊呢個係我朋友叫嘅黑松露海鮮烏冬果然係招牌菜！出嚟個賣相已經好吸引湯底仲要熱辣辣出緊煙我都忍唔住試咗個湯底忌廉味好濃肉同黑松露好夾口感幼滑，Creamy，又唔膩

今日想食烏冬, 就上網搵下邊度有好嘢食, 見到呢間啲烏冬好似都唔錯, 就決定帶佢嚟試下!!個人嚟講就比較中意食冷烏冬, 但真係冇乜餐廳係會”專研”呢方面, 通常都係湯烏冬會出色啲... 所以叫呢個芥末果醋帶子冷烏冬之前, 我都唔係話期望太高, 始終冇期望冇失望嘛!! 誰不知佢又做得唔差喎! 味道微酸, 配合芥末嘅嗆辣, 非常開胃! 帶子可以吸埋啲汁, 略帶鮮味, 唔錯!!!下次會帶多啲朋友嚟試, 試埋啲湯烏冬同拉麵係唔係都咁正!

聽朋友講銅鑼灣呢間八沢好好食，就決定今日帶女女嚟食，個廣島蠔肉碎烏冬真係好正！！廣島蠔有好多隻，而且每一隻都好大隻，味道鮮甜，冇乜腥味！烏冬係會掛湯嘅麵質，蠔嘅鮮味令成個湯麵好鮮甜，食落口好新鮮好好味，真係要讚！！至於個女就中意食芝士多啲，所以幫佢叫咗個鮮什菌松露芝士烏冬～芝士湯底同廣島蠔相比就較為濃味，但就更加能夠俾烏冬帶起；加上松露嘅味道滲入什菌，香得嚟又唔會太膩，抵讚～總括嚟講呢個用餐體驗都唔錯，除咗嘢食好味認真之外，成個環境都抵讚，好有日式風味！會介紹多啲朋友嚟！

自己一個喺銅鑼灣，俾朋友甩底，唯有自己搵嘢食啦！離遠見到八沢環境好似唔錯，我份人好簡單，行近見到烏冬就行入去食！😂本身都冇特別抱咩期望㗎，但係見餐牌又好似好正咁，仲要有黑松露添！咁就一於試下個黑松露忌廉海鮮烏冬啦！點都要對自己好啲嘛！個烏冬一放上枱，就好香松露味飄出嚟，真係唔誇張，因為烏冬面嘅黑松露好大份！而且三文魚亦好多，絕對對得起個價錢！我覺得係因為三文魚份量夠多，湯入面好香海鮮味好足、好鮮甜，忌廉味啱啱好，唔會話太濃～至於烏冬亦冇令我失望，絕對唔係hea人嘅烏冬，咬落幾煙韌，唔係嗰種咬落去覺得浸咗好耐嘅烏冬～另外有個白桃特飲都幾好飲，不過我唔記得影相整體嚟講呢一餐真係唔錯，下次會再約朋友嚟食，因為烏冬選擇真係幾多！

Went for lunch and they offered a lunch set menu. A main and a drink for around 70-80 dollars. I opted for option D here: sliced barbeque pork udon with pork bone scallop soup.It was served in a cooking pot which was rather interesting and allowed the noodles to keep its heat. From looks it looked like a ramen as the soup and ingredients were what is standard with a ramen. The soup was rich and flavoursome and the barbeque pork was hearty and tender. The udon had a great bite to it and definitel

今日黎銅鑼灣做body check，做完5點左右好餓所以諗住喺附近搵d野食，見到有間拉麵好似唔錯，又好耐無食過，所以入黎試下啦我入黎既時候餐廳一個人都無，後來先知原來呢間都幾出名，只係呢個時間咁啱無人姐估唔到5點仲有lunch set，都有好多選擇，但係拉麵就得一款，其他都係好有特式既fushion烏冬同飯，下次有機會都可以試，但今日就試左呢個黑蒜油炙燒叉燒拉麵($78)先啦一黎到就見到呢個流心溏心蛋，即刻變心心眼黑蒜油係比較濃，但都好香，啱曬重口味既我，雖然麵身係曲麵，唔係我鍾意既直身麵，但係麵煮得好彈牙，配湯底好好味叉燒有兩塊，唔算多，偏肥同油膩，但係火炙過的確係好香好味d既有下次會再試下其他招牌菜

呢間餐廳喺公司附近，我bookmark咗好耐終於食到！Lunch Set有七至八款揀，見鋪頭貼咗廣告宣傳黑松露忌廉海鮮烏冬($98)，就試吓啦😆烏冬送到嚟熱辣辣，冬天食就啱晒⛄️忌廉湯底好在係稀身唔會覺得漏，味道偏淡。黑松露都幾香，同海鮮幾夾但同忌廉唔太夾。個名叫“海鮮烏冬”以為會有幾款，原來係帶子同埋三文魚🐚🐟兩款都幾大件! 帶子口感不錯，同忌廉超夾👍🏻三文魚就要趁快食，如果唔係食到尾會太熟😂

