八沢 (霎東街) (已結業)

聽朋友講銅鑼灣呢間八沢好好食，就決定今日帶女女嚟食，個廣島蠔肉碎烏冬真係好正！！廣島蠔有好多隻，而且每一隻都好大隻，味道鮮甜，冇乜腥味！烏冬係會掛湯嘅麵質，蠔嘅鮮味令成個湯麵好鮮甜，食落口好新鮮好好味，真係要讚！！至於個女就中意食芝士多啲，所以幫佢叫咗個鮮什菌松露芝士烏冬～芝士湯底同廣島蠔相比就較為濃味，但就更加能夠俾烏冬帶起；加上松露嘅味道滲入什菌，香得嚟又唔會太膩，抵讚～總括嚟講呢個用餐體驗都唔錯，除咗嘢食好味認真之外，成個環境都抵讚，好有日式風味！會介紹多啲朋友嚟！