僕之拉麵 (已結業)

今日下午一個人經過這間拉麵舖，記得有一張優惠券可以送餃子或炸雞肉，所以就入去試吓，因為不是食飯時間餐廳裏人流不多，但是影到安排咗我坐Bar位可能因為我一個人😄,見到佢餐牌，最主要都是豬骨湯拉麵,有些都好多材料，但本人不是很肚餓，所以叫了一碗最普通的叉燒豬骨湯拉麵，首先賣相都算唔錯，半邊半熟蛋有驚喜應該是日本蛋，叉燒才有兩塊，味道就普通，豬骨湯來講都算濃郁，後來我的免費餃子也來了，感覺上都係一般好似超級市場買的餃子之後炸咗。但當我食完成碗面之後，抬頭一望，見到佢有把風扇積滿晒塵，有少少感覺不良好，明白小風扇可能用來吹動某些食材，怕啲塵埃會跌落去，希望店主可以注意一下

聽聞呢間拉麵店經常大排長龍, 今晚一於黎朝聖😇📍叉燒拉麵肉食者拉麵嘅肉量實在太驚人, 唔想咁heavy嘅我地揀左普通版本嘅叉燒拉麵, 估唔到肉量依然都係咁嚇人..😂 個碗基乎裝唔哂D麵同餸, 份量震撼得驚人! 叉燒食落唔油, 拉麵湯可以揀濃湯或清湯, 清湯中又可以揀醬油或者鹽味拉麵! 我地點左清湯, 湯底清淡感覺健康D, 拉麵口感爽彈, 另外加錢加配左D粟米、海帶、日本蔥etc. 配料好豐富! 友人就追加左蟹棒, 好巨型! 溏心蛋呈深橫紅色, 好味😋📍酥炸墨魚仔即叫即炸外脆內軟咁, 口感好彈牙👍🏻📍炸忌廉蟹餅個夾心好creamy, 非常香口❤️

放工去左旺角呢間拉麵，真係快靚正。喺未食到日本正宗拉麵之前，就可以喺香港試吓呢間正宗日本拉麵。我同老公就一人叫咗一碗拉麵，再加啲小食。叉燒拉麵個湯底真係超級豬骨濃湯，好味到我飲晒佢。碗拉麵嘅麵質真係好爽，我鍾意佢唔係嗰啲粗身嘅麵條，但係又唔會煮到好生。豚肉係薄切嘅，所以同個濃湯真係夾到絕，入晒味。再加上碗麵配搭嘅蟹柳（唔係普通細細條超級市場嗰啲蟹柳，係一大揪嘅蟹柳）配埋好似有少少醃咗味嘅溫泉蛋。成碗麵真係回到日本feel。炸雞今日就係咁啱想食炸雞，舊舊都啖啖肉，炸雞唔多粉，所以都係好用心嘅製作。今次因為要揸車，所以唔可以飲酒，但如果可以配埋啤酒就真係正到絕。炸章魚呢個選擇都唔錯，炸章魚都係一樣係用新鮮嘅食材，良心之作。啲粉一樣唔多，所以可以食到本身嘅味道。餐廳環境都係有少少似日本嘅拉麵店，喺未可以0+3之前都可以嚟體驗一下日本風情畫。

睇戲之前要食個快嘅 晚餐 ，時間尚早見到拉麵店有位，就入去了。呢度主打的拉麵的叉燒可以揀 一點五倍 ，兩倍或者三倍 ，不過拉麵上枱時未算好瀕拜，但都幾好食呀。另外追加咗一份灸燒叉燒 ，呢個就好失望了，因為太瘦， 完全像咬瘦肉咁樣。

日本拉麵在香港深受港人喜愛，今日去旺角路過位於豉油街的僕之拉麵，店面典型的日式風格，環境闊落，周圍擺滿了動漫小擺件好得意。招牌特選拉麵$135，叉燒1.5倍+炙叉燒+紫菜2枚+蔥+味筍+味付雞蛋，湯底可選豚骨濃湯或者豚骨清湯，一開二味付雞蛋，蛋黃塘心好正，火炙令到五花腩多咗份焦香，厚切叉燒肥瘦相夾，層次分明入口即溶，拉麵爽滑彈牙，掛上濃湯口感一流。小食炸章魚丸六粒，面頭有紫菜條同木魚絲，章魚粒彈牙，配上沙律醬，口感豐富。炸雞有4件，皮脆香口，肉嫩多汁，是好正嘅配拉麵小食。

第二次食呢間拉麵，因為唔錯所以再encore😱外賣自取有8折，門面裝修感覺好乾淨，今次終於可以堂食特選拉麵入面有1.5倍叉燒🤓🤓🤓灸叉燒(超長)、溏心蛋，紫菜、蔥、味荀。灸叉燒好長好厚，五花腩蘸上滿特製醬汁再用火燒，充滿油脂香味，好正！朋友要左濃湯，湯底充滿脂肪香😍湯都接近飲曬。小拉麵幻想自己細食🫣🫣小拉麵本來已有齊叉燒、海帶、荀等等，女仔會好夠食。但揀完之後又加左好多配料🙈🙈🙈加左叉燒、流心蛋、海帶，諗住高蛋白質！叉燒真係唔講得笑，有成10片！溏心蛋蛋黃好紅，顏色靚。湯底要左醬油清湯，味道唔會太咸，清清地！整體感覺不錯。炸雞炸雞大大粒4粒，size好似大魚蛋咁，堅大！有檸檬汁同沙律醬配，好好食😋。

