僕之拉麵 (已結業)

僕之拉麵 門面非常新淨光猛，有位朋友推薦我一定要食豬骨濃湯拉麵，果然不錯！1.肉愛食者拉麵 $120、追加蟹棒 $18造型非常有霸氣！叉燒係平時份量既3倍！舖滿碗邊，肥瘦適中，肉質嫩又易咬👍🏻仲有角切叉燒，有咬口！叉燒味又突出👍🏻溏心蛋一睇橙色既蛋黃就知係用日本貴蛋整既，蛋黃好流心，正！😋荀好爽口！追加既蟹棒有2大條，啖啖肉，正！😋豬骨濃湯好濃稠。拉麵軟硬適中，非常掛湯！🫶🏻🫶🏻值得推薦❣️

行過旺角, 隨意見到間日式拉麵舖僕之拉麵 boku no ramen , 發覺好高質, 想推介我同麻甩熊一人叫左一碗黎試下, 分別係 ; #期間限定 #海老愛食者拉麵 🌻🌻🌻🌻食拉麵最緊要個湯, 一黎試下佢個湯先, 佢係一個超濃蝦味湯拉麵, 飲起黎已經好重蝦既鮮味, 仲要湯底有好多櫻花蝦, 令到湯味更濃郁, 好正, 仲要有好多隻赤蝦, 啲蝦外面少少炙燒過脆脆地, 內面仲保留到蝦既鮮味, 仲有不得不讚係有幾個炸蝦頭, 入面仲有好多蝦膏, 令到成碗拉麵蝦味更濃, 口感層次都大大提升,仲有拉麵食黎都好彈, 配埋啲湯岩岩好, 真係好正, #特盛叉燒拉麵🌻🌻🌻🌻🌻另外一個係特濃豬骨湯叉燒拉麵, 特濃豬骨湯係乳白色, 濃得黎又唔係太鹹,絕對唔會好口渴, 叉燒有成4塊, 半肥瘦, 油脂同肉夾住, 食落好淋,入口即溶既感覺好正, 另一個不得不讚係佢落單係自己填, 仲可以細心寫埋唔要荀及蔥果啲, 滿足個人唔同口味, 非常細心, 同埋感覺呢間品質都幾貼近日本, 真心正————僕之拉麵 (旺角)旺角豉油街74號地舖———-#日式拉麵 #僕之拉麵 #日式料理 #旺角好去處 #ramen #bokunoram

💕僕之拉麵 餐廳裝潢充滿濃濃日本風 木枱木椅 牆上掛畫裝飾品加埋一齊 令人彷如置身日本拉麵店🍜.🌈特選拉麵 $135內容豐富 有叉燒1.5倍+炙叉燒+紫菜+葱+味筍+味付雞蛋湯底可以揀豚骨濃湯或者豚骨清湯我地揀咗豚骨濃湯 質地偏稠身 輕輕一浸麵條已經掛上濃湯😍.火炙後令叉燒嘅油脂香更突出肥瘦適中而且多咗份焦香 係呢碗拉麵嘅亮點拉麵爽滑彈牙 仲有煮得好入味嘅味付雞蛋🥚半熟流心蛋黃令人回味無窮🤤.🌈肉愛食者拉麵 $148叉燒3倍+角切叉燒+蔥+味筍+味付雞蛋拉麵賣相吸引 叉燒好似一朵花咁包圍碗邊🌼造型冇得輸🤟🏾.叉燒肉質鮮嫩軟腍 3倍份量食得更滿足角切叉燒都醃得好入味 有口感得黎唔會韌.同樣揀咗濃湯湯底 每啖都充滿濃湯味難得嘅係湯底濃而不膩 飲完之後唔會口渴👍🏽無論係咪肉愛食者都會鍾意❤️.🌈餃子餃子輕輕炸過 皮薄餡靚同蛋黃醬perfect match🙌🏽

