倫哥火鍋私房菜 (已結業)

只係需要318蚊(有加一😎)，就有得食雞煲同無限時火鍋😱岩晒一大班朋友嚟😛首先有刺身😚包括三文魚、北寄貝同甜蝦等，食落去都算新鮮😆然後就到雞煲啦🐤今次就揀咗小辣，但辣味就冇乜食到，得辣嘅朋友仔可以試下中辣🌶雞煲一嚟到係未食得嘅，要每隔兩分鐘自己炒一炒，一次一共重複四次😧 雞煲嘅味道就不過不失，我覺得唔夠濃味🤔食到一半嘅時候再加豬皮牛柏葉同魚落去😎份量都幾多🤔不過有啲豬皮仲有毛痴住😫然後就打邊爐啦😍湯底係椰子雞湯，未加配料之前飲啖湯，的確幾清甜😋有牛肉、海鮮拼盤、 墨魚滑、蝦滑、丸類同埋餃類等等😙有啲可以再添加，店員會講清楚😆牛肉份量都幾多，食落都幾淋😎海鮮款式都唔少，而且整體上都幾鮮甜😍墨魚滑同蝦滑就冇咩太特別🤔啲餃裡面啲餡都好足料，一啲都冇偷工減料😆👍🏼啲丸夠哂大粒食落都算爽口😋最尾甜品仲有個3.6牛乳燉燕窩，唔會太甜滑滑的😍後記💁🏻‍♀💁🏻‍♂就算唔再加任何嘢食都覺得好飽🤭.⭐溫馨小提示📌 炒雞要留意時間啊，小心痴底😆📌 炒嘅時候都要小心辣到手😗📌 食魚嘅時候要小心有骨啊😜

今日又來到CP值勁高嘅倫哥打邊爐啦，一如既往我神早就已經book好枱，準時入場準備打邊爐餐前小食係麻辣四季豆同麻辣雲耳，味道確係一流，唔會好辣恰到好處，而且四季豆入口爽脆，果然可以開晒我嘅胃口。飲品嘅選擇十分之齊全，最緊要有我最愛嘅冬瓜茶，一連飲咗幾罐啊！跟住就到刺身上場啦，刺身嘅選擇好豐富，有成五種咁多，而且用冰鎮住，夠晒冰涼，刺身入口爽甜，分外覺得新鮮，特別要一提嘅係佢嘅帶子，入口覺得好清甜。之後就係食雞煲嘅時間啦，最緊要係啲雞竟然可以任加任食，真係覺得冇幾多間可以做到咁。雞肉好嫩滑，唔會食到有雪藏嘅味道，夠晒入味，一上枱嘅時候仲未熟曬嘅，要經過每2分鐘嘅四炒四煮先食得，打開蓋嘅時候香噴噴真係口水都流啊。食完雞煲仲未完嫁，今次輪歌主打呢一個湯底，就係椰子冬瓜雞湯，上咗枱之後要等佢滾，當佢滾嘅時候就將中間嘅嗰個雞搞爛佢，之後就飲咗啲椰子雞湯先，個湯十分之清甜，一啲味精都冇，淡淡鮮雞同椰子嘅香氣迎面而來，我連續飲咗三碗，之所以話佢冇味精係因為我飲完之後一啲都唔會好口渴，而且旁邊仲有一隻溫泉蛋，等15分鐘就食得㗎啦。牛肉顏色鮮艷，充滿香濃嘅牛味，放落個湯底滾一滾放入口，簡直係人生一大嘅享

Happy Sunday食好西一家大細渣車入元朗玩左成日，餓到乜咁，阿女話想打邊爐，我醒起元朗都有倫哥，二話不說踩油全速前往倫哥！前菜有新鮮刺身、木耳、豆角 開胃！之後店員就捧上鷄煲，雞係未熟曬既，佢教我地要點炒同幾多分鐘，炒時啲香味同辣味係咁湧出來，搞到阿女同老婆都流曬口水！個雞煲汁真係世界級，其實係似jerjer雞既味道，雞肉質滑，滿分！跟住我地示意比店員，食完雞煲就到打边爐！佢幫我地換走左煲，係成個冬瓜！湯底係海底椰，幾清甜主角出場了！新鮮肥美雜錦海鮮一大盤：象拔蚌、大海蝦、蜆、大粒帶子、龍等、脆肉鯇，全部都鮮味爆棚呀！最緊要係冇沙!再黎係牛頸瘠，冰震的，煮幾秒搞店，入口即溶，好有牛味！倫哥永遠唔會令我地一家大細失望！

