影片
更多
2018-09-05
45 浏览
今日又來到CP值勁高嘅倫哥打邊爐啦，一如既往我神早就已經book好枱，準時入場準備打邊爐餐前小食係麻辣四季豆同麻辣雲耳，味道確係一流，唔會好辣恰到好處，而且四季豆入口爽脆，果然可以開晒我嘅胃口。飲品嘅選擇十分之齊全，最緊要有我最愛嘅冬瓜茶，一連飲咗幾罐啊！跟住就到刺身上場啦，刺身嘅選擇好豐富，有成五種咁多，而且用冰鎮住，夠晒冰涼，刺身入口爽甜，分外覺得新鮮，特別要一提嘅係佢嘅帶子，入口覺得好清甜。之後就係食雞煲嘅時間啦，最緊要係啲雞竟然可以任加任食，真係覺得冇幾多間可以做到咁。雞肉好嫩滑，唔會食到有雪藏嘅味道，夠晒入味，一上枱嘅時候仲未熟曬嘅，要經過每2分鐘嘅四炒四煮先食得，打開蓋嘅時候香噴噴真係口水都流啊。食完雞煲仲未完嫁，今次輪歌主打呢一個湯底，就係椰子冬瓜雞湯，上咗枱之後要等佢滾，當佢滾嘅時候就將中間嘅嗰個雞搞爛佢，之後就飲咗啲椰子雞湯先，個湯十分之清甜，一啲味精都冇，淡淡鮮雞同椰子嘅香氣迎面而來，我連續飲咗三碗，之所以話佢冇味精係因為我飲完之後一啲都唔會好口渴，而且旁邊仲有一隻溫泉蛋，等15分鐘就食得㗎啦。牛肉顏色鮮艷，充滿香濃嘅牛味，放落個湯底滾一滾放入口，簡直係人生一大嘅享
餐前小食係麻辣四季豆同麻辣雲耳，味道確係一流，唔會好辣恰到好處，而且四季豆入口爽脆，果然可以開晒我嘅胃口。
飲品嘅選擇十分之齊全，最緊要有我最愛嘅冬瓜茶，一連飲咗幾罐啊！
跟住就到刺身上場啦，刺身嘅選擇好豐富，有成五種咁多，而且用冰鎮住，夠晒冰涼，刺身入口爽甜，分外覺得新鮮，特別要一提嘅係佢嘅帶子，入口覺得好清甜。
之後就係食雞煲嘅時間啦，最緊要係啲雞竟然可以任加任食，真係覺得冇幾多間可以做到咁。雞肉好嫩滑，唔會食到有雪藏嘅味道，夠晒入味，一上枱嘅時候仲未熟曬嘅，要經過每2分鐘嘅四炒四煮先食得，打開蓋嘅時候香噴噴真係口水都流啊。
食完雞煲仲未完嫁，今次輪歌主打呢一個湯底，就係椰子冬瓜雞湯，上咗枱之後要等佢滾，當佢滾嘅時候就將中間嘅嗰個雞搞爛佢，之後就飲咗啲椰子雞湯先，個湯十分之清甜，一啲味精都冇，淡淡鮮雞同椰子嘅香氣迎面而來，我連續飲咗三碗，之所以話佢冇味精係因為我飲完之後一啲都唔會好口渴，而且旁邊仲有一隻溫泉蛋，等15分鐘就食得㗎啦。
牛肉顏色鮮艷，充滿香濃嘅牛味，放落個湯底滾一滾放入口，簡直係人生一大嘅享受。
你一個海鮮拼盤就犀利啦，下層嘅海鮮竟然可以任加任食，我哋仲叫咗好多蝦呀⋯⋯啲海鮮好新鮮，而且啲貝類完全冇沙入口清甜，可惜我個胃有限，食唔到好多野。
你啲雲吞同麥如畫，刻劃，都真係唔可以睇小特別係佢個墨魚滑，真係真材實料，入口香濃，蝦滑爽口彈牙，清晰見到一隻一隻嘅蝦，真係食完都好令人回味。
到最後仲會有燕窩燉鮮奶，鮮奶唔會份外甜，最緊要嘅係你仲可以見到一片片嘅燕窩，雖然係甜品，但係睇得出佢嘅誠意啦。
张贴