僕之拉麵(18/6) 星期六 中午12：15特式：呢間拉麵店係以吸引食肉獸作招來，而家定期都會有d期間限定拉麵，今次期間限定就係海老拉麵，對鐘意食蝦既我嚟講就一定唔會錯過。食物：海老愛食者拉麵 - 先講麵底，麵有小麥香味，麵質可因應自己喜好揀軟硬度；湯底有好濃蝦味，感覺就好似飲緊西餐個d龍蝦湯咁；蝦就有7隻，都大隻新鮮同爽口，有一半會做輕微炙燒效果，好香口；蝦頭就有4~5個，都有做到炙燒效果，可以成個頭都食埋；其他配料有櫻花蝦/筍/糖心蛋/日本蔥，屬中上水平。肉愛食者拉麵- 叫得呢個名就一定係好多肉啦，佢d叉燒好淋身又唔肥膩，但炙燒叉燒粒就有d硬同un。飲品 - 似日本拉麵店有自助冰水提供。環境：餐廳環境正常，就同正常日本拉麵店咁既設計，旺角店就比較迫同多人，佐敦店就會少人好多。服務：服務態度正常，但佐敦店可能真係少客d，d職員會多d笑容同埋會同你講下野。價錢：大約100~140碗麵。總結：呢間店既拉麵我本身都已經唔係第一次食，佢旺角/佐敦店我都有去食過，見佢今次做呢個海老拉麵絕對係吸引到鐘意食蝦既我，但佢只限旺角店有售，而且每日只限售15碗，所以要一開門就去食先會食到，我當時12:1

旺角拉麵店唔多 見呢個海老拉麵好正咁 所以就想試下不過原來海老係限量, 我地個晚去到已經賣哂 唯有下次再黎～今次叫左特選拉麵$135同埋人氣拉麵$98兩個分別在於叉燒同埋紫菜嘅份量, 同埋人氣拉麵就有埋粟米🌽湯底方面我哋揀咗濃湯～個湯唔油又唔鹹喎。特選拉麵$135粉紅色薄切叉燒調味ok, 唔會鞋口, 而且份量係1.5 倍, 所以好夠食炙叉燒成條鰻魚咁長🤩賣相好靚好吸睛！半肥瘦, 有炭燒香味又唔會乾人氣拉麵🍜 $98有4塊紫菜, 要盡快食啊～ 呢碗有粟米豐富啲😋有幾塊叉燒, 幾腍～ 溫泉蛋半熟程度剛好, 同埋夠味, 蘭王蛋個蛋黃真係好靚追加炸雞 似乎係即叫即炸, 好熱辣辣, 外脆內軟有檸檬同埋沙律醬🥰蜜桃梳打+$24有樽裝幾抵, 幾好飲&無藥水味

見Openrice咁多好評，專誠由新界出嚟試試味叫左一碗豬骨濃湯特選拉麵，同一碗蝦愛好者拉麵相信喜愛食拉麵嘅人都認同，一碗拉麵，湯底絕對係靈魂！可惜個豬骨「濃湯」，望落去，「清湯」一樣，睇到碗底已經唔合格，大家可以參考下圖；飲落去，無任何豬骨味/肉味，淡！我好耐無試過食拉麵要落胡椒粉到個燒豬腩肉，一般認知，厚度起碼要有2-3mm，可惜呢度嘅腩肉係得1mm簿，所以灸完個口感比較硬，而不是脆口。。。無一般燒烤嘅油花香味，再次失望 豬骨濃湯特選拉麵食感後：絕對對唔住$138呢個價錢，一定無下次至於蝦愛好者拉麵，不過不失，味道僅僅合格，但以$145來說，不值得再食對比其他拉麵店，價錢已經比較貴，味道反而不成正比，絕對失望！本人意見絕不代表任何人立場，亦無意要惡意抹黑或者中傷貴店，絕對係我真實嘅食後評價‼️

留意倒新聞介紹呢一間拉麵店，佢嘅相片令我為之一驚係超級多餸嘅拉麵！一定要嚟試吓店內其實好多好靚嘅日本風格擺設🇯🇵，但係由於當日食客眾多，店内空間唔大，而目我被安排嘅位罝都比較難影倒店內其他裝飾擺設，以免影響其他食客我就放棄咗影佢哋😆睇一睇張點餐紙。真正食肉獸嘅天堂，可以選擇叉燒1.5倍、2倍、3倍嘅款式！有別於平時拉麵店只有兩、三片叉燒，如果平時覺得唔夠喉嘅食肉獸們真係要嚟試試湯底呢度主打嘅係豚骨濃湯，唔鐘意太濃郁同杰身湯底嘅朋友亦可以試吓豚骨清湯~其寄我最想嚟試嘅拉麵係呢一碗「海老愛食者拉麵」🦐🦐🦐之但係每日限定15碗，晚上7點鐘理所當然無得食~ 下次請早💁🏻‍♀️特選拉麵 Special Ramen $135叉燒1.5倍＋炙叉燒＋紫菜2枚＋葱＋味荀+味付雞蛋(相片中無味荀，因為本身唔鐘意食味荀所以刪除咗）我鐘意濃郁嘅湯底所以揀咗濃湯原味，個湯真係好杰身，超濃郁！相比叉燒薄片，我更加鐘意呢一條超長又厚身嘅灸燒伊比利亞叉燒叉燒肥瘦適中，陣陣炭燒味，非常惹味味付雞蛋蛋黃流心，味道亦做得出色我揀咗「麵硬」，不過都偏軟，如果麵底可以無咁淋會再加分。肉愛食者拉麵 Meat Lover Ramen