山長水遠入咗元朗睇檢察狂人，點可以唔食返餐好，於是去食倫哥火鍋。估唔到食雞煲都有前菜食，好開胃，搞到我哋都食指大動。刺身都唔錯，唔會話切到薄一薄咁上。同房三個雞煲一上，大家即刻咳到停唔到，無他，啲香料太犀利，抽氣又麻麻，但耐咗習慣咗就覺得好香，一食落口，果然十分惹味！加埋豬皮、牛柏葉同魷魚三寶，索晒啲醬汁嘅濃香，好正。雞件表面煮到燶燶地，外脆內嫩！因為近期腸胃唔太好，今次只係叫咗BB 辣，但雞煲唔會話唔夠辣冇咁好食，個醬底真係唔曳。準備上火鍋時，侍應上咗個涼粉下火用，食完一輪重口味雞煲，涼粉就好似及時雨咁，滋潤味覺。牛肉再嗌要加錢。魚、蝦、蜆可以任叫，其他只限人頭。唯一挑剔係四隻蝦入邊有一隻霉咗。炸魚皮可能放得太耐，好大陣油溢味。主角椰子雞湯底火鍋終於登場！侍應姐姐好細心咁同大家介紹，滾起時可以先飲一次湯，會試到椰子嘅甜味；搗散雞脾再飲，就會嚐到肉香，最後可以落埋海鮮滾起飲用，就會昇華到鮮味。跟足姐姐咁做，真係試到湯底有唔同層次嘅滋味，倫哥喺安排進食次序上非常用心，值得一讚。

自從上次食過倫哥尖沙咀分店果間覺得超正之後，就不斷介紹俾身邊朋友，今次同朋友喺元朗聚會我又揀左黎食。喺西鐵站行過黎都要7-8分鐘，開左地圖都易搵路。上到黎見到好多食客，好彩book左位，坐低後點左個半任食海鮮火鍋+雞煲套餐後就拎左瓶涼茶黎飲，上次飲過覺得好好味，自家製每日新鮮煲，唔太甜，打邊爐真係要飲多兩杯降火。會有個刺身冰盆，有5款刺身，新鮮又甜。食完刺身就上個雞煲，揀左小辣，雞煲係任食，煮完開蓋果下超香，雞肉嫩滑，正！食完雞煲就叫店員上火鍋，未試過去一間餐廳係食得咁多唔同既野，真心興奮。打邊爐前店員拎左碗黑糖冰粉我地食，話清一清雞煲既油，真係好貼心，咁都俾餐廳諗到，好野！火鍋料開始上，個海鮮拼盤好吸精，有蝦、魚、蝦、花甲、蟶子等，超豐富，岩晒中意食海鮮既我。點少得肥牛呢！係牛頸脊黎，中意食哩個部位，好林唔會好多肥脂。溫泉雞鍋上喇！中間似冬瓜盅，店員叫我地試下啖湯先，係超清甜既椰子雞湯，好好飲。打完邊爐仲可以食埋d冬瓜肉。仲有其他蔬菜、丸物、炸物等配料。個蝦滑好爽足料，d料主要擺落中間個冬瓜果度，側邊就係暖暖地唔夠滾，落左溫泉蛋浸15分鐘左右食得。打完邊爐係仲有甜品食嫁，真係要留肚食

打邊爐一向無分季節，所以是夜來到元朗鳳攸南街的倫哥火鍋私房菜，餐廳在一樓，由元朗地鐵站過來都不難找呢。星期日晚上，餐廳幾乎滿座，幸好不需要等位。在全場幾乎爆滿，餐廳侍應忙得手忙腳亂，仍耐心指導我們雞煲的食法，不得不讚他們的服務態度！我們叫了任食海鮮火鍋套餐，套餐包含了刺身、環游海鮮盤、阿媽雞煲、無與倫比牛頸脊、倫嫂手打雙滑、阿媽雲吞水餃、低鹽少油響鈴魚皮、田園有機蔬菜等等。設有飲品雪櫃任飲自製五花茶或汽水。我則選了最健康的五花茶。先來刺身拼盤，豐富到極， 包括厚切三文魚、北寄貝、帶子、 八爪魚片和海蝦，新鮮甜美。在打邊爐前，先吃一輪雞煲。我們選了少辣，餐廳侍應每兩分鐘過來攪一攪雞煲，一共攪了四次便可以開餐。雞煲的秘製醬汁味道非常濃沃入味，雞肉很多，食落啖啖肉，肉質十分鮮嫩。而煲內的豬皮、魷魚、牛柏葉吸收秘製醬汁的精華，也非常惹味！食過雞煲後，餐廳送上自家制黑糖冰涼粉，涼粉晶瑩剔透、甜度適中，可以清清味蕾和解解辣。火鍋配上雞湯湯底，中間有一個冬瓜盅，非常特別。雞湯湯底味道非常鮮甜，可在落配料前先喝兩口，吃完覺得超補，很滿足。 海鮮拼盤海鮮款款都非常新鮮，海鮮拼盤有蟹、蝦、帶子、蚌、蜆、龍

