八沢 (霎東街) (已結業)

今日同好耐無見嘅中學朋友食餐晚餐，佢係極鍾意食日本菜嘅人，之前食過一間幾好食嘅烏冬，決定要帶佢去食。😋我地叫咗個安格斯肉眼扒烏冬、豚骨湯叉燒拉麵、小食吉列蝦、飲就冰糖紅棗雪梨茶。安格斯肉眼扒烏冬，牛肉有啲脂肪咬落口好軟嫩多肉汁，牛肉味好濃，應該煎過表面焦香。烏冬好煙un好滑，係我好鍾意嘅口感。😍對於蔥怪，有蔥嘅食物一定錦上添花！豚骨湯叉燒拉麵上到台熱辣辣好足料，湯底好濃味，拉麵口感適中有咬口，好大碗呀兩個女仔分嚟食都夠飽，叉燒燒得好香口入口濃味肉質軟嫩。吉列炸蝦炸得香口不油膩，蝦肉唔霉仲幾彈牙㗎。熱冰糖紅棗雪梨茶，飲完覺得好補好健康。

今日去完銅鑼灣行街見到呢間日本裝修嘅小店 原來係主打食烏冬同拉麵既八沢 裝修好有特色用上木枱木櫈加水泥牆既設計 有日本風味得嚟 又不失時尚感 叫咗個黑松露忌廉湯配香煎三文魚腩帶子烏冬 湯底係奶白色質地唔太杰身 但係都好重忌廉味道 配上黑松露醬個湯底更加係畫龍點睛 同西式嘅忌廉汁比較有過之而無不及 烏冬用上扁身嘅稻庭烏冬 滑溜有咬口 帶子好巨型 夠鮮甜 仲有三大隻 份量多 不過三文魚略嫌煎得過老安格斯牛扒日式掛烏冬 牛扒份量唔算多 但勝在有牛味同易入口 掛烏冬好似冷麵咁 係配上醬汁食嘅 醬汁味道係有蒜蓉味嘅甜豉油 但又帶點酸酸地好開胃 用嚟點沙律菜都一流

係Times square附近行過，睇門面覺得幾小清新，就決定入去試吓，估唔到咁有驚喜！安格斯肉眼扒掛烏冬，招牌菜之一，烏冬是熱熱的，夾起上嚟唔會一餅野，撈埋個醬汁食，甜甜地，有啲蒜味，好好食！牛扒都幾香，平時食牛扒我就叫開五成熟，所以如果呢個扒可以再生少少就好啦。另一招牌菜就係黑松露忌廉海鮮烏冬，湯底好重忌廉味，黑松露份量都唔少，幾有特式紫薯餅餡了好多，好香紫薯味。牛乳忌廉餅，又係我另一至愛，果然又香又軟滑飲品有薑蜜糖冰糖紅棗雪梨茶，都幾有特色，唔太甜，好過飲凍檸茶！

今日去銅鑼灣搵朋友食飯見呢間有烏冬食 我呢個烏冬控二話不說就決定去試芥末果醋帶子冷烏冬 $88第一次用果醋配冷烏冬估唔到食落又幾清新岩哂夏天食帶子足足有3大隻份量十足烏冬幾煙韌唔會軟稔稔黑松露忌廉海鮮烏冬 $98有一堆黑松露鋪面一d都唔吝嗇海鮮有三文魚腩同帶子食果陣烏冬會掛哂忌廉湯汁正呀！建議可以share黎食如果唔係可能會覺得太膩龍蝦沙律 $28真係有粒粒既龍蝦肉配埋薯蓉食好開胃紅棗雪梨蜜 +$10好潤 即使叫左凍但味道都唔會淡

自己本身好鍾意食烏冬。不過好食烏冬嘅地方唔多。所以變咗都唔常會食到。今日出銅鑼灣。經過呢間八沢。感覺係食日本野。但其實只不過係食烏冬。就入去試試啦。 侍應都介紹呢一間餐廳推薦係食烏冬。所以我哋都跟住餐牌傻推介嘅 烏冬選擇去揀。一。廣島蠔肉碎烏冬自己本身鍾意食蠔，所以一揀就揀左廣島蠔肉碎烏冬。蠔配烏冬。感覺應該會怪怪地， 只係潮州粥多啲，但係又想試喎。好味。個湯非常之甜。蠔亦都非常鮮味。不過我個人比較大食。如果入面再加其他配料就更好。二、黑松露忌廉三文魚腩帶子烏冬呢個應該係鎮店之寶喇掛。 侍應一放低。我差啲嘩一聲。 賣相好吸引。亦都好足料。 先試咗一啖湯。好香嘅忌廉味。但又唔會太稠。岩岩好。唔會太膩。三文魚腩好新鮮。帶子又大大隻。真係估佢唔到。おいしい 餐廳環境都算寬敞。服務都唔錯。整體上用餐經驗都好滿意。介紹咗朋友嚟食。朋友第二日就食咗。佢哋試咗冷烏冬， 話覺得都好食。大家都講咗同一句---如果在大碗啲就完美喇。大家要試。Tips:今次諗唔到有咩貼士。不如就呢個啦----諗住嚟呢間餐廳食嘢嘅朋友。可以計劃埋用餐之後去邊度食甜品。提議:希慎間smile 開番喇。仲有位坐添。我都準備要去再