位於旺角的日式豚骨拉麵店，除了吧檯，裡面還有些二人或四人座，位置也蠻多的，餐牌供應6款豬骨湯底的拉麵及一些炸物小食，還有限量供應的拉麵。小食：炸章魚丸迷你版的章魚丸，上面掃上燒汁，再灑上鰹魚碎及紫菜，旁邊還有沙律醬。外皮炸得外脆，內裡軟腍，不過餡料不多，章魚粒細細粒。拉麵：肉愛食者拉麵湯底：濃湯原味 澎湃的豚肉蓋滿整個麵碗，上面還有大量的角切叉燒， 另外還有葱、味筍及味付雞蛋。叉燒是正常份量的3倍，每一片豚肉均切割得平均薄薄的，脂肪含量也不多，肉質軟嫩；而角切叉燒則是正方形粒狀的，很有嚼勁、口感。豚骨濃湯比清湯的質感更加濃稠黏口，豚骨味特別濃香。拉麵麵條幼硬身，挺柔韌。拉麵：特選拉麵  湯底：濃湯原味叉燒也是比正常份量多1.5倍，另外還有一片炙燒伊比利亞豬肉，還有紫菜、葱、味筍及味付雞蛋。一整片長長的伊比利亞豬肉，充滿炙燒焦香味道，很香口。而且整塊都是不飽和脂肪，經燒過後，油脂豐腴，脂香非常，但不會太膩。至於味付雞蛋已經以醬油微微調過味，蛋黃做到剛好流心半熟狀態。

又一間難食到爆嘅拉麵。同女朋友諗住求其食間拉麵，於是就嚟咗呢度。我嗌咗食肉獸拉麵，女朋友就食叉燒拉麵，兩個都係濃湯。拉麵一上，賣相就正常嘅。一飲啖湯就出哂事，冇味嘅。之後食啖麵就仲大鑊，麵質淋到一個點以為自己食緊老人餐/糊仔。啲叉燒就中規中矩，不過不失咁囉。環境方面，迫迫地就冇計啦香港地。同埋咁唔好彩坐嗰度有冷氣機滴水，都再扣咗少少分。奉勸大家嚟食之前三思，廢事中伏。完全唔明佢點解覺得自己有得同其他拉麵比，根本就輸哂九條街，最多係好食過味千。

無得返鄉下（日本），唯有用食物感受一下，止痕下🤣朋友推薦嘅呢間果然係正👍👍我同朋友6點幾到已經9成坐滿，海老拉面已經賣晒啦🥲最後揀左食肉獸之選3倍肉拉面，再額加左木耳。我想講，佢地嘅叉燒大片又嫩滑，無聽錯，真係滑架，但又唔會覺得好油。無晒清湯底所以揀左勁濃豬骨湯，無我想像中咁濃，但咁仲好，湯都飲到👍湯量如果可以多少少就更好。拉面面質有得揀，來硬d帶骨，或者淋d又得。追加埋炸雞，粉唔厚，咬落去脆脆的好香口，而且仲爆汁，唔會好咸。食到雞肉鮮甜味👍👍👍

旺角搵食一啲都唔困難每一條街各式各類既餐廳都有心血來潮想食拉麵黎到呢間拉麵店成間拉麵店都好有日本feel呢度有限量既拉麵推介今次食肉愛食者拉麵3倍叉燒，滿足左以往食拉麵叉燒唔夠喉既我叉燒肥瘦適中，即使係3倍都唔會感到好滯湯底揀左濃湯，濃湯超級濃稠啖啖都食到豬骨味而且麵條可以揀硬同軟自己就鐘意食軟一樣吸哂濃湯既鮮味另外友人叫左叉燒拉麵2倍叉燒，份量好滿足值得留意蛋超溏心另外多叫了兩客小食炸魷魚，炸雞炸粉做得薄薄脆漿不會重味外脆內軟食拉麵最怕食到一身汗呢度冷氣非常夠食得舒服