一坐低無乜問題，雞煲幾好食。食完雞煲打邊爐都無乜問題，海鮮唔錯。問題在於佢收三百幾蚊任食，食完位上嘅海鮮同牛咁梗係食其他嘢啦，問佢有冇紙之類睇下有咩可以任食？“冇”然後由侍應口講有乜，丸啊腸仔響鈴炸魚皮，同埋蝦魚片某啲貝類。咁算啦，有乜嚟乜啦，我哋成十幾人，一人一舊都冇哂。然後朋友出去行一轉發現人哋張櫈有餃子，問侍應原來係有嘅，算…問佢仲有咩佢又係講啲咩響鈴腸仔。然後又有朋友出去去廁所又見到有人有肉類食，又問侍應啦，原來有黑豚肉片，咁就火都嚟啦！又無紙比人睇下有咩食，侍應又要問先講好似乞咁，唔係要咁肉酸吖嘛？！好啦，千呼萬喚終於嚟咗一碟，食完再嗌侍應再嚟多碟等咗十年都唔嚟，要再嗌先嚟！究竟想點？唔想人任食咪唔好寫任食囉，乜都唔想比人，問多幾句侍應有咩食就好似阻住佢哋咁黑哂面！我知有咩食我就唔洗問啦！真係好失望，一班朋友一致同意無下次！

想食倫哥唔洗出深水埗，黎元朗啦! 好開心既係我上次係深水埗同friend食過倫哥之後，再openrice睇原來元朗有分店好近我! 上星期日帶左屋企人去食!因為我地4個人佢就比4款刺身我地，每樣都咁新鮮高質，再黎仲有d木耳開胃野，佢地邊食邊震驚前菜既份量，我笑而不語，因為之後佢地會仲震驚店員問雞煲想要咩辣我地簡左小辣，好快就上左個煲，店員示意D雞係未熟曬，需要我地炒下佢同kum蓋，過程係勁香! 由於雞係新鮮炒起，肉質超嫩滑，個汁都好好食!震驚2nd round來了，食完雞店員就幫我地換煲，再捧上有成個冬瓜係到既海底椰湯底，此舉又令老豆阿媽阿妹O左咀因為佢地已經食到飽飽地，之後店員再捧上我最期待的冰震海鮮拼盤同牛頸瘠，即刻卓黎食，正到呢仲有其他雲吞，墨魚滑，丸，樣樣皆精，不能盡錄，正! 重點係大部份都可以無限refill架!非常推介大家黎!

今日老婆提議去食倫哥火鍋私房菜，老婆未到前已同我講留定肚，會有好多好野食。倫哥火鍋私房菜位於鳳悠南街，如果渣車其實都好易泊車，附近有兩個咪錶場，流動率好高。老婆一早訂了位，我們不用等位。刺身好快送到，有赤蝦、三文魚、八爪魚、北寄貝，帶子刺身，估唔到咁新鮮，而且係厚切，唔會因為有火鍋同雞煲，而令刺身既質素下降。等雞煲期間，可以出去拎飲品，有成十多款選擇，而且飲品是任飲的。雞煲出場啦，雞煲未熟，要自己抄，但侍應會隔兩分鐘過來炒，共炒四次，其實我未食過雞煲，今次係第一次食，估唔到原來雞煲咁惹味，雞肉好嫩滑，食到一半再加牛柏葉、豬皮、魷魚，豬皮索晒雞煲既醬汁，好好味，食唔停，雞煲都是任食的。食完雞煲梗係食火鍋啦，其實雞煲已經飽左一半。火鍋湯底係椰子雞，又稱溫泉雞，因為只有中間會滾，椰子味香濃，滾起將隻雞整爛，會令湯更加出味。火鍋配料超級豐富，有個超豪華既海鮮拼盤，有蟶子、海蝦、蟹、鮑魚、帶子、魷魚等等，海鮮新鮮，非常鮮甜，樣樣海鮮都高質素，性價比高。除左海鮮，仲有手切牛頸脊，爽滑牛味濃。墨魚滑及蝦滑做得非常出色，爽口彈牙。魚皮、響鈴、丸、餃子都是必食的。最後餐廳會送上甜品-3.6牛乳燉燕窩。其

