黑松露忌廉海鮮烏冬（圖一）一上，好大陣黑松露味，縈繞着成張枱；湯底呈奶白色，係濃烈嘅忌廉味。將兩者攪勻後飲一啖湯，痴線公司，好！鬼！正！黑松露醬同忌廉湯底完美結合，每一啖都係似飲緊一個高質法式黑松露湯，配埋烏冬食，偏細既烏冬同海鮮（三文魚同帶子）瞬間變咗配角🤦🏻♀️。
雖然好味，但飲得多會好容易濟🧟♀️🧟♂️，所以會偷食寶寶既黑安格斯肉眼牛扒掛烏冬（圖二），牛扒煮得啱啱好唔會過熟、冇根，連埋有日式醬汁嘅烏冬食，成件事有幾夾喎🥩。
成餐飯有兩種嘅唔同享受，值得一試✌🏻
-
黑松露忌廉海鮮烏冬 | $98
黑安格斯肉眼牛扒掛烏冬 | $98
-
