僕之拉麵 (已結業)

肉愛食者拉麵～有日ig見到人地食話又靚又好食 仲要係旺角所以就搵日去左食😆一收工就去，630到左，唔洗掛隊佢係新寶個條街 7仔旁邊 一啲都唔難搵一坐枱面好似日本咁有壺凍水 抵讚我一心為肉愛食者拉麵而去 $120果然無令我失望一見到就要打左卡先好多肉肉肉肉肉 啲叉燒舖滿曬個面可能有9-10塊 仲要塊塊都好靚仔食落都好食 唔會太肥或者太韌中間有仲啲角切叉燒 我覺得仲好食😆食個拎都有諗會唔會韌或者硬點知無😆仲好好食 有驚喜而味付雞蛋 醬油味都唔錯 流心仲整得好好湯底方面 餐廳話今日得番濃湯原味但都好濃 質地少少稠身 應該都好足料特選拉麵 $135都會有一片片既叉燒另外仲有一條好長既炙燒叉燒佢燒完之後會煙韌少少同埋有少少焦香味其他配料就同頭先個碗差唔多唔再講啦炸章魚丸 $30比平時食到嘅細粒啲啲小丸子上會有紫菜絲 好多木魚絲小丸子係脆脆地既我就鍾意食脆脆地多過淋既所以我覺得幾好食柚子汽水 $24食拉麵就係要配搭下啲味道少見嘅汽水呢隻個柚子味都幾出 飲落會覺得好飲既 唔會好假既味道環境方面都係日式拉麵店 有bar台位 有普通餐枱位總結用平時普通拉麵價食到好食既多多多餸拉麵會再回頭 久唔久食下😆

༺ 僕之拉麵 ༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻  旺角人氣超高嘅拉麵店🍜，淨係去到門口就已經排晒長龍啦，不過好彩人流👥👥都算快，排咗半個鐘就有位啦。⚜️肉愛食者拉麵，一嚟到就覺得好誇張啦，果然係肉愛者拉麵，啱晒我呢啲食肉獸。叉燒係平時嘅三倍分量，圍滿晒成個碗嘅邊💗，除此之外中間仲會有角切叉燒，一啖一粒，佢嘅油脂係會比較多🫦，食落會香口啲。⚜️叉燒拉麵🍜，咁呢一個呢就係肉愛者拉麵嘅洗碗板，咁佢嘅叉燒呢就會少啲啦，同埋係冇咗中間嘅角切叉燒嘅。佢嘅叉燒其實都係好香，肉質煮得啱啱好，一塊至三啖先食得完，大滿足💯。⚜️炸章魚🐙 ，脆卜卜嘅皮入面嘅章魚好彈牙，一啖一粒，好有口感，食過返尋味👅。⚜️炸餃子 🥟，咁佢裏面嘅餡呢就係豬肉白菜，整得好香，咬落好有層次感。而且佢旁邊仲配上沙律醬，第一次有咁樣嘅配搭，感覺都唔錯。⚜️桃梳打🍹，第一次飲呢一支，佢又唔算好甜，桃味好香，粉紅色睇落好靚💖，用嚟打卡📸都唔錯。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻∻ ∻ ∻ ∻ ∻ ∻ ∻ ∻ ∻ ∻ ∻

特選拉麵-濃湯底$135一見到超長豚肉炙叉燒，就有滿滿食慾，炙燒過更有肉香，五花肉位置都好靚，唔怕太油膩！呢個分量真係冇得頂😍糖心蛋亦煮得好好，有香濃蛋味和醬油味，算係近年食過比較有水準嘅糖心蛋🥚拉麵加上蒜蓉鹽醬，成件事更野味！重口味人士必備🥰肉愛食者拉麵-濃湯底$120滿滿豚肉叉燒鋪碗成碗拉麵，而且仲有比較少見既方形肉粒叉燒，幾特別，京蔥味超濃！一上菜就已經聞到🙈份量真係好夠，果然係肉愛食者專屬拉麵，怪不得要排隊都咁多人食👍🏻炸章魚$30章魚裹上調味過既炸衣，炸得非常鬆脆裡面章魚都好彈牙，炸衣亦都冇分離👍🏻好有水準————————————————環境：👅👅👅👅食物：👅👅👅👅性價：👅👅👅👅服務：👅👅👅👅👅