火鍋隱又黎啦，今個月冇打過邊爐，心癢癢勁想打，朋友推介這個刺身+雞煲+火鍋。朋友話食到雞煲其實已經飽飽地，佢講到咁誇張，當然要去食下，所以我地一早book 定枱去食。好彩有book 位，已經有9成滿座了，先來刺身，刺身非常新鮮，而且是厚切，赤蝦仲要勁大隻勁大隻呀！之後好快上雞煲啦，張枱紙倫哥會教你歎雞煲四步曲，每兩分鐘攪一次，共攪四次就食得架啦，一打開，雞煲醬汁超惹味，雞又滑又入晒味，食到一半再加入魷魚、豬皮、牛柏葉落雞煲，真係好惹味，飲埋杯啤酒真係一流啦。食完雞煲，餐廳會送你一碗黑糖冰涼粉，消暑解辣，清熱潤肺。之後好快就上埋火鍋，火鍋湯底是椰子雞，超濃椰子味道，個海鮮拼盤好大份，而且仲有不同款式海鮮，海鮮非常新鮮，而且隻隻都好大隻，亦有好多不同配料，有響鈴，炸魚皮，雲吞，餃子，丸，墨魚滑，蝦滑等等。我最鐘意食墨魚滑和蝦滑，墨汁味濃，而且有粒粒墨魚，而蝦滑，爽口彈牙，真係有粒粒蝦肉，夠足料。食完火鍋，餐廳每人送上一碗3.6牛乳燉燕窩，不算非常滑，但好香濃牛奶味。以一餐真係好飽好飽好飽，好滿足。

團購已硬性規定21:30才能入座，先有刺身，但雞煲在三催四請下，終於35分鐘後，即22:05才到，上枱後還要四煮四攪。剛發現原來食物紙上有寫要攪4次，但全程並沒員工提醒，攪2次後行埋黎話食得，但仍是凍，所以我們當然自己動手撈！自己撈左幾次，有店舖主任走黎幫手撈，點知講講下，大聲用丹田講：「聽我講點做，要4煮4撈，做咩急！」時間已經22:15，仲未食得，食店在推廣宣傳前應該安排妥當，在人手嚴重不足的情況下，服務的態度完全不能接受。

$318 一位的半任食雞煲+溫泉火鍋，連加一兩位合共$700 埋單，飽到想嘔。所謂的半任食，雞煲和火鍋料都是任食的，刺身和海鮮拼盤是按人頭份量。全場坐無虛席，一坐低點了雞煲後，店員就捧上了一碟刺身，有三文魚，北寄貝，大蝦，魷魚和帶子。。店員更提醒要在出水前食完才新鮮。之後就來了雞煲，我們點了小辣。店員再講述程序，要每兩分鐘打開蓋炒一陣，要重覆四次才可以食。味道不算很濃，配料不算很d多，對我來說剛好，份量應該都有半隻雞。另外還有一碟豬皮，水魷，牛柏業，餐單教法是雞煲食到一半時再加落鍋中入味進食！食完已經覺得半飽，這個時候竟然出現一碗下火糖水，黑糖水晶涼粉！食完雞煲不是好像平時的火鍋店直接加湯，他首先會問你要否再添食，因為雞煲是任食的！！！如果不用的話，就會收走換一個新的火鍋盤，有粟米薯仔湯或者豬骨湯選擇，但我們選了新的溫泉鍋！！！我們的主菜來了！一定要相機食先！大大一個金盆裡放了一個大冬瓜，裡面煲著椰子清雞湯！不得了！店員叫我們先飲湯，很清甜很香好好飲！飲完了就可以開始打邊爐！食溫泉鍋的方法是，海鮮和要煮熟一點的就放中間，湯是很沸騰的。丸子青菜就可以放外圈慢慢煮，很有趣！開動我們的海鮮拼