星期四收早，過海接個fd食個early dinner，去到早左，周圍行下睇下有咩食，利舞臺對面既金記冰室門面好懷舊，但係我比隔離呢間日式fusion 菜吸引左，因為門口有黑松露海鮮忌廉烏冬既相！不得了~全是我中意既食材，所以就入左去啦。入到去，完全不用考慮就點左黑松露海鮮忌廉烏冬。個朋友就點左柚子冷烏冬。烏冬黎到已經聞到好香，好足料，有兩隻大帶子，三塊三文魚塊，一pat黑松露醬，烏冬似係稻庭烏冬，較幼身同彈牙，個湯好濃厚，烏冬掛住湯汁，超正！料方面呢，唔知係咪個湯已成經好濃味，三文魚既鮮味都唔係好出，帶子就好少少。個朋友點既柚子烏冬，我就無試味，佢話味道好清新開胃，但因為佢中意食濃味野，所以佢係咁“畢”我果碗XD店員好好，免費送左熱菊花蜜比我地飲，正好去一去忌廉烏冬的厚重感。我會再來，因為我實在抗拒唔到“黑松露海鮮忌廉烏冬”呢個組合🤣

黑松露海鮮烏冬 $98＋10％ ＝$108 通常在外吃海鮮乜乜～ 都係有D驚驚～ 心理上覺得係頭頭尾尾切埋一碟比你,  好彩不是這種😆 呢個海鮮烏冬，只有三文魚及帶子 😆 稱為海鮮是沒錯的～ 係飢詩多心以為叫得海鮮 應該唔只雙拼 😆😆 再睇下個 menu ～ 海鮮烏冬 上一項就係 三文魚腩帶子烏冬 ～ exactly 係呢個 海鮮既 combination 😆烏冬來了～ 好大碗 😚  湯底忌廉味濃 ～ 配上黑椒 微提辛， 加黑松露醬 有鹹香氣 😚～ 好 creamy ～ 食咗幾啖就覺得味道比較悶～ 好在三文魚新鮮 冇腥味 😘  烏冬都算有咬口 👌🏿 試一試都可以嘅 😆飢 point : 5 / 10 #hungermarch #飢詩 #非飢詩

黑松露忌廉三文魚腩帶子烏冬 $115見到成碗都係奶白色就知佢係幾咁濃郁 個湯底完全好似忌廉咁 飲頭幾啖係覺得好正好幸福🥰烏冬亦好掛湯👅但正因為忌廉味太濃厚 好快就覺得好膩 不過陣黑松露味真係幾香 三文魚腩好厚肉 見果兩舊帶子咁大隻仲驚會好韌 點知完全唔會 仲好鮮甜 濃郁既湯底加埋面頭既洋蔥 食完成個口都好大陣味 非重口味人士慎選！.清酒雞湯竹笙烏冬 $118呢碗相對就無咁重口味 應該係紅棗同龍眼令湯底咁清甜 但清酒味欠奉 配料全部都好養生 仲有竹笙、雞、冬菇 幾足料 竹笙索左啲湯好正 雞肉頗嫩滑 整體都唔錯😬

今次帶Bunny仔黎食呢間八沢日本餐廳唔知係咪呢排天氣凍咗，搞到個人都只想食多咗嘢咁， 一口氣就嗌咗咁多嘢食，真係肥死我喇。你哋睇下Bunny仔眼定定咁望住我呢碗黑松露忌廉海鮮烏冬，好似幾好味咁啵， 烏冬口感都好彈牙，佢呢隻烏冬呢就係偏扁小小嘅， 三文魚並唔係全熟嘅，只有六七成，而帶子都好大粒， 不過海鮮嘅味道整體嚟講就比黑松露蓋過， 湯底亦都非常之濃郁，忌廉味道重。所以我覺得呢個烏冬嘅主角應該係黑松露。吉列炸豬扒終於嚟喇，急不及待就試下先， 我哋都非常之脆，粉就唔厚， 肉都做到細嫩嘅感覺， 如果鍾意食啲脆卜卜同香口嘅嘢， 呢個都唔錯㗎。最後係呢個日式一口炸芝士， 大家真係要小心呀，呢個炸芝士真係相當之熱㗎，我都唔小心畀佢辣親個嘴呀， 炸芝士都好夠“滋”味㗎， 不過食得多呢就有啲膩， 整體嚟講都唔錯。

趕時間叫了最普通的叉燒拉麵，等了10分鐘，三件叉燒燒得好靚，肥瘦適中，吾似外面D日式叉燒鞋鞋地，湯香濃但吾會一層油，吾會好heavy, 另外放左好多木耳絲同葱絲，又有好多好多䓤粒，糖心蛋都造得好好，另外，服務都好好，一個人都比張四人枱我坐，雖然未坐滿但今時今日好難得；）