店內有分湯底💓濃湯原味配叉燒拉麵$98叉燒2倍、葱、味荀、雞蛋(嚴選西班牙產地的優質豚骨)濃厚豚骨白湯。湯底好香，唔油膩，叉燒多但唔肥，叉燒都唔濃味，唔會膩口，雞蛋好好食。💓清湯原味配人氣拉麵$98叉燒、紫菜、粟米、葱、味荀、雞蛋清淡嘅湯令人飲落好舒服，胃口大開，薄薄的叉燒，大啖大啖食都唔會膩，超多粟米粒👍老闆一d都唔吝嗇，佢嘅雞蛋又好味，我食晒成碗麵，湯都飲埋🤤滿足晒。(嚴選西班牙產地的優質豚骨)清湯湯底結合秘製酱油而成。💓炸餃子4個$30脆脆的餃子配沙律醬，我鐘意細細隻(唔會炸到油淰淰)💓炸章魚丸$30(6粒)熱辣辣細細粒配沙律醬

今日放工想食拉麵，記得呢間有個海老愛食者拉麵，即刻趕過來。來到先6點，已經三分二坐滿，快手坐低叫，點知侍應妹妹話已經啱啱賣出最後一碗，勁傷心。呢個時候先得閒望下個環境，其實裝修佈置都好講究，好有日本feel。menu睇落都幾多野選擇，既然今日冇左海老愛食者咁叫多啲小食補數啦！試吓個肉愛食者拉面，打卡一流，真係勁多塊肉。我最欣賞個濃湯底，濃郁之餘唔會油膩，麵嘅硬度我覺得剛剛好 （雖然落單可以選要硬定軟），另外冇需要價錢就有半熟蛋。呢個就算普通基本拉麵都有，我覺得好抵食。小食就試左三款： 炸餃子，炸章魚丸同蟹肉可樂餅！ 三個都好邪惡，但一口氣就試完，因為堅好食雞，尤其個蟹肉可樂餅。難道期間限定既野特別好食？😋熱辣辣，脆卜卜，仲有幾濃嘅蟹肉味

繼尋日開左果拉麵癮，今日果lunch我又去食拉麵啦！😆旺角尼間系之前book mark左好耐，終於搵到機會啦！ - 拉麵 -兩款拉麵的湯底都用左豚肉濃湯，好香濃得黎一D都唔鹹，食完之後無口渴既感覺。⦁肉愛食者拉麵成隻碗都係叉燒（叉燒粒、叉燒片）超多肉，兩種唔同嘅口感，岩晒肉食愛好者。⦁人氣拉麵麵質彈牙，口感煙韌，味付雞蛋好滑夠流心，一D都唔老，仲好香蛋味添。- 小食 -牛肉可樂餅係期間，外脆內軟！雖然係炸物，但一D都唔油膩。- 飲品 -🍑日本熟成白桃製成嘅梳打，入口有好清新嘅果香。🍈日本靜岡縣密瓜果汁製成，濃郁香甜。尼間就無俾冰底，不過兩支都夠凍！- 配料 -除左一般拉麵店有嘅七味粉之外，仲有生蒜同埋拉麵胡椒，可以自由配搭自己心目中既味道。

今日又同女朋友食拉麵，話說之前聽過有間係深水埗既拉麵叉燒多到成碗都係，而家竟然係旺角開左分店，二話不說即刻去試——————🐽 牛肉可樂餅作為限定小食，可樂餅既質素果然唔錯，外皮炸到香脆，入面既薯容牛肉好有日本既風味，配埋面頭酸酸地既炸豬扒醬好開胃🐽 特選拉麵唔好睇佢個名甘簡單，用料其實好講究🤪用左西班牙豬燒製而成既叉燒，再加左一塊好厚既豬腩肉，令到豬油香氣撲鼻而來，特濃豬骨湯底令到成碗拉麵味道好豐富😋🐽 人氣拉麵黎碗既配料比較貼近傳統博多拉麵，特別之處係湯底揀左豬骨清湯，入口味道較淡，比較適合唔太重口味既朋友😉