去完元朗食日本嘢，之後都仲要食晚餐，我哋就去咗打邊爐。川味木耳及川味四季豆作前菜， 川味麻麻辣辣，整得都唔錯，最可惜見到食物擺放嘅位置，就真係有啲那個，就咁放喺室溫，難搞呀。椰子雞瘦肉燉湯，好足料，熱辣辣效上枱，下火清熱。三文魚刺身，牡丹蝦刺身，赤貝刺身，帶子刺身。可加可減之選，刺身都係日本餐廳好。雞煲， 小辣。 小辣唔係唔辣，少少麻麻辣辣， 最重要喺diy，自己煮，自己食，已經夠曬好玩。黑糖冰涼粉，作為中場休息。甜甜凍凍，涼快之選。時令水果窩，好搞笑同有趣。 水果都可以咸食，又一新鮮感。海鮮拼盤，分量多，可惜我對貝殼類一般。時令蔬果，細細份，夠晒食。手切牛肉，一流。 肥瘦均勻，啖啖肉。墨魚滑，蝦滑， 普通貨色。響鈴，炸魚皮， 夠脆同新鮮， 明知道佢係返貨都好，都忍唔住食多碟。韭菜餃，雲吞，水餃， 最出色嘅 絕對係韭菜餃， 味道一流。水餃比想像中失望，冇水餃嘅感覺。芥末千島醬魚蛋， 年糕魚蛋，潮州魚蛋，貢丸。 個人欣賞芥末千島醬魚蛋， 味道咁多樣化，最重要爆炸嘅感覺完全出曬嚟。最後燕窩燉蛋白， 滋陰養顏熱辣辣拎出嚟但係燕窩很少。咁嘅價錢應該可以再食好啲， 但係味道都唔錯。

有食過倫哥嘅人都應該知道，佢嗰個Menu係豐富到冇可能食晒嘅今晚當然都唔例外，飽到上心口，超級滿足！一開波就有刺身！份量雖然唔係好多，但就樣樣都有啲。最好食係甜蝦食完生冷野就有盅足料老火湯，飲完成個人即刻暖哂！之後雞煲就出現了！一上枱已經聞到好香嘅味道，侍應仲會幫你搞下煮下。再落埋一啲配料煮熟個雞煲就食得，好香好夠味！豬皮非常之吸味，吸收左雞煲嘅精華，好正！食完雞煲已經飽咗一大半！但重頭戲呢個時候先出現：環球海鮮盤好有看頭樣樣海鮮都好新鮮，而且份量十足！聖子、刀貝同蜆我哋最鍾意，口感一流，味道非常鮮甜！今晚打邊爐嗰個湯底好特別，係水果窩！不過其實冇乜水果味嘅～唔使覺得奇怪～清淡少少咁囉。食完海鮮，好靚嘅牛肉就到了！牛頸脊油脂豐富，牛味濃郁，非常好味不過份量太多了，咁好味嘅牛肉我哋都食唔晒，浪費左啲火鍋仲有唔少配料，一定要留肚食手打雙滑兩款都好爽囗彈牙，手打確係好食啲好飽都要食甜品！黑糖冰涼粉少少甜，夠哂消暑，好滿足呀

素有聽聞倫哥私房菜海鮮火鍋很有質素，份量很多且用料新鮮。一直未有機會嘗試，恰巧踏足元朗，才知道他們家在這裡也有分店，決定一試。首先店員會耐性解釋雞煲可以無限refill，但一旦加湯打邊爐，就不能再加雞煲，否則要收費。聽起來真的吸引，雞煲火鍋任食還有海鮮拼盤。雞煲很入味，而且不像其他任食店般任食雞骨而沒有肉，四個人吃一煲已經有飽腹感，所以我們也沒有再添，還要留肚打邊爐嘛！另外刺身拼盤也不錯，雖然不至於鮮甜，但也對得起價錢。反而雞湯的味道濃郁，非味精的感覺，令人驚喜。在等待邊爐的同時，服務員也沒有讓你閒著，為你送上自家製涼粉讓你漱漱口再吃海鮮。海鮮拼盤方面，我們都認為海鮮真的頗出色，價廉物美，至於丸類方面，則是一般餐廳的質素，不過不失。但因為份量真的太多，我們也沒有再追點任何的配料，大家都捧著肚皮離去。這間餐廳還真是很值得推薦，未試過的朋友快去試試！