銅鑼灣八沢既芥末果醋帶子冷烏冬，帶子好新鮮好甜，沙律菜之類個d野點綴左整個餐點，雖然我得一個人食飯，但係個飯好食到令我唔記得左一個人食飯既苦!!!!!!!!!!!仲有隻果醋又美味又酸，隻芥末又好辣，冷烏冬係炎炎夏季底下食又真係幾透心涼，煙煙韌韌好好食，玻璃餐具睇落就更加透心涼!!!!!!!!!一個人既午餐，豐盛既午餐，豐富既午餐，好滿意好滿意好滿意好滿意既一餐!!!!!!!!!!!!!!!!!!!

朋友D 烏冬癮又發作唯有又同佢去食下烏冬止下癮...睇個MENU, 樣樣都好吸引..最後都係嗌左店員介紹果幾款...招牌!忌廉黑松露, 三文魚腩, 帶子, 烏冬!!個湯夠滑不特止仲要好香濃撈埋黑松露更香!!!完全食到停唔到....龍蝦沙津一份一粒粒蝦肉撈埋變左個波啖啖肉, 正!山薑豚肉飯就正常演出不過不失炸物豬排+ 芝士波波即炸幾脆清酒烏冬???見到覺得幾離奇食落似醉雞湯竹生大大塊幾特別, 值得一試最喜出望外係個牛扒飯!牛扒唔韌!!牛扒唔韌!!牛扒唔韌!!好重要, 所以講三次!有肉味, 有肉汁, 絕對係水準之上

銅鑼灣八沢雖然平時繁忙時間都幾多人，但排隊唔算排得好耐，可能係侍應快手，做得野!!!!!!!!!very good!!!!!!! 不過呢我就都係鐘意少人d，感覺舒服d，唔洗咁辛苦，所以特別揀左個少人d既時段來食八沢，呢個d燈光都幾光猛幾舒服，店面都闊，個人來講幾鐘意!!!!!!!!!!所以為左下次有得再來八沢，要努力不懈咁返工搵錢食好野!!!!!!八沢既非繁忙時段已經一直都做左我休憩好去處好耐!!!!

八沢呢間餐廳由裝飾到食物都好有水準同心思。餐廳雖然細細但係潮得黎又好溫馨，牆身個幅又大又充滿日本風嘅牆畫亦係餐廳吸引到我嘅其一原因。餐廳嘅食物款式配搭新奇，仲好細心咁有素烏冬俾vegetarian選擇！黑松露忌廉三文魚腩帶子烏冬 ($115)
黑松露同忌廉向來都係perfect match，呢個配搭係西餐到食得多，日式真係第一次！
黑松露令湯菌味濃郁。湯內嘅忌廉原本已經好creamy，再同好滑又掛湯能力十足嘅烏冬一齊食，令烏冬入口更香滑柔軟。呢碗烏冬幾足料，帶子有3大隻！三文魚腩熟度剛好，好嫩滑～牛乳忌廉餅 ($32)牛乳忌廉餅炸得脆身唔硬，食落唔會好油膩。餅內軟滑嘅牛乳忌廉同鬆脆嘅外層造成鮮明嘅對比，外脆內軟，口感豐富。食食下令我諗起中式炸鮮奶～


雖然我崇韓，不過對於美食都係無分國界既☺️之前係銅鑼灣番工反而帶飯多，依家一唔係銅鑼灣番工，就三不五時去銅鑼灣搵食😒呢間岩岩開張已經想食了，同親朋友約食飯永遠都係即與先約到🙄👉🏿✨黑松露忌廉三文魚腩帶子烏冬 Hkd 115 💸📌因爲一睇menu同朋友都諗唔到食咩，店員見我地咁疑惑都走左過黎介紹下，呢款其實就係店員推薦，話有好多客人都食佢！一於試下😋佢既忌廉唔會話好膩，入面材料都好足，有一大嚿三文魚腩，超級美味呀😍最中意佢啲黑松露，味道真係好濃郁，讚喔👍🏿👉🏿✨小桶山薑玉子鯛魚腩飯 Hkd 98 💸📌因爲耳仔發炎好多野都要戒口😞所以都揀左好耐😭同樣都係店員推介，呢款真係超岩我口味！一啲都唔腥，玉子加上充滿醬汁既魚腩入口真係好滋味架😍超級中意呀！而且勁開胃，如果有多碗汁俾我食多碗飯都仲得👉🏿✨紫蕃薯甘栗餅 Hkd 28 💸📌食完正餐仲有啲口痕，女人就係瘋狂幫自己搵籍口😂食完又食..呢款即叫即炸，新鮮熱辣辣，入面既紫薯蓉都好甜，加埋啲栗子，熱氣都要食呀！