💎總評分：6.5/10-早排見到好多人介紹啲肉鋪滿成隻碗嘅拉麵🍜，bookmark左好耐呢日終於去試。好彩早5分鐘入座，順利避過人龍🤪。貫徹一般拉麵店嘅setting，設有吧枱及木枱櫈，好多達摩&日系擺設👹，不過枱之間確實有點逼夾，大部份人食完即走變相加快左翻枱速度💨。1️⃣ 肉愛食者拉麵 $120專程為佢嚟朝聖，睇賣相已覺澎湃👀，叉燒鋪滿隻碗，仲有肉粒同溏心蛋🥚，份量足料啱晒食肉獸🥓。拉麵質地唔錯，豬骨濃湯無想像中濃郁，但有拉麵胡椒🧂同成罌蒜泥俾你自行調味🧄。叉燒薄切但不太入味，較似火腿但欣賞佢肥膏不多，食落算輕盈🕊️。另外因為攤開一片片咁放，D肉好快已經凍晒🥶，不過浸反熱湯食就問題不大。芽菜係小編另以+$10加配💰，仲加多隻溏心蛋$12，不過老實說...7仔出品嗰包溏心蛋好食過佢呀🫢~2️⃣ 炸章魚丸 $30唔係好feel到佢有炸過，同一般章魚燒無咩分別🐙，無出現死實實情況質感咬落唔錯，但入面嘅餡料無想像中豐富🙊。若然食慣章魚燒專門店嗰D多味道選擇，餡料極為澎湃嘅貨色，可能覺得小店未夠誠意🫣。今次嘅朝聖之旅滿足左打卡嘅慾望📸，但若然想食叉燒拉麵就未必會二訪，因為覺得同樣價錢有更好嘅選擇💸。不

今日經過呢頭，睇到新menu 有海老愛食者有蝦有叉燒好吸引但限15碗冇晒LU其實又唔係好肚餓，陪人食🤣我就嗌左少麵食物小拉麵🍜配粟米蟹棒因為唔係太肚餓，所以叫少麵，即係regular 嘅一半。但配料都唔少🤣🤣🤣食到好飽！啲粟米好甜，好好味😋蟹棒又超正😆叫左濃湯，加上叉燒勁滑！正人氣拉麵配櫻花蝦、鵪鶉蛋一上枱就聞到好香嘅櫻花蝦味，另外我自己本身唔鍾意食鵪鶉蛋🤣但原來鵪鶉蛋同烚蛋係一樣架🤣滑捊捊，好香蛋味炸墨魚啱啱炸起，超熱，外脆內軟咁，好彈牙👍🏻章魚丸燒呢個真係一定要食🤣飽都要食！超正啲紫菜粉、木魚絲、沙律醬全部係口個種感覺，係鐘意食燒章魚丸先明😆環境天氣熱辣辣，呢度有冰水同冷氣涼！同埋唔知係新加定自己冇留意🤣有個勾仔可以掛袋

【旺角•僕之拉麵】————————————————————————好在7點嚟食 遲半個鐘都要門口排隊嗱估唔到咁多人食呢間拉麵🍯｜特選拉麵｜HKD135叉烧1.5倍＋炙叉燒＋紫菜2枚＋葱＋味筍＋味付鷄蛋湯底揀了豚骨濃湯 12小時熬製 濃厚豚骨白湯呢款拉麵夠哂豐富 有齊想食嘅基本材料炙叉燒好大條😳睇相就見到 焦香味道 🍯｜肉愛食者拉麵｜HKD120叉烧3倍＋角切叉燒＋葱＋味筍＋味付鷄蛋食肉獸最啱 成日會話拉麵咁少叉燒 今次冇得嘈啲叉燒圍住成個碗 實夠食嗱掛 角切叉燒肥瘦均勻 唔會乾身‼️推介枱面個盒蒜 平時對蒜冇咩好感呢度嘅蒜唔知點解好好食🙈口感係滑🍹｜柚子梳打｜HKD24🍹｜桃梳打｜HKD24。餐廳環境：📸📸📸📸服務質素：😊😊😊😊食物味道：👅👅👅👅性價比：💰💰💰💰消費 HKD300/2人。✨✨✨✨✨✨✨✨✨✨✨✨✨#nkiki旺角 #nkiki日本菜 #nkiki拉麵 🏠 僕之拉麵📮 旺角豉油街74號地舖