日本拉麵一直深受港人愛戴，不少港人目標要食盡香港拉麵為人生目標，可見港人對拉麵的熱愛程度。最近去了位於旺角的僕之拉麵，店員態度誠懇有禮，環境闊落，周圍擺滿了動漫figure，有bar枱和四人枱，不似一般日式拉麵般細細間，這拉麵店不設加一和服務費。今次點了肉愛食者拉麵$120，人氣拉麵$98，和兩款限定薯餅，各$36。肉愛食者拉麵 $1203倍叉燒加上角切叉燒舖至碗邊滿到瀉，肉量澎湃，絕對可滿足各食肉獸，配以鮮甜的醬油味豚骨清湯，味道濃郁，味付雞蛋的軟嫩蛋白包裹著半熟晶瑩流心中的蛋黃，滿溢香濃蛋香。人氣拉麵$98大大塊叉燒配上清澈帶有透明感的鹽味豚骨清湯，淡麗系口味可以中和肉食的滯膩感，叉燒煮得非常軟滑入味，麵條易於掛湯，不會煮得過腍，配菜還有紫菜4枚，大量香甜粟米，葱，味筍和味付雞蛋，材料豐富。牛肉可樂餅$36脆卜卜的外層下是薯味濃郁的薯蓉，還散發陣陣牛肉鹹香。蟹肉忌廉可樂餅$36蟹肉可樂餅炸得金黃，外皮脆口而內裡綿滑，濃滑的忌廉蟹肉富有奶油香。另加了$10，點了一罐無糖可樂。

特選拉麵，有一點五倍叉燒真係好滿足，而且食落去好嫩滑，🐷加上有一條炙叉燒，油脂甘香，非常滿足。🍜人氣拉麵都好好食，我鍾意佢嘅紫菜可以浸埋落個湯底一齊食，🥢可選擇爽脆口感，或者係軟熟嘅口感，都非常唔錯。當然少不了入味嘅味付雞蛋，🥚香濃嘅半熟雞蛋漿，令人回味無窮。脆口嘅味筍，🥬同埋香蔥可以令湯底更入味。dinner更加同friend點咗一個炸章魚丸作為小食happy share，🔥好香脆，熱辣辣。

今日下午要到全港最旺角落做嘢，做完又係時候搵食，見到戲院隔離呢間拉麵仍未試過，門口電視又播住：就算叉燒都會揀最靚嘅西班牙豬嚟整，即管試試佢。甫進店內，就被店裏裝飾吸引住。播着的是日本動漫兒歌，一面牆放着一堆玩具Figure與だるま公仔，天花掛着的是各地的通行手形木牌，對於仲被禁足香港嘅你同我，呢種情懷同氣氛已經係一種安慰。點咗個肉愛食者拉麵，貪佢夠多叉燒，仲有埋角切叉燒、蔥、筍同味玉。我另外再加左4片紫菜，個人十分喜歡用嚟沾湯。先講個湯底，揀左豬骨濃湯，濃度唔錯，飲落舒服，似係足料落去煲。麵質粗幼中挺，亦配合返湯底濃稠，至於半熟蛋就係亮點之一，味道、熟度、蛋香都做得啱啱好。雖然今日限定嘅蝦湯麵售罄，期待下次嚟希望有幸可以試下。

終於食到呢間近期人氣爆燈嘅拉麵店啦💥今日放工特登早少少過嚟所以唔使排隊開心🥰🥰拉麵選擇都有好多，環境播住日文歌，用心嘅日式裝修，揀埋吧枱坐，直程就好似喺日本拉麵店一樣啊🤭🤭肉食愛好者拉麵（ $120 ）🔥🔥呢一碗嘅湯底叫左濃湯，係用咗西班牙豚肉熬製12個鐘既超濃豚肉白湯，先試一啖湯底🤤🤤質感勁濃厚十分掛麵，除咗三倍嘅叉燒片之外仲有角切叉燒粒粒，其他拉麵店比較少見，豐富左成碗拉麵嘅層次😻😻人氣拉麵（ $98 ）呢碗就揀咗清湯鹽味🍜🍜唔好以為清湯就好普通啊，本人係覺得清湯比起濃湯更加出色❤️‍🔥❤️‍🔥滿滿豬骨精華又無濃湯咁膩，我哋另外仲加咗蝦油添加鮮甜味🍤另外仲要讚一讚佢個糖心蛋🥚係完美嘅糖心蛋，好幸福🫶🏻🫶🏻炸章魚丸（ $30 ）🐙🐙除咗拉麵之外都有幾款小食，我哋就揀咗炸章魚丸，上枱嘅時候木魚片郁吓郁吓勁Q，下次想試埋佢嘅特選拉麵呀😽😽

—————————————————🍜僕之拉麵豚骨濃湯🆚特選拉麵(1.5倍叉燒·炙叉燒·紫菜·蔥·味筍·味付蛋)真係好濃湯～飲落唔似味精湯～濃濃豬骨味(非常重料)👍麵質爽口唔會太淋(小編無揀過)😃炙叉燒咬落肥瘦均勻～唔會太膩～燒得好焦香🤤🤤叉燒雖薄身但肉味好夠～整碗拉麵👍👍👍唐揚炸章魚就咁食唔錯·滴小小檸檬汁食又唔錯·點沙律醬就更加好食(小編覺得)🤣好味指數(7級最佳)▁ ▂ ▃ ▄ ▅ ▆ ▇—————————————————☻非專業食評·純個人口味☻—————————————————📍總結:必定再會去食過架啦😊亦大力推薦俾睇緊既你地😃仲有咩拉麵好食快啲推介俾小編😜