主打日式烏冬拉麵的八沢已經在銅鑼灣開了第三間分店 今日跟朋友在時代廣場逛街之後決定一食生薑黑豚肉掛烏冬 $78 半肥瘦的黑豚肉配上 木魚花一起食 加上彈牙的烏冬 味道清新 是一個非常好的配搭黑安格斯肉眼牛扒掛烏冬 $98 肉眼牛扒淋身 油脂分佈平均 想不到不用100元的價錢可以吃到高質的牛肉明太子雞翼 (2隻) $36 雞翼中間滿滿明太子蕃茄沙律 $32 簡單的切片番茄配上日式風味的沙律汁 酸酸甜甜很開胃八沢特飲-蜜柑 $35 蜜柑特飲很特別 在其他地方很少見到 底下還有蘆薈粒增加口感自家製薑蜜(熱) $22 薑味非常濃郁 有暖胃作用

銅鑼灣一向多美食新開既八沢主打烏冬仲要好近時代廣場行完街一定要去八沢醫肚啊所有食物既賣相都好吸引丫差唔多每枱都有叫呢碗"黑松露忌廉三文魚腩帶子烏冬"我都叫左碗試下果然好正首先係用料新鮮同足料，黑松露好多好多，香味撲鼻，另外，帶子都有三大粒三文魚腩都食左幾舊忌廉湯底濃郁得黎又唔覺膩而且營養價值仲好高添啊黑松露有豐富蛋白質，有助增強免疫力，抗衰老三文魚腩有豐富既不飽和脂肪酸同奧米加3呢碗真係必叫必食啊！朋友叫既"極鮮牛肉湯烏冬"絕對無改錯名，非常鮮味(唔知會唔會係因為加左啲菇喺入面呢🤔)湯底非常吸引用既都係靚牛肉啊鐘意食牛既一定唔好錯過我地仲叫左個濃湯什菜入面有菇有椰菜不過份量都唔細爭啲食唔晒丫大家喺銅鑼灣行完街，一定要黎試下啊！

當知道八沢係銅鑼灣開咗分店後，其實一直都想去食，可惜前排太忙沒時間。既然放大假，就要把握機會食番餐。難得黎到，就一定要食下依兩個八沢嘅皇牌😝🔸黑松露忌廉三文魚腩帶子烏冬睇相都見到無論係黑松靈、三文魚以及帶子都份量十足。帶子味道鮮甜，半點腥味都無，至於三文魚腩就好鮮嫰。重中之重就係果湯底，真係超正，飲落好creamy 但完全無肥膩的感覺，我自己就飲咗大半碗啦⋯⋯🔸黑安格斯肉眼牛扒飯高質牛扒飯，安格斯食落口完全唔覺韌，而且相當juicy 。配埋牛肉汁，更加令到啲牛肉味更”出”。🔸明太子雞翼性價比好高的炸物，入面都係滿滿的明太子，食落香脆可口。八沢果然無令我失望，不枉我放假都出黎食”哦依斯！”

今日去到八沢既其中一間分店，Causeway Bay分店。Causeway Bay分店啲裝修出乎預料地靚，好奢侈華麗。估唔到咁既價位既Causeway Bay分店店舖，老闆都咁捨得花錢落去個分店店位既裝修度。和風藝妓好pretty，美輪美奐既分店裝潢令人心情愉悅！so glad! Causeway Bay八沢仲好多人，啲侍應全部訓練到好好，感謝客人個陣會鞠躬，作為食客，呢次分店用餐體驗好delightful！

係香港搵素食既選擇真係唔多，見到menu難得地有素食烏冬，所以就決定去試下～😋本身睇個店名以為係連鎖店，但原來係小店，而且今餐好有驚喜🤤-本身都係抱住要食素食烏冬既心態，所以就算午餐Menu係冇呢個option 都決定要散嗌～值得一讚嘅係，呢度嘅素食烏冬都有好幾個唔同嘅選擇，適合唔同口味嘅素食者👍🏻-而我就叫咗一個味道比較濃既鮮什菌松露芝士烏冬🍜 叫之前其實都有掙扎過，因為會覺得西式同日式mix埋一齊好似怪怪地咁🙈 但一試真心好鍾意！😍 -烏冬既質地好軟稔稔，係軟到唔使咬既程度😂 的而且確啲芝士汁真係好濃郁，可能對於食慣淡口味嘅人會覺得有少少鹹，食完都覺得極邪惡😂 廚師好有心思咁樣加咗幾片沙律菜同埋一隻溏心蛋係烏冬上面，令到食起上嚟唔會好寡～😆-雖然個烏冬嘅芝士味好濃，但係飲埋間餐廳自家製嘅熱飲就會覺得中和到，啱啱好～ 嗰日去嘅時候係菊蜜做主題🥃🌼 飲落口好清甜，但又唔會覺得係飲左好多啖糖落肚咁😆唯一希望嘅就係菊蜜可以大杯啲啦～😝-另一個推介嘅地方係因為服務極好，而且上菜速度好快😆 老闆係落單之前有同我推介唔同口味既素食烏冬，例如淡口味既人可以試竹生秋葵烏冬～ 而我呢個素食烏冬本身唔係