在Openrice見到好多人推介僕之拉麵，今午路經豉油街僕之拉麵便入去試下。店細細間，雖然座位有限，但擺設裝飾頗見心思，具日本風，店播的日本歌好聽。疫情仍不方便去日本旅行，來吃碗拉麵也不錯。見到餐牌有多款拉麵都吸引，見到隔鄰的客人叫了期閒限定，每日只供應15碗的海老愛好者拉麵吃得津津有味，便想叫一碗試下。碗拉麵送來時賣相已無得輸，見到碗麵上面多隻火炙過的蝦，蛋和其他配料，像幅畫，令人食欲大增。碗麵好足料，充滿香濃蝦味的湯好正，先喝幾口湯再吃麵，幼拉麵是我喜歡的口感，硬度適中。蝦肉鮮甜，開了邊吃得方便痛快，吃完一隻又一隻，爽! 蝦頭內有濃香的蝦羔。兩片薄叉燒和糖心蛋，加埋荀片葱花令碗拉麵錦上添花。食完碗用心製作的拉麵好飽好滿足，最後飲兩杯冰水中和下，覺得幸福!

星期一返工即刻收到日本航班取消啲郵件，好唔開心，唔得返鄉下，夜晚要揾間有日本feel啲餐廳。FD鐘意食拉麵，啱啱好哩間餐廳期間限定MENU幾吸引下，今晚就揾佢啦。哩間拉麵晚市都好旺下，6點幾到咗仲剩最後幾張台，食完7點半出門已經排咗十個人左右。最想試啲海老愛食者拉麵今日就賣曬啦，唯有轉咗肉愛食者拉麵同叉燒拉麵，仲加咗鵪鶉蛋同桃蘇打。哩款桃蘇打飲落有少少桃味清香，唔會太甜，同蘇打都幾夾，唔錯。叉燒拉麵揀咗鹽味湯底，我最鐘意佢啲湯底夠清淡，似少少烏冬湯底。叉燒好大一件有4-5件，叉燒肥瘦相間，點埋啲湯底一齊食，好幼滑同埋唔會覺得柴。味付雞蛋真喺做得好出色，蛋黃喺紅色嘅，入口即化同埋有少少味淋香味，正！肉愛食者拉麵揀咗濃湯湯底，湯底好濃郁，叉燒多到鋪滿成碗，有9-10件咁多，啱曬FD哩啲食肉獸。濃湯湯底夾埋拉麵食又係另一種風味。湯底夠濃郁，可以掛住係面上，食落會更重肉味同埋有少少沾麵嘅感覺。湯底飲得出係落足料煲嘅，同落咗雞精味精啲味道唔同，成碗湯飲得7788，都唔會口渴，唔錯。鵪鶉蛋只係普通水煮，唔似味付雞蛋更出色，下次都係叫多一隻味付雞蛋好過啦。哩間拉麵食咗兩次都唔錯，最想食嘅老愛食者拉麵

又嚟介紹特色餐廳喇🥢！今次就想同大家分享其中一樣我好鍾意食嘅嘢食啦😬，就係拉麵啦🍜。以前仲有機會去日本旅行嘅時候🇯🇵，好鍾意喺夜晚嘅時候叫返碗拉麵食☺️，嗰種感覺真係好治癒㗎😋所以喺香港我都想搵返啲正嘅拉麵😍。趁呢段時候留喺香港都一樣可以重拾到嗰種味道👾。而今次我想同大家介紹嘅就係位於旺角嘅一間拉麵專門店，一齊嚟睇吓呢間餐廳嘅評價啦😇。環境方面☝🏻我自己覺得餐廳嘅裝修都幾有日本嘅風格🎌，例如喺牆上會有各種唔同嘅特色面具。另外餐廳個格局都同樣有日本嘅感覺，就算坐喺度食嘢一樣可以望到拉麵嘅製作過程🥳。睇住自己碗拉麵嘅製作過程，食起上嚟都會放心啲🙏🏻。食物方面✌🏻#特選拉麵（$135）首先想介紹嘅係餐廳嘅招牌特選拉麵❤️，其實係食之前我已經上網睇過關於呢個特選拉麵嘅圖㗎啦😈，當中最吸引到我嘅就一定係炙叉燒🤩。塊炙叉燒仲長過個碗嘅直徑，真係夠晒有驚喜🤭，另外塊叉燒經過炙燒之後，口感都會特別好。除咗塊炙叉燒之外，碗拉麵都仲有叉燒嘅1.5倍、兩塊紫菜、蔥、味荀、味付雞蛋😚，所以碗拉麵都真係幾足料㗎🍜。喺呢一碗拉麵上面我選擇左豬骨清湯，就算係清湯都依然會有豬骨嘅香味🐷。#肉愛食者拉麵（$120）跟住要介

