八沢 (霎東街) (已結業)

今次帶Bunny仔黎食呢間八沢日本餐廳唔知係咪呢排天氣凍咗，搞到個人都只想食多咗嘢咁， 一口氣就嗌咗咁多嘢食，真係肥死我喇。你哋睇下Bunny仔眼定定咁望住我呢碗黑松露忌廉海鮮烏冬，好似幾好味咁啵， 烏冬口感都好彈牙，佢呢隻烏冬呢就係偏扁小小嘅， 三文魚並唔係全熟嘅，只有六七成，而帶子都好大粒， 不過海鮮嘅味道整體嚟講就比黑松露蓋過， 湯底亦都非常之濃郁，忌廉味道重。所以我覺得呢個烏冬嘅主角應該係黑松露。吉列炸豬扒終於嚟喇，急不及待就試下先， 我哋都非常之脆，粉就唔厚， 肉都做到細嫩嘅感覺， 如果鍾意食啲脆卜卜同香口嘅嘢， 呢個都唔錯㗎。最後係呢個日式一口炸芝士， 大家真係要小心呀，呢個炸芝士真係相當之熱㗎，我都唔小心畀佢辣親個嘴呀， 炸芝士都好夠“滋”味㗎， 不過食得多呢就有啲膩， 整體嚟講都唔錯。