在社交平台經常看到這間店的的拉麵，舖滿整個碗邊，真是好吸引，今晚放工後特意去吃，在門口已經見到有人正排隊，可見人氣十足。位置：在新寶戲院旁邊，距離地鐵站都只是十分鐘。環境：以木系為主調，白底黑字的招牌，掛有紅色燈籠和阿童木木偶，進入室內首先是一行吧台，有師父正煮麵，再往前是正方形的中庭，有兩至四人座位，面積不大，但佈置得有心思，很有日式風格。午/晚市：無論早晚都是一樣的套餐，只是期間限定的海老拉麵在晚市前就賣完了。湯底可以自選濃湯或者清湯，仲可以添加很多配料，隨客人的口味而調製。🥢叉燒拉麵🍜 $98有叉燒2倍+京蔥 +味荀+味付糖心蛋，自選配醬油清湯這是我點叫，因為晚上不想吃太多肉，所以沒有點濃湯或多肉，但也相當不錯，麵身夠軟而有嚼勁，四片叉燒大塊而薄切，口感軟身，最棒是糖心蛋🥚是給一整個，而不是一半，我特別喜歡吃流心的糖心蛋，這一點很滿足到我。🥢叉燒拉麵🍜 $98有叉燒2倍+京蔥 +味荀+味付糖心蛋，自選配醬油濃湯和香蒜油$12這是朋友點叫，因為他喜歡濃味，而且湯底一定要加香蒜油，會香噴嘖得多，吃得滿足。🥢人氣拉麵🍜 $98有叉燒 + 紫菜 4 片+ 粟米 + 蔥 + 味荀 + 味付

肉愛食者拉麵 🍜正常份量3倍既叉燒肉，一上檯眼前只係見到肉、肉、同埋肉，堪稱為食肉獸而設。叉燒係偏瘦，唔會好柴，亦都好有肉味。另外配上角切既叉燒粒，半肥瘦，咬落有質感。味付鷄蛋 🥚 採用蘭王蛋，堪稱最熱門的雞蛋之王，蛋黃呈橙紅色，色澤光亮，蛋香非常濃郁，蛋白唔腥。湯底選了清湯原味 🥣 長時間慢火熬製西班牙豚骨，配上秘製酱油，清甜而不會過濃。Rating: 8/10📍僕之拉麵 🍜 旺角豉油街74號地舖

好一段時間無食拉麵，前排見到介紹就慕名而黎，舖頭唔算大既關係，七點開始要排隊，但流動量都高既🤨▪️ 肉愛食者拉麵（7/10）💲120呢碗麵一上檯真係要即刻打卡，叉燒係三倍量，大概九塊圍住個碗邊，好似曬衫咁超誇張🤣入口有陣陣炙燒味道，不過耐左會乾身少少🙈相比下角切叉燒更有驚喜，脂肪比例較多，口感軟嫩😍雖則味付雞蛋既蛋白醬油味唔算重，不過流心效果一流，蛋黃味突出🥚仲有蔥同味荀，湯底要左濃湯原味，質感稠身帶有膠質，而且豬骨味香濃，拉麵用上曲麵，麵質屬於偏硬身🍜另外要提既係，檯面擺放左其他調味料，當中蒜泥唔錯啊😛▪️ 叉燒拉麵（7/10）💲98同上面嗰碗既分別，係在於叉燒兩倍，無左角切叉燒🫢▪️ 炸章魚丸（7/10）💲30炸章魚丸比起坊間既迷你，面頭有紫菜條同木魚絲，因為醬汁係底，所以唔會係成粒濕到淋，入面既章魚粒彈牙，配上沙律醬😎▪️ 桃梳打（7.5/10）💲24日本直送既支裝梳打，桃味夠天然，而且清爽解膩🍑▪️ 蜜瓜梳打（7/10）💲24飲呢支似食密瓜味香口膠，甜度高一點🍈🔎 整體評分（7/10）

掛8號風前兩個鐘早放，約左女朋友喺旺角等，好耐冇食拉麵，所以想搵間拉麵食，上open rice睇下有咩拉麵好介紹，見到僕之拉麵，見未食過就去試下，叫咗兩個基本拉麵（濃湯），都幾有驚喜，隻蛋做得好靚，但醬油味可以再重啲，湯底夠濃郁，麵質都算唔差，冇梘水味，以$78一碗拉麵嘅性價比，絕對係正，絕對可以再返嚟食，不過只有炸餃子同水餃子，竟然冇煎餃子，有種若有所失嘅感覺。坐落環境都算舒服，職員都好好，值得一讚