僕之拉麵特選拉麵（醬油湯）特選拉麵分別有火炙叉燒同普通叉燒兩款，不得不讚吓叉燒十分之香，menu上面提到原來係用咗伊比利亞嘅豬肉，燒叉燒就啖啖肉肥瘦分明十分好味。流心蛋係用咗蘭王蛋，有好香嘅蛋香味，亦都十分入味。湯底我就揀咗醬油湯，醬油湯味道比較清淡，亦都冇豬骨湯咁heavy，想食拉麵但又想食吓啲清淡口味嘅朋友一定要揀醬油湯試吓每日限量五十碗既海老愛食者拉麵火炙赤蝦咬落新鮮唔霉，有淡淡既蝦甜味，蝦頭食落冇腥味，蝦膏味都香濃！蝦湯方面就唔會話太鹹，飲落都有蝦味，食完都冇口渴！但麵就較為軟身，可能要襯熱盡快食，唔係麵好快就會淋曬，加上蛋麵同蝦湯並唔係最夾，如果用啲更掛湯既麵就更好！蛋同叉燒都好正！蛋入味，叉燒又唔韌，比起其他拉麵鋪，呢個叉燒更勝一籌！鐘意食蝦湯但又怕重口既朋友可以試下！

介紹返💁🏻‍♀️。。🇯🇵 拉麵 在旺角 🇯🇵。僕之拉麵 Boku No Ramen。旺角豉油街74號地舖。海老食者拉麵 Shrimp Lover Ramen。HKD148追加配料 Extra Toppings蟹棒 Crab Flavour Kamaboko。HKD18 @ 2pcs🤫 Sorry..話咁快又係我蛇王出去做facial嘅日子..今次醒啊..計啱個時間..做完Facial揼完個骨預啱三點零鐘過晒Lunch Time..施施然入去一早Plan好要食嘅拉麵店度嘆返個拉麵..今次俾我睇中咗嘅就係..香港暫時只此一家嘅僕之拉麵🤫 點解會揀呢一間拉麵店呢?話說早幾日喺IG度見到佢哋有一個期間限定異常吸引..所以今次慕名而來..究竟係乜嘢拉麵吸引到我?就係你而家見到嗰張相嘅呢一個非常之澎湃嘅燒蝦拉麵..絕對係合乎商品說明條例..有成七隻大蝦..未拎到埋嚟我度已經聞到嗰浸香噴噴嘅燒大蝦味..呢碗拉麵嘅震撼度令到我只係影咗兩三張相就忍唔住要即刻食啦..先講吓個湯底..平時出邊嘅蝦湯底大多數係有少少似龍蝦湯嗰種味道..而僕之拉麵嘅蝦湯..係清而鮮果種..真係未開始食拉麵已經追住飲個湯..至於拉

💁🏻‍♀️食肉控既我對呢餐表示十分興奮🫶🏼，一放工即刻狗衝🏃🏻‍♀️🏃🏻‍♀️🏃🏻‍♀️黎，環境裝修好日系，不過地方唔大，眼望坐到15人左右，廚房好近門口，採用半開放式，坐吧枱可以睇到哂製作過程☺️湯底係豚骨，但就分清湯/濃湯，因為我同朋友都係重口味人士，所以都不約而同揀左濃湯😂😂🫣► 肉🐖愛食者拉麵 $120勁勁勁多肉啊啊！！！一塊塊叉燒鋪滿成個碗邊，碗入面仲有堆角切叉燒，真係大滿足🈵😋濃湯好creamy，唔會太咸。►特選拉麵 🍜$135呢碗肉量都唔小，原條叉燒上，條叉燒仲長過隻碗😂🤣，厚度都唔小，但咬落去唔會好韌，慢煮既感覺，拉麵係用幼身拉麵。小食炸雞都唔差！雞肉多汁juicy〠總結 ▁ ▂ ▃ ☻ 4.5/5 份量其實好多，主要係料多，味付雞蛋都比成隻，覺得已經好高質，呢個質素呢個區黎講🤔，價錢💰我覺得都合理既，仲要唔洗加一，真係要雞蛋🥚入面挑骨頭🦴講既話🤣，碗麵湯量再多啲就好喇😇

今日同老公去旺角行街，都知道新寶戲院附近有好多餐廳，途經呢一間僕之拉麵就俾佢門口嗰張好澎湃嘅海老肉食者拉麵相吸引！坐低之後就開始填嗰張點餐紙，有唔同選擇嘅拉麵包括咗：肉食愛好者拉麵及特選拉麵等等….適合唔同人士嘅選擇，仲可以追加不同嘅配料，湯底可以選擇豬骨濃湯、鹽味或醬油味湯底，而麵質亦都可以選擇要硬定軟，最欣賞佢嘅係飲品唔貴，汽水只需要$10一罐而且免加一服務費。肉食愛者拉麵（ $120 ）呢碗拉麵好吸睛，碗邊鋪滿左大大塊嘅叉燒，另外仲有角切叉燒加溫泉蛋及筍，叉燒煮得唔錯幾好味，我最欣賞係角切叉燒size啱啱好，一啖一粒肉質好淋一啲都唔韌而且好有肉味，而拉麵係屬於幼麵加埋我追加嘅巨型蟹柳簡直一絕！柚子梳打（ $24 ）細細支嘅柚子梳打係日本出品，酸酸甜甜幾好飲！記得之前喺大阪難波都有一間鋪滿晒肉嘅拉麵舖頭，估唔過響香港都可以食到！而且價錢合理應該下次會再嚟！

拉麵店好有日本風格🧡，除左木系裝橫之外，仲有日本經典浮世繪、面具👺、御守等擺設，十足成個小日本🇯🇵💮 特選拉麵🍜 ($135)豬骨濃湯嘅湯底香濃但唔會好鹹，拉麵完全沒有鹼水味，麵質略偏厚實裡面有肥叉燒，size 係平日嘅有1.5倍🤩，肥瘦比例大例係7:3，非常肥美，好有油脂香🤤。另外仲有兩片炙燒過嘅薄叉燒，有陣陣嘅炙燒味嘅惹味。一😋最愛原隻溏心蛋，口感滑溜，配有好多香蔥同筍，好豐富👍🏻💮人氣拉麵🍜 ($98)豬骨湯底有香濃豬骨味，當中帶點清甜。拉麵除左有招牌嘅炙叉燒，其餘食材以素食為主，裡面有勁多粟米🌽、香蔥同筍，當然唔少得原隻溏心蛋。粟米控記得叫呢個🥸。旁邊嘅紫菜脆薄，為整個拉麵加添香味😍💮炸章魚丸🐙 ($30)呢款係一口章魚丸，輕鬆做到一啖一粒。章魚丸外脆內軟，外層呈金黃色💛，咬開裡面嘅八爪魚都幾大粒，而且爽口彈牙，有微微嚼勁。外面已附有甜醬油🫙，亦可加配沙律醬，味道好豐富。💮炸餃子🥟 ($30)餃子唔算大粒，但餡料爆滿。咬開裡面有好多嘅椰菜同豬肉，好有誠意🧡💮柚子汽水🥤($24)係富士山柚子汔水，質感偏厚身，味道帶有柚子嘅酸酸甜甜，非常可口😋

🚩 僕之拉麵依間拉麵店睇圖真係超級吸引，碗碗拉麵都鋪左大量嘅叉燒，位於廣華醫院附近，位置都好方便㗎！不過晚飯時間嘅人流就比較多，想食都要早啲去〰️〰️〰️〰️〰️〰️〰️〰️〰️〰️〰️〰️〰️〰️〰️🌈肉愛食者拉麵 $120依碗就係平時我哋上網都見到嘅個碗啦！三倍叉燒加埋角切叉燒，真係成碗都係肉黎！湯底我哋揀咗濃湯，真係有少少似沾麵嘅湯底，杰杰地～雖然睇佢咁杰，但食落口又唔鹹～食到濟濟地建議加下枱面嘅蒜泥，別有一番風味🤤🌈叉燒拉麵 $98呢個就係正常版嘅拉麵，其實叉燒份量都已經好足夠，都有四五件左右～叉燒肥瘦適中，一啲都唔柴。糖心蛋嘅糖心效果都好出色，撈埋啲麵食就一流🌈炸章魚丸 $30太耐冇食章魚丸啦，叫番碟黎過下口癮～不過就略嫌佢嘅粉漿較多，裏面只有細細一粒嘅章魚，如果加返啲椰菜口感應該會更加豐富🌈炸餃子 $30有冇人同我一樣都覺得日本餃子幾好食，呢款餃子表面炸得香脆，裏面配埋大量嘅肉同菜，點埋沙律醬一齊食